رجااااااااااء المساعدة

ازيكوا يا اجمل منتدى
كان ليا سؤال مطلوب منى فى الكلية والصراحة محتاج اجابته جدااااااااااااا
ياريت تساعدونى زى ماتعودت منكم

السؤال
على اى اساس بنختار الجملة الانشائية المناسبة للمنشأت
السول التانى
اختار انهى كود فى التصميم من خلال البرامج اللى بنستخدمها
لانى بشوف اكواد كتير مش فاهمها
ياريت تشرحوا كل واحد بسرعة كدة زى مثلا
ubc 97-bs-aci-gb50009
ولكم جزيل الشكر

دى مساااااااااااااااااااااااااعدة مستعجلة يا جماعة

فين مهندسين مدنى اللى بيفيدونا بعلمهم

رجاء بالله عليكم اللى يقدر يساعدنى مايطنش ويهمل اسألتى

eslam_mohamed كتب:: ازيكوا يا اجمل منتدى
كان ليا سؤال مطلوب منى فى الكلية والصراحة محتاج اجابته جدااااااااااااا
ياريت تساعدونى زى ماتعودت منكم

السؤال
على اى اساس بنختار الجملة الانشائية المناسبة للمنشأت
السول التانى
اختار انهى كود فى التصميم من خلال البرامج اللى بنستخدمها
لانى بشوف اكواد كتير مش فاهمها
ياريت تشرحوا كل واحد بسرعة كدة زى مثلا
ubc 97-bs-aci-gb50009
ولكم جزيل الشكر

أهلا وسهلا بحضرتك معانا في المنتدي ,,, وأنا هحاول اني اساعد حضرتك علي قد ما أقدر

أولا بالنسبه لسؤال حضرتك الأول

اقتباس :: على اى اساس بنختار الجملة الانشائية المناسبة للمنشأت

فده من وجهة نظري بيعتمد علي عاملين أساسين ,,,, هم

1) الأحتياجات المعماريه المطلوبه ( يعني المعماري عامللي ايه في المسقط بتاع المنشأ ,, وهل ياتري هوه عايز ايه وبأي وسيله اقدر احققه ,,,, وابتدي احط اكتر من نظام انشائي يلبي المتطلبات دي )

2) الميزانيه الموضوعه من المالك للمنشأ ,,, يعني مايجيش انا احط مثلا نظام انشائي مكلف زي الفلات سلاب او غيره والميزانيه بتاعة المنشأ صغيره

برضو براعي ميزانيه المشروع واحقق ( علي قد ما اقدر ) المتطلبات المعماريه المطلوبه مني

يعني لو ميزانيه المنشأ قليله ( انا ممكن اجي علي المتطلبات المعماريه ,, وما احققش الغير ضروري منها ) وعلي قد لحافك .... كمل انت بقي !! رجااااااااااء المساعدة Lol

ثانيا بالنسبه لسؤال حضرتك الثاني

اقتباس :: اختار انهى كود فى التصميم من خلال البرامج اللى بنستخدمها
لانى بشوف اكواد كتير مش فاهمها
ياريت تشرحوا كل واحد بسرعة كدة زى مثلا
ubc 97-bs-aci-gb50009

الكود ده عباره عن مجموعه من الاستشاريين والدكاتره اللي بتقعد وبتحط مع بعضها مواصفات وشروط بتلزم كل من يعمل في المجال الخاص بها انه يعمل بيها ,,, يعني بمثابه (قانون) ,,,يعني لو حصلت مشكله مابين المقاول والاستشاري في اي حاجه للموقع في التنفيذ مثلا ,,, هم الاتنين بيرجعوا للكود واللي بيقول عليه الكود بيمشي علي الكل

ولكل دوله كود خاص بها ,,,,, طبعا بتعتمد علي درجة التقدم والرقي في هذه الدوله وطبعا ظروف الطقس الموجوده بها وهكذا

يعني دوله زي امريكا ولا بريطانيا ايه اللي يخليهم يشتغلو بالكود المصري

عندهم من الدكاتره والتقدم البحثي والعلمي اللي يخليهم يعملو اقوي مليون مره من الكود المصري وده اللي حصل فعلا

يعني تلاقي الامريكان في امريكا بيشتغلو بالكود الامريكي ACI والبريطانيين بيشتغلو بالكود البريطاني BS وهكذا

طبعا ده مايمنعش انه فيه مكاتب في بلاد تانيه ( زي مصر يعني ) تستعين بالكود الامريكي في التصميم وانها تستوفي شروط الكود الامريكي , ولاداعي للقلق لأن الكود الامريكي اقوي مليون مره من الكود المصري ودي بشهادة العالم كله

وبالنسبه للبرامج الانشائيه فطبعا لأنه بتتعمل في اما امريكا او بريطانيافهتلاقي فيها تصميم وتحليل أنشائي طبقا للكود الامريكي او البريطاني ,, وده بيبقي موضح ومكتوب في المانوال بتاع البرنامج نفسه

زي الساب والايتابس ,,,, وخللي بالك الكود فيه اشتراطات تصميم وكمان تنفيذ !!

واللي في البرامج بيبقي الاشتراطات التصميميه ,,,,, وبرضو بضطر اني اكمل في الموقع واستوفي الاشتراطات التنفييذيه لنفس الكود

,,,,,,,,,, أتمني تكون اجابتي واضحه لحضرتك ,,, ولو فيه اي استفسار اخر انا يسعدني اني اساعد علي قد ما أقدر !!

والله الموفق

اه نسيت ,,, وتكمله لكلام السابق

انا مطالب في التصميم اني اصمم بالكود المصري

يعني الكمرات والحاجات اللي صممتها تستوفي اشتراطات الكود المصري

لكن بما ان الكود الامريكي ACI ولا حتي البريطاني BS أعلي بكتير جداا من حيث درجة ومعاملات الامان ,,,,, يعني اعلي واقوي بكتير جدا من الكود المصري

يبقي لو انا اشتغلت بالكود الامريكي ولا البريطاني يبقي انا مستوفي الاشتراطات بتاعة الكود وزياده اوييييي ,,,, ومحدش ليه عندي حااجه !!

السلام عليكم
انا بس عاوز اسلم على استاذنا المهندس اسماعيل.....كل سنة وحضرتك طيب وتكون بالف صحة وسلامة ان شاء الله......معلش لان مفيش مجال انى اسلم عليه
بخصوص الاسئلة بقى فطبعا م/اسماعيل قام بالواجب وزيادة اووى
لكن اسمحلى انى اضيف شوية لطوش بسيطة جدا......كزكاة مما علمنى ربى والله المستعان

السؤال الاول
لما تيجى ياباشمهندس تختار الجملة الانشائية المناسبة لازم تاخد فى اعتباراتك كذة حاجة منها
1-وضع الفواصل بين الكتل للتمدد والتقلص وللهبوط وللزلازل
2-من الممكن ات تكون الجملة الانشائية المقاومة للقوى الافقية (رياح و زلازل) ان تكون جدران قصية فقط او اطارات خرسانية فقط او الاتنين مع بعض وهو النظام المختلط
3-يفضل مراعاة التناظر فى الشكل للمبنى بسبب قوى الفتل او اللى او torsion
4-مراعاة تنزيل مركز كتلة المنشاء للاسفل ما امكن ذلك بمعنى انك تحط الاحمال الميتة او الحية الكبيرة عند الدوار السفلية
5-استخدام حديد لا تزيد فيه Fy عن 4000kg/cm2 علشان بس يكون فى درجة مطاوعة للحديد

هتلاحظ فى الصورة ...الشكل الاول من ايدك الشمال حائط قص
الشكل اللى فى النص اطارات خرسانية
الشكل التالت على ايدك اليمين النظام المختلط (اطارات+حائط قص)

رجااااااااااء المساعدة 76406674

السؤال الثانى
مسألة الكود دى انا مختلف شوية مع الباشمهندس اسماعيل
الكود المصرى قوى جدا جدا جدا
وهو مشتق اساسا من الكود البريطانى وتقريبا معظم المعاملات زى بعض فى الكودين
يعنى مثلا الصورة بتوضح معاملات تخفيض المقاومة هتلاقيها هى هى زى الكود المصرى وكذلك ايضا مركبات الاحمال وهكذا.........
رجااااااااااء المساعدة 53548372

يعنى لما تستخدم البرامج فى رأيى الشخصى المتواضع جدا هو استخدام الكود البريطانى
لانك هتعرف تحدد المعاملات بتاعته لكن الكود الامريكى مختلف تماااااااااما عن الكود المصرى
ولذلك هتاحده زى ماهو ومش هتعرف تحدد المعاملات اللى انت درستها وعارفها
بالنسبة بقى للكودات اللى انت زكرتها
UBC97:دة اختصار ل Uniform Building Code 1997
وهو الكود الامريكى ودة بنستخدمه فقط عند تعريف احمال الزلازل والرياح وهو افضل الاكواد فى النقطة دى
BS:دة اختصار ل British Standard
ودة اتكلمت عنه فوق.....الكود البريطانى
ACI: ودة اختصار على ما اعلم American Concrete Institue
GB50009:ودة الكود الصينى والصراحة انا مفهمش فيه اى حاجة ومعتقدش انك محتاجه

على فكرة لو عاوز تحمل اى كود منهم باستثناء الكود الصينى هتلاقيه على المنتدى جرب بس البحث وانت مش هتغلب......ودى نسخة من كود ubs97
[ندعوك للتسجيل في المنتدى أو التعريف بنفسك لمعاينة هذا الرابط]

اخيرا بعتذر عن دخولى المتقطع بسبب ظروف مشروعى......اتمنى الدعاء منكم

الف مليوووووووووووووووووووووون شكر لاحلى مهندسين
رجااااااااااء المساعدة 72805

» أرجوا المساعدة؟
» ارجو المساعدة
» ارجو المساعدة
» اطلب المساعدة
» المساعدة في تثبيت البانيو