eng_ghost
مراقب عام المنتديات والحوار العام ومنتدى الهندسة المدنية
عدد المساهمات : 4632
تاريخ التسجيل : 16/04/2008
العمر : 38
الموقع : just in my dreams ,, i can reach any place
رقم العضوية : 1036
Upload Photos : 
 |  موضوع: فيلم تسجيلي لوهم. . @..شعر عامى.. @  السبت 10 أكتوبر - 21:10 | |
| تتر بداية
مساء الحيره يا قلمي
نجوم الفرحة مسروقة
نجوم الدمعه مخنوقة
بايد تنهيده محروقة
بـ شوقه لحد مقابلتوش
وبينادي العطش طلة
سحابة حلم / تفتحلي ..
بيبانها ع السما الكُحلي !
فبتمطّر "نقط " سودا
"تخربش " وشي / ترسملي
بدمي وش مشبهوش
مشهد مسروق
مش مشهدي
ودوري فيه اراجوز
وانا.......
مليت بقى
قلبي العجوز مبقاش يناسبه الشعلقه
على انكسار طالل بجرأة
من عنيكي الخوّافين من أي شئ
والملهوفين ..شك وشقا
مبقتش قادر اضحّكك
وشي من الألوان تعب
مبقتش طايق صوتي يبقى "سرسعة"
أو احب ضحكِك وانسى عيني مدّمعه
أنا هنسحب
وهافضّي خشبة مسرحِك
دوري ممثل مبتدئ
ببلاش يوافق يلعبُه .
قلبي اللي حرّم لمس كاسات بعدنا !
بالغصب لازم اشّربه
"كوكتيل" وداعنا وهاغصبُه
شوق ضعف نبضه يسكّته
(نشّز قوي)
وخنقني تصديقه لسذاجة قصتُه
وخلاص معدش بيبسطُه
ضحك العيون
علشان مكنش من البداية مشهدُه
ولا . .قدرت أعوّده
لحظة حصاره بعتمتك
يلمع / يكون
"دوبلير" ل نور
"بلياتشو " في سيرك الجنون
أغنية ع الهامش "موسيقى تصويرية "
ف ليل خاين قابلت هواك
بيتقسّم شيطان وملاك
بقيت لــِ "مسخ" م الاتنين ؟
وييجي اربع وشوش ساكناك
هاصدق مين ومين فيهم
هاقوله حبيبي ؟ مش عارف
سبب حبك يومين عدّوا
وإحساسي مهوش شايف
وفتّح شاف وشوش زايفه/
قلوب ماتت لكن خايفه !
كتير تشتاق ليوم بُعدي/
ساعات بتموت من اللهفة!
واصدّق مين ؟؟ أنا هنساك
ف ليل خاين قابلت هواك
آخـر مشهد
برودِك
وانسحاب ضيك / سواد حالك
وقلقي واغتراب السكة من تحتي
وانا ف حضنك
قيود اتلّونت دهبي
بنظرة عبيطة مديتلك
دراعاتي / قَناعاتي
نزلت ل موجك العاتي ..
وانا بضحك
ومستمتع وانا حاسس
"سيناريو" الكدبة م الأول ...!
بكدّب حسّي واسمعلك
"حوار" عمال بيتحوّل
ويتصاعد
ومن وشوشته لصراخه بصوت واحد
وانا بسمع
واشوف ابداع في تمثيلك
وشوش بين اليرئ جداً
وبين وش اغتصب ضيُه سواد ليلك
ونظرة من سما الطيبة
لنظرة كره في ملامحك
تكرّهني
ف يوم ما ندهني هذيانك وصدقته
وقلبي "البيبي" هدهدته على ....
جرحك!
على رفوف الوجع زاحم
وشوش بعدد ساعات توهتك
بقى يكبر
على كتاف حيره مجنونه / وشاخ / عجّز
وكل حيطانك اللي محاوطه أوجاعه
عليها رافضه يتعكّز
سمعتي عجّزه "بيخرّف"
أنا آآسف
وكان من امتى شيخ روحه بتتعرّف
على اللحظة اللي بتفرّق حياه من موت
نحاسبه ازاي بيتصرّف
أنا آسف
ده كان شبحي !!
تتر نهاية
وأيه يعني تكون شاعر
وبتفسّر جنونها حروف
وتركن حسّك الأصلي
على أوراق رفوف الخوف
ولما بينعكس حلمك
على وش الحقيقة تشوف
بقايا حد كان شبهي.
يا "سيدنا" العاشق المخطوف
على حدود الحياة والمـوت
رِخص تمن الكلام منك
وما ملكشي ابيع لك صوت !!
ـــــــــــ  | |
|
حسين تاج الدين
عضو بدرجة مهندس إستشارى
عدد المساهمات : 2139
تاريخ التسجيل : 28/08/2009
العمر : 33
الموقع : في قلوب الاحبه
الأوسمه : 
Upload Photos :
أهم مواضيعى :
حكمه ...
حين تفقد شيئاً يخصك . . تذكر أن كل شئ قد كان في لوحة القـدر
. . قبل أن تكون شخصا من بين ملايين البشر. . إن خسرت شيئا
. . فتذكر أنك قد كسبت أشياء . . و إن فاتك موعد
. . فتذكر أنك قد تلحق موعــداً! ! مهما كان الألم مريراً ومهما كان القادم مجهولا .
....... افتح عينك للأحلام و الطموح . . فغداً يوم جديد . . وغداً أنت شخص جديد
| | موضوع: رد: فيلم تسجيلي لوهم. . @..شعر عامى.. @ السبت 10 أكتوبر - 21:45 | |
| | |
|
