تنوية هام جدا بخصوص أى مواضيع بالمنتدى خارج النص !!

الأخوة الأعزاء

كل عام أنتم بخير بمناسبة قرب حلول عيد الأصحى المبارك

أعاده الله علينا بالخير واليمن والبركات

أما بعد ,,,,,

فى أيام الإجازة فتحنا باب المشاركة والمواضيع بكل أشكالها الهادف منها والسىء وأنا بعترف

إن في مواضيع كتيرة لا تنطبق مع قوانين منتدانا ومينفعش حتى تفضل عليه ولكن كما ذكرت

إن فترة الأجازة بيبقى المنتدى نوع من الترفيه ومش عاوزين نزعل حد ولا نمنع حد من

المشاركة عالمنتدى لأنه حق مكفول للجميع وكمان نوع من الترغيب فى المنتدى وإننا نلتف

حوله أكتر وأكتر عشان يبقى فيه تجمع تحت سقف واحد دايما ونبقى أسرة مع بعضنا ونشارك

بعضنا فى كل حاجه فمجتش يعنى على كام موضوع مخالفين لأجل الأسرة الواحدة ولكن

وصلتنى أكثر من شكوى وإحتجاج عن عدة مواضيع لا تستحق النزول على المنتدى وللآسف

تعددها وكثرتها بيأثر على سمعة المنتدى وما زالت فيه مواضيع بتنزل من هذا القبيل وده شىء

يزعجنى أنا شخصيا وأى حد بيحب المنتدى ده ، لذلك أرجو منكم إختيار وإنتقاء وفرز أى

موضوع والتأكد من صحته قبل تنزيله على المنتدى لأجل سمعته وقيمته التى دائما أحب أن تزداد

وتكبر لدى الجميع بإذن الله.

وطبعا علشان المنتدى يكبر وينمو وتمتد أطرافه يجب تطبيق القوانين على الجميع بما فيهم أنا

وأى مشرف وأى حد عموما فى المنتدى وبإذن الله سيتم حذف أى موضوع يخالف الهدف العام

ولا يصلح معنا كمهندسين أجلاء لذلك أرجو عدم الإمتعاض أو الضيق من هذا الأمر لأننا نريد

هذا المنتدى دائما فى أبهى صورة وأعلاها وسنبدأ هذا التطبيق والتعميم من هذه اللحظة "كتابة الموضوع"

وأرجو مساعدتى من الجميع فى التبيلغ عن المواضيع الغير مطابقة دون إحراج أصحابها أو إهانتهم

وذلك عن طريق إرسال رسالة خاصة لى تحوى رابط الموضوع وسبب حذفه

وسيتم التعامل مع المواضيع بإذن الله بمنتهى الإحترام والتقدير وحذف ما لا طائل منه ويبتعد

عن فكر وعمل منتدانا الذى يمثل جزء كبير من حياتنا الهندسية.

والله الموفق

إدارة المنتدى

حاضر يا حبار

بس برده حضريتك مش مبين ايه نوعيه المواضيع اللى انتو مش عايزينها

لان اى موضوع بيتحط على المنتدى فهو مهم وجه نظر كاتبها

فانت ياريت تحدد ايطار للمواضيع الى مش عايزينها ؟؟

صح ولا ايه ؟

القيصر كتب:: حاضر يا حبار

بس برده حضريتك مش مبين ايه نوعيه المواضيع اللى انتو مش عايزينها

لان اى موضوع بيتحط على المنتدى فهو مهم وجه نظر كاتبها

فانت ياريت تحدد ايطار للمواضيع الى مش عايزينها ؟؟

صح ولا ايه ؟

يعنى سيادتك المواضيع الهزار أووى أو الحب زيادة عن اللزوم أومواضيع الشورتات والفانلات والشرابات وفوط

الحمامات وكمان الألعاب اللى ملهاش قيمة وهكذا.

والله الموفق

» بخصوص مواضيع الأعضاء ونظم المشاركة بالمنتدى "هام للجميع".
» تنبيه بخصوص مواضيع قسم الأدب و الشعر....
» هام لجميع الاعضاء بخصوص مواضيع العزاء.
» بخصوص الإعلانات التى تظهر بالمنتدى فى الأعلى.
» تنوية الي جميع الاعضاء الذين تصلهم رسائل خاصة مزعجة