ضد الحكومة (ردا على موقف الجامعه المستفز من النقاب)

بسم الله
اكيد كلنا طبعا سمعنا اللى حصل في موضوع النقاب والموقف العجيب والغريب من نائب رئيس الجامعه دكتور فاوي وسيادة العميد وقال انهم بيطبقوا قرار حظر النقاب داخل اللجان على اساسا ان كل قرارات الجامعه اطبقت وفاضل ده ... طبعا ده مش حاجه جديدة على شخص بيحلم انه يبقى رئيس جامعة اسوان وعشان كده بيطبق قرارات اللى اعلى منه بالحرف الواحد وعاوز يكسب رضاهم وده طبعا على حساب رضا ربنا واللى عاوز يراضيهم دول عبارة عن سفاسف المجتمع ومش جديد على وزير التعليم العالى محاربته للنقاب من بداية العام الدراسي بمنع دخول المنقبات المدن الجامعيه على الرغم من استيفائهم شروط المدينة الجامعه وكمان تضيق الخناق عليهم في دخول الجامعات بس الحمد لله موقف حرس الجامعى في كليتنا كان كويس بتعيين موظفه للتاكد من شخصية المنقبات وده كان من افضل القرارات السليمه اللى حصلت في الكلية نرجع بقى للحكومه اللى كل يوم بيعدي بتثبت لنا مدى تفشي الفساد في المجتمع وطبعا بما ان الفاسدين بيتقلدوا مناصب في المجتمع فده ان دل على شيء انما دل على ان المجتمع اساسا محتمع فاسد لانه لا يمكن ان يكون فيه مجتمع صالح ولديه قيم ومباديء ودين يسمح بصعود امثال هؤلاء الجهلاء وتوليهم مناصيب لانه اكيد لن يكون لهم مكان بين الصالحين ولكن للاسف حال مجتمعنا في اذدراء اخلاقي وديني واجتماعي متزايد والكارثه الاعظم عندما تأتى من اصحاب القرار بقرارات فاسده مثل قرار السيد وزير التعليم العالى اللى طبعا لايمكن هيكون فيه اصلاح في التعليم مدام شخص زي كده مش بيتقى الله واللى تحته عباره عن ماكينات لتطبيق القرار دون تفكير ودون محاسبة للنفس وطبعا في مناصب زائله وزائفه .
بعد البحث فيما حدث وبعد ان وجدت كم الغضب العارم الذي اجتاح جموع الناس الغيورة على الاسلام وحرمة المسلمين والتى انتهكت من قبل ادارة الجامعه من المعروف ان المحكمه الدستوريه العليا اصدرت قرارا ببطلان هذا القرار وتم السماح للمنقبات بارتداء النقاب في لجان الامتجانات وطبعا كان من المفترض يبقى كل واحده يبقى معاها نسخه من حكم المحكمه عشان تحطه في عين اى حد يكلمها بس للاسف الموضوع جه في فترة امتحانات ورد الفعل كان بطيء نوعا ما لكن بعد استشارة رجال القانون بانه سيتم اتخاذ اجراءات حاسمه في امتحانات الترم التاني في حال تكرار ماحدث وسيتم ايقاف كل شخص عند حده ببيان حكم المحكمه ولو اى شخص من المسؤلين اعترض سيتم تطبيق القانون عليه بالعزل من منصبه او الحبس ستة اشهر وذلك لمنع تنفيذ حكم قضائي واجب النفاذ وربنا يرحمنا ويهدي الجميع ويحفظنا ويحفظ اخواتنا من يد اصحاب الشهوات والفاسدين

اشكرك يا مصطفى على اثارة الموضوع ده

كل ما اقول
(حسبى الله ونعم الوكيل) ضد الحكومة (ردا على موقف الجامعه المستفز من النقاب) 700120

فعلا يا مصطفى انهم يطبقون ما لا يعلمون وكنت اود من اي طالبة ان تأخذ حقها في هذا الشأن حال منعت بعمل محضر فوري مع ورود قرار المحكمة معها لتفضح كل من سولت له نفسه الاذدراء والتهجم على حق اعتقد انه واجب في زمننا هذا زمن الفتن بعدما استسيغ الامر وطال

قبل ما تهاجم الدكاتره وزير التعليم العالي قال اي واحده منقبه عشان تدخل اللجنه بالنقاب لازم
تجيب حكم فردي من المحكمه الناس دي بطبق قرار وزير يعني مش عايز يعرض نفسو للمسأله كل واحد بيخاف علي شغلو وبعد كده كل الجامعه كانت مانعه الدخول بالنقاب و في قنا في كل الكليات
مش في هندسه اسوان بس
بصراحه حوار النقاب مين في الامتحان
فاضي يبص علي البنات

basto0o كتب:: قبل ما تهاجم الدكاتره وزير التعليم العالي قال اي واحده منقبه عشان تدخل اللجنه بالنقاب لازم
تجيب حكم فردي من المحكمه الناس دي بطبق قرار وزير يعني مش عايز يعرض نفسو للمسأله كل واحد بيخاف علي شغلو وبعد كده كل الجامعه كانت مانعه الدخول بالنقاب و في قنا في كل الكليات
مش في هندسه اسوان بس
بصراحه حوار النقاب مين في الامتحان
فاضي يبص علي البنات

حضرتك في موقف زي كده لو مش هاجمت ناس بتخالف شرع ربنا ولما قرار منافي للاسلام ليه المسئول بيطبقه يقول الله تعالى (واطيعوا الله واطيعوا الرسول واولى الامر منكم ) طاعة ربنا اولى من طاعة ولى الامر بزمتك انا اهاجم مين واحنا هنفضل نطبطب على اللى بيغلطوا غلطات فظيعه لحد امتى كفاية اعذار بقى مافيش حاجه اسمها قرار ويطبقه اللى جايله القرار انسان مسلم وعاقل وبيفكر ولا ايه وقال الله تعالى( إِنَّا أَنزَلْنَا
التَّوْرَاةَ فِيهَا هُدًى وَنُورٌ يَحْكُمُ بِهَا النَّبِيُّونَ
الَّذِينَ أَسْلَمُوا لِلَّذِينَ هَادُوا وَالرَّبَّانِيُّونَ
وَالأَحْبَارُ بِمَا اسْتُحْفِظُوا مِنْ كِتَابِ اللَّهِ وَكَانُوا
عَلَيْهِ شُهَدَاءَ فَلا تَخْشَوُا النَّاسَ وَاخْشَوْنِ وَلا تَشْتَرُوا
بِآيَاتِي ثَمَنًا قَلِيلًا وَمَنْ لَمْ يَحْكُمْ بِمَا أَنزَلَ اللَّهُ
فَأُوْلَئِكَ هُمُ الْكَافِرُونَ )

يبدو انك مش مستوعب ان فيه حملة شرسة جدا على الاسلام ووضحت بداية ان الموضوع تلاكيك من بداية السنة مش قضية نقاب في لجنه امتحان القضية اكبر من كده بكتير القضية قضية اخلاق وتعاليم اسلاميه تفسخت واصحبت المبادي والاخلاق التى يجب التمسك بها فى ظل محاربة من ابناء الاسلام نفسهم وهدى الله شيخ الازهر من فتاويه الغريبة والعجيبه والتى لا تمت للاسلام بصله فهو المحرك الرئيسي والسبب الاساسي في امتهان الاخوات المحتشمات وكان الاولى به توجيه جهوده الى الفساد الاخلاقي والعري المتفشي في دور لاعلام وفساد منظومة المجتمع الاخلاقي في وسط الحرم الجامعي وتفشي ظاهرة الزواج االعرفي وغيرها من القضايا التى تكون مثل السوس الذي ينخر في قاع اساسا المجتمع الاخلاقي والتى سنصل الى مرحلة فساد اخلاقي لا متناهي فالامورلا التى كانت محرمه قديما اصبحت الان على لسان الناس (عادي ) ربنا يهدي الجميع ويجعله عامر

احسن يا جودز ولله

السلام عليكم و رحمة الله و بركاته

لماذا لا نسال انفسنا لماذا يتم مهاجمة النقاب بهذا الشكل
فنحن لا ننظر الى القضية على انها مهاجمة للاسلام
ولكن فعلا النقاب فى لجان الامتحانات سينتج مشاكل لا حصر لها و عموما فهو يتستر على جرائم كثيرة بغض النظر عن الجامعات و الامتحانات والحكومة لا تنظر اليه دينيا و انما لها ان تسير مصالحها بشكل جيد

اقتباس :: حضرتك
في موقف زي كده لو مش هاجمت ناس بتخالف شرع ربنا ولما قرار منافي للاسلام
ليه المسئول بيطبقه يقول الله تعالى (واطيعوا الله واطيعوا الرسول واولى
الامر منكم ) طاعة ربنا اولى من طاعة ولى الامر بزمتك انا اهاجم مين واحنا
هنفضل نطبطب على اللى بيغلطوا غلطات فظيعه لحد امتى كفاية اعذار بقى مافيش
حاجه اسمها قرار ويطبقه اللى جايله القرار انسان مسلم وعاقل وبيفكر ولا
ايه وقال الله تعالى( إِنَّا أَنزَلْنَا
التَّوْرَاةَ فِيهَا هُدًى وَنُورٌ يَحْكُمُ بِهَا النَّبِيُّونَ
الَّذِينَ أَسْلَمُوا لِلَّذِينَ هَادُوا وَالرَّبَّانِيُّونَ
وَالأَحْبَارُ بِمَا اسْتُحْفِظُوا مِنْ كِتَابِ اللَّهِ وَكَانُوا
عَلَيْهِ شُهَدَاءَ فَلا تَخْشَوُا النَّاسَ وَاخْشَوْنِ وَلا تَشْتَرُوا
بِآيَاتِي ثَمَنًا قَلِيلًا وَمَنْ لَمْ يَحْكُمْ بِمَا أَنزَلَ اللَّهُ
فَأُوْلَئِكَ هُمُ الْكَافِرُونَ )

يبدو
انك مش مستوعب ان فيه حملة شرسة جدا على الاسلام ووضحت بداية ان الموضوع
تلاكيك من بداية السنة مش قضية نقاب في لجنه امتحان القضية اكبر من كده
بكتير القضية قضية اخلاق وتعاليم اسلاميه تفسخت واصحبت المبادي والاخلاق
التى يجب التمسك بها فى ظل محاربة من ابناء الاسلام نفسهم وهدى الله شيخ
الازهر من فتاويه الغريبة والعجيبه والتى لا تمت للاسلام بصله فهو المحرك
الرئيسي والسبب الاساسي في امتهان الاخوات المحتشمات وكان الاولى به توجيه
جهوده الى الفساد الاخلاقي والعري المتفشي في دور لاعلام وفساد منظومة
المجتمع الاخلاقي في وسط الحرم الجامعي وتفشي ظاهرة الزواج االعرفي وغيرها
من القضايا التى تكون مثل السوس الذي ينخر في قاع اساسا المجتمع الاخلاقي
والتى سنصل الى مرحلة فساد اخلاقي لا متناهي فالامورلا التى كانت محرمه
قديما اصبحت الان على لسان الناس (عادي ) ربنا يهدي الجميع ويجعله عامر

انت هتكفر الدكاتره ؟؟؟؟؟؟؟؟
الدكتور بيطبق قرار لو عايز تتكلم اتكلم علي الوزير هو السبب
معني كلامك ان الدكتور اللي يشرح وقت الصلاه كافر ؟؟؟؟؟؟؟
و اعتقد ان الصلاه في الترتيب قبل النقاب و النقاب مش فرض اساسا.

اقتباس :: مسجلان خطر يتنكران بالنقاب لسرقة مصنع بأكتوبر/تقرير برنامج 48 ساعة

تمكنت أجهزة المباحث بمديرية أمن 6
أكتوبر من القبض على شخصين أثناء محاولتهما سرقة إحدى المصانع بأكتوبر
متخفيين فى زى منقبتين، والمتهمان هما " هانى. س" (31 سنة)، عامل ومقيم
بإمبابة، "وشكرى. س" (33 سنة)، ميكانيكى "مسجلان خطر وسبق ضبطهما فى 5
قضايا متنوعة.

واعترف المتهمان بالتخطيط لسرقة
المصنع بعد التخفى تحت النقاب، إلا أن أحد موظفى المصنع ارتاب فيهما عندما
لمحهما يقفان أمام المصنع ويرتديان أحذية رجالى فأبلغ باقى العمال الذين
أسرعوا إليهما لكشف هويتهما فوجدوا أنهما يريدان نقاب وملابس حريمى،
فأمسكوا بهما ليكتشفوا أنهما رجلين تخفيا وراء النقاب لسرقة المصنع، ليتم تحرير محضر لهما وأخطرت النيابة التى تولت التحقيق.

Quality : Xvid.Rmvb
Duration : 03:34 Min
Size : 10 MB

للتحميل اختار سرفير واحد فقط

RapidShare

http://imzdb.com/16036

mediafire

http://imzdb.com/16038

megaupload

http://imzdb.com/16044

شوف استخدام النقاب في مصر ,غير حالات الغش واحد داخل مكان مراتو يمتحن بالنقاب
المشكله ان الانسان المصري بيحب يعاند وبس من غير ما يفهم
ربنا يهدي الناس

basto0o كتب:: انت هتكفر الدكاتره ؟؟؟؟؟؟؟؟
الدكتور بيطبق قرار لو عايز تتكلم اتكلم علي الوزير هو السبب
معني كلامك ان الدكتور اللي يشرح وقت الصلاه كافر ؟؟؟؟؟؟؟
و اعتقد ان الصلاه في الترتيب قبل النقاب و النقاب مش فرض اساسا.

الايه واضحه يبشمهندس انا ماقولتش ان الدكاترة كافره وياريت حضرتك ماتخرجش عن نطاق الموضوع الاساسي احنا بنتكلم في موضوع النقا واعتراض تطبيقه ياريت مانفحتش مواضيع تاني
ولو فرضنا الوزير قال البنات تدخل ببدلة رقص يروح بقى اللى تحته يطبق زي الاهبل كده من غير مايفكر اصل سيادة الوزير ده قراراته قران تتنفذ من غير تفكير
بالنسبة للصلاه على ماعتقد ان وقت الصلاه بيبقى فيه وقت بعدها ياعنى اسلام خلى فيه سماحه لوقت الصلاه
بالنسبة للنقاب فرض حضرتك فيه اختلاف في راي الفقهاء فيه من اشار انه فرض وفيه من لم يشر الى فرضيته
خد حضرتك الموضوع من ناحية تانية
على ماعتقد ان فيه شيء اسمه الحرية وواكلين دماغنا بيها وكون ان واحده تختار ارتداء النقاب وتمتثل لراي الفقهاء في فرضيته فده حرية كون بقى ان ناس مش عاجبها وفاكره نفسها حاجه وتقل من قدر فرضية الحجاب على ماعتقد ده انتهاك صريح لقانون الحريات واما ان شاء الله اما ربنا يكرمك كده وتوصل تالته هتدرس حقوق الانسان ابقى اقرا الجزء بالحريات الشخصية وحق الانسان في العباده

basto0o كتب:: شوف استخدام النقاب في مصر ,غير حالات الغش واحد داخل مكان مراتو يمتحن بالنقاب
المشكله ان الانسان المصري بيحب يعاند وبس من غير ما يفهم
ربنا يهدي الناس

ناجي بقى للمشاكل اللى بتحصل اولا احنا في مصر للاسف اكثر ناس كسلانه واحسن حاجه ان المسئول يدور على حل يريحه والباقي يتحرق ياعنى حصلت مشكله بسبب النقاب امنع دخول النقاب ...فلان مثلا بيقطع ورقة من كتاب في المكتبه امنع الاستعارة وهكذا حل يريح المسئول ويقرف اللى حوليه ياسيدي الفاضل اولا سيبك من ان اختلاط التعليم من الاساس نظام خاطيء وفاشل جدا جدا جدا جدا وشوف نسبة الزواج العرفي وكم قصص الحب الفاشله الاختلاط ده زي النار والبنزين شوف انت ما تحطهم مع بعض يحصل ايه سيبك من الاختلاط بص انت لمشكلة النقاب في الكليه اولا حدد المشكله :فيه ناس بتلبس لبس منقبات وبتدخل وتعمل وتسوي بسيطه جدا حلها فيه واحده معينه من الحرس بتتاكد من شخصية المنقبه وعلى ماعتقد دي مش معضله ياعنى
ناجي بقى للجنه الامتحان في مليوووووووووووووون حل اولا ممكن واحده من الموظفات تتاكد من شخصية الموجوده وعلى ماعتقد بتوع الشئون كتير بلاش دي ياسيدي اعمل لجنة خاصة بالمنقبات ويكون لها قوانين وضوابط تنسق الموضوع ده
واخيرا ناجي بقى لعالم الجريمة بلدك من اعلى راس فيها لاوطى راس بتنهب وتسرق الا قليل بس تختلف المسميات ياعنى رشوه تتقال اكرامية اختلاس يقولك ده حقي ماهى الحكومة واكله حقنا وهكذا فالجريمة عندنا مستفحله حضرتك طبق شرع ربنا الاول ونبطل نستخدم القانون الفرنسي الفااااااااااااااااااشل لان الدوله اصبحت مالهاش هيبه والفاسدين بينتشروا فيها زي النار في الهشيم بزمتك لو اطبق حد السرقة اما اعين الناس واقسم بجلال الله اللى هيسرق هيفكر مليوووووووون الف مره قبل مايعمل حاجه زي كده

withagree كتب:: السلام عليكم و رحمة الله و بركاته

لماذا لا نسال انفسنا لماذا يتم مهاجمة النقاب بهذا الشكل
فنحن لا ننظر الى القضية على انها مهاجمة للاسلام
ولكن فعلا النقاب فى لجان الامتحانات سينتج مشاكل لا حصر لها و عموما فهو يتستر على جرائم كثيرة بغض النظر عن الجامعات و الامتحانات والحكومة لا تنظر اليه دينيا و انما لها ان تسير مصالحها بشكل جيد

طيب مافيه بنات بتحط سماعات تحت الحجاب ندخلهم من غير حجاب بقى عشان الغش وفيه اللى بتكتب على الجيبه ياتري دي نعمل معاها ايه

اقتباس :: ناجي
بقى للجنه الامتحان في مليوووووووووووووون حل اولا ممكن واحده من الموظفات
تتاكد من شخصية الموجوده وعلى ماعتقد بتوع الشئون كتير بلاش دي ياسيدي
اعمل لجنة خاصة بالمنقبات ويكون لها قوانين وضوابط تنسق الموضوع ده

كلام زي الفل
بس ده مش العميد و الدكاتره اللي يعملو كده
العميد و الدكاتره بيطبقو كلام اللي فوق منو يعني العيب من الوزير اللي طلع القرار مش ذنبهم
الوزير بعد الحكم قال ممنوع الدخول بالنقاب في اللجنه
و العميد و الدكاتره مش عايزين يتعرضو لاي مشاكل
كل واحد بيخاف علي شغلو

ولو اي واحد مكانو هيعمل اللي حصل و علي فكره نفس الموقف حصل في كليه الحقوق في
قنا

basto0o كتب:

اقتباس :: ناجي
بقى للجنه الامتحان في مليوووووووووووووون حل اولا ممكن واحده من الموظفات
تتاكد من شخصية الموجوده وعلى ماعتقد بتوع الشئون كتير بلاش دي ياسيدي
اعمل لجنة خاصة بالمنقبات ويكون لها قوانين وضوابط تنسق الموضوع ده

كلام زي الفل
بس ده مش العميد و الدكاتره اللي يعملو كده
العميد و الدكاتره بيطبقو كلام اللي فوق منو يعني العيب من الوزير اللي طلع القرار مش ذنبهم
الوزير بعد الحكم قال ممنوع الدخول بالنقاب في اللجنه
و العميد و الدكاتره مش عايزين يتعرضو لاي مشاكل
كل واحد بيخاف علي شغلو

ولو اي واحد مكانو هيعمل اللي حصل و علي فكره نفس الموقف حصل في كليه الحقوق في
قنا

بالنسبة لتطبيق القرارات على ماعتقد ان اللى بيطبقها عنده عقل بيفكر بيه فمن رضا الله واسخط الناس رضا الله عنه ورضا عنه الناس ومن سخط الله ورضا الناس سخط عليه الله وسخط عليه الناس المفروض الانسان يبقى له شخصيته ومنصبه لا يقيده عن تنفيذ المباديء الاخلاقيه السليمه لانه فيه ضمير ياعنى مثلا انت راجل مدني وجيت في موقع الشغل مديرك قالك خد ودي الرشوة دي للمقاول فلان وخلص لنا العمليه ياترى هتغضب ربنا وتخلص موضوع وتدفع الرشوة وتحتفظ بوظيفتك وتراضي مديرك ولا تخلي مبادئك واخلاقك النضيفة هي اللى تتكلم وتقول لا
الانسان المحترم هيفكر صح ويقول ان معاي ربنا ومدام انا عملت اللى قال عليه ربنا اكيد ربنا هيعوضني اضعاف ماكنت املك خيرا سواء كان وظيفة احسن او صحة او يبارك له في كل حاجه وافتكر سيدنا يوسف اما قال السجن احب الى مما يدعونني اليه وشوف اد ايه اتبهدل ودخل السجن في قضية شرف ودي مش قضية سهل وشوف كان ايه عند عزيز مصر واما اتقى الله وقال لا واتمسك بالصح ربنا كرمه وبقى ايه في الاخر بقى يحكم غذاء العاااااااالم ووزير مصر وربنا نصره

بعد اذن حضرتك يا بشمهندس جودزيلا انت بكلامك تدعو كل واحد فى الدولة ميعجبهوش قرار اللى اعلى منه يروح قايل انا مش حنفز
الاعتراض ميبقاش بالطريقة دى
يعنى لو رئيس الجامعة معجبهوش قرار النقاب مينفعش مينفزهوش حتى لو كان هو مش راضى عن القرار لانه من طاعة اولى الامر و هى واجبة

ولو قولتلى طب و طاعة الله و رسوله فين
حقولك انت مدام رضيت ان هذا الشخص يصبح وزير من الاول يبقى لازم تتبع اوامره
يعنى هذه القضية انت غير راضى عن خلع النقاب و شخص اخر متمسك بالنقاب
من سيكون الحكم فى هذا الامر بغض النظر عن من هو المحق و عن اين القرار الصحيح
يعنى المسئول عن هذا القرار هو الوزير و المسئول عن تعيين الوزير هو رئيس الجمهورية و المسئول عن تعيين رئيس الجمهورية هم عامة الشعب و انت واحد منهم
يعنى كل منا مسئول عن هذا القرار بلا استثناء

withagree كتب:: بعد اذن حضرتك يا بشمهندس جودزيلا انت بكلامك تدعو كل واحد فى الدولة ميعجبهوش قرار اللى اعلى منه يروح قايل انا مش حنفز
الاعتراض ميبقاش بالطريقة دى
يعنى لو رئيس الجامعة معجبهوش قرار النقاب مينفعش مينفزهوش حتى لو كان هو مش راضى عن القرار لانه من طاعة اولى الامر و هى واجبة

ولو قولتلى طب و طاعة الله و رسوله فين
حقولك انت مدام رضيت ان هذا الشخص يصبح وزير من الاول يبقى لازم تتبع اوامره
يعنى هذه القضية انت غير راضى عن خلع النقاب و شخص اخر متمسك بالنقاب
من سيكون الحكم فى هذا الامر بغض النظر عن من هو المحق و عن اين القرار الصحيح
يعنى المسئول عن هذا القرار هو الوزير و المسئول عن تعيين الوزير هو رئيس الجمهورية و المسئول عن تعيين رئيس الجمهورية هم عامة الشعب و انت واحد منهم
يعنى كل منا مسئول عن هذا القرار بلا استثناء

الموضوع مش موضوع يعجبه ولا مش يعجبه فيه حاجه اسمها قل ان نسكي ومحياي ومماتي لله رب العالمين ياعنى اى حاجة تعملها توزنها بميزان ماشرعه الله عز وجل تنفع يبقى تمام ماتنفعش يبقى لازم وقفه لانه عدم تطبيق الشرع ومخالفته لابد ان يكون وراه خلل فالله هو خالق هذا الكون وهو مدبره وهو عالم بتصريف الامور ومهما وصلنا من علم وخبره بردوا قليل (يقول تعالى (وما أؤتيتم من العلم الا قليلا )) فلو كل واحد قال للغلط لا مش كان ده حالنا وغير كده مين اللى قالك اننا بنختار اللى بيبقوا مسئولين عننا لا رئيس الجامعه بيختار وزير ولا احنا شعب بنختار رئيسنا ومحدش يقولي انتخابات عشان دي تمثيلية بايخه وفصولها معروفه وانا كتبت في اساس الموضوع من فوق ان الفساد الاخلاقي في المجتمع هو السبب في وصول اصحاب القرار الى مناصبهم لو انه مجتمع صالح مكنش فاسد واحد لقى له مكان بينهم وتذكر اخي الكريم افضل الجهاد قول كلمة حق عند سلطان جائر

اذن لماذا لا تقف حضرتك امام هؤلاء الناس و تجبرهم على ان يدخلوا المنقبات و الا يعترضهم احد ؟

الاجابة انك لا تستطيع ........ وانا لا استطيع و الحرس لا يستطيعون و رئيس الجامعة لا يستطيع
ولكن الوزير هو الوحيد الذى يصدر قراراته و ان كان هناك حل فنرجو منك ان تقدمه
بشرط ان يكون منطقى
لان كلنا نتمنى ان يسود شرع الله و لكن من يستطيع تطبيقه
لذا الحل الوحيد هى انتخاب من يحق له المنصب
و لا تقل لى الانتخابات يزور فيها
فكل منا مسئول عن ذلك فالشعب هو شعب سلبى و يستحق ما يجرى له
فما العمل ان كنا غير قادرين على اختيار من يتولى امرنا بحق الله ؟

السلام عليكم ...

كل ما يجى فى بالى الموضوع ده افتكر حديث الرسول صلى الله عليه وسلم :
(سيأتي على الناس سنوات خداعات ،يصدق فيها الكاذب ، ويكذب فيها الصادق، ويؤتمن فيها الخائن ، ويخون فيها الأمين ، وينطق فيها الرويبضة في أمر العامة ، قيل وما الرويبضة ؟
قال : الرجل التافه ) .
فعلا ما اكثر التافهين الذين يتولون المناصب الان ....
فهل يعقل يا مسلمين ان واحد مسلم يمنع واحد مسلمة من اداء فرض فرضه الله عليها بحجة انه بينفذ قرار وزارى يا اخى لاطاعة لمخلوق فى معصية الخالق .
يعنى المحترمة اللى عايزة تتمسك بدينه يتعمل فيها كدة واللى( ......)يحترموها ويقدروها ...عجبا والله
والله المشكلة مش مشكلة امتحانات ولا خايف ان حد يغش ولا حاجة ...ولو كان على الموضوع ده فى كذا حل زى مقال البشمندس مصطفى .....دى دعوة لتخى عن الدين ...دلوفتى النقاب بعد كدة الحجاب بعدة كدة الصلاة وبعد كدة الصوم ...
حسبنا الله ونعم الوكيل .وربنا يهدى يا يخفى .

يا جماعة الكل يعلم ان ما يحدث هو ذنوب عظيمة و تعدى كبير

و لكن ما الحل يعنى انت لو معاك اختك منقبة فى الجامعة بماذا تنصحها دون ان تضرها ؟

withagree كتب:: اذن لماذا لا تقف حضرتك امام هؤلاء الناس و تجبرهم على ان يدخلوا المنقبات و الا يعترضهم احد ؟

الاجابة انك لا تستطيع ........ وانا لا استطيع و الحرس لا يستطيعون و رئيس الجامعة لا يستطيع
ولكن الوزير هو الوحيد الذى يصدر قراراته و ان كان هناك حل فنرجو منك ان تقدمه
بشرط ان يكون منطقى
لان كلنا نتمنى ان يسود شرع الله و لكن من يستطيع تطبيقه
لذا الحل الوحيد هى انتخاب من يحق له المنصب
و لا تقل لى الانتخابات يزور فيها
فكل منا مسئول عن ذلك فالشعب هو شعب سلبى و يستحق ما يجرى له
فما العمل ان كنا غير قادرين على اختيار من يتولى امرنا بحق الله ؟

في البداية عاوز اوضح لحضرتك حاجه مهمه انا مش بقول كلامي ده عشان نروح نمسك الوزير ولا اى مسئول تحته وتضربه ولا تولع فيه مثلا لا طبعا ماينفعش بس في حاجه اسمها حق الحاكم على المحكوم وحق المحكوم على الحاكم وبالنسبه لنا احنا كمحكومين مانشوفش الغلط ونسكت لان ده غلط وسيدنا ابو بكر اوجز عبارات الحكم في كلمتين ان احسنت فاعينوني وان اسأت فقوموني انا اللى بقول ده اللى مقدرني عليه ربنا وده اضعف الايمان ان اقول فيه غلط بس انا قولته هنا في المنتدى لانه منتدى بردوا ليه صوت وكل حاجه فيه بتوصل وربنا يخلى العصافير وكمان انا كتبت الموضوع ده من غيظي لانه بعتبر ان اختى كانت في مكان اى واحده منقبه اتعرضت لضايقه وكمان لانه الانحلال محدش بيقوله لا والالتزام الناس بتحاربه وهو ده الفساد بعينه وبالنسبه لوقفي قدام اى مسئول تأكد لو جت الفرصه انى اوصل كلامي ده لهم مش هخاف من اى حد وانا اتكلمت قبل كده قدام احد الوزرا وسألته سؤال وهرب من الاجابه وده كان على مرا ومسمع من جميع الحاضرين في معهد اعداد القادة بالاسكندرية انا مش عاوز اقوله رائي انا سألته سؤال والاجابه هى اللى هتقوله اللى انا عاوز اقوله لانه مكنش ليها غير اجابه واحده
واخيرا اخونا الكريم عشان نصحح الوضع الى احنا فيها مش من يوم وليله احنا محتاجين سنين عشان يكون فيه تغير للاحسن اللى بأيدنا بقى ان كل واحد يصلح من نفسه ولو قدر بعدها ينصح اخوه او صاحبه او قريبه وياخده معاه في سكته يبقى خير وانا اشرت في الموضوع الاساسي ان العيب الرئيسي في الناس لان الناس لو كويسه عمر ماللى هيحكم هيعرف يعمل معاهم حاجه مش تمام لانه لو انسان غير سوي مش هيلاقي مكان له وسطهم لان قيم ومبادي الناس مش هتسمح له

yasmeen كتب:: يا جماعة الكل يعلم ان ما يحدث هو ذنوب عظيمة و تعدى كبير

و لكن ما الحل يعنى انت لو معاك اختك منقبة فى الجامعة بماذا تنصحها دون ان تضرها ؟

هو اولا انا عاوز اوضح لحضرتك حاجه ان مشكلتنا ان الشعب المصري وانا واحد منهم طبعا بيضيع حقه نتيجة انه مش عارف حقه او بيتغاضي عنه ويسامح او بالادق بيخاف يطالب بيه ده خوفا من بطش اللى حاكمه
بالنسبه لو لي اخت انا اعتبرت فعلا ان اللى حصل في اللجنه ده حصل مع اختى واستشرت ناس في القانون وعرفت ايه اللى اقدر اعمله وده السبب الرئيسي في عمل هذا الموضوع اولا بالنسبه لدخول الكليه الحرس المفروض بتبقى فيه واحده مسئوله انها تتاكد من شخصية المنقبه عند الدخول وبالنسبه للجنة الامتحان صدر حكم من المحكمة الدستوريه العليا ببطلان القرار ومن حق المنقبات ارتداء النقاب في لجان الامتحانات وعشان توقفي كل واحد عند حده بتعملى استخراج مصور من الحكم مختوم بختم المحكمه وده يعملهولك اي محامي ولو حد كلمك طلعي الورقه وحطيها في عينه واللى يمتنع عن تنفيذ القرار لو كان عميد يعزل من منصبه او ممكن توصل للحبس لمدة ستة اشهر وذلم للامتناع عن تنفيذ حكم قضائي والمحامى بقى هو اللى هيعمل ده كله وفعلا البشمهندس عمر جعفر ماهر اللى معانا في سنة تالته مدني وهو ايضا يمارس مهنة المحاماه مستعد للدفاع عن حقوق المنقبات وتقريبا فيه تلات منقبات عملوا له توكيل

بارك الله فيك يابشمهندس وفي كل الناس اللي وقفوا بشهامه
لكن انا سمعت في تصريحات الوزير انه قال الجهه الاداريه في الجامعه هي المسئوله عن القرار وانه الوزاره مالهاش علاقه بالقرار ده وانا في رايي ان الدليل على كده انه مفيش مسئول من الوزاره جيه وفتش تقريبا انا شايفهاللي حه في اللجان العميد ووكيل الكليه وسمعت انه نائب رئيس الجامعه هو اللي حه كمان
وغلى فكره على مستوى الجمهوريه في جامعات سمحت وجامعات لا

ساره eng كتب:: بارك الله فيك يابشمهندس وفي كل الناس اللي وقفوا بشهامه
لكن انا سمعت في تصريحات الوزير انه قال الجهه الاداريه في الجامعه هي المسئوله عن القرار وانه الوزاره مالهاش علاقه بالقرار ده وانا في رايي ان الدليل على كده انه مفيش مسئول من الوزاره جيه وفتش تقريبا انا شايفهاللي حه في اللجان العميد ووكيل الكليه وسمعت انه نائب رئيس الجامعه هو اللي حه كمان
وغلى فكره على مستوى الجمهوريه في جامعات سمحت وجامعات لا

هو مهما كان مصدر القرار فحكم المحكمة موجود والترم التاني ان شاء الله لو حد اتكلم مع المهندسات ان شاء الله حكم المحكمة واللى يرفض هى توكيل محامى وتشيل ايدها وهو هيعرف يتصرف معاهم اهم حاجه كل واحده يبقى معاها مستخرج رسمي من المحكمة وكلامك مظبوط فعلا الكلام ده محصلش في جامعة اسكندرية نهائيا بس عشان جامعتنا قدامها مليون سنة بوضعها ده عشان تبقى جامعه عدله

اقتباس :: جامعتنا قدامها مليون سنة بوضعها ده عشان تبقى جامعه عدله

مليوون سنه بس ,,,,

ده أنت بتحلم ,,, كتييييييييييييير أوييييي باين عليك !!

ربك يصلح الحال

وامتنع عن التصريح باكثر من ذلك ,,, حفاظا علي ضغط الدم والمراره والسكر

وربنا ياخدهم جميعا ,,,, يااااااااااااااااااااااارب

eng_ghost كتب:

اقتباس :: جامعتنا قدامها مليون سنة بوضعها ده عشان تبقى جامعه عدله

مليوون سنه بس ,,,,

ده أنت بتحلم ,,, كتييييييييييييير أوييييي باين عليك !!

ربك يصلح الحال

وامتنع عن التصريح باكثر من ذلك ,,, حفاظا علي ضغط الدم والمراره والسكر

وربنا ياخدهم جميعا ,,,, يااااااااااااااااااااااارب
ايه ياجماعه ليه الياس ده ان شاء الله ربنا ينفخ في سورها وتبقى زي الفل طول ما فيها ناس بتشتغل زييكم كده
وعلى فكره موضوع تنفيذالقرار مش متعلق بمستوى الجامعة العلمي لان احدى الجامعات مش فاكره عين شمس ولا القاهره منعت برضه النقاب
والله المستعان

ساره eng كتب:

eng_ghost كتب:

اقتباس :: جامعتنا قدامها مليون سنة بوضعها ده عشان تبقى جامعه عدله

مليوون سنه بس ,,,,

ده أنت بتحلم ,,, كتييييييييييييير أوييييي باين عليك !!

ربك يصلح الحال

وامتنع عن التصريح باكثر من ذلك ,,, حفاظا علي ضغط الدم والمراره والسكر

وربنا ياخدهم جميعا ,,,, يااااااااااااااااااااااارب
ايه ياجماعه ليه الياس ده ان شاء الله ربنا ينفخ في سورها وتبقى زي الفل طول ما فيها ناس بتشتغل زييكم كده
وعلى فكره موضوع تنفيذالقرار مش متعلق بمستوى الجامعة العلمي لان احدى الجامعات مش فاكره عين شمس ولا القاهره منعت برضه النقاب
والله المستعان

منعت النقاب الجامعات دي ياهندسه ,,, تنفيذا لقرار الوزير

أنما مامنعتش الكمامه ,,, لأن ده مش قرار وزير

دي ناس تعبانه نفسيا ,,,, ودماغها تعبانه أساسا

وطول ماهم موجودين في الجامعه والكليه ,,, لاعمرنا هنتحسن ولا هنتطور ,,, مهما حصل

وهنفضل طول عمرنا ,,,,, هندسة الريش ,, جامعة جااااااااااااااااااااااااااااااااااا...... ولا بلاش أكمل أحسن , خللي الطابق مستور !!

» تهنئه للطالب أحمد سيد محمد محمود لحصوله على منصب أمين مساعد إتحاد الجامعه.
» موقف محرج
» المسيحية
» حكم النقاب
» موقف عربى فصيح