نوادر الامتحان

نوادر الامتحان

فى البداية بقول مبروك لكل اللى خلصوا وربنا مع كل اللى لسه مخلصوش ..

المهم اكيد كلنا دخلنا الامتحان وفى حاجات كتير قوي بتحصل قدامنا وبنضحك عليها او بنشوف انها عادية جدا وميش جديد
المهم تقريبا انا فى كل يوم كان بيحصل معايه شئ ظريف او كنت بشوف حاجة ممكن اضحك عليها طول اليوم وقررت اول ما اخلص الامتحانات هقولكم عليها
اول يوم هى حنان راحت فين ...
فى اول يوم من ايام الامتحانات انا كنت مبهور بالنظام اللى فى الكلية وماشي عمال اقول معقول ديه كلية تجارة .. لا مش ممكن معقول النظام ده .. كل مراقب له اي دي .. وكل الناس بتوصل للجان بسهولة .. معقول دنا السنه اللى فاتت كنت عمال اجري يمين وشمال ادور على لجنتى بعد الامتحان ما بيبدء معقول وقررت اتكلم واكتب موضوع ان بلدنا وشعبنا ممكن يتغير ويبقى منظم .. الطريف بقه بدأت اللجنة ودخل رئيس الدور وهو بيتكلم فى التليفون وبيقول ايوه خلاص انا وصلت للجنة ..وانهى المكالمة وقال فين حنان ......... وطالبة قامت رافعة ايديها قالها تعالى ياحبيتي هاتى ورقة ايجابتك وتعالى ومن ساعتها وحتى اخر يوم فى الامتحانات ومشفتش حنان تاني .. وساعتها ايقنت ان كل شئ ممكن يتغير فى بلدنا الا الكوسة .. وصدق المثل اللى قال لوكان البحر صلصة مش هيكفى الكوسة اللى فى بلدنا

اليوم التانى يلا نذاكر مع بعض
الورق جه واللجنة كانت خنقة قوي وناس شكلها شديد وعمالين يتعوجوا على الطالبة .. وكلهم رجالة مفيش ست يعنى القلب الجامد .. المهم تقريبا الطالبه اياهم اللى بحبوا التساهيل كانوا مخنوقين جدا وبعد ربع ساعة بس .. اتحولت اللجنة رأسا على عقب لما قال احد المرقبين ذكروا مع بعض بس من غير صوت وساعتها زعلت جدا انى مبعرفش اذاكر غير لوحدي .. وكان الطريف بقه بنتين قاعدين ورايه ذكروا مذكره ايه وشك
اليوم التالت : ارحمي التخته
اليوم التالت ولاول مره اشوف كمية الجرأة ديه طالبة قاعده بتكتب على الديسك فى ثبات وقوة وعمالة تكتب من المذكرة للتخته ممكن يكون الموضوع عادي بس لما يكون قدام المرااقب وهو شايفها يبقى البنت ديه قليها جامد

اليوم الرابع : الدكتور صحه
تصحيح فى الامتحان قبل انتهاء الامتحان بعشر دقائق ... مع ان الطلبة طلبت الدكتور عشان فى حاجة غلط وقاللهم الامتحان كده صح ده غير ان كان فى نسبة 80% من الطلبة مشوا
اليوم الاخير : الانجليزي
يوم غريب كل الناس مسكين المذكرات وعمالين يذكرو ودخلنا اللجنة وطبعا تبع قدرة الشعب المصري القوية فى ايجادة اللغة الانجليزية مينفعش الماده ديه تتغش بالصوت ولا بالصورة وبعد حوالى ساعة الا ربع من بداية الامتحان مسكة رئيسة اللجنة ولد حاطط منفستوا فى ورقة الاجابة وبصراحة كان شكله وحش قوي وهو عمال يقولها انت مش خدتى المنفستوا طب جيبي الورقة المهم جابوا رئيس الدور وعماللوا محضر الطريف بقه فى اللحظة ديه مسكت هي هي رئيسة اللجنة ولد تاني حاطط منفستوا برضه واللجنه هاصت والكل عمال ينادي ويتكلم بصوت عالي واللجنة بقيت زي اللى بتفرجوا على مسرحية لهنيدي ولا حاجة كده
نوادر عامة :

ساعة دخول الطلبة .. هو ليه الطلبة كلها بتدخل فى وقت واحد بناء على مبدء الحشر
ليه الطلبة اللى بتبقى قلقانه قبل الامتحان بتبقى فرحانه بعديه والطلبة اللى بتبقى فرحانه فبل الامتحان بتبقى قرفانه بعدية
ده غير حاجات كتير قوي .. بس هو ده تقريبا اللى لسه فكروا واتمنى ان مايحصلش ده عندنا في يوم من الايام

منقول

الموضوع activ وظريف

أحب أتكلم على موضوع الغش الذى يبدأ من المرحلة الإبتدائية
ومن الظريف وخاصة فى الثانوية العامة أول سؤال بيسأله بعض أولياء الأمور
هو (عملت إيه ى الإمتحان؟)
وتانى سؤال (إيه أخبار اللجنة .فرطوها ولا لا؟)
(وعرفت تغش ولا لا؟)
يعنى المشكلة فى الأساس(البيت)

والله المستعان

rehab كتب:: الموضوع activ وظريف

أحب أتكلم على موضوع الغش الذى يبدأ من المرحلة الإبتدائية
ومن الظريف وخاصة فى الثانوية العامة أول سؤال بيسأله بعض أولياء الأمور
هو (عملت إيه ى الإمتحان؟)
وتانى سؤال (إيه أخبار اللجنة .فرطوها ولا لا؟)
(وعرفت تغش ولا لا؟)
يعنى المشكلة فى الأساس(البيت)
والله المستعان

عندك حق يا باشمهندسه وبصراحه كلنا كان يحصل معانا كده أول ما نرجع من الأمتحانات وفعلا كان بيكون في غش وأولويات وعلى المكشوف

» من نوادر المشاهير
» حروف المعجم في بدنك (من نوادر البلغاء)
» حلول الامتحان
» الامتحان..ادخل ومش هاتندم...
» لماذا يرسب الطالب في الامتحان ؟؟