عبير رمضان
مراقب عام المنتديات
عدد المساهمات : 3897
تاريخ التسجيل : 09/04/2008
العمر : 56
الموقع : في قلب مصر
رقم العضوية : 994
Upload Photos : 
 |  موضوع: كلام سريع عن المذاكرة  الجمعة 15 يناير - 12:09 | |
| كلام سريع عن المذاكرة
بقلم: د.شريف عرفة..
الامتحانات قربت و كل سنة و انتم طيبين يا شباب ..بالمناسبة دي هاكلمكم النهاردة عن الذاكرة.لو عايز تحسن ذاكرتك هاديلك شوية حاجات قالتها مجلة (Good Living-issue 11) ممكن تساعدك.. و أضفت عليها شوية حاجات كده, من وحي خبرتي في عالم المذاكرة:الأكل: لازم تهتم بالأكل , و خصوصا الأكلات إلي ممكن تحسن أداء الذاكرة.. مثل :التمر- اللوز- الحليب- التفاح –العتب الغامق- و كل مشروبات الصويا..و كمان العسل و شاي الجنزبيل و عصير الجزر محفزات رائعة للذاكرة...و تجنب الكحول و المخدرات طبعا, لأنها بتضيع الذاكرة !!!النوم:فيه بعض الأبحاث بتقول إن النوم هو مرحلة بيقوم فيها العقل بتثبيت المعلومات إلي خدناها طول اليوم .. يعني يفضل سيادتك تنام بعد المذاكرة شوية بدل ما تفضل سهران الليل بطوله و انت مش مركز و قاعد تذاكر برضه !الراحة مهمة و لازم تذاكر و انت مركز , و تنال قسط مناسب من النوم.. بس إوعى يبقى النوم هي و سيلتك المفضلة للهرب من المذاكرة ... انا باقول نام لك شوية بعد ما تذاكر مذاكرة كتيرة..التنظيم:مهم جدا قبل ما تذاكر , ترتب الورق و المذكّرات و الكتب بتاعتك.. كل مادة لوحدها و كل جزء لوحده.. عشان تعرف بالضبط (حجم) كل مادة..عشان تعرف بالضبط فاضل لك إيه و ذاكرت ايه فتقدر تعرف هاتذاكرها في وقت أد إيه.التنظيم نص المذاكرة.. لأن الورق لو كله على بعضه , مش هاتعرف تذاكر و هاتيأس و تسيب المذاكرة و تقوم..لأنك مش عارف راسك من رجليك.. خليك فاكر : التنظيم نص المذاكرة. الألحان :لو فيه معلومة معصلجة مع سيادتك و مش عارف تحفظها, غنيها !أيوه .. لو حاولت تفتكر كلمات أغنية .. مش هاتعرف تفتكرها إلا لو افتكرت اللحن, ساعتها هايبقى سهل تفتكر الكلام ..الألحان بتخلي الحفظ أسهل.. مش ملاحظ إن بتوع الإعلانات بيحطوا اسم المنتج في أغنية ؟عرفت ليه ؟عشان الناس تحفظها !!مثال :إعلانات أرقام الانترنت .. أكمل الأغنية : 0777(و بعدين ؟)بلاش لخبطة:أي عمل غير منته في حياتك , ممكن يخلي بالك مشغول..فضي نفسك للمذاكرة و بلاش تخلي بالك مشغول في 5638 حاجة !الضحك :الحاجات المضحكة عمرها ما بتتنسي..لو فيه معلومة معصلجة معاك حطها في نكتة او بص لها كإن دمها خفيف ..اخترع النكت و اسخر من المنهج اللي بتحفظة هاتلاقي نفسك بتحبه و عارف تذاكره..مثال : كنا بندرس عن عالم كبير اسمه (مالبيجي) و كان اسمه رخم و مش عارف احفظة.. أول ما تخيلت انه اسمه (مليجي) بس خواجة.. لقيت العملية سهلة الحفظ !اهتم:من المهم أن تكون مهتما بما تقرأ.. يعني حاسس انك عايز تعرف المعلومة دي فعلا و عايز تستفيد منها..خليك حاسس بالفضول نحو الموضوع عشان تلاقيه مسلي.. و حط دماغك في الموضوع ..قرر:قرر إنك هاتحفظ المنهج بنسبة 100% مهما كلفك الأمر , و ذاكر بهذه العقلية و انت مصمم إن : يا انا يا الأمتحان بقى ! سبب رئيسي بيخلينا مش عارفين نحفظ , و هو اعتقادنا الداخلي ان ذاكرتنا ضعيفة !لو آمنت ان ذاكرتك قوية و قلت كده لنفسك , و قررت إنك هاتحفظ و تستوعب المنهج كله بأقل تفاصيله, هاتترسخ جواك الفكرة دي .خليك إيجابي:حط خطوط تحت الكلام المهم , لخص النقاط المهمة , سمع لنفسك , ..... اعمل حاجات ملموسة تحس منها إنك ماشي في الطريق الصحيح و مش سلبي.ركز في التفاصيل:اعتبر كل معلومة صغيرة مهمة .. و اعتبر انك هاتحكي كل التفاصيل دي لواحد صاحبك بكرة و انتم خارجين مع بعض.. اعتبر إن فيه ناس صحابك عايزين يعرفوا التفاصيل دي و انك هاتحكيهالهم بكرة..و خلي بالك ..ادي نفسك فرصة انك تنسى شوية .. كل ما تذاكر كتير, هاتنسى حاجات مش مؤثرة قوي..لكن لو مذاكر قليل, لو نسيت معلومة واحدة هاتروح في أبو نكلة !اتكلم بصوت عالي : بكده حواس كتير هاتشتغل على المعلومة دي .. اشرح المعلومة دي لحد , أو اكتبها و اقراها تاني .. ماتبقاش بس مستقبل سلبي للمعلومة, طلعها من جواك برضه -بأي طريقة- عشان ترسخ المعلومة أكتر.المراجعة :بعد كل ده .. راجع يا باشا ! و ابقى قابلني لو سؤال وقف قدام سيادتك.مع تمنياتي لكم بالنجاح و التوفيق يا شباب... و ابقوا قولوا لي عملتوا إيه. | |
|
حسين تاج الدين
عضو بدرجة مهندس إستشارى
عدد المساهمات : 2139
تاريخ التسجيل : 28/08/2009
العمر : 33
الموقع : في قلوب الاحبه
الأوسمه : 
Upload Photos :
أهم مواضيعى :
حكمه ...
حين تفقد شيئاً يخصك . . تذكر أن كل شئ قد كان في لوحة القـدر
. . قبل أن تكون شخصا من بين ملايين البشر. . إن خسرت شيئا
. . فتذكر أنك قد كسبت أشياء . . و إن فاتك موعد
. . فتذكر أنك قد تلحق موعــداً! ! مهما كان الألم مريراً ومهما كان القادم مجهولا .
....... افتح عينك للأحلام و الطموح . . فغداً يوم جديد . . وغداً أنت شخص جديد
| | موضوع: رد: كلام سريع عن المذاكرة السبت 16 يناير - 0:29 | |
| | |
|
عبير رمضان
مراقب عام المنتديات
عدد المساهمات : 3897
تاريخ التسجيل : 09/04/2008
العمر : 56
الموقع : في قلب مصر
رقم العضوية : 994
Upload Photos :
| | موضوع: رد: كلام سريع عن المذاكرة السبت 16 يناير - 19:54 | |
|
شكراً جزيلاً جداا علي مرورك الكريم
وعلي ردك الجميل جدااا الي بيرفع دائماً من روحي المعنويه
جزاك الله خيراً
ولكن الابداع والتميز من يستحقهم حقاً هو كاتب الموضوع باسلوبة الرائع جداا
| |
|
حسين تاج الدين
عضو بدرجة مهندس إستشارى
عدد المساهمات : 2139
تاريخ التسجيل : 28/08/2009
العمر : 33
الموقع : في قلوب الاحبه
الأوسمه :
Upload Photos :
أهم مواضيعى :
حكمه ...
حين تفقد شيئاً يخصك . . تذكر أن كل شئ قد كان في لوحة القـدر
. . قبل أن تكون شخصا من بين ملايين البشر. . إن خسرت شيئا
. . فتذكر أنك قد كسبت أشياء . . و إن فاتك موعد
. . فتذكر أنك قد تلحق موعــداً! ! مهما كان الألم مريراً ومهما كان القادم مجهولا .
....... افتح عينك للأحلام و الطموح . . فغداً يوم جديد . . وغداً أنت شخص جديد
| | موضوع: رد: كلام سريع عن المذاكرة الإثنين 18 يناير - 19:41 | |
| - بنت مصر كتب:
شكراً جزيلاً جداا علي مرورك الكريم
وعلي ردك الجميل جدااا الي بيرفع دائماً من روحي المعنويه
جزاك الله خيراً
ولكن الابداع والتميز من يستحقهم حقاً هو كاتب الموضوع باسلوبة الرائع جداا
والله بجد الي يستحق الابداع والتميز هو حضرتك يا بشمهندسهلان مواضيعك كلها اكثر من رائعه والاروع هو اختيارك للمواضيع المفيده الي في قمه الابداع والتميز...بجد انا مش قادر اوصفها كل ما اقولهاتمني وارجو من الله الا يحرمنا منها والا يحرمنا من تواجدك معنا  جزاكي الله عنا كل خير ....
| |
|
عبير رمضان
مراقب عام المنتديات
عدد المساهمات : 3897
تاريخ التسجيل : 09/04/2008
العمر : 56
الموقع : في قلب مصر
رقم العضوية : 994
Upload Photos :
| | موضوع: رد: كلام سريع عن المذاكرة السبت 23 يناير - 15:03 | |
|
شكراً جزيلاً بشمهندس جسين علي كلماتك الرقيقة المجامله
جزاك الله خيراً
| |
|
