تقيمك أمانه

تقيمك أمانه

السلام عليكم ورحمة الله وبركاته

إخواني وأخواتي أعضاء منتدانا الحبيب

لفت نظري منذ فترة طويلة موضوع يحدث في المنتدى وهو ما أطلقت عليه حرب التقييمات السلبية
حيث يقوم بعض الأعضاء باستخدام خاصية التقييم في تصفية حساباته مع احد الأعضاء
ولمن يفعل ذلك اسمح لي أن أقول لك انك جبان لان من يريد أن يواجه احد فليواجهه وجها لوجه
أما استخدام التقييم السالب من دون معرفة من الذي يقوم بذلك فهو نوع من الجبن وضعف الشخصية

نأتي للموضوع الأهم وهو استخدام التقييم نفسه مثل هذا الاستخدام

التقييم هو صوتك الذي تقر به الحق وهو أمانة ستحاسب عليها
ومن يتهاون في استخدام هذا التقييم الآن سيتهاون به عندما يطلب منه في أشياء أكثر أهمية وحيوية
فمن اعتاد أن يقيم علي أساس تصفية الحسابات الشخصية سيظل يقيم علي هذا الأساس
فيمنع الحق عن من يستحق ويعطيه لمن لا يستحق

هذه الخاصية وضعت من اجل أن تعبر عن رأيك بناءً علي قيمة الموضوع وعلي ما جاء فيه
وليس لتصفي حسابات شخصيه لا تملك الجرأة لكي تصفيها وجها لوجه

لذا رجاءً اعلم دائماً انك لن تؤمن حتى تحب لأخيك ما تحب لنفسك وتكره لأخيك ما تكره لنفسك
فمن كان يسره أن يري مثل هذه التقييمات السلبية في مواضيعه فليفعل ما يشاء
ومن كان لا يحبها لنفسه فلا يؤذي بها أخيه

فإنها ولو كانت في نظر البعض ليست ذات أهميه
إلا أنها وبلا شك تترك أثرا سيئاً في نفس من يجدها في مواضيعه

ورجاءً اعلم أن تقيمك أمانه وسوف تحاسب عليها
ولست أمنعك من استخدام هذه الخاصية ولكن استخدمها بحقها
أعطي ما شئت من تقييمات سالبه للمواضيع التي تستحق أن تأخذ مثل هذه التقييمات
وان كنت افضل أن تناقش ذلك من خلال ردودك علي صاحب الموضوع وتعبر عن رأيك
أفضل لك وللجميع

اعتذر بشده عن الإطاله في الحديث

واسأل الله لي ولكم الهداية

والله الموفق والمستعان

شكرا بنت مصر علي تنويهك

وفعلا انا اخر مره تقيماتي كانت 52 ومره واحده لقتها 20

علي العموم انا مش بتهمني حكاية التقييمات دي

اهم حاجه عندي ان موضوعي يفيد الناس وبعد كده مليش دعوه بالناس التانيه

بس فعلا هي زي ما حضرتك قولتي " أمانه "

وايلي هيتهاون ف استخدامها دلؤتي هيتهاون معاها كمان لما يكبر و يمسك منصب يقييم فيه عمال اصغر منه

مشكوووره يا سيادة المراقب علي الموضوع

جزاكى الله كل خيييييير
بس فى رايى محدش ينتظر تقييم من حد
لان مهما الواحد يعمل مش هيعجب اللى حوليه
لكن اكيد التقييم بيدى مؤشر جيد لانطباع الناس حوليك
بس للاسف بيستخدموه غلط ذى ماقلتى حضرتك كدة

أنا كنت أتكلمت كتير فيه الموضوع دا

بالفعل حاجه ممله بقت وكنت بتضايق خالص منها ف الأول بس دلوقتى خلاص خدت على كدا
وكمان أتعودت على انى لما ألاقى تقييم سالب ف غير محله بعوض صاحبه مرتين عشان دا حرام وبيظلم صاحب الموضوع وعلى سبيل المقال موضوع العشرى بتاع البرداعى الراجل واخد تقييم سالب ممكن حد يقولى ليه؟؟
بلاااااااااااااااش دا
موضوع كورد القديم بتاع البشمهندسه شيماء واخد تقييمات سالب كتير ممكن حد يقولى ليه ؟؟
وبلاش دا كمان
البشمهندس أسماعيل واخد تقييم سالب ف برنامج حد يقول لييييييييييه؟؟

لا والموضه اللى طالعه جديد الواحد لو مش بيحب حد يفضل يديله تقيمات سالب حتى لو كان كاتب ف الموضوع( مكرر) بس.

وكمان اللى يعمل بروفيل تاانى ويقوم مضبط نفسه لو كح ف موضوع ياخد تقيم موجب قبل وبعد الكحه.

بجد بقت حاجه وحشه خالص وياريت التقييم يبقى ع الموضوع بنظام النجوم .

أو يتلغى خالص .

شكرا بنت مصر ع الموضوع المهم دا

جزاك الله خيرا عن هذا الموضوع وانا فعلا اؤيدك الراى
ولكن فى حاجة يمكن معظم الناس تلاحظها
ان المنتدى ده اصبح مرتع للناس المهمشين فى الكلية اصحاب الشخصيات الضعيفة _مع كامل اعتذارى للناس المحترمة الموجوده فى المنتدى_ وكله عاوز يفرد شخصياته
وكمان زى ما قال احمد خالد على حوار الناس اللى عاملله بروفايلين
فى بعض الشخصيات عامله بروفايلات واحد باسم ولد والتانى باسم بنت
وانا هسكت على كده عشان الناس هتزعل منى لو قلت اللى عندى
واللى على راسه بطحة يحسس عليها

السلام عليكم

فى البداية أحب أشكرك أختى بنت مصر على هذا الموضوع الرائع والهام

وبالفعل يوجد قلة من البعض الغير مسؤل تمام عن أفعالة ويلهو كالأطفال بما لا يفهم ويعى

فى أمور التقييم تلك وطبعا أنا كنت نوهت قبل كده بإن من يثبت عليه تهمة التلاعب تلك

سيتم طردة فورا وأنا أكرر ذلك مرة ثانية بأنه من يتم معرفة ذلك عنه سيتم طردة فورا دون

نقاش لأن لا مجال للهو واللعب هنا وكما ذكرت ام عبد الله أن هذا التقييم أمانة وحافز للأعضاء

للمواصلة فى النشاط بالمنتدى وهكذا.

ويا ريت أى حد متضرر من ذلك يقولى فى رسالة وإن شاء الله سيتم تعويضة عن التقييمات

السالبة التى سيحصل عليها دون حق أو جزافا.

شكرا ليكى مرة تانية يا سيادة المراقبة

والله الموفق

ياعم ماهي ماعدتش تفرق سينا من سونيا

المشكله انه اللي بيعمل الحركات العبيطه دي....حد مفروض انه بيقولوا عليه هنا ..هنا بس..انه مش بتاع الحركات دي يعني....

والمشكله اني اول ما دخلت عالموضوع....

ههههههههههه

معلش انا ضحكت بجد...

لقيت انه كل اللي ردوا....واخدين سالب...

عموما....التقييمات دي مالهاش اي لزمه مادام الحكايه كده...

في البدايه اشكر كل الي رد في الموضوع
انما للاسف الي حصل في الموضوع ده مالوش غير معني واحد
مافيش فايده
والظاهر الواحد بيأذن في مالطه
وبكده فعلا ياريت تتلغي الخاصيه دي
مادام احنا لسه لم ننضج بالقدر الكافي الي يخلينا نعرف نعبر عن رأينا صح