غلطات وعظات للمهندسين ,,, في سوق العمل !!

السلام عليكم ورحمة الله وبركاته !!






أعزائي اعضاء منتدانا الكريم



أبدأ معكم اليوم موضوع جديد ,,,, من هذا القسم المميز




طبعا زي ما بدأ بعض اعضائنا جزاهم الله كل خير بكتابه مذكراتهم ووضع بعض من خبراتهم في الحياه والعمل امام ايديكم ,,,,




اليوم أكمل معكم ,,, وهذا الموضوع




أي مهندس يعمل ويعول ,,, لابد من انه ( ارتكب ) بعض الأخظاء




أخطاء عن قصد ..... أخطاء مضحكه ,,,, أخطاء تعلم منها وأفادته ,,, ومحدش بيتعلم ببلاش





النهارده ,,,,,,,, أوجهه دعوه عامه لكل المهندسين ,,,, دعونا نتشارك في اخطائكم ,,, لعلها تفيدنا ونتعلم منها





انتظر تفاعلكم ,,,,,,,, وأنتظروني أفتتح الموضوع !!

ومع اولي الغطات ,,,,, غلطات ,,, تنرفززززز





انا في الموقع عندنا ,,, في احد الأيام اللي مابيطلعلهاش شمس !!




فكره عامه عن ظروف الموقع ,,,,



الموقع عندنا فيه 3 شركات مقاولات ,,, وكل شركه واخده جزء تنفذه




من الحفر للتشطيبات ,,,,, وده كان مقرف شويه




يعني كل شركه كان لازم تعمل مطلع ومنزل لعربياتها ,,, وكل شركه حفرت لها بير عشان الميه ,, لأن الموقع مش هتتمد فيه ميه لسه





فكان فيه خناق وضرب تحت الحزام كتيييير !!



المهم ,,, كلنا كنا عند نفس مقاول الحفر



راجل طيب ,,, اسمه الحج مصطفي



وكنا بنتقاسم فيه احنا التلاته ,, يعني هم يشتغل عندنا لودر واحنا لودر ,, ولو لودر عطل يبقي اللودر بتاعنا يشتغل عندهم الصبح ويكملنا بعد الضهر




وهكذا ,,,,,,,,




المهم ,,, في صباح أحد الأيام اللي مابتعديش ,,




كان اللودر شغال عندهم ,, واللودر بتاعنا عطلان ,,, ( ملحوظه اللوادر دي كلها تبع مقاول الحفر مش تبعنا )





المهم ,,, أحنا كنا عايزين نسلم الأستشاري وهم كمان كانو سلموه




اللي حصل ان احنا الأتنين كان عندنا شغل بس صغير ,, يعني ياخدله ساعه بكتيره




احنا نزلنا ملاحظ واستأذنا من الحج ( صاحب المعده ) اننا هناخدها بس ساعه




من عندهم ,,, ونخلص ويرجع اللودر عندهم تاني





اللي حصل ان الكلام ده ماعجبش ,,,, المكتب التاني




وكان فيه مهندس حديث تخرج ,,,,, هوه اللي غلط




كان بعت الملاخظ يتفاهم مع السواق ,,, والسواق قاله نص ساعه وراجع ,,, ورجع الملاحظ




المهم الملاحظ ده ,,, من غير مايقصد ,,, سخن المهندس حديث التخرج



أوفاجئ انا والملاحظ بتاعنا احنا وبنفهم اللودر هيشتغل ازاي ,,,, ان المهندس حديث التخرج ده واقف







وااااااااااااااقف ,,,,,,,, قدام اللودر




يانهااااار مش فايت ,,,,,,,,,,, انت بتهرج




ايه ده يابشمهندس ,,,,, البشمهندس راسه وألف سيف ان اللودر يرجع يكمل شغله




رغم انه كان فيه مهندس اكبر منه وكان قاعد بس ما اتكلمش ,,, لأنه عارف الصح




المهم ,,,,,,,, الكلام ده ماعجبش الملاحظ بتاعنا




ومسك ,,,,,,,,,,,,, في المهندس





وكلام من اللي قلبك يحبه ,,,, وعيش احلي عيشه




لغاية ما انا اتدخلت ,,, سحبت الملاحظ بتاعنا ,, وقولت للمهندس




فيه حاجه اسمها مقاول حفر ,,,, حضرتك تتكلم معاه مش مع العامل نفسه








الدروس المستفاده ,,,



اوعي يابشمهندس يامحترم ,,,,,,,,, تحط نفسك في موقف يسمح لأي عامل أو حتي ملاحظ أنه يشخط فيك




وحتي لو غلطت ,,,,,,,,, داري الموضوع بسرعه




وخللي كلامك مع اللي فوق دايما ,,, يعني لو عزت حاجه ,,, يبقي الملاحظ هوه اللي يعملهالك




كلامك يبقي مع المقاول او الملاحظ او حتي الكومندا ( كبير العمال ) , انما ماتحتكش بالعامل نفسه الا فيما ندر




ملاحظات في الشغل ,,,, بتثني عليه عشان ترفع من حالته المعنويه ,,, انما ماتخشش في صدام معاه



لأن الجماعه دوووول ,,, ربنا يعلم بحالهم




والمهندسين اللي في المواقع عارفين كده كويس




والي اللقاء مع غلطات اخري ,,,




وفقكم الله

مافيش أي تجاوب ,,, وبرضو مش هيأس ..!!





ونتابع مع غلطة من غلطات المهندسين في سوق العمل !!





اثناء الحفر ,,,





دايما بيحصل معانا في مدني اثناء الحفر لأساسات مبني جديد ,, ان مناسيب الحفر والحدود مبتبقاش مظبوته معانا ,,, وبيحصل فيها عك





شغل بيتعمل ,, بيتعاد تاني ,,, بتتشاكل مع الاستشاري ,, ويقولك انت مطلوب منك عمق كذا وانت تقوله ان الكود المصري سامحلي بقد كده




طيب ,,, ايه الحل !!



بصوا ,,, من اللي حصل معايا



انك كمهندس مقاول مسموحلك في الكود المصري بما قيمته 10% من عمق الحفر كنسبه خطأ





يعني لو عمق 5 متر انت مسموحلك بـ 5 سم فوق أو تحت ,, لأنك مش هتقطع الأرض بسكينه وتطلع معاك علي الشعره





أو حتي تفكر انك تجيب ( جليدر ) لنه ده بيستخدم في التسويه فقط ,, وليس في أعمال الحفر





طيب ايه الحل ,,, برضوا



أولا ,,, بالنسبه لمناسيب أرض الحفر



بص ياسيدي ,,, انت لو عندك أرض رمليه أو طفليه




مش صخريه ,,, ودي أهم حاجه




يبقي انت لما تعمل ميزانيتك وتنسب المناسيب لما تقول لبتاع اللودر عشان يشيل من الأرض قوله بالظبط أنت عايز كام




وأبقي خللي العامل وراه بالقامه ,,, وفيه ساعات حاجات 3 و 2 سم ,, دي ممكن يجيبها بظهر الكبشه ,,, عادي





وطبعا للتسويه ,,,, يفضل لو انك تستخدم لودر كبشته من غير ( سنون ) ,,, انما لو ماعندكش عادي ,, كله بيقضي الغرض





ناجي بقي للأرض الصخريه ,,,, ودي بقي بيبقي فيها العجب




أرض صخريه ,, عاليه معاك أكتر من 10 سم ومش هينفع انك تجيبها باللودر !!




بتقابلك ساعات نوع الأرض ده !!



وساعتها بتجيب بتاع البلدوزر عشان يشتغل وكده




يبقي انت ساعتها خليك ناصح !!




لما تقوله الأرض عاليه ,,, ماتقلولوش عاليه قد ايه بالظبط



لأ ,,, وألف لااااااااااااااا




التجربه والخبره بتقول انك يابشمهندس لازم ( تخفي عنه الحقيقه )




لأنه اللي بيحصل ان بتاع البلدوزر ( بيحرث ) الأرض الصخريه بالـ ( ضوفر بتاعه ) وبعد كده لما الأرض تتحرث كويس




بيجي بتاع اللودر يشيل !!




فلو انت قولت لبتاع البلدوزر شيل 60 ,, بمعني اظبتلي الضوفر بتاع البلدوزر علي 60 سم




هيجيبلك ,,,, أكتر من كده



أولا ,,, لأن أيديه مش ميزان ,,,,





ثانيا ... الخبره بتقول ان دايما بتاع البلدوزر عند حرث الأرض بيشيل أكتر من اللي بتقوله عليه !! ,,



( لأن الضوفر بيسرح منه )




فلو انت لقيت عندك ارض صخريه ,,, وعاليه ( مثلا ) 60 سم




انت قول لبتاع البلدوزر ,,, انها عاليه 30 سم وبس



بحيث انها لما تسرح منه ( الضوفر ) ,,, هتنزل هتجيب 40 أو حتي 50 سم




وساعتها هيبقي معاك 10 سم ,,, أنت ممكن تجيبها بالبلدوزر ,,,, عادي





*********


وبالنسبه لحدود الحفر



عند الأعمال الكبيره تحت الأرض ,,, وبتعتمد علي حسب نوع التربه أيضا ,, لكن لنفرض ان عندك التربه طفليه أو رمليه




يبقي تعمل حسابك ,, لما تيجي تحفر حدود الحفر بتاعتك ,,, تنزل وراها ,,,, بحوالي 1\2 متر




وده لأن الحفر مش هينزلك رأسي ,,, مش هطع بالسكينه




لازم هيحصل معاك ميل في الحفر ,,, فأنت لو عايز شغلك يتسلم صح ,,, يبقي ترجع بحدودك نص متر ( أضمنلك )





بحيث حتي لو جالك الأستشاري ,, وقاللك ان الحدود عايزه توسع شويه ,,,, يبقي ساعتها تدب صوابعك العشره في عينيه !!






&&&&&&&&&&&&&



طبعا ,,, أصول المهنه بتقول أنك بعد الحفر ,, وقبل وضع الأحلال ,, انت لازم ترش الأرض وتعدي عليها بالهراز ( يادوب مشوارين أو تلاته ) ,, وتتخلص من أي تراب هايش علي ألارض عندك




عشان تبدي تحط الأحلال عندك ,,,,,,,,, علي نضافه !!












لازلت انتظر التفاعل ,,,, ومش من مهندسي مدني بس ,,,, لأ أي تخصص





المهم أننا نعلم ونتعلم ,,, من أخطاء غيرنا !!




لعلنا ,,,, ( نستفيد )