فـَـتــَّـح عــنـيـك !!!

لـِساك بتبكي مـِ الألم ,
وللا الألم فاض بيك ومش طايق حياه ؟
لِساك بتمسح دمعتك..
لـساك ضعيف..!
لـِسـاك بـ تـِـحْـبـي للْنجاه..!
وللا انتا أصلاً مش هنا..مش مننا
ولا عدت عاوز قُـربنا..ولا حتى سامع صوت نداه !
فاكر نصايح ليك زمان..
ماخلاص بقى..كفاياك شقى
♥ ده النبض حي ♥
إوعاك تكون ناسي الأمل لما انكتب
♥ بستان حياه ♥
إياك يكون اليأس فعلاً عـَـجـِّـزَك
وللا ارتعاش الفرح غاب عنك وتاه
إياك تكون عاجز صحيح
وبقيت بضعفك زي طير راقد جريح
ده الطير حياته فـ الهوا..إعقل بقى وخليك فصيح
وابدأ حياتك من هنا...وسط الضلام
أصل الضلام مليان شموع..بس انطفت
فـَتـَّح عنيك من غير دموع..هتشوفها باينة / تروح لها..إوصل لها
جنب الشموع..هتلاقي عود
تحته هتلقى علبته
ياللا امسكه
ياللا اكحته
نــَـوَّر طريقك بالأمل
حــِـب الحياه
واغلب عذاب الروح ولـَوِّن دنيتك
احلم على قدك صحيح..بس افتكر
ربك كريم..خليك معاه
مين راح يحقق حلم وبعيد عن لقاه؟؟