خاص بإستفسارات و مناقشات الفرقه الثانيه كهرباء ( جميع المواد )

طيب علي العموم انا جاني احباط !!!!!!!!!!!

واضح ان محدش عاوز يتناقش ... او الناس لسه مش ابتدت مذاكره .... او الناس بسم الله ما شاء الله مش محتاجه تتناقش ف حاجه؟؟؟؟؟؟

علي العموم هأبدأ اناا ...

بما اننا عارفين النظام بتاع سكشن الديجيتال

انا عاوز نتناقش هنا ف اي موضوع اخدناه ف الدجيتال لغاية دلؤتي

وصدقوني يا جماعه انا لغاية دلؤتي معرش الشيتات من انهي كتاب من كتاب موريس ولا كتاب digital fundamentals

فأحنا هنحاول نتناقش ف الشيتات هنــــــا أو اي موضوع ف الكورس الذيذ ده

اقتباس :

طيب بالنسبه للديجيتال ده فى حاجات فى الكتاب والشيتات الدكتور متكلمش عليها تبقى معانا ولا لا

اه فعلا كان فيه حجات بيعديها الدكتور و معتقدتش انها تبعنا و الا كان اتكلم عنها

اقتباس :

وبالنسبه للشتات بعد كلام الدكتور كده يبقى مفيش شيت محدد نحل منه المفروض ان احنا نحل اى مساله نقابلها

بالظبط كده يا بشمهندسه

وحضرتك اكيد كنتي حاضره ف سكشن النهارده و اكيد فهمتي الدننيا هتبقي ماشيه ازاي ف السكشن

فأحنا هنحاول نساعد نفسنا بنفسنا هنا

بالنسبه لكتاب fundamental , design وحلول الديزاين انا نزلته عند جينا و ابراهيم

انا ممكن اعرف في الماشين اداكر مسايل بس زي ما قال الدكتور ولا اداكر نظري و مسايل لانه صراحه الدكتور ده صراحه ولا ليه امان لانه كلامه غير امتحاناته
ولما تيجي تداكر داكر النظري داكر المحاضرات ومن الكتاب fundamental
اما الامثله من الكتابين +امتله المحاضرات
الشيتاتمن كتاب ديزاين

اليكتراا كتب:

السلام عليكم

احييك يا بشمهندس علي الفكرة الممتازة دي
وعندي كام سؤال كدة عن الديجتال
في الفصل الاول في الديجيتال الحاجات اللي قال عليها الدكتور نزاكرها لوحدنا
في حاجات صعبة كتير اوي زي الascii,gray code وحاجة تالتة كدة مش فاكرة اسمها
فانا عايزة اعرف الحاجات دي علينا ولا لا وبالنسبة للشيت في مسائل بتتكلم عن حاجات غريبة الدكتور ماقالهاش زي 9s complement
اخر سؤال بقا عن الكتاب احنا لغاية دلوقتي لسة ماتلمناش علي كتاب الديجتال وبنزاكر من المحاضرات واللي عرفتو ان كتاب design شرحه مش مفهوم زي كتابfundemental فلو فيه حد معاه الكتاب او يقدر ينزلو في المكتبة نصور منو كلنا يبقي كسب فينا ثواب

و الله يا بشمهندسه انا زي زيك مفهمتش الجزء ده


بس انا لحظت ان الدكتور ف اي شبتر فيه حجات بيسيبها يعني مش بيدي الشبتر كله

فأنا فكرت اني هاروح اسأله اي بالظبط الجزء ايلي علينا من ايلي سابه ف أول محاضره

بالنسبه لل complement للأعداد : فيه قانون عام بنجيب بيه المكمل لأي عدد من اي نظام
X =( R ^ n) - N
و القانون ده اسمه المكمل للأساس يعني لو العدد ثنائي يبقي بجيب بيه المكمل الثاني , لو العدد بالنظام العشري بجيب بيه المكمل العاشر

X : هو العدد بعد التحويل
N : العدد ايلي هيتحول
n : ده عدد digits ايلي ف العدد ( عدد الأعداد الصحيح بس يعني مثلا N = 320.65 تبقي n = 3 )
R : ده اساس العدد ( ثنائي - عشري - ثماني - ............. )

مثال : معانا العدد N = 193.32 وعاوزين نحوله للمكمل 10

X = (10 ^3) - 193.32
X = 806.68

بالنسبه للمكمل للأساس الأصغر ( يعني لو العدد بالنظام الثنائي يبقي المكمل الأول , لو بالنظام العشري يبقي المكمل التاسع )

القانون هو : X = ( R ^ n ) - N - R ^ -m

و الرموز هي هي ما عدا :

m : عدد الكسور ( N = 546.687 يبقي m = 3 )

بس كده

ولو فيه حاجه مش واضحه انا ف الخدمه

بالنسبه للكتاب لغاية دلؤتي الكتاب ايلي بيشرح منه الدكتور هو كتاب digital fundamentals

اما كتاب digital design فده ايلي منه الشيتات ولو ان الدكتور قال مفيش شيتات بعد كده

الطائر الجريح كتب:

انا ممكن اعرف في الماشين اداكر مسايل بس زي ما قال الدكتور ولا اداكر نظري و مسايل لانه صراحه الدكتور ده صراحه ولا ليه امان لانه كلامه غير امتحاناته
ولما تيجي تداكر داكر النظري داكر المحاضرات ومن الكتاب fundamental
اما الامثله من الكتابين +امتله المحاضرات
الشيتاتمن كتاب ديزاين

اليكتراا كتب:

اما بالنسبة للماشيين يابشمهندسة فانتي لازم تذاكري النظري الاول وبعدين تحلي المسائل لانها مش هاتتفهم او هاتتحل الا لو فهمتي النظري الاول

تمام كده زي ما قالتلك البشمهندسه اليكتراا


النظري بتاعها ( معظمه ) مرتبط بحلك المسائل يعني مثلا مسائل dc generator مش هتعرفي تحليها غير لما ترسمي الدايره المكافاه للمسأله ( shunt - Series compound )

وكمان فيه حاجه مهمه

النظري هتحتاجيه ف امتحان التست سواء ف الماشيين او الديجيتال عشان كده مش معني ان الدكتور قال ان الامتحان مسائل يبقي نهمل النظري