فتش موبايل اختك

بناقش معاكم اليوم موضووع وعايزة منكم الصراحه والتفاعل
اكيد الكل يعلم ان في بعض الشباب فيهم مثل ما نقول وسوسه او شك او فضول او لقافه بأنه يفتش

جوال اخته سواء كان يفتش الرسائل

او ارقام المكالمات او اي شي ثاني واليكم الاسئله الاتيه:

هل يحق للشاب تفتيش جوال اخته ؟

ماذا ستفعلين لو اكتشفتي ان اخاك يفعل هذا بصراحه؟

هل نقول على من يفعل هذا الشي مريض او عديم الثقه؟ ام ماذا؟؟

: للشباب في المستقبل هل ستفعل هذا مع زوجتك ؟؟ و هل تأيد هذا الفعل ؟؟؟
للبناات: في المستقبل هل تقبلين هذا من زوجك ام لا ؟؟؟

ارجوا ان تكون الاسئله خفيفه عليكم واتمنى الاجاابه بكل صرااحه وصدق’’’

وأقدر وجهات نظركم

</B></I>

انا شايفة ان الحكاية مفهاش حاجة يعنى

طالما الواحد مش بيعمل حاجة غلط خلاص
الا بقى لو الاخت حاطة صور هى وصحباتها مثلا طبعا ميصحش اخوها يفتح الصور دى
والعكس صحيح
مشكور يبشمهندس عالموضوع

اولا مشكور على الموضوع يابشمهندس

ثانيا رايي في الموضوع ده ان هي مش مساله انه من حقه او مش من حقه بس هو لو واثق في اخته عمره ما هيفكر يفتش تليفونها لان التصرف ده ملوش غير معنى واحد انه مش واثق فيها اما مساله حق دي فهو بصفته اخوها عادي يعني دول اخوات لكن برضه المفروض يحترم خصوصياتها وعموما الواحد طريقته وتصرفاته هي اللي بتفرض على اللي حواليه احترامه واحترام خصوصياته واذاكان اهل للثقه او لا

شكرا للاختين علي المشاركه
وزي ماقولتم هي مسالت سقه وس
وربنا يستر جميع فتيات المسلمين

احنا معندناش بنات تمسك موبايلات اصلا
هع هع هع
فتش موبايل اختك 84279

هههههههههههههههههههههههههههه
انا طبعا بهزر انا اخواتي اتجوزوا ومقدرش اعمل معاهم حاجة
وبعدين موبايلاتهم متمسكش من شكلها
هههههههههههههههه
فتش موبايل اختك 131613

موضوع رائع يا بشمهندس والي الامام دائما

موضوع جميل
بس انا بصراحه استحالة اعمل كدا
لان لازم يبقى فيه ثقة فيها
لان انا لو ماعنديش ثقة فيها
هيبدأ الشك ولو حصل شك يبقى حياتنا مش هتستمر
لان الشك بيهد مش بيبنى

ولكن::

لا قدر الله واحد عنده قلق من ناحية الموضوع ده ممكن يعمل ايه؟؟؟؟؟؟؟؟؟؟
انا اقولك ممكن من غير ما تعرف عشان لا تضايقها, لانها اذا عرفت هتبقي العلاقة وحشة
ولكن في الاول والاخر طول ما في تربية صحيحة اذن يبقي لازم يكون في ثقة
وبرده لازم الاخت تضع في دماغها ان هو لو عمل كدة مش شرط يكون مريض او ما عندوش ثقة
ليه منقولش ان هو خايف عليها وبيحبها
لان لو مش خايف عليها او بيحبها يبقي مش اخوها

وحماكم الله ووقانا جميعا احنا عارفين قد ايه الفساد دلوقتي بقي شكله ايه
واعتقد ان جزء من الدين الاسلامي يحتم عليه الخوف علي اخته وحمايتها وارشادها الي تعاليم الدين الصحيح اذا راي تقصير منها
والله الموفق

اقتباس :: ثانيا رايي في الموضوع ده ان هي
مش مساله انه من حقه او مش من حقه بس هو لو واثق في اخته عمره ما هيفكر
يفتش تليفونها لان التصرف ده ملوش غير معنى واحد انه مش واثق فيها اما
مساله حق دي فهو بصفته اخوها عادي يعني دول اخوات لكن برضه المفروض يحترم
خصوصياتها وعموما الواحد طريقته وتصرفاته هي اللي بتفرض على اللي حواليه
احترامه واحترام خصوصياته واذاكان اهل للثقه او لا

بصراحة انا كان رأيي واضح من اول ما قريت الموضوع وكنت هخلاص هرد لولا اني لاحظت ان الباشمهندسة صفاء قالت اللي عايز اقوله بالحرف .

بس احب ازيد عليه , عامة الشك في الاخت لا يعني الا شئ واحد هو شك في اسلوب تربية الاسرة لابنائها عامة وللبنت بصفة خاصة . بمعني تاني , اني اشك في اختي واخلاقها معناه بطريقة مباشرة اني بشك او لا اثق في اسلوب تربية ابي وامي لها .

والله انا من رأيى إنه يفتش ويدقق كمان سواء مع أختة أو زوجته لأن لازم يبقى فيه ضبط

وربط فى البيت وده ملهوش دعوة بالثقة خالص يعنى مثلا المراجع المالى أو الإدارى لو

بمبدأ الثقة ده كانت البلد أتنهبت من زمان أكتر ما أهى منهوبة والمال السايب يعلم السرقة

طبعا الأمثلة دى مش على المال بس وإنما يطبق علينا عموما لأن الحرية زيادة عن اللزوم

دى أنا مبحبهاش لازم يبقى فيه حدود لأن أى حاجة فى الدنيا ليها حدود وبرضو لا نأمن

الشيطان أو أنفسهم البشرية لأن مفيش حد معصوم من الخطأ وللآسف دلوقتى الموبايل بقى

وسيلة فى منتهى السفالة وبقت سبيل لعمل الغلط مش للصح فمثلا قولى بالله عليك مالها

البنت ومال الموبايل ؟؟؟ هيا خلاص يعنى هاجرت برة الكرة الأرضية ؟؟ هما زيادة

عن كام رقم أصحابها والبيت وزيادة عن كده ملهوش أى لزمة معاها أو فايدة ملحوظة يعنى

وأنا مش بأسيء للبنات كلهم بالكلام ده أو بتهمهم بس دى الحقيقة واللى بيحصل فعلا.

أخيرا لو بمبدأ الثقة ده يبقى خلاص تروح وتيجى زى ما هيا عاوزة وتعمل اللى عاوزاة

بقى وهكذا مش خلاص الثقة طفحت وبلغت مداها !!!

شكرا على الموضوع يا بشمهندس

والله الموفق

اقتباس :: والله انا من رأيى إنه يفتش ويدقق كمان سواء مع أختة أو زوجته لأن لازم يبقى فيه ضبط

وربط فى البيت وده ملهوش دعوة بالثقة خالص يعنى مثلا المراجع المالى أو الإدارى لو

بمبدأ الثقة ده كانت البلد أتنهبت من زمان أكتر ما أهى منهوبة والمال السايب يعلم السرقة

طبعا الأمثلة دى مش على المال بس وإنما يطبق علينا عموما لأن الحرية زيادة عن اللزوم

دى أنا مبحبهاش لازم يبقى فيه حدود لأن أى حاجة فى الدنيا ليها حدود وبرضو لا نأمن

الشيطان أو أنفسهم البشرية لأن مفيش حد معصوم من الخطأ وللآسف دلوقتى الموبايل بقى

وسيلة فى منتهى السفالة وبقت سبيل لعمل الغلط مش للصح فمثلا قولى بالله عليك مالها

البنت ومال الموبايل ؟؟؟ هيا خلاص يعنى هاجرت برة الكرة الأرضية ؟؟ هما زيادة

عن كام رقم أصحابها والبيت وزيادة عن كده ملهوش أى لزمة معاها أو فايدة ملحوظة يعنى

وأنا مش بأسيء للبنات كلهم بالكلام ده أو بتهمهم بس دى الحقيقة واللى بيحصل فعلا.

أخيرا لو بمبدأ الثقة ده يبقى خلاص تروح وتيجى زى ما هيا عاوزة وتعمل اللى عاوزاة

بقى وهكذا مش خلاص الثقة طفحت وبلغت مداها !!!

اخي هاني /
احترم رأيك تماما الا اني مع ذلك اخالفك تماما . فمثلا موضوع المراجع المالي شئ وموضوع الاخلاق شئ اخر . واذا كنت مقتنع برأيك فأنا اطلب منك ان تجري تجربة بسيطة - بالطبع لا اطلب منك تنفيذها ولكن كمثال - يمكنك الحصول علي رقم اي فتاة وفم بمحادثتها دون سابق معرفة وانظر بماذا سترد عليك ........... انا واثق بأنك ستتلقي سيل من الشتائم الهينة او العظيمة وهذا يعتمد علي بيئة الفتاة . بالطبع ستقول لي ان هناك من ستتجاوب معي , واقول لك نعم اوافقك , ولكن بالطبع هناك الكثير ممن سيرفضون ويغلقون المكالمة في وجهك . هل تعلم ما الفرق بينهم عزيزي ؟ اتمني ان تكون اجابة السؤال تفي برأيي في هذا الموضوع .

ويغلق الموضوع منعا للمشاكل .

ههههههههههههههههههههه . فتش موبايل اختك 646497

طبعا انا بهزر , وفي انتظار اراء اخري

طبعا أحترم رأيك وعادى براحتك ولكن

اقتباس :: ولكن كمثال - يمكنك الحصول علي رقم اي
فتاة وفم بمحادثتها دون سابق معرفة وانظر بماذا سترد عليك ........... انا
واثق بأنك ستتلقي سيل من الشتائم الهينة او العظيمة وهذا يعتمد علي بيئة
الفتاة . بالطبع ستقول لي ان هناك من ستتجاوب معي , واقول لك نعم اوافقك ,
ولكن بالطبع هناك الكثير ممن سيرفضون ويغلقون المكالمة في وجهك

لأ طبعا كمعاكسة هتبقى مغامرة طبعا وعلى فكرة فيه حالات بتنجح كتير بس أنا أقصد الواقع

يعنى زميلتى مثلا أو جارتى أو واحدة معرفة أو أو أو بيبقى ساعات الراجل محتاج يفضفض

ومخنوق ومضايق ومش عارف يعمل إيه فتلقاه الأول بقى مكالمة عادية وبعدين مش عارف

برتاحلك ليه يا سوسن وبعدين سوسن مش متخيلة إنك تفكر فيها كده ومش متوقعة وفى الاخر

يحبوا بعض وتستمر العلاقة اللى أكيد هتتعطل لما هتقولك فى واحد اتقدملى ومش قادرة أقول

لأ وفى الآخر فركش علشان أسباب عندك يا عندها !!!

طبعا ممكن تقولى لأ يستحيل الكلام ده وببالغ وبتاع طيب يا سيدى أفرضنا المدام خرجت

كده من غير أى خبر من جنابها بنفس النظرية والثقة دى يبقى خلاص متقولهاش رايحة فين

وجاية منين وكمان تلبسى إيه ومتلبسيش إيه وتعملى إيه ومتعمليش إيه ما أهو بقت ثقة

والحبل بقى على الغارب وتعمل اللى عاوزاة !!

برضو فيه نقطة اللى بيحب حد بيخاف عليه بيحاول يشوف كل حاجة فى حياته وزى ما

أنا هشوف ما هيا كمان هتشوف موبايلى وتشوف كل حاجة وده مش شك بس نقدر نسميها

ليطمئن قلبى وأهو تعرف إن فيه حد بيخاف عليك.

أخيرا إحنا بنتكلم من بعيد يمكن لما تتجوز يتغير رأيك أو رأيى لأن اللى مجربش غير

اللى جرب برضو وعلاقتك بأختك غير مراتك وهكذا وربك يصلح الحال ونقول برضو

الحمد لله إننا فى الصعيد مش بحرى كان بقى الدم للركب !!

والله الموفق

بسم الله الرحمن الرحيم

رايي المتواضع:
احنا ليه بنشوف الموضوع ده ونترجمه علي انه "شك او عدم ثقة "
ليه مانقولش انه "حمايه"[/size][size=24]والوقاية خير من العلاج

والله فى ناس شايفة الموضوع انه حماية للبنت ووقاية ليها
بس فى النفس الوقت انت ممكن تكون متحكم فى البنت فى البيت
لكن برة بقى؟؟.........اكيد مش هتعرف تتحكم فى تصرفاتها

وفى ناس شايفة انه ماينفعشى نفتش فى موبايل البنت
لاننا ثقتنا فيها كبيرة وربيناها احسن تربية
لكن برضه مش كل واحدة بتصون هذة الثقة
ولما بتشوف ان اهلها واثقين منها ومدينها حريتها فبتستغل دة بالسلب

اللى يعامل البنت على انها قطة مغمضة....يبقى غلطان
واللى يشد عليها اووى هيسببلها ضغط....وبالنسبة ليها هيبقى برة البيت يعنى الحرية
ومانعرفش الموضوع ممكن ينتهى بأيه

رأيى انا ولونى عارف انه مش صح وفى نفس الوقت مش غلط
مش هفتش موبايلها

مع أحترامي ,, للجميع

أنك تفتش موبايل أختك ولا خطيبتك ,,,,, أنا ضد الموضوع ده

لأن أنت لو بتفتش موبايل أختك ,,,, حتي لو بدعوي أنك عايز تتطمن عليها

ده (من رأيي ) أنه غلط ,,,,, ليه ؟؟

لأنها لو فيه حاجه ومخبياها ,,,,, أنت لو عملت قرد مش هتعرف تلاقيها

ولو فيه بجد حاجه هي مخبياها ,,, يبقي الصح أنها تيجي منها هي ,, وتصارحك وتحكيلك (ده لو أنت مديها الفرصه دي , وسامحلها بدون خوف ,, أنها تقول اللي في نفسها)

أما موضوع أنك تطلب منها أو (تحرجها) ,,, وتقولها وريني الموبايل ,,, أنا عن نفسي لو بنت مش هقبل

طب مدام انت مش واثق فيها للدرجه دي ,,, ايه اللي يخليها تثق فيك ,, وتديك الموبايل

مش ممكن أنت كمان ,,, تاخد منه نمر بنات أصحابها ولا تعرف اسرارهم ,,,, ولا انت ملاك برئ وهي مذنب حتي تثبت برائته

اه ,,, بعترف انه ساعات ,,, الأنسان مننا بيعمل حاجات (غلط) وبيبقي مقتنع انها صح ,, أو بيقول انه بكره هيبطلها ,,,

أو مثلا ,,, لأ ,,, بكره أنا وهوه نتجوز ,,,, وبتبقي فيه حاجات ,,, الظروف اللي أحنا فيها ,,,, بتغمي عينينا ,,, عن الصح والأصول ,,,

بتغمي عينينا ,,,, عن حاجات كتيييير ,,,, حاجات للأسف بتبقي هي الواقع ,, اللي لو أدركناه من بدري كان وفر علينا كتييييير أوي

أنما بيبقي الحلم حلو ,,, حلو أوي ياهندسه ,,, حلو لدرجة أنك تتمني تعيش فيه لطول عمرك

وأنك لو حصل (لاقدر الله) وفوقت ,,,,, بيبقي ساعتها الموت أهون عليك ,,, وأكثر راحه من اللي انت فيه

ساعتها ,,, أنت بتحتاج حد يفوقك ,,,, بدري ,,,, قبل ما تفوق متأخر ,,,

بس برضوا ,,, تبقي المشكله ,,, أنك مش هتسمع لحد ,, شاكك فيك ,,,, ولو كان حتي أخوك وخايف علي مصلحتك

أنت اللي هتسمح للي قدامك ,,,,, انه ينصحك ,,, أو لأ

ولو مكنتش انت واثق فيه ,,, وهوه واثق فيك ,,,, أستحاله تأمنه ولو علي أتفهه سر عندك

الموضوع ,,, في الأول وفي الأخر ,,,,,,,, ثقه , ثقه , ثقه

أتمني تكون وجهة نظري وصلت ,,, وشكرا علي الموضوع الحلو ده !!

فتش موبايل اختك Lol

بصراحه الموضوع كله يتعلق بالثقه....

هل انتا واثق في اختك او خطيبتك او او او...

وغير الثقه كمان بيبقي في فضوووووول كبير....

وده غباء بعيد عنكم...

وبصراحه في سن معين..بيتهايألي انه غلط كبير انه البنت ممكن تمسك فيه الموبايل...

لانه البنت فالسن ده بدافع ما....بيكون عندها دافع لاكتشاف اشياء هيا حاسه انها صح وعاديه...لكن هيا غلط طبعا..

زي كلام مع ولاد مثلا او..او ..او...

المهم....

ربنا يصلح الحال برضه....

وشكرا يانج ياسليم عالموضوع الهايل ده...وربنا يوفقك

والله انا شايفه انها شخصيات وطريقة تفكير سواء بنت او ولد فيه اللى يقبل عادى انه يشوف موبايل اخته او تشوف موبايل اخوها او خطيب وخطيبته ومش بيعتبروها بدافع التفتيش اصلا يعنى لو بنت معتبره اخوها صاحبها فعادى مفيش مشكله لانها مش حاطة اصلا فكرة انه بيفتش

وفيه ناس باخدها بحساسيه اوى وتعتبر ان ده عدم ثقة
وانا بصراحه احب المجموعه الاولى من الناس اخويا او خطيبى ممكن يشوف موبايلى عادى لانه الشخص ده بدرجه من القرب تسمحله بكده يعنى انا مش بعتبره تفتيــــــــــــــــــش اصلا

ومشكور على الموضوع يابشمهندس فتش موبايل اختك Lol

شكرااااااا لردودكم القيمه
وانا بصراحه رائي يفتش ودي مش حكايه ثقه فقط دي كمان خوف علي اخته
وان مع عدم امتلاك البنات موبايلات
ولكل واحد وجهة نظر
وربنا يهدينا اجمعين

السلام عليكم
انا الصراحه مش كنت ناويه ارد ف الاول لان البشمهندسه صفاء والبشمهندس محمد والبشمهندس اسماعيل لخصوا كل اللي كنت هاقوله بعدين لقيت ان في اجماع ان الموضوع مش ثقه ده خوف على البنت من اخوها او كده وفي سؤال عايزه اساله لكل الناس اللي ردت انت تقبل ان اختك تمسك موبايلك بما ان الخوف مش هايكون منطقي من البنت ع الولد لكن بدافع الفضول مثلا او حتى لاي سبب
ليه تدي لنفسك حق انك تشوف تليفونها لو انت واثق فيها وماتديهاش نفس الحق لو كانت عايزه تشوف تليفونك ماهيا برضو واثقه فيك
وعايزه اسال سؤال تاني حضراتكم بتقولوا ان انتوا بتشوفوا موبايلات اخواتكم بدافع الخوف والمفروض انهم مايمسكوش موبايلات عشان مايغلطوش او كده
طب هو انتوا اصلا خايفين عليهم من مين مش من ولاد ممكن يضحكوا عليهم او كده يبقى المفروض اننا نمنع السبب نفسه يعني الولاد هما اللي مش المفروض يمسكوا موبايلات اساسا
ومش معنى اننا واخدين الثقه من اهلنا اننا هانستغلها غلط بالعكس لان الثقه دي بتحسسنا بالمسؤليه اكتر اما لو كان في انعدام ثقه فالبنت بتعمل اللي هي عايزاه لان الموضوع مش بيكون فارق معاها لان كده كده اهلها مش واثقين فيها من الاول
انا مش بقول ان كل البنات كده بس معظمهم كده ولازم يكون عندكم ثقه اكبر ف اخواتكم البنات انه حتى لو حصل معاهم اي حاجه هايتصرفوا صح او حتى هايلجئولكم عشان انتوا تتصرفوا اما بنظام التفتيش ده ف انتو هاتكونوا آخر حاجه ممكن يفكروا فيها عشان خايفين منكم
انا الحمدلله مش عندي اخ ولد كبير والحمدلله برضو اهلي عمرهم ماششكوا فيا ولا شافوا موبايلي من ورايا ولانهم مديني ثقه فانا مش هاقدر اخونها ولا اي بنت ف مكاني
وف رايي ان الموضوع ف الاول والخر ثقه

أولاً أنا حتكلم كفرض ان عندي اخ أكبر مني

بصراحة انا لو أخويا حب يفتش موبايلي عادي جداااً وايه المشكلة
وبالفعل انا ساعات كتير والدي ووالدتي وأخواتي بيشوفوا موبايلي والحاجات اللي فيه
بس مش معني كدة انهم مش واثقين فيا بل بالعكس ده شئ يسعدني جداً
وأنا متأكدة ان في بنات كتييييير حتختلف معايا في رأيي

بس طالما أنتي بتعملي كل حاجة صح ومش بتغلطي يفرق ايه معاكي ان اخوكي او والدك
او أي حد ان يشوف موبايك طالما مفهوش أي حاجة ممكن تسئ إليكي

هو الموضوع كله خوف منهم عليكي وحب ليكي كمان وحب انهم يعرفوا كل حاجة عنك

وطالما علاقتك بأخوكي علاقة كلها حب وود واحترام معتقدش انه حيمانع انك تشوفي موبايله
لانه مش مخبئ فيه أسرار حربية يعني
وانا عن نفسي بشوف موبيلات ولاد أعمامي عادي يعني ايه المشكلة

هو الموضوع كله يكمن في أخلاق البنت في المقام الاول لان في بنات بتكون بتكلم اولاد
ومسجلة أساميهم بأسامي بنات ولو دور أخوها من هنا للسنة اللي جاية مش حيعرف حاجة

يعني في رأيي الموبايل مش هو الوسيلة الأدق اللي ممكن يعرف بيها الاخ سلوك أخته

لذلك هو لما يفتش موبايلك بيبقي حابب يطمن عليكي او حب فضول منه
والمفروض انك تفرحي باهتمامه وخوفه عليكي مش تتضايقي منه
وتأخذيها علي محمل انه مفيش ثقة بينا وانه بيشك فيا

لانه لو شاكك فيكي يبقي اكيد انتي بتتصرفي تصرفات مريبة تخليكي موضع شك بالنسبة له
لكن طالما انتي صح ومش بتعملي حاجة غلط يبقي حيشك فيكي ليه !!

لذلك أنا عارفة ان رأيي مش حيعجب ناس كتير وبنات كتير حتقول ان دي حياتي الخاصة
ومش المفروض حد يتدخل فيها وكل واحد ليه خصوصياته

بس الاختلاف في الرأي لا يفسد للود قضية

وياريت كان عندي أخ أكبر مني ان شاء الله يفتش موبايلي كل يوم بس كفايه اني احس باهتمامه

بس أحب ان أضيف نصيحة لأي أخ يحب أن يفتش موبايل أخته انه لما تعمل كدة
لازم تعمله بكل حب واحترام دون ان تهينها او تثير لديها الشك بانك تشك بها

حاول ان تفعل ذلك بكامل رضاها وبحب واحترام لها

edbs كتب:: والله انا شايفه انها شخصيات وطريقة تفكير سواء بنت او ولد فيه اللى يقبل عادى انه يشوف موبايل اخته او تشوف موبايل اخوها او خطيب وخطيبته ومش بيعتبروها بدافع التفتيش اصلا يعنى لو بنت معتبره اخوها صاحبها فعادى مفيش مشكله لانها مش حاطة اصلا فكرة انه بيفتش

وفيه ناس باخدها بحساسيه اوى وتعتبر ان ده عدم ثقة
وانا بصراحه احب المجموعه الاولى من الناس اخويا او خطيبى ممكن يشوف موبايلى عادى لانه الشخص ده بدرجه من القرب تسمحله بكده يعنى انا مش بعتبره تفتيــــــــــــــــــش اصلا

ومشكور على الموضوع يابشمهندس

حضرتك قولتي اللي كنت عاوز اقوله بالضبط
فعلا فيه ناس ممكن تاخد الموضوع بحساسيه زياده ناتجه عن طريقة تفكير وتعامل وتربيه خاصه
وممكن ناس تاخده بشفافيه وبنيه حسنه ناتجه عن تربيه سليمه وثقه متبادله
شكرا على الموضووع

السلام عليكم ورحمة الله وبركاته
بداية احب ان اتحدث عن امر اخر قبل الحديث عن موضوع حق تفتيش الهاتف من عدمه
وهو علاقه الاخ باخته وما يجب ان تكون عليه فانا اري ان افضل شئ هو ان تكون هذه العلاقه عبارة عن علاقة صداقه وصداقه قويه ايضاً حتي تسمح للفتاة ان تتحدث مع اخيها في اي شئ يعرض لها وهذا في رأي هو صمام الامان الذي يمكن ان يحمي الفتاة من الوقوع في الخطأ
نأتي بعد ذلك لموضوع النقاش وهو حق تفتيش الهاتف
من جهة انه حق فهو حق وحق مشروع ايضاً
ولكن ليس كل حق يؤخذ باي طريقة بل يجب ان يراعي الا يجرح احداً او يهين احداً
ويمكن ان يتم ذلك علي هيئة مداعبه وهزار وامام الفتاة وبعلمها ويمكن ايضاً ان يكون بغير علمها وبغير إعلامها وذلك في اوقات تكون فيها بعيدة عن الهاتف
واخيراً كلمة لمن يتحدث عن الثقه
الامر لا علاقة له بالثقه ولكن هو وقاية وحماية وهو امر واجب علي كل ولي امر سواء كان أخ أو أب أو أم أو زوج
وبالتاكيد الوقاية دائماً خير من البحث عن العلاج والندم بعد فوات الاوان
والله الموفق والمستعان

هو انا متهيألى انه مينفعش يفتش فى موبايلها طبعا اولا ده مش من حقه و ثانيا هو كده مش واثق فيها و أصلا كده عيب ... يعنى هو مثلا يحب يبقى الموضوع بالعكس؟!! و ان هى تفتشله موياله كل شويه ... ماهو اللى يمشى عليها يمشى عليه هو كمان ,,,

لكن لو الزوج عمل كده ممكن ينفع يعنى ... و لو انه برده عدم ثقه يعنى ممكن يبقى فيه صور او نمر بنات صاحباتها معاها و ملوش لازمة يشوفهم

و عموما مادام الواحد مش بيعمل حاجة غلط ... يبقى اللى يشوف يشوف بس هى فكرة انه هو المفروض ميدخلش فى خصوصيات اخته ...!

» موبايل BMW
» رسايل موبايل
» الفرق بين موبايل البنات والشباب
» هل من حق الزوج تفتيش موبايل زوجته ام العكس ؟؟؟؟
» كورس برمجة ويندوز موبايل