المصرى زييى أنا ,,!!

المصري هو اللّي:

- بيفهم في الطب ويشخص المرض ويوصفلك الدواء وبيفهم في النقاشة والكهربا وتصليح العربيات والطبيخ والسياسة والكورة وهو أبيض ياورد.
. بيحط الريموت كونترول في كيس بلاستيك كعادة فرعونية.
. يقف يتكلم على الباب نص ساعة بعد إنتهاء الزيارة والسلام.

- لمّا تفتح نملية المطبخ هتلاقي عنده عشرين برطمان بتاع مربى فاضي بقالهم سنين، ومازال مُصِر على جمع المزيد.
. ييجي بعد ميعاده بساعتين ويفتكر إن ده عادي.
- لسه عنده إصرار إنه يتكلم بصوت عالي في التليفون لما تكون المكالمة دولية عشان التاني يسمعه، أو لما يتصل بحد و يلاقي تليفونه غير متاح او مغلق يفضل يرن عليه لغاية ما تليفونه يفصل شحن معتقداً أنة هيرد هيرد.
- بيعتبر نفسه أفضل واحد في الشراء والفصال، وبعد كده يكتشف إن الحاجة في المحل اللي جنبه أرخص من غير فصال.
- بيحتفظ بأكياس محلات اللبس والأحذية وورق الهدايا تحت مرتبة السرير لسنوات ومابيستخدمهاش، و يتلكك بشنطه تكون ماركه معروفة يحط فيها العيش و لا الخضار عشان يعرف الناس انة بيشتري ماركات.
. عنده صينية مكسرات متقسمة لتلات او أربع أقسام لزوم المزاج وعمره ما إستخدمها.
. ممكن تلاقيه معدي التلاتين ولسه عايش مع أمه وأبوه وماعندهومش مشكلة.
بيشتري قبل الفطار في رمضان مواد إستهلاكية أصلا موجود عنده في البيت لسه ماستخدمهاش و عادي، أصل رمضان بيحب الاكل و بعدين يشتكي أن رمضان مصاريفه كتير.

بيكون عنده شواية لزوم الرحلات، أقصى استخدام لها كان مرة واحدة في العيد في البلكونه، عشان بس يقول انا شويت لحمه من كام يوم و هو أصلا مابيعرفش يشوي.
- بيشيل طابع البريد من على الظرف لو ماكانش عليه الختم، يعني الطابع الابيض ينفع في اليوم الاسود.

- بيفتكر إن أي حد بيشتغل في الخليج بيغرف فلوس من غير حساب و أن اي حد اشتغل في بلد أوروبي راجع ملك بس بعد مامسح كل الحمامات و الصحون و لف مع كل المزز.
- أما في المطاعم و الخروجات، و خاصه أدام البنات، بيكون مشغول بقيمة التيبس أو البقشيش طول العشاء و ياترى ربع جنيه ولا نص جنيه. وبرضه بيتخانق ساعة دفع الحساب بحرارة شديدة على إنه هو اللي لازم يدفع مش صاحبه أو البنت اللي معاه.
- بيفرش ملاية سرير على طقم الأنتريه عشان يفضل نضيف لما ييجي ضيوف، ومابيشيلهاش لما ييجوا، لان الضيف اللي جاي مصري برضه، بييجي من غير ما بيقول او يستاذن، و لما يقول ... بيكون في الاسانسير فـ طبيعي مش
هيلحقوا يشيلو الملايه ...... كويس قوي انهم بيتستروا

.

- والأهم إنه اللي بيحب يسخر من نفسه ومن بلده وحكامه بس مايطيقش حد تاني يسخر منهم ، وساعتها بيفرش له الملايه (غير اللى على طقم الأنتريه).

المصرى زييى كده...يقدر حد يكتب المقاله دي من غير ما يتاكل ؟!! يقدر حد يشتم و احده صاحبتي أو اختي من غير مايتهزأ , يقدر حد يخش بيتي و يسرقني و أنا واقف و اتفرج.
طب ليه سيبناهم يقتلو أخواتنا و يشردوا جيراننا، و يسرقوا بيتهم و احلامهم. و منعوا عنهم بسمتهم و حتى كلامهم، و فرضوا عليهم الصرخه و الاهه و لما تنرل دمعه على الجرح ما يداووه ولا حتى يمسحوها.....

و ليه لما احب اعمل حاجة أمي تقوللي: خليكي.....و الله من غيرك اتجنن....دانتي و حيدتي و بعدك بطني ما شافت.
طب يا أمي أنا ليا أخوات محتاجين ,منكوبين ,مشردين ,مقتولين.
و الله الدمعه ما تداوي جروح, و الله الدوي ما يوقف النوح, و الله المعونه ما ترجع اللي راح.
بس اللي بإيدي اللطم علي الجبين، و أقول زيدي زيدي ما بيدي و لا بجيبي
إبني وليدي مــــــــــات و راح، و و الله أخويا ساكت و شايف الجُراح
و اللــي إنهــار و اللي انهد بيتى و بيت علتي
عيلتي كبيره و الجرح عميق و اللي راح كان أبني وحيدي
زيدي زيدي

لـ ماهيتاب عبد الله

المصرى ماشى ببركة دعا الوالدين
موضوع جمييييييييييل
تسلم الايادى

ههههههههه

تحيااااااااااا مصر

موضوع في منتهي الروعه

تسلم الايادي يا بشمهندس

جزاك الله عنااااا كل خير

اقتباس :: - بيفهم في الطب ويشخص المرض ويوصفلك الدواء وبيفهم في النقاشة والكهربا وتصليح العربيات والطبيخ والسياسة والكورة وهو أبيض ياورد.

هههههههههههههههه

اهو احنا كده...بنعمل نفسنا عارفين في كل حاجه...
تسلم يابشمهندس

» صور القصر الجمهورى المصرى
» فرح اسرائيلى بس على الطريقة المصرى
» حد يعرف مين المصري ؟؟ياعني الي تشوفه بيعمل كده يبقي هو بعينة
» يبقى أنتا اكيد أكيد ف مصر
» الجنية المصرى على مر العصور