السلام عليكم ورحمة الله وبركاته
أهلا وسهلا بيكى يا بشمهندسة بالمنتدى
بخصوص سؤالك فلو كنتى من طلبة كليتنا فحاولى تدورى فى المكتبة بتاعة المغربى أو التانية
عن تلخيصات وشرح والكلام ده أو عن طريق زمايلك برضو أو تروحى مدينة البنات أكيد
فيها ناس مذاكرة أو ملخصة حاجات وكده يعنى.
بخصوص المواد فالتيرم الأولانى على ما أذكر كله حفظ يعنى الجولوجيا عاوزه حفظ منك
وبرضو الإنشاء المعمارى والرياضة برضو فى شق منها حفظ أو يعنى لو قدرتى تفهمى
يبقى خير وبركة وأخيرا الإستركشر وده مش حفظ ومادة لذيذة ولو حليتى الفرايم فيه
هتنجحى بإذن الله لذلك المفروض تلحقى تذاكرى مادة كويس ومتقلقيش وتحلى بإيدك
كتير وتحاولى تحلى إمتحانات السنين اللى فاتت ودى أكيد هتفيدك بإذن الله وبالنجاح
إن شاء الله.
والله الموفق
موضوع: ساعدوني ................... 
الأحد 24 يناير - 15:30
