طبعا ومن البديهي والمعروف والمقصود من كلامى واللى عليهم العين والدال والألف والدال والياء
هم طلبة إعدادى !!
الناس الجميلة والجديدة اللى بنرحب بيهم كل سنة والسنة دى كمان وبيحسسونا إن فيه تغيير
وتجديد فى الكلية بدل عصر الرخامة والغتاتة والتباتة والغلاسة والتكرار الأحول اللى إحنا عايشين
فيه ده ، وأهو عالأقل نشوف وجوه جديدة بدل الأشكال اللى أتحفظت وأتبصمت وأتقرت وأتراجعت
وأتعرف عنها كل حاجه وعلشان ما تسلمش على واحد مثلا سبعين مره فى اللحظة مش فى اليوم
كمان ما احنا مفيش غيرنا فى الكلية وعارفين بعض وكل لحظة بنسلم على بعض وكأننا مشفناش
بعض " دى أغنية تقريبا لحماقى !" ونفرش ستين عبارة إزيك وأخبارك إيه والحمد لله والشكر لله
وده روتين كئيب وممل ، وطبعا الجيل الجديد ده بيجرى الدم فى الكلية وبيديك شعور السلام الجديد
إسمك إيه يا بشمهندس ومن فين وتطلع كلمة أخبارك إيه من بقك من غير تراب وزلط وتحس بالحضن
الصح اللى مش متكرر ويكسر الضلوع من المعرفة المسبقة وأهو تعرف تبتدى فى حاجه جديدة وتتعرف
من جديد وأنا طبعا أقصد علاقة وتعارف ذكورى ذكورى أو أنثوى أنثوى مش السايب فى السايب هاااه ! يعنى أنت كشخص جديد مش ضرورى بقى تفضل تبص فى الحيطان والبيبان كأنك فى متحف الشمع
وتقول الله دول ناس وشوية وتمد إيدك وهتلحس الناس وكأنك من كوكب تانى وهما من كوكب رابع
مش تالت ، وتفضل تتعجب وتندهش وتصدق أى حد يقولك أى حاجه فى أى كلام وتحسس نفسك أنك
مش معروف ونكرة وحديدة مرمية جمب الحيط ، متقلقش يا سيدى بضمان شخصى وبعد شهرين أو بحد
أقصى على التيرم التانى هتيجى تقولنا يا ناس يا اللى ليكم قرن فى الكلية ده حصل كذا وكذا وفلان وفلان
عملوا كذا وإحنا بقى إيه ولا نعرف حاجه فى الدنيا وتكسب علينا بنط يا عم وتبقى أشهر من النار على علم
وده طبعا علشان زى ما قولنا الكلية صغيرة هتحس نفسك قاعد فى البيت كل الناس هتبقى معروفة وأنت
كشخص جديد مش هتتعرف من أول يوم وأى حد دخل الكلية غلط هتعرفه بمجرد النظر وهتعرف الدكاترة
والمعيدين والناس والعالم بس الصبر يعنى ، ومتتكسفش برضو أنا وغيرى لما دخلنا مرحلتك كنا زيك
ويمكن أوحش شوية بس للآسف ملقناش اللى ينصحنا أو يدلنا للصح فحظك أحلى يا معلم إنك لقيت
حد ينصحك أو يدلك.
أوعى تتنفخ وودانك تأرنب أول ما حد يقولك يا كابتن ولا يا أستاذ معلش عديها يا عم المهندس أينعم
اللقب لسه جديد عليك وبتلين فيه وحابب إنك تسمعه من طوب الأرض وكل الناس وعاوز تجرى على
الفكهانى وبتاع العصير وبتاع اللب وتقوله أنا مهندس وتتأنعر وتفرد صدرك بس والله بعد كام سنة
هتقول إسمى أحلى بكتير من الألقاب وهتلقى أى حد يناديك بأى حاجه حتى ولو كانت ياض هتقول معلش
الإنسان بذاته مش بالألقاب وهتلقى نفسك بقيت هادى وفيلسوف خالص ولا الست مريم اللى بتيجى بسبعين
بالموضوع ده غير بعد سنين أو اللى ممكن يفهمنى الطلبة الكبار فى تالتة وأنت طالع أو يمكن اللى
عدى إعدادى خلاص وجرب الكلام ده بس اللى أنا أعرفه كويس إن أى خبره مكتسبة أو تجربة إلم
تنفع ذويها ومن يخصهم والناس بالتأكيد هتبقى تجربة فاشلة وملهاش أى لزمة وأتمنى بكلامى ده
إنها تكون وصايا وكلام ينفع الناس فى يوم من الأيام ممكن يحتاجوه فيه وتكون تجربة ناجحة مش
أى كلام والسلام .
ملحوظة : كلامى غير مسلم بيه وحاجه شخصية من منطلق إنى طالب للسنة الخامسة فى الكلية دى وأى سهو أو خطأ فى تناول أى نقطة أعذرونى فيه وسامحونى وأرجو أن تتذكروا دائما قول الله عز وجل فى محكم تنزيلة :
موضوع: "أولى إعدادى على سن ورمح !!!" 
الثلاثاء 15 ديسمبر - 19:29
