هاشجع الجزاير في كاس العالم

انا اسف ممكن ناس تتضايق مالموضوع
بس انا حابب اقول حاجة مهمة جدا احنا ظلمنا الجزائريين
مش عشان احنا ضربناهم او هاجمناهم ده ما حصلش طبعا
انا قصدي انه الاساءات اللي حصلت من بعض وسائل الاعلام
الجزائرية ماكنش لازم ابدا ان احنا ننساق وراها
احنا اتعاملنا مع المهاترات دي بعبط
اولا احنا اللي من بداية القرعة وسائل اعلامنا قالت مصر في كأس العالم ودي فيها احتقار كبير للمنافسين
وكمان لاعب كرة محترم عبد الظاهر السقا قبل المباراة الأولى قال في البيت بيتك كلام لايصدر
من لاعب في حجمه قال ازاي تقارنوا مصر والجزائر ما ينفعش
واحد ممكن يقول طب يعني الجزائر ما حتقرتناش هقوله طبعا ده حصل بس كان الموضوع لازم يتدارى
او يتلم
قال رسول الله (ص) "الفتنة نائمة لعن الله من أيقظها"
لأنه زي ماتضح لمعظم الناس ان جرنال زي الشروق له اهداف معينة اهمها عزل الشعب الجزائري
عن محيطه العربي واللي حصل في مباراة مصر مجرد حلقة من سياساته
شعب الجزاير للأسف بيواجه مشكلة خطيرة في طمس معالم وهوية هذا الشعب
بداية من محاولة محو اللغة العربيية تماما من هذا الشعب واحلال لغات مثل الفرنسية
والآمازيغية ولمن لايعرف اللغة الأمازيغية لغة فيها شوية كلمات "عبرية" !!
احنا كان لازم نتعامل مع الموضوع بحكمة شوية في ناس كتير اوي اوي عاقلين
وطيبين في الشعب الجزائري بس للأسف مش بيبانوا او بمعنى اصح مبيقدروش يبانوا
وانا زوجة ابن عمي جزائرية وعلى فكرة طيبة جدا وتعرف ربنا جدا
الجزاير شعب عظيم له تاريخ كفاحي كبير واحنا كمان شعب عظيم وعظيم جدا جدا كمان
لذلك ارجو لو حصلت اي حاجة هنا او هنا ان احنا ماننساقش وراها
ونعدي لأنه في النهاية مالناش غير بعض

رجاءا الدخول ومشاهدة المقاطع

https://www.youtube.com/watch?v=gervKI9V9vY&feature=related

https://www.youtube.com/watch?v=OUJtLGygONA&feature=related

الموضوع مش موضوع ماتش كوره
شمال افريقيا بتكره مصر و محدش يقدر يقول غير كده
واللي يكرهنا مش هنقعد نتلزق و نقول اخوات و احنا الاحسن
الشعب البربري بيقولوعلي مصر مصرائيل و بيقولو علينا كفار و احنا اللي سبب في حرب فلسطين
و مصر بلد الرقاصات و العاهرات و نرجع نقول دول حبيابنا

الناس بتقول ان الجزائر حاربت معانا شكرا ليهم بس ده كان من جدودهم مش من الجيل الحالي
و هم عايزين يبقو فرنسيين يعني مش بيعترفو بالعرب
واللي حصل في السودان تخيل لو انك كنت هناك و حصل فيك ده ياتري كنت هتقول هشجع الجزائر
اقل حاجه كنت هتشتم فيهم

لو انا عدو في نظرهم يبقي هم اعداء في نظري و البادي اظلم

اللي انا عاوز اوصلو ان احنا الأمثلة اللي ببتكلم عليها
دي هيا للأسف اللي واصلة لنا اما بالنسبة لموضوع التلزيق
لأ انا مش قصدي ان احنا نتلزق وزي مافي ناس بتتكلم وبتقول
مصرائيل في ناس على منتديات بيشكروا في مصر واحنا مش
قليلين انما لازم تبقى في حاجة تربطنا اسمها الاسلام
الجزائر فيها الوحش بس ده مايخليناش نرمي الكويس
وياسيدي اللي عاوز يبقى فرنسي انتا ساعده وامنعه
يعني لو اخوك قالك هرمي نفسي فالبحر هتقوله اتفضل وانا اعملك ايه
واحنا ان شاء الله مش اعداء في نظرهم يابشمهندس وشكرا

__________________________________________________________

انا لا ولن اشجع الجزائر في الكورة ما حييت

ياريت لو حد في قلبه حاجة من ناحية الجزاير يشوف الرابطين دول

https://www.youtube.com/watch?v=gervKI9V9vY&feature=related

https://www.youtube.com/watch?v=OUJtLGygONA&feature=related

يا باشا لو انت كنت في السودان و شوفت اللي حصل مكانش هيبقي ده كلامك
انت بتقول كلام ده عشان مشوفتش اللي حصل هناك حط نفسك مكان ناس دي
اخوك مش هيغدر بيك و يتفق عليك
انت لو واحد غلط فيك مش هتسيب حقك و ده اللي حصل

اولا انا بدعو حضرتك انك تشوف الفيديو من خلال الرابط
اللي في التعليق السابق

ثانيا انا ماعرفش حقيقة اللي حصل في السودان كويس واذا دا كان حصل
طبعا مرفوض تماما وانا مأنكرش اني ايامها كنت بغلي نار بس بعد مالأمور هدت
لازم نقييم الموقف كويس لأننا تربطنا بيهم علاقة دييييييييين
يعني ماينفعش نقول ان ال35مليون جزائري كانوا في السودان وهما اللي عملوا كدا
لأ دي فئة لا تعبر ابدا الا عن نفسها "بإيعاز حكومي".

ثالثا مش لازم كل واحد يقول شوف دا عمل فيا ايه لأن كده دي هتبقى قصة
مملة احنا نقول ضربونا في السودان وهما الجرنال بتاعهم قالهم المصريين
فتحوا راس لاعيبتهم والاشاعة وعدم نفيها لابالشكل الملائم بتاعة الجزائري اللي مات في مصر
كل واحد شايف انه اتظلم واكرر الدعوة لحضرتك انك تشاهد الفيديو

انا مع احتراااامي الشديد ليك يا أحمد وللموضوووع
انا لن اشجع منتخب الجزائر الحقير في كأس العالم ولو حتى كانت بتلعب ضد منتخب اسرائيل
يا جماعه احنا عيبنا اننا طيبين وبننسا بسرعه اللي بيتعمل فينا

والله انتا حر بس انا لو مكانك افكر الف مرة قبل ما اعمل كده

حنا عطلنا فرحتهم 4 ايام هما عطلو فرحتنا اربع سنين

أنا حشجع الجزاير

*******************************************

لو واحد جزائري كان اضرب في مصر كان المصريين ضربو اللي العاهره بتاعت الاستاد اللي كل شافها

ولا كان ضربو اللي كانو بيقلعو في الشارع

اقتباس :: اولا انا بدعو حضرتك انك تشوف الفيديو من خلال الرابط
اللي في التعليق السابق

شوفتو يا باشا

اقتباس :: يعني ماينفعش نقول ان ال35مليون جزائري كانوا في السودان وهما اللي عملوا كدا
لأ دي فئة لا تعبر ابدا الا عن نفسها "بإيعاز حكومي".

اللي مكانش في السودان ضرب المصريين في الجزائر ز كسر الشركات المصرييه
مش عشان نسبه صغيره تعرف ربنا نسامحهم

السلام عليكم

والله أنا بشكر فيك روح الإقدام والمبادرة الحسنة اللى موجودة بس فى كتير من المصريين ولكن

أنا هلخصلك الحكاية فى موقف عن نبينا صلى الله عليه وسلم عندما أتاه وحشى بن حرب الذى

قتل عمه وأراده أن يسامحه بعد أنا تاب الله عليه ولسمو أخلاق النبى سامحه ولكن قال له لا

أريد أن أراك لأنى كلما أراك أتذكر عمى الشهيد "وده فيما معناه يعنى" ، والجزائر قتلوا حلم

80 مليون مواطن بالإضافة إلى أنهم مثلوا بقتلاهم قولا وفعلا لذلك إن طلبت العفو عنهم

ومسامحتهم فلا ضير من ذلك سنسامحهم لأن الشعب المصرى طيب وشيمة الكرام العفو

إنما تصل الدرجة لتشجيعهم فده غير مقبول بالمرة وأنا أوقن تماما إننا لو شجعناهم هيقولوا

وأنتوا مالكوا أكيد عاوزين حاجة مننا !!

لذلك أنا لا أؤيد موضوع التشجيع ده وربنا يسهلها عليهم ويفتحها فى وشهم بس بعيد عننا

بقى وفى مواضيع كتير تانية أهم من تشجيع الجزائر ده وبرضو فيه أخوات كتيرة تانية

ممكن نبرهم ونوطد علاقتنا بيهم موقفتش عالجزائر يعنى.

أخيرا شكرا لمبادرتك الطيبة يا بشمهندس وده رأيى الشخصى لو سمحتلى يعنى

والله الموفق

طبعا انا مش هشجع الجزائر في كاس العالم
ولا حتي في أي رياضة بعد كده
بس لو دخلت الظروف في حاجة تانية
يعني اوضاع سياسية او اقتصادية
ومصر كان عنديها القدرة في المساعدة
لا طبعا لازم نساعدها أي نعم همن
غلطوا فينا كتير بس ياريت كل الناس
تبص علي الجزائر من بعيد

الجزائر لا يوجد من يمثلها في العالم
غير منتخب الكورة يعني ولا علم
اقتصاد ولا مفكرين
أي حد عندوا فكرة او هدف بيطير علي فرنسا
وياخد الجنسية
يعني مصر نافستهم في الشباك الوحيد ليهم
للعالم فلازم تثور أي نعم ملهمش حق واحنا عرب
بس
انا داخل عشان اقول حاجة واحدة

السؤال المهم
فين همن العرب اللي احنا بنلوم الجزائر علي
خروجهم منهم؟

هاشجع الجزاير في كاس العالم 18363_1074109988239_1690860632_136374_812264_n

هاشجع الجزاير في كاس العالم 22734119296763412415264283533045

منتخب مصر بطل افريقيا بكل فخر

احنا مخسرناش كاس العالم .... ده
كاس العالم هو اللي خسرنا

م= منصورين
دايماً بعون الله
]ص= صرنا الأفضل ونظل
الأفضل
ر= رجالة يا أولاد مصر

تسلملي وتسلم لمصر هذه
الجرائة والشجاعة والشهامة
الذي هي من
اجمل واعظم صفات
شباب شعب مصر الي فاهمين
وحافظين تاريخ بلادهم
كويس جدا

تحيا مصر الغالية

شوفت يازيزو الاعلام وصلنا لايه خلانا نكره الجزائريين ونكره
القطريين لحد مالواحد كرههم اكتر من اسرائيل مش ده حرام
اسيب الفريق الوحيد اللي بيقول لااله الا الله في المنديال
واشجع امريكا وانجلترا بدافع من الغل
"اللي ذلوا العراق"
مع العلم انهم معاها في المجموعة
اكيد في سياسات غلط للدول معانا دي بناء على اجندة لا يعلمها الا الله
ولا استثني النظام المصري مالأجندة دي في التعامل المضاد
الأنظمة اللي بتغذي الفتنة مصيرها الى زوال مش هيفضل غير الشعوب
مش معقول نهد علاقة ليها قرون بين مسلمين عشان كورة
ممكن في حد لايقبل تشجيع الجزائر ده حقه
بس مش من حقه انه يتمنى سقوط الجزائر في المنديال
ماتتفرجش عالماتش اسهل
يا اخوانا بصو حواليكو العالم كله بيتجه للتكتلات دا البرازيل والهند اللي ملهومش
اي علاقة ببعض عملوا تكتل و تكتل دول شرق اسيا
والاتحاد الاوروبي واحنا مش هاينفع كل بلد فينا تعيش في جزيرة مهجورة
او برج عاجي
ولكم جزيل الشكر

اقتباس :: أنا أوقن تماما إننا لو شجعناهم هيقولوا

وأنتوا مالكوا أكيد عاوزين حاجة مننا !!

احب ارد على حضرتك يا بشمهندس هاني بقصة حصلت
هنا في المنتدى بعد مباراة مصر والجزائر الأولى اللي انتهت
بهزيمتنا 3-1 اشتركت معانا اخت اسمها ريم على ما أتذكر
نزلت موضوع كان عنوانه الجزائر اذهلت مصر وشوية صور
لفرحة لاعبي الجزائر
شوف حضرتك بمجرد هه بمجرد ما عاتبها اعضاء المنتدى
المحترمين بطريقة شيك عملت ايه ؟
غيرت الموضوع واعتذرت 60 مرة وقعدت تمدح في مصر
للأسف الاعلام قتل جوانا حاجات حلوة كتير مانكرش اني كنت
ضحيته في يوم من الأيام

اعتقد يابشمهندس عاطف احنا في الكورة كرامتنا رجعت وزياده فبلاش الصورة دي
واكون شاكر لحضرتك لو شلتها

اقتباس :: فى مواضيع كتير تانية أهم من تشجيع الجزائر ده وبرضو فيه أخوات كتيرة تانية

ممكن نبرهم ونوطد علاقتنا بيهم موقفتش عالجزائر يعنى.

هوا فعلا في مواضيع اهم بس ده جرح لازم يتقفل على نضافة وللأسف لو فضلنا في
تعاملنا بنفس الاسلوب مع الاخوات الكتير التانية مش هيفضل حد

معلش ياجماعة
انا صعب عليا اشجع الجزائر ........ انا اصلا مش عارف لما اشوفها حالتي النفسية هتكون إزاي
إن شاء الله هيطلعوا من الدور الأول وبفضيحة كمان

لا ولن اشجع الجزائر رياضيا مرة اخرى فكفى ضياع لحقنا وكرامتنا واتهامنا بالصهيونية واللي مش مصدق ياريت يتصفح بس جريدة الشروق بس ويشوف الاهانات للمصريين لغايت دلوقتي والتحريض الواضح ضدنا

اقتباس :: إن شاء الله هيطلعوا من الدور الأول وبفضيحة كمان

زي ماقولت قبل كده لو مش قادر تشجع الجزائر فلا تتمنى سقوطها رجاءا

اقتباس :: فكفى ضياع لحقنا وكرامتنا واتهامنا بالصهيونية واللي مش مصدق ياريت يتصفح بس جريدة الشروق بس ويشوف الاهانات للمصريين

زي ماقولت برضو قبل كدا دا جرنال خبيث والاساءات على فكرة شغالة من الجانبين

السلام عليكم ورحمة الله وبركاته
إخوتى الكرام لكم كل التحية والتقدير
الحقيقة أنم الموضوع جذب انتباهى واحب أن اقول فيه كلاما لأن هذا الأمر يدور بخلدى منذ فترة ولما رأيت وما زلت ارى
الأمر فى الواقع اصبح كمجموعة من الرعاة يسوقون قطيع من الأغنام
وكان لابد فى ظل كل ما حدث أن ننظر إلى المر من منظور متحضر لا على سبيل العصبية والتخلف المفرط
مبدأيا فى امر الكرة وما أخذته الكرة من حيز فى حياتنا حتى طغى على كثير من الأسس والمبادىء الأساسية بل وحطم الكثير منها
اليوم اصبح أكثر من نصف وزراء مصر نراهم فى المباريات سواء القدم او اليد يشجعون ويرفعون الأعلام وكأن هذه هى المسئولية التى وكلت إليهم وأن الهدف السمى والأعظم لمصر والمصريين هو فوز مصر ببطولات الكرة فى حين تغرق البلد فى المصائب
عند هزيمة مصر من الجزائر فى السودان تم صرف مبلغ كبير جدا للاعبين رغم الهزيمة وهذا أصلا لا يوجد له نص فى الدستور المصرى وبعد الفوز ببطولة أفريقيا ووقتها كانت مصر تعاصر أزمة السيول تم صرف مبلغ 100 ألف لكل لاعب وعلى الجهة الأخرى تم تحديد 15 أو 25 ألف لمنكوبى السيول ولم يتم صرفها بعد
أليس هذه مهزلة بالله عليكم بل ان الأدهى والأمر كتاب لرئيس الوزراء والتى يسضع فيه ضمن أنجازات الحكومة فى الفترة الماضية فوز مصر ببطولتين لأفريقيا
أو قد انتهينا من كل المشاكل لنتفرغ للكرة والفوز او الخسارة فيها
وفى الجهة المقابلة قصة الدكتور أحمد زويل والذى طلبو منه إفادة مصر لأنها ابنها وحين وافق الرجل وطرح أمر إنشاء الجامعة العلمية قدمة له مصر قطعة ارض خربة وقالت له ابتدى يادكتور
والله هذه مسخرة مما جعل الرجل يترك الأمر فى مصر وتقوم دولة مصر الإمارات بانتهاز الفرصة وتقديم كل التسهيلات للدكتور العالم المصرى لإقامة المشروع على اراضيها
ووقتها كانت إمكانيات مصر لاتسمح بغير قطعة الأرض الخراب
أما فى حالة كرة القدم فالمال يسرف ببذخ ليس له مثيل وكأننا اغنى بلدان الأرض لمجموعة من الناس اصبحت البلد والناس تصرف عليهم بكل البذخ ربما لأنهم قد حررو القصى أو أنهم حولو مصر من دولة متخلفة فى قمة التخلف إلى دولة متحضرة
وما اراه للاسف هو انحدار شديد لا نجنى منه سوى التخلف
اصبح الشعب المصرى لا يعرف عن العلماء قدر ما يعرف عن لاعبو كرة القدم
بل إن وزير البترول قرر تعيين جدو بالبترول
فى حين لايجد 50 بالمائة من الشعب المصرى العمل من الأساس
ويقرر محافظ المحلة اطلاق اسماء وائل جمعة والمحمدى وزيزو على ما اعتقد على شوارع بالمحلة فى تصريح مخزى مهين
هل هذه هى الرموز ؟؟؟؟؟؟؟؟؟؟؟؟؟؟؟؟؟
بل أنك تفاجىء فى مباريات كرة القدم بترك الغالبية العظمى من الشعب المصرى للصلاة بحجة مشاهدة المباريات
لا أدرى فى أى زمن نحيا
على صعيد علاقاتنا مع الجزائر وما حدث فى الوقت الرهان
علاقات الدم
نشارك مع الجزائر فى حروب التحرير
ثم تشاركنا الجزائر فى حرب اكتوبر 73
وتظل العلاقات قوية وجميلة
واتذكر منذ فترة قبل المباريات المنكوبة زيارة فضيلة الشيخ محمد حسان حفظه الله للجزائر ويتم استقباله هناك استقبال الفاتحين
وبعدها تكريم لاعبين فى الجزائر امثال اللاعب محمد ابو تريكة وعبد الظاهر السقا

ثم نأتى لفصل الأغنام والرعاة
استغلال مبارة كرة قدم والجو المحيط ملائم جدا بوجود العقول التافهة والمقادة والتى يتم توجيهها بسهولة بناء على الخداع والغش
لا ادرى لماذا نحن المصريين فقط من حقنا أن نصدق
بضرب المصريين وتمزيقهم
وما رأيته على التلفزيون والنت هو نفس المر لهم بتكسير المصريين لأتوبيسات الجزائريين وضرب اللاعبين بل وتصوير جثث وأنا موافق على ان كل الأمر تمثيلة ولكن لماذا هذه فقط هى التمثلية وليست أفعال الجزائريين هى التمثيلية
فما فهمه الناس أنهم مجموعة من الهمج والمتخلفين لماذا نحن لنا الحق فى ان نصدق وهم لا
فى حين يخرج عليهم السفير ولا ينكر التمثلية
وما حدث من الإعلام المصرى قبل المبارة بسبهم وشتمهم علنا
هل هذا هو الأسلوب ياذو العقول الراقية
ماذا يعتقد بالله أن يكون الرد؟؟؟؟؟؟؟؟؟؟؟
على الصعيد الآخر اخوتى والله أن أمر هو أمر دين من صلح فيه صلح حاله مع أخيه واسلامنا لايعرف مصر وجزائر بل يعرف مسلم ومسلم
واتذكر قصة مصعب بن عمير حين قال لأخيه الذى هو من دمه وأخيه على ملة الكفر لست اخى بل هذا أخى واشار إلى احد المسلمين
ولكن يبدو أن قصة التقسيم الجغرافى الذى فرضه الإحتلال الإنجليزى والفرنسى قد قطف ثماره بتقوية أمر الأقاليم على أمر الدين
والذى حتى فى الدنيا لا ننال منه إلا التخلف والرجعية
فتصرح اسرائيل بعد ما حدث انظروا ها هم العرب المتخلفون ليعرف العالم لماذ كنا نحتل مصر ولماذا كانت فرنسا تحتل الجزائر لأنه مجموعة من المتخلفين يحولون الرياضة إلى حرب مع إخوانهم
وكذلك يخرج احد المخابيل ليقول بلد المليون لقيط ويحول اسمى ما يمكن ان يموت عليه الإنسان إلى ارزل مسمى على الإنسان
من ضحى بنفسه ودمه لماحاربة اعداء الله والدين بسبب مباراة كرة قدم يحولهم إلى لقطاء
لذا والله ارجو لكم ان نفيق والا نكون كما الأغناك اينما وجت توجه ولا تدرى إلى اين

من مصرى مسلم محب لكل مسلم فى الكون ولو كان فى المريخ

احب احيي حضرتك يا بشمهندس عصام
عشان حضرتك جبت المفيد ومالآخر

كلام مقنع و سليم

» حصريا : أنتوا عارفين ليه الجزاير همج ؟؟؟"خشوا عشان تعرفوا" !!
» صور ملاعب كأس العالم 2010 بجنوب أفريقيا (محدش يقارنها بملاعب كأس العالم للشباب بتاعت مصر)
» صور أكبر الة حفر فى العالم (اكبر حفار فى العالم) شكله يخض >>!
» صور حول العالم
» العالم