جبتوا المرارة للريس

أدعو للرئيس كما أدعو لكل إنسان بالشفاء وطولة العمر، لا أعتقد أنني قد أدعو علي شخص يوما ما أن يبتليه الله بالمرض؛ فهي دعوة قاسية ولا يصلح معها الهزار، هذا يقيني خاصة بعد أن رأيت بعيني زوجة البواب تدعو علي جاري الضابط المفتري الذي لطش ابنها بالقلم أمامي حتي سال الدم من فمه قائلة: (ربنا يهدك.. روح يا شيخ إلهي يوقع اللقمة من حنكك)، أصيب بعدها الرجل بشلل جعله يعيش شهورا طويلة علي المحاليل إلي أن رجونا
الست جميعًا أن تسامحه فقالت خلاص مسامحاه وكان أن رحمه الله بعدها ب

جبتوا المرارة للريس، بأعدادكم التي تتزايد كل يوم دون أدني شعور بالمسئولية (الراجل هيجيبوا لكم منين) لقد بح صوته وهو يطالبكم بالسيطرة وضبط النفس لكن ظهور اختراع الفياجرا هدم كل محاولاته، يبذل الرجل مجهودات خرافية ليؤمن لكم لقمة العيش وياريت عاجب.. ألا كل يوم اعتصامات وإضرابات واحتجاجات وإحراج علي الهوا (المنحة ياريس)، حتي يوم منحنا علاوة عالية نسيتوها وتذكرتوا أن الأسعار ارتفعت في اليوم التالي كنموذج للزوجة ناكرة الجميل. شكاوي لا تنتهي من الفساد ومن العلاج والتعليم والبيئة وقانون الطوارئ والأنابيب وضغط متواصل علي الرجل دون أن يقدر أحد أنه في النهاية بني آدم مثلنا وليس سبايدرمان. تطالبون بالتغيير وأنه كفاية، وهو أمر جارح (إذا كان ميدو مااستحملش نفسيًا إن حسن شحاتة يغيره في نص الماتش إزاي هيستحملها هو بعد العشرة دي كلها، صحيح أنه لما ميدو خرج نزل عمرو زكي وجاب هدف الفوز... بس ده مش موضوعنا)، حتي عندما
ظهر ابنه في الصورة هاجمتوه وهاجم الجميع التوريث مع إن البلد كله قايم عليه، يكفي أن تنظر للافتة أي طبيب كبير لتجد تحتها لافتة تحمل اسم ابنه وهكذا هو الحال في كل مجال بداية من المحاماة مرورا بالعطارة نهاية بالنقاشة (جات علي الرئاسة وبقت كخة؟!)، لم يعترف أحد بفضله إلا بعد أن فاز المنتخب ببطولة الأمم وهتفتوا «إن المنتخب كويس زي ما قال الريس»، لكن بعض الخبثاء طالبوا الرئيس بأن يقول علي أي شيء آخر إنه كويس (هو بالعافية يعني؟... طب ده منتخب الساجدين.. غير كده مافيش حد في اللي مسيطرين علي البلد بيركعها).

شعب يفقع المرارة ..لم يحذر أحد الرئيس قبل أن يتولي مسئوليتنا، ولولا أن الرئيس رياضي بطبعه ولاعب اسكواش ولا يدخن ولا يسهر لحدث ما لا يحمد عقباه، حمدا لله أنها جات علي قد المرارة، فشعبنا مرهق ويمرض، سعد زغلول طلب البخاخة وهو علي فراش الموت وأخذ جرعة وابتسم قائلاً: (مافيش فايدة) ثم مات، الملك فاروق ضغط الشعب عليه حتي أصابه بخلل في الهرمونات جعله يحيط نفسه بالنساء بينما هو مالوش فيها، عبدالناصر أصيب بالسكر وكان يوماتي علي الله يفتح عينيه الصبح علي جلطة في ذراعه أو ساقه، أما السادات فقد وصل إلي مرحلة الزهق من هذا الشعب فاستبيع تماما وقرر ألا يرتدي القميص الواقي ضد الرصاص لكنه قبلها كان قد اختار لحكم البلد واحد عنده صحة.
عمر طاهر الدستور

دة هو دة الهزار بعينه ورجله وايده كمان
ربنا يشفى

مع احترامي لوجهة نظرك
بس اللي حصل للريس دا راجع عامل السن

مقالة من نوع خاص
مش عارفة ازاي نزلت في الدستور وهل صاحبها لسة موجود ولا راح ورا الشمس جبتوا المرارة للريس 778533

بس كفاية اني سمعت كذا مرة من الناس تعليق علي عملية الرئيس دي
"هيشيل المرارة!! ليه هو كان لسة ما شالهاش؟؟؟!!!!"

وأخيرا يااااااارب ييجي عمرو زكي بعد ما يمشي ميدو
عشان يدخل جون .. وتكسب مصر
بس المرة دي مش في الكورة

وعود أحمد يا بشمهندس أسامة
وشكرا علي الموضوع

ياجماعة ده كاتب ساخر ساخر ســــــــــــــــــــــاخر, فى حد ميعرفش عمر طاهر
عموما شكرا للمرور من الجميع واضم صوتى لصوت PRINCESSوأخيرا يااااااارب ييجي عمرو زكي بعد ما يمشي ميدو
عشان يدخل جون .. وتكسب مصر
بس المرة دي مش في الكورة

الموضوع فعلا غاية فى الروعة بس يعنى الأسلوب نقد مدارى شوية ولكن أحييه على الطريقة

دى والكلام اللى يمكن مقنع بس للى مشافوش وعاصروا مصر.

شكرا يا بشمهندس أسامه على الموضوع

والله الموفق

المقال حلو جدا ودايما عمر طاهر بيتحفنا باسلوبه الساخر الرائع ده خصوصا ف كتابه الاخير رصف مصر
وشكرا يا باشمهندس اسامه ع المقال

بصراحة موضوع جامد يا اسامة

موضوع رائع

عندك حق يا بشمهندس
بس من اللي يسمع

تصدق مقال جااااااااااااااااامد جدا بدرجة ممتاز

بس أنا عندى تعليق صغير هوا أحنا معندناش دكاتره عشان يطلع يعمل عمليه زى دى بره

tab welsha3ab meen yeshel mararto

هو موضوع فعلا جيد
بس يزهر انك متاسر بموضوع جارك اللى ضرب ابن البواب
بس القضية مش كدة
القضية اكبر من كدة
وموضوع ان البلد كل يوم فى تزايد دا مش مبرر
وارجع واقول عند المرض لالالالالالالالالا كلام
ربنا يشفى كل مريض
ومش هو لوحدة اللى جاتلة المرارة

موضوع جميل وبعد اذن الجميع ,,,, ينقل للقسم المناسب !!