يابشمهندسين هندسة اسوان ...افيقوا من غفلتكم وتيقظوا من نومكم

بسم الله
الموضوع اللى هتكلم فيه انهرده هو موضوع مش جديد وهو المواضيع التافهه اللى كترت على المنتدى زيادة عن اللزوم واما بدخل والاقي اخر مساهمات بلاقي عبارة عن ردود ناس من بره الكلية دخلت وردت على المواضيع الهندسية ومش شايف حد من بتوع كليتنا عامل اي حاجه تذكر في اقسام الكلية خالص غير كام واحد على الرغم ان عدد المشتركين بسم الله ماشاء الله مش قليل فانا مش عارف هو الناس عندنا دماغها فين بالظبط هو الناس حاسه انها في هندسة وانها في مدة خمس سنين بتجهز نفسها عشان تتخرج وتخرج تنافس سوق العمل بره ؟؟؟؟انا حاسس ان الناس بتعمل عكس كده خالص حاسس ان الخمس سنين بالنسبه لهم فترة نقاهه وانا ومش عارف هنفوق امتى وتحس ان سوق العمل بره كل الشغل فيه بشرااااااااسة ووعيك في برامج الكمبيوتر وتزويد معلومات هو اللى بيميزك عن غيرك انت كمهندس لازم يبقى معرفتك كبيرة وغزيرة عشان كم المشكلات بره في سوق العمل كتيرة وكبيرة فلو سعادتك طالع ابيض هتبوظ الدنيا فياريت الناس تفوق وتهتم انها تستفيد من المنتدى وتنمى قدراتها كمهندسين تقدر تواجه صراع سوق العمل بره وطول ماحنا دماغنا مالينه حاجات فاضية كتير كده عمرنا ماهننفع ياريت نقلل المواضيع العبيطة الى مالهاش لزمه ونركز في مستقبلنا ومستقبل امتنا اللى كل مرة في انحدار والغرب بيتقدم عننا بسرعة الصاروخ

شكرا يا مصطفي علي الموضوع

بس احنا اتكلمنا اكتر من مره ف الموضوع ده وانت اكيد عارف النتيجه كانت ازاي؟؟؟؟؟؟؟؟؟؟؟؟؟؟؟

واكيد كل واحد عارف مصلحته فين ومحدش بيقول لحد انت مصلحتك فين و تدور عليه ازاي

علي العموم ربنا يوفق الجميع

Eng_HOSSAM كتب:: شكرا يا مصطفي علي الموضوع

بس احنا اتكلمنا اكتر من مره ف الموضوع ده وانت اكيد عارف النتيجه كانت ازاي؟؟؟؟؟؟؟؟؟؟؟؟؟؟؟

واكيد كل واحد عارف مصلحته فين ومحش بيقول لحد انت مصلحتك فين و تدور عليه ازاي

علي العموم ربنا يوفق الجميع

اظاهر انه لازم يحصل حبة تغيرات في المنتدى مدام الكلام لا حياة لمن تنادي

بسم الله الرحمن الرحيم

كلامك صح يابشمهندس وانا بما انى خريجة جديدة وشوفت الحياة ماشية ازاى ؛ الناس برة بتدور على الخبرة واللي واخد كورسات E وكمبيوتر وعنده خبرة بالبرامج ولذلك بانصح الطلبة والخريجين بالاستفادة باقصي درجة من المنتدي واقسامه العلمية

والله يابشمهندس نزلت موضوع من زمااااااااااااااااااااااااااااااااااان عالموضوع ده..

وحتي المشرفين بتوع الاقسم دي مش تفاعلوا...الا القليل...

ممكن كانوا نايمين ساعتها

هتقول ايه بقي

عموما ربنا يسهل

Eng Assad كتب:: والله يابشمهندس نزلت موضوع من زمااااااااااااااااااااااااااااااااااان عالموضوع ده..

وحتي المشرفين بتوع الاقسم دي مش تفاعلوا...الا القليل...

ممكن كانوا نايمين ساعتها

هتقول ايه بقي

عموما ربنا يسهل

البشمهندس ابراهيم الاسد بما انك فتحت ذلك الموضوع سابقا
ارجو ان توضح لنا عدد مساهماتك من موضوعات ومشاركات في قسم كهربه وعلى حد علمي انك من ابناء ذلك القسم

فعلا يا جودز لازم نصحح الخطى وانا اولا بعترف اني يعتبر مافدتش المنتدى في حاجة بس انا فعلا عايز افيد الناس واستفيد وياريت نحدد خطى هادفة للمنتدى والابتعاد عن المواضيع التافهة والمبتذلة والانبتعد عن الهدف الاساسي لنا

محمد الجزار كتب:: فعلا يا جودز لازم نصحح الخطى وانا اولا بعترف اني يعتبر مافدتش المنتدى في حاجة بس انا فعلا عايز افيد الناس واستفيد وياريت نحدد خطى هادفة للمنتدى والابتعاد عن المواضيع التافهة والمبتذلة والانبتعد عن الهدف الاساسي لنا

ياريت يامحمد لو عندك مقترحات اتفضل بيها او فكر وخلي الموضوع في بالك ونرجو ان تفيدنا وتستفيد ايضا

السلام عليكم ورحمة الله وبركاته
بصراحة جايزانا مباشاركش كتير في وحتى لما بشارك مبحبش ادخل في الخلافات الموجودة والأقسام الترفيهية وبحب دايما اشارك بحاجة تكون علمية شوية
لكن بجد الموضوع بقي بيضايق كتر الكلام في الموضوع ده بدون استجابة ولا زال الحال على ماهو عليه
واسمحولي يعني أشارك برأيي في الموضوع ده
احنا ممكن نخلي كل الأقسام الترفيهية في المنتدى عبارة عن قسم واحد تحت بند قسم الترفيه ويبقى داخل فيه الشعر والنكت وكل حاجة ترفيهية
ويبقى المنتدى يحتوي على قسم ترفيهي وقسم إسلامي والباقي اقسام هندسية وبكدة هنعرف نحصر المواضيع اللي بتتحط في الناحية الترفيهية وهيبقى ليها مشرف واحد أو اتنين يقدروا يتحكموا في المواضيع اللي بتتحط
بارك الله فيكم والسلام

السلام عليكم ورحمة الله

انا عضوه جديده بالمنتدي الحقيقيه بس استفدت كتير من المواضيع علميه هنا خاصة المتعلقه بالمساحه والخرائط

بجد ياريت الاهتمام كمان يزيد شويه لان كتير من الناس بتستفاد منه وبلاش من المواضيع المتكرره في كل المنتديات والتي لاتضر ولاتنفع

علي فكره انا مش تابعه لهندسة اسوان او خريجه منها بس الحقيقه في مواضيع افادتني كتير في المنتدي . ارجو تقبل رأيي المتواضع

جزاكم الله كل خير علي جهودكم.

enfelak كتب:: السلام عليكم ورحمة الله وبركاته
بصراحة جايزانا مباشاركش كتير في وحتى لما بشارك مبحبش ادخل في الخلافات الموجودة والأقسام الترفيهية وبحب دايما اشارك بحاجة تكون علمية شوية
لكن بجد الموضوع بقي بيضايق كتر الكلام في الموضوع ده بدون استجابة ولا زال الحال على ماهو عليه
واسمحولي يعني أشارك برأيي في الموضوع ده
احنا ممكن نخلي كل الأقسام الترفيهية في المنتدى عبارة عن قسم واحد تحت بند قسم الترفيه ويبقى داخل فيه الشعر والنكت وكل حاجة ترفيهية
ويبقى المنتدى يحتوي على قسم ترفيهي وقسم إسلامي والباقي اقسام هندسية وبكدة هنعرف نحصر المواضيع اللي بتتحط في الناحية الترفيهية وهيبقى ليها مشرف واحد أو اتنين يقدروا يتحكموا في المواضيع اللي بتتحط
بارك الله فيكم والسلام

اقتراحك ممتاز يامحمد
وهنناقشه مع الادارة ان شاء الله والمشرفين

lolaa fahmy كتب:: السلام عليكم ورحمة الله

انا عضوه جديده بالمنتدي الحقيقيه بس استفدت كتير من المواضيع علميه هنا خاصة المتعلقه بالمساحه والخرائط

بجد ياريت الاهتمام كمان يزيد شويه لان كتير من الناس بتستفاد منه وبلاش من المواضيع المتكرره في كل المنتديات والتي لاتضر ولاتنفع

علي فكره انا مش تابعه لهندسة اسوان او خريجه منها بس الحقيقه في مواضيع افادتني كتير في المنتدي . ارجو تقبل رأيي المتواضع

جزاكم الله كل خير علي جهودكم.

كلام حضرتك اعطانا حافز اكتر للتغير وان شاء الله نقدر نفيد امتنا العربية والاسلامية جميعا بأذن الله

شوف يا جودز مع احترامي الشديد لتقسيم المنتدى الا ان كثير من الاقسام تحوي الامور التافهة ومن عنوانها اصلا يعني ياريت يبقى فيه قسم رياضة واحد مش محتاجين عالمي وعربي وشطرنج وينزل الخبر مختصر مش محتاجين ضياع للوقت اما بالنسبة لدنيا الترفيه انا مش شايف ان في فايدة من اللعب يعني ممكن يتحذف وياريت توحدوا الاقسام زي البيت بيتك وعلى المصطبة ممكن نعمل قسم نسميه على الكنبة متهيألي احسن ومعاهم كمان حول العالم وقسم الجرايد بردهيعني ده مثال لبعض الاجزاء اللي محتاجين نعدلها ثم انا كان ليا طلب عند كتابة موضوع معين ياريت يعني نحاول نقرأ كويس وبعدين بدل من كلمة شكرا على الفاضي والمليان ياريت نحدد نقط معينة للنقاش والنقد واقترح ايضا حذف المواضيع التافهة اللي بتنزل وعشان الناس متزعلش ياريت قبل الحذف كما يحدث مباشرة محادثة كاتب الموضوع وتعريفه وجهة النظر ثم بعد الاقناع بالرأي يتم الحذف بدل من سياسة الامر الواقع والجمود الموجودة في المنتدى بس انا كنت عايز اقول دي مقترحاتي لكم ان تأخذوها او لا فلست متحكما في امر المنتدي انما ابدي وجهة نظر

بعد أذن الجميع ,,,, ينقل للقسم المناسب !!

» هو منتدانا _ منتدى هندسة اسوان ولا هندسة حلوان ؟؟؟
» مش هيه دي هندسة اسوان
» ماساه هندسة اسوان
» سينما هندسة اسوان
» هدية الى خريجين هندسة اسوان