توضيح هام في التسليح البلاطات

توضيح هام مأخوذ من ذوي الحبرة

من المعروف ياجماعه ان الواحد عند التسليح بيحط التسليح الرئيسي للبلاطات في البعد القصير والثانوي في البعد الطويل حد سال نفسه ليه انا هقولها بطريقة بسيطه جدا عشان الكل يفهم لو بصيت على السرير بتاعك في البيت هتلاقي مددات السرير الخشب محطوطه على الملتين الطوال بالطول ولا بالعرض؟؟؟ هتلاقيها بالعرض طب ليه ؟؟؟عشان دايما الحمل بيهرب للمسافه الصغيرة ولو كانت وضعت بالطول كنت هتلاقيها اتقوست في النص واتكسرت نفس الكلام في حديد التسليح هذا والله اعلم (( ملحوظة للمهندسين المدني لما تكون في الموقع العامل مش فاهم ياعني ايه رئيسي وثانوي كل الي يعرفه فرش(الي هو الرئيسي )وغطا (الي هو الثانوي)))
هذا والله اعلم

شكرا يا جوزيلا وربنا يكرمك ويجعلك مستقبل باهر

شكرا على ردك بس بعد اذنك احنا طبعا على قدنا يابشمهندس الاحترام كله والتقدير للناس ااالاكبر مني علما

شكرا على الافادة ياجودزيلا

شكرا جدا يا باشمهندس المستقبل

مشكووووووووووور
[ندعوك للتسجيل في المنتدى أو التعريف بنفسك لمعاينة هذا الرابط]

بشمهندس جودزيلا كلامك مظبوط ميا في المية ولكن كمعنى مبسط وتمثيلي, ولكن الموضوع له تفسير ادق شوية,حد بقا سأل نفسه ليه الحمل بينتقل في الإتجاه الأقصر: ؟؟؟؟

بمنطق: زي محضرتك قلت ان الإتجاه القصير يحدث له DEFLECTION أقل من الطويل ليييه ؟ لأن قصر طوله لم يعطي فرصة للحمل ليثني البلاطة خلاله بقيمة كبيرة ليه برضو? ,مش في منهج ال STRUCTURE كنتد بتحسب ال DEFLECTION لأي FLEXURAL mEMBER ويكون =رقم مقسوم على( EI/L) و هذه ماتسمى بجسائة الإنحناء flexural regidity reduction factor يعني إيه برضو !!!! يعني لو كمرة حديد هترخم بقيمة مختلفة عما لوكانت كمرة خشب عما لو كانت كمرة خرسانة وذلك بسبب إختلاف قيمة ال E وطبعن كلما كبر قيمة ال (I) يعني ابعاده كلما رخم العنصر أقل ولذلك يوجد تخانات للعناصر الإنشائية ينص عليها الكود المصري لوقليت عنها يحتمل أن يرخم المشأ لاحقا , ولاحظ ال (L) في المقام يعني مقام المقام بسط يعني كلما زاد البحر كلما زادت قيمة لترخيم....... و هذا يفسر لماذا البحر االصغير ترخيمه أقل لأن جسائته ضد الإنحناء كبيرة والبحر الكبير ترخيمه أكبر لأن جسائته ضد الإنحناء اقل.....

والأهم من كل الرغي ده : لماذا برضو الطول القصير يأخذ نصيب من الحمل أكثر من الطويل ؟؟؟

واضح من الكلام اللي فات إن الإتجاه الأقصر هو أكثر جسائة من الإتجه الطويل نتيجةإن (L) أقل بقرض طبعن إن I و E ثوابت لأننا بنتكلم على بلاطة ذات قطاع ثابت و من نفس المادة,,,,,,إذن في النهاية ينتقل الحمل للإتجاه الأقوى بقيمة أكبر ,,, تشبيه أخر :لما يكون عندك حمل على كمرة بسيطة الإرتكاز والحمل أقرب لركيزة من الأخرى ستجد أن Reaction الركيزة القريبة أكبر من البعيدة و ذلك لأن الحمل بكل بساطة توزع على الركيزتين بنسب المسافة البينية,,وطبعن البلاطة عنصر أفقي و لكن مرتكز على أربع ركائز إثنين قريبين و إثنين بعيدين عن مكان تركز الحمل الموزع على البلاطة,,فطبعن طبقا للكلام اللي إحنا قلناه هو بينتقل للإثنين القريبين.....وده تقريبا اللي قاله المهندس Godzilla بارك الله فيه ....

ولكن يوجدتفسير فيزيائي لهذه العملية(بمنطق أخر) : بكل بسطة (انتقال الحمل خلال العناصر الإنشائية بدءاً من البلاطة و حتى ال soil ,ده معناه ان الحمل بيقطع مسافة حتى يصل إلى ال Soil وطبعن كلنا عرفين إذا قطعت قوة مسافة ما فإن ذلك معناه أنها تبذل طاقة أو شغل,

Energy= ForcexDistance , وطبقا لقوانين الطبيعة فإن أي نظام هندسي يميل إلى إستهلاك طاقة أقل مالم يجبر على ذلك,,,مثال على ذلك عند تخفيض منسوب المياه الجوفية بواسطة الأبار المدقوقة في الأرض فإن ال GWTأو بمعنى أصح خط الطاقة (Pheriatic Surface) يأخذ شكل curve يصل بين ال GWLevel و منسوب قاع البئر نتيجة سحب المياه من القاع البئر بواسطة مضخات السحب ولم يأخذ اي شكل أخر حيث أن هذا ال curve اقصر مسار(يعني مسافة) لانتقال المياه بقوة السحب يعني (قوة x مسافة ) برضو.

في النهاية نقدر نعرف ليه الحمل بيتجه للإتجاه الأقصر ,,لأن قانون الطبيعة يحتم عليه بذل أقل طاقة ممكنة مالم يجبر على ذلك.....مثال على ذلك الإجبار :لو شلت الكمرتين القريبتين من تحت ال solidslab غصبن عنها هتنقل الحمل للكمرتين البعيدتين وهذا لأن المسار بينها و بين تلك الكمرتين في هذه الحالة هو أقصر مسار ممكن أن ينتقل خلاله الحمل.....هذا والله اعلم

وسامحوني لو كنت أطلت عليكم الحوار ولكن هدفي هو الإفادة

مشكورين على الافادة

جزاكم الله خير يبشمهندس على التوضيح والكلام الجميل ده ياريت ماتحرمناش من ابداعاتك دي

شكرا ع الموضوع يا جودزيلا

وشكرا ع الأضاقه يا بشمهندس أحمد

صور جميل جزاك الله خيرا

ولاكن اخي الكريم كلام بيكون خطا لو سلحنا بلاطه فلات بيكون الشبكه السفليه الغطاء في الاتجاه القصير والفرش بيكون في الاتجاه الطويل والعكس في الشبكه العلويه لان لما ناخد شريحه في الاتجاه الطويل بنفتترض ان الاحمل في اتجاهه لذالك تلاقي كلامي صح وجرب بنفسك علي اي برنامج تحليل انشاءات

اطيب ارجو ان تزويدون لو ان مقاس الغرفة 5*4 ايهم يوضع في الاول الحديد القصير ام الحديد الطويل في الكمرات الساقطة والافقية والعصب (الهوردي) او في حالة البلاطة وشكرا

» كناب الالكترونيك سيركت
» جميع اوامر ال D O S
» توضيح واجب ( في غاية الأهمية )
» خطوات تصميم البلاطات خطوة بخطوه ،،،
» طلب شيت اكسل للتحليل وحساب العزوم على البلاطات والكمرات