...الاقسام الهندسيه..هل من مشارك...؟؟؟.....هل يتحول منتدي هندسه اسوان...الي منتدي..( فرفشه ) اسوان...؟؟؟؟..يللا كلنا نشارك بالرأي..

أولا يسعدنى يا بشمهندس انى أكون أول واحد يرد عالموضوع

أما بالنسبة للأقسام مفيش حد بيتصفحها لأن ببساطة احنا فى اجازة ومفيش حد فاضى للكلام ده

يعنى الواحد عاوز يفرفش عن نفسه ويضحك مش يكتئب وعالعموم اهه الاجازة خلصت

وهتلاقى الناس كلها بتدخل عالأقسام وتستفاد منها والضغط يزيد عليها ان شاء الله وكله

يرجع لطبيعته ويهدى وميطلعش بره والدنيا استقرت والحمد لله.........

هى مصر متأخرة من شوية فى العلم والتكنولوجيا
بس الصراحة انا احب اشكر باشمهندس احمد لانه فادنى انا وغيرى كتير اووى فى موضوع مثبت اسمه ( اسأل فى sap 2000 )
جزاك الله كل خير
واحب اشكر جدا new asaad
على الموضوع التحفة دة
بس هل من مستجيب

ازيك الاول ياباشمهندس مصطفى .....ليك واحشة والله!

طب لو الواحد ابتدى بنفسه بعد كدة يعمل ايه........يسيب غيره ولا يحاول يفيده
كان فى قرية صغيرة مافيهاش غير راجل واحد مؤمن يعبد الله والباقى كلهم مغرقين فى امور الدنيا
جاء عزاب الله على القرية.......وكان اول بيت يأتيه عزاب الله هو بيت المؤمن لانه لم يهدى الناس اللى حوليه وفكر فى نفسه وبس.
تقريبا انا مش محتاج اى حاجة من اى حد.......ولكن الاصلاح دايما بيقابل بجملة ...شوف نفسك الاول وتعالى كلمنى بعد كدة

كلامك وصل........السلام عليكم

بشمهندس أبراهيم ,,, بصراحه موضوع ملفت للنظر , وأنا بصراحه مكنتش عايز أشارك لأسباب خاصه , أنما شايف ان فيه نقطه الكل ناسيها ,,,, ومحدش شايف الجنب التاني من الموضوع



أولا ,,,, مايقصده جودزيلا بالأبتداء بالنفس هوه أن المشرفيين المسؤلين عن الأقسام الهندسيه هم الذين يتحملو الجزء الأكبر من اللوم والعتاب في الموضوع ده




يعني من مرشح للأشراف عن القسم ووصولا للمراقب والمشرف العام وحتي مدير المنتدي نفسه




لو وجد أي خمول أو تقصير في أي قسم ,,,, فهم من يسأل عنه ,,, وأنا معهم طبعا




ده اللي يقصده جودزيلا




وأنا كنت فتحت موضوع بده في قسم المشرفين ,, للأسباب اللي وضحتها لحضرتك




لينك الموضوع



https://www.engaswan.com/montada-f28/topic-t14032.htm





وأحب ألفت وجهة نظر حضرتك لنقطه مهمه ,,,,, أنا معترف أنه فيه تقصير من جانبي في واجباتي ومسؤلياتي في الأقسام اللي أنا مسؤل عنها



مسؤل عن تأخير تنفيذ فهرس قسم الهندسه المدنيه ,,, فكره البشمهندسه رانيا والبشمهندس وليد



مسؤل عن عشرات الأفكار المؤجله والمواضيع التي لم أرد عليها أو حتي أتحقق من روابط التحميل الموجوده بها



مما يجعل أي موضوع به رابط منتهي وموجود في المنتدي مسببا لصوره مشوهه عن المنتدي




وأنا بصراحه مهما دورت وقولت في أعذار مش هتوفي حق التقصير




أنما,,, بحاول أعمل اللي أقدر عليه



عموما ,,,,,,,,,,, أشكر حضرتك علي الدعوه المتميزه دي




وأضم صوتي لصوت لحضرتك ,, أن فعلا الأقسام الهندسيه في المنتدي تحتاج لبعض النشاط ,, ليس إلا




ومن كلا الطرفين المشرفين أولا ,,,, ثم الأعضاء

اقتباس :

لأن المنتدي مش

بيرتقي بمشرفيه وادارته بس

ولأن المشرفين اصلا اعضاء قبل ما يكونوا مشرفين

وأحب أوضح أننا بنرحب بأي موضوع أو فكره أو حتي طلب في الأقسام الهندسيه عندنا ,, وأحنا بنحاول نعمل علي قدنا ,,, عشان نساعد بعض ,,, ومش منتظرين حتي كلمة شكر من حد




وأن اللي عايز يشارك فألف مليون أهلا ومرحب بيه ,,,, واللي مش عايز فبرضو أحنا بنرحب بيه




كتاب المواضيع أو حتي الزوار فقط ,,,,,, كلهم ليهم أحترامهم وتقديرهم ,,, وأحنا ان كنا بنتكلم فده من عشمنا بس مش أكتر





وأخيرا ,,,, أحب أطمن حضرتك ,, أن المنتدي مش هيتحول ولا حاجه



وأن فيه ناس لسه برضو بتحب المنتدي زي بيتها ,,,, ومش بتتأخر عن أي نداء أو طلب أو مساعده



أتمني تكون وجهة نظري وصلت حضرتك ,,,,,, والله الموفق