يوميات أبو السيد ... (1)

تيمون وابو السيد.............

أنا عارف أن كلكم يتقولوا مين أبو السيد ده

وايه الى جابه جنب تيمون بطل هكوناااااااااااااااا مطاطا

يارب تكنوا عارفين تيمون وبومبا ..............ابطال هكونا مطاطا.

أحب أقولكم أن زى ما تيمون بطل الأبطال

أبو السيد بقى مبطل فى البطولة وهو إلى بطل يبطل علشان البطايل بقت بتتبطل كتير ................خلينا فى المهم

ابو السيد ازاى بقى بطل .......

فى يوم من الايام ابو السيد كان مشغول شوية وبيحاول يوصل لحل لمشكلة غريبة ومضايقاه ......... واكيد لو عرفتوها كلكم حتضايقوا ومش حا تعرفوا توصلوا لحل ..؟

عاوزين تعرفوا ايه هو الى كان خانق ابو السيد وحا يخنقوا لو عرفتوه ..................... اقول السؤال وامرى لله .....هو كل الي بيذاكر بينجح ؟

سؤال غريب شوية بس هو ده الى كان واجع دماغ ابو السيد اصله طول عمره بيذاكر وفى الاخر يبقى زيه زى الى ماذكرش

بس بعد الفحوص والتجارب أثبتت الدراسات ان ابو السيد فى حاجة غريبة فى حياته تعالو نشوف ايه هى ............؟.

في يوم من الأيام أبو السيد دخل الكلية ومرت عليه أيام وليالي وهو محتار يذاكر من أول السنة ولا يكبر دماغه ويذاكر في الأخر

فضل يكبر دماغه ويكبر الجمجمة لغاية ما بقى( أيد هون )

بس الامتحانات قربت ومش عارف يعمل ايه ............

بس كان دائما يقول لنفسه أنا نابغة أنا فلته أنا الولد الجن أبو ...........ودان بترن......... أنا حذا كر قبل الامتحان بيوم وحعدى بانحراف ونجاح باهر

ويبقى زيي زى إلى ذاكر من أول السنة ........ و بعدين في الفترة دى كله بيعمل كده ........

يعنى الى كان بيذاكر من اول السنة وعامل فيها عم الدحيح زمانه نسي واللى ماكانش بيذاكر حيبدأ يذاكر فى الفترة دى وكله حيبدأ من جديد.......

وتعدي ايام وتنزل المراجعات ويبدأ الطلبة يهجموا على المكاتب والمذكرات والمرجعات الى نزلت .

وطبعا كلكم عرفين ابو السيد رجل المهام الصعبة........

وبعد ما اشترى المذكرات وروح البيت وقعد يذاكر.............والا استنشق هواء وعبير الأكل الطازج.. يطير مسرعا إلى المطبخ...

ماما ..........حبيبتى عامله اكل ....؟

اوووووووووووه ما يونيز ....... حاكل ايه ياترى ........... الله الله فراخ فراااااااااااااااخ

مرحبا بالحبايب مرحبا بعد اشتياق مرحبا بعد العودة من كأس انفلونزا الطيور وتعود فراخنا سالمة الى ارض الوطن ........حاااكل فرااخ يا قوم

يلا يا ماما ولعى الحطب بسرعة واعملى الاكل على السريع

ولا اقولك افضل نكله نيي يبقى اطعم وكل حاجة من ايديكي يا قمر تبقى طازة يلا يا ماما على السريع

وشوية ويرجع ابو السيد مفزوع للمطبخ هااااااااااا يا ماما الفراخ خلصت ............الحمد لله

حاكل فراخ أول مرة اكل فراخ بعد مرور تسع شهور

وإذا بأبو السيد يهجم على الفرخة ويقرقش عضمها ويقوم بالواجب كله ...كل ده عالشان يعمل دماغ مذاكرة

الحمد لله ابو السيد اكل وقام عالشان يكمل مذاكرة يلا أديها يا مذاكرة لغاية الساعة واحدة..............

وحصلت مفاجأة غريبة ل أبو السيد

ابو السيد سخن شوية بس عادى ابو السيد اصلا عالطول سخن بس بدء يشك فى انفلونزا الطيور وخاف ليكون جاله انفلونزا طيور

وبدء يشك فى الفرخة الى هو كلها ...............هى الفرخة دى كان عندها انفلونزا الطيور ولا ايه ...........يا ماماااااااااااااااااا

وفضل يصوت لغاية ما والدته وصلت

ماما : مالك يا بنى ؟؟

ابو السيد : ماما الوداع يا ماما انا حا موت مش عاوزه حاجة من الجنة ........؟

ماما : سلامة عقلك يا بنى مالك ؟

ابو السيد : الفرخة يا ماما الفرخة .....

ماما : مالها الفرخة ؟

ابو السيد : انتى جبتى الفرخة دى وكان ليها ريش ولا كانت ....حلقة رشها......؟

ماما : لا يا بنى معقول فى فرخة من غير ريش

ابو السيد : بس يبقى هيا هيا ....

ماما : مالك يا بنى ؟

ابو السيد : الوداع يا ماما انا حاموت بس امانة عليكي لما اموت ما حدش يبعت رسايل من الموبيل بتاعى ولا يتكلم منه ........ عاوز اموت كامل الرصيد يا ماما.

ماما : ربنا يشفيك يا بنى ..........نام شوية وتصحى الصبح بخير ان شاء الله

ابو السيد نام وشخر وعزف احلى الاعزاف على شخيره خىىىىىىىىىىىىى خووووووووووو خااااااااااااااااااااااا خوق خوق خوق

وبعد مرور الوقت ابو السيد صحي مفزوع

قام زى الصاروخ لبس بسرعة وخد قلمه و رقم جلوسه وطيران على الشارع وهو بيقول لنفسه الامتحان النهاردة اناملحقتش حا سقط حسقطططط

عم بيسوا البقال سمعه وطلع يجرى وراه وقاله اهدى يا بنى ..............

ابو السيد : ياعم بيسو الامتحان بقولك ............................

ويتوقف ابو السيد للحظات متنح فى فترينة عم بيسوا ............ويقول لعم بيسوا .............عم بيسوا عاوز هوهوز انا جعان وطبعا عم بيسوا شهم يقوله ؟ لا ما مبعش شكك

ابو السيد يبص فى الساعة ويطير على الشارع عالشان يحاول يركب

وطبعا مافيش مواصلات وفى الاخر ركب تاكسي

وهو فى السكة وقرب من الكلية حط ايده فى جيبه وبيشوف معاه فلوس ولا لا

لقي جيبه مفنش ومافيش فيه فلوس

ههههههههههههههههههه
ربنا يهدينا ويهديك يا أحمد

شكرا على المشاركة الجميلة دىوأتمنى إن كلنا نستفيد من أخطاء بعض بس حننقل الموضوع لقسم القصص الواقعيةمستنين الباقى...............

يادى النيلةةةةةةةةةة

حلوةةة الحاجات دىىىىىىىىىىىىى
يا احمد
دى بتنطبق ع ناس كتيييييييييييييييييييير

هههههههههههههههه

يالا شكرررا فكرتنااااااااا

شكرا على ردودكم الجميلة وباريت تكون فعلا عجبتكم
والبقية تأتى

على الطلاق بالتلاتة احسن موضوع فى المنتدى يوميات ابو السيد
سيبك انت

سييييييييييييبك
مفيش احلى من كده
والللللللللللللللللللللللللللللللللللللللللللللللللللللللللله
assos..........

على فكرة : موضوع جميل
فعلاً الحوار في جمال وتنويع و الأحداث مترتبة ، وأسلوب السرد جميل رغم إنه بالعامية
أهنيك أحمد بجد
لئيتلي منافس في غاية الذكاء والقوة الأدبية ..........

بس ورينا أعمال الفصيحة علشان تبئى المنافسة كاملة ...........

إلى الأمام أيها الأديب الجديد ...

» يوميات أبو السيد ... (2)
» يوميات شاب روش
» يوميات شقة مفروشة ,,!!!
» يوميات صرصار
» يوميات ذبابه << لايفوتك ^_*