كرسى الإعتراف على الطريقة الهندسية "الجزء الثانى"

تذكير بمساهمة فاتح الموضوع :


والمره دى فيه
الههههههههههه المعتاده ةاللى كانت بتضايق
وفيه الخخخخخخخخخخ اللى بقت بتضايقك

[والله العظيم اقول الحقsize=18]1/إسمك ؟؟وقسمك؟؟
زينب احمد ضيف احمد\ان شاء الله تالته حاسبات
2/هوايتك إيه ؟؟ وبتمارسى إيه منها دلوقتى ؟؟
كتابه الشعر والابحار وركوب الجمال وحفظ القرءان\الحمد لله حفظ القرءان وكتابه الشعر
3/دخلتى هندسة إزاى ؟؟ وكان نفسك فى حاجه غير هندسة؟؟
دخلت هندسه بفرق 4.% والفضل يرجع للمستوي الرفيع
كان نفسي ادخل صيدله بس الهندسه كانت اقتراح بابا اللي بحترم كل اقتراحاته لان ما جبتش المجموع اللي هو في تانيه ثانوي والحمد لله[/size]

أولا حمد لله على سلامة الكرسى


ثانيا مرحبا بالشاااااااااااااااااعره الكبيره البشمهندسه زهره

ثالثا بقى نبتدى الأسئله

1-أكتر واحد بيكتب شعر عجبك ؟؟
جوه المنتدى وبره المنتدى

2-أجمل قصيده عجبتك؟؟


3-عبرى عن نفسك بشعر؟؟


4-الشعر اللى تحسيه أنه يمس قلبك؟؟


دوووووووووووووول تحت الحساااااااااااااااااااااااااااااب

براحه عليا شويه يا جماعه دا احنا زمله مهما كان
ولا ايه يا بشمهندس leave me alone

السلام عليكم ورحمة الله

كنت عايز اسالك سوالين يااختى فى الله
لو جالك شخصيين عايزين يتقدمولك تمام
الاول شخص طول بعرض صحة كويسه ما بشتكيش من اى حاجة بس عيبه انه جيوبه فارغه
التانى شخص معاه فلوس كتير وعربيه وشقه بس صحته على قدة عنه مرض ايهما تختارى

ايهما تفضلى
شخص كتوم بس كريم وفضفاض ولا شخص مدردح بس ايحه وبخيل ؟

ارجو يكون السوالين كويسين وعيد سعيد

السلام عليكم

1-أكتر موقف ضحكك؟؟
2-أكتر موقف ضحكتى فيه على نفسك؟؟؟
3-لما بتكون مضايق بتروح فين؟؟؟
4-أكتر موقف زعلك؟؟
5-تخيلى نفسك فى الأوضاع دى وقولى شعورك أيه؟؟؟
1-أبنك جاب 99%(بأذن الله)وعايز يخش ألسن وأنتى عايزاه يخش هندسه.
2-خطيب بنتك غنى بس شغال شغلانه مش أووى (مكوجى,........) أيه موقفك منه ؟؟
3-هل حبيتى أقبل كداااااااا؟؟
4-الناس قالتلك عايزنك رئيس الجمهوريه.
8-بتفكرى ف أيه و أنتى بتجاوبى؟؟؟

وعليكم السلام ورحمه الله وبركاته
لو جالك شخصيين عايزين يتقدمولك تمام
الاول شخص طول بعرض صحة كويسه ما بشتكيش من اى حاجة بس عيبه انه جيوبه فارغه
التانى شخص معاه فلوس كتير وعربيه وشقه بس صحته على قدة عنه مرض ايهما تختارى

الاول لان بصحته الكويسه ممكن يعمل فلوس كتيره و بعدين (خذوهم فقراء يغنيكم الله)
لكن التاني ممكن لا قدر الله يحصلوا حاجه ويسبلي الفلوس الكتيره دي اينعم بس الوجع اللي هاخده من موته اكتر منها بكتير
وبعدين انا مش بحب الفلوس الكتير بحب اعيش علي قدي
يهما تفضلى
شخص كتوم بس كريم وفضفاض ولا شخص مدردح بس ايحه وبخيل ؟
الشخص الاول لان انا في رايي البخيل هو الانسان الوحيد الي مش ممكن يتعاشر
وعيد سعيد علينا كلنا ان شاء الله

وعليكم السلام ورحمه الله وبركاته
-أكتر موقف ضحكك؟؟
صراحه لما اي حد يقع قدامي مش بعرف امسك نفسي من الضحك
2-أكتر موقف ضحكتى فيه على نفسك؟؟؟
لما حبيت
3-لما بتكون مضايق بتروح فين؟؟؟
بزور القبور
4-أكتر موقف زعلك؟؟
وفاه ام صديقتي الانتيم
5-تخيلى نفسك فى الأوضاع دى وقولى شعورك أيه؟؟؟
1-أبنك جاب 99%(بأذن الله)وعايز يخش ألسن وأنتى عايزاه يخش هندسه.
مش هاجبره علي حاجه وهسيبوا يقرر لوحده عشان يتحمل هو عواقب قراراته
2-خطيب بنتك غنى بس شغال شغلانه مش أووى (مكوجى,........) أيه موقفك منه ؟؟
مادامت شغله شريفه و هو ابن حلال وبنتي بتحبه هارحب بيه
3-هل حبيتى أقبل كداااااااا؟؟
مره واحده واخيره
4-الناس قالتلك عايزنك رئيس الجمهوريه.
هارفض
8-بتفكرى ف أيه و أنتى بتجاوبى؟؟؟
في الورطه الي اتورط فيها دي
وبعدين يا بشمهندسين يا واش يا واش عليا انا لسا جديده في الدور ده

اهلا بيك يا بشمهندس ابراهيم
امتي ضحكتي اكتر مرة في حياتك.....؟؟؟؟
كتيييييييييييييييييييييييييييييييير
امتي زعلتي اكتر مرة في حياتك....؟؟؟؟
لما شفت تانيه كهرباء وعشت تجربتها
امتي حسيتي بغدر اعز اصحابك..اكتر مرة فحياتك....؟؟؟
لسا ما حدش غدر بيا
امتي اتخنقتي من حد صاحبك اكتر مرة فحياتك....؟؟؟؟
لو حد تجاهلني بتخنق قوي
امتي فرحتي اكتر مرة من قلبك.....؟؟؟
لما ختمت القرءان حفظا
امتي بقي هتردي علي الاسئله ديا.....؟؟؟
لما اشوفها ههههه
وشكرا خالص علي الاسئله الذيذه دي
صراحة مش عارفه من غيرها كنت عملت ايه

الأسئلة :

1/ما هو الشئ الذي تطمحين الوصول إليه في هذه الحياة ؟

2/ ما هي أجمل صفة تتميزين بها ؟

3/بتحبى ماما ولا بابا أكتر " الإجابه واحد بس مين فيهم" ؟

4/ هل طفولتك كانت سعيدة ؟؟ وهلى تحبى إنها ترجع كمان مره؟؟

5/لو قالولك هتعيشى فى جزيرة فاضيه من الناس خالص وممكن تاخدى فرد واحد يعيش معاكى

مين هوه الفرد ده؟؟ ولو اتنين يبقى مين هما ؟؟ ولو تلاته مين هما ؟؟ وإيه الحاجات اللى ممكن

تاخديها معاكى؟؟؟

6/كل إنسان منا له عيوب فيا ترى إيه هيا عيوبك؟؟وهل بتحاولى تصلحيها ولا لأ ؟؟ وهل بالفعل

صلحتى منها كتيير؟؟ ولا بتحاولى وبتفشلى فى كده؟؟

7/ممكن تخافى من إيه؟؟وإيه الحاجه اللى بتعمليلها ألف حساب؟؟ وهل بتتناولى الأمور ببساطه؟؟

8/ اليأس والحب والكره والحقد والكذب والخيانه والضمير والصدق والهم والأمل.

فى ضوء وصوت العبارة السابقة أكتبى إنطباعك عن كل كلمة فى سطر واحد وإن زدتى فمن عندك؟؟

والله الموفق

1/ما هو الشئ الذي تطمحين الوصول إليه في هذه الحياة ؟
اطمح باسره هانئه سعيده مترابطه ان شاء الله
2/ ما هي أجمل صفة تتميزين بها ؟
الصبر
3/بتحبى ماما ولا بابا أكتر " الإجابه واحد بس مين فيهم" ؟
حقيقي مش قادره اختار
4/ هل طفولتك كانت سعيدة ؟؟ وهلى تحبى إنها ترجع كمان مره؟؟
يعني الي حد ما واتمني انها ترجع تاني
5/لو قالولك هتعيشى فى جزيرة فاضيه من الناس خالص وممكن تاخدى فرد واحد يعيش معاكى

مين هوه الفرد ده؟؟ ولو اتنين يبقى مين هما ؟؟ ولو تلاته مين هما ؟؟ وإيه الحاجات اللى ممكن

تاخديها معاكى؟؟؟
لو واحد يبقي اختي الصغيره تؤام روحي
لو اتنين بابا وماما
لو تلاته بابا وماما و زوجي في المستقبل ان شاء الله
هاخد مصحف وورقه وقلم بالاضافه للحاجات اللي هاحتاجها هناك عشان ادبر المعيشه
6/كل إنسان منا له عيوب فيا ترى إيه هيا عيوبك؟؟وهل بتحاولى تصلحيها ولا لأ ؟؟ وهل بالفعل

صلحتى منها كتيير؟؟ ولا بتحاولى وبتفشلى فى كده؟؟
مش باخد علي الناس بالساهل وعمري ما اديت حد الامان وبتوقع الغدر من اي حد حتي لو هو محل ثقه حاولت اني اتغير بس الظاهر انه طبع
وعيبي كبنت مش بجيد الطبخ قوي بس العيب ده بحاول اصلحه و قربت من النجاح

7/ممكن تخافى من إيه؟؟وإيه الحاجه اللى بتعمليلها ألف حساب؟؟ وهل بتتناولى الأمور ببساطه؟؟
بخاف من الحشرات قوي وبعمل الف حساب للصداقه عشان ما اندمش اني صاحبت حد في يوم وبتناول الامور بمنتهي البساطه
8/ اليأس والحب والكره والحقد والكذب والخيانه والضمير والصدق والهم والأمل.
فى ضوء وصوت العبارة السابقة أكتبى إنطباعك عن كل كلمة فى سطر واحد وإن زدتى فمن عندك؟؟
الياس:نهايه الحياه وبدايه الموت
الحب:منتهي الامان
الكره :منتهي السفاهة انك تكره حد
الحقد:مرض العصر كل الناس بتبص علي اللي في ايدغيرها
الكذب:الصدق احلي بكتير والكدب ملوش رجلين
الخيانه : دمار
الضمير:لازم يكون صاحي علي طول وفي اي مكان
الصدق:بيريح كل الاطراف
الهم:وراءه فرج
الامل :في بكره ان شاء الله
الحمد لله خلصت قبل مل اخلص

وعليكم السلام ورحمه الله وبركاته
ايه رأيك فى المنتدى؟ وازاى فى رأيك نوصل بالمنتدى لمرحلة افضل من كدة؟؟؟
جميل جدا وبدون مجامله وبرايي انه يبقي فيه تواصل دائم مع كل جديد في كل المجالات هيخليه افضل

زرت القاهره بس واسوان هي اكتر بلد بحبها ودبي هي البلد اللي بجد نفسي ازورها

من خلال احدي صديقاتي

بحب اعضاء المنتدي كلهم و كتير من مواضيعه ولسا ما صدفتش حاجه تو صل اني ما احبهاش في المنتدي

دفعه سلبيه جدا وانا اولهم بس كل الي اعرفهم من الدفعه طيبين و صرحه ما عدا واحده بس هي عرفه نفسها


مع الخذ في الاعتبار ان بابا مش هيرضي اني اسافر هاضطر اسفه اني( لساني مش قادر ينطها وايدي مش قادره تكتبها) هههههاحول قسم تاني

السلام عليكم ورحمة الله وبركاته
ازيك يابشمهندسه يارب تكون اسئلتي خفيفه عليكي
نبتدي الاسئله بقى

1. ايه هي نقطة قوتك ؟
   
2. ايه أكتر صفه بنحبيها في نفسك ؟؟؟ وفي اللي حواليكي
   
   
3. ايه أكتر صفه بتكرهيها في نفسك؟؟؟ وفي اللي حواليكي
   
   
4. انتي قولتي انك حبيتي مره واحده قبل كده وهي ده المره الاخيره ممكت توضحي ليه تتعتبر المره الاخيره؟؟؟؟؟؟
   
5. انتي من النوع اللي بتجيبي تقدير في الكليه ولا لأ؟؟؟؟وايه هو التقدير في كل سنه من السنين
   
6. بصراحه ومتنسيش القسم بتاعك ايه رأيك في معظم المعيدين والدكاتره في الكليه
   
7. ايه أكتر حاجه بتحبيها في الكليه؟؟؟ وايه اكتر حاجه بتكرهيها في الكليه؟؟؟
   
8. تعملي ايه لو اكتشفتي ان اعز واحده من صحباتك غدرت بيكي أو خانتك في اي أمر؟؟؟
   
9. ايه رأيك في الناس اللي بتخش على الموضوع تقراه ومتردش على صاحب الموضووع؟؟؟؟
   
10. حددي 5 صفات مهمه تكون موجوده في شريك حياتك
    
11. في وجهة نظرك...ايه اللي يخلي الراجل يزهق ويتخنق من مراته؟؟؟
    

كفايه باين كده عليكي؟؟
انا كنت بسخن بس ههههههههههههههه

احتمال اعمل فلاش باك ليكي مره تانيه
يالا سلام دلوقتي

السلام عليكم ورحمة الله وبركاته
وعليكم السلام ورحمه الله وبركاته
ازيك يابشمهندسه يارب تكون اسئلتي خفيفه عليكي
الحمد لله وياريت خفيفه فعلا اصلي انا استويت
نبتدي الاسئله بقى
انا جاهزه

ايه هي نقطة قوتك ؟
مساعدتي للناس
ايه أكتر صفه بنحبيها في نفسك ؟؟؟ وفي اللي حواليكي
الصبر
ايه أكتر صفه بتكرهيها في نفسك؟؟؟ وفي اللي حواليكي
الكسل احيانا

انتي قولتي انك حبيتي مره واحده قبل كده وهي ده المره الاخيره ممكت توضحي ليه تتعتبر المره الاخيره؟؟؟؟؟؟
اصلي اتخطبت للي حبيته المره الاولي وبكده تكون الاولي والخيره ان شاء الله
انتي من النوع اللي بتجيبي تقدير في الكليه ولا لأ؟؟؟؟وايه هو التقدير في كل سنه من السنين
اعدادي واولي جيد وتانيه بقي وما ادراك ما تانيه
طالعه بماده
بصراحه ومتنسيش القسم بتاعك ايه رأيك في معظم المعيدين والدكاتره في الكليه
معظمهم عايزين يفقهمونا بس مش قادريين الله اعلم العيب في مين
بس مش ده اللي انا كنت متخيلاه قبل ما ادخل الكليه خالص
ايه أكتر حاجه بتحبيها في الكليه؟؟؟ وايه اكتر حاجه بتكرهيها في الكليه؟؟؟
بحب دراسه الهندسه وبكره الطريقه اللي بتدرس بيها
تعملي ايه لو اكتشفتي ان اعز واحده من صحباتك غدرت بيكي أو خانتك في اي أمر؟؟؟
مش هاعرفها تاني
ايه رأيك في الناس اللي بتخش على الموضوع تقراه ومتردش على صاحب الموضووع؟؟؟؟
ممكن مش عاجبهم عادي
بس اللي مش عادي انهم ما يسيبوش انطباع بكده
علي الاقل عشان صاحب الموضوع يعرف عيوبه
حددي 5 صفات مهمه تكون موجوده في شريك حياتك
الصدق و الطيبه والكرم وتحمل المسئوليه وانه يكون طموح
و الحمد لله لقيت الصفات اللي انا عاوزاها في شريكي

1. في وجهة نظرك...ايه اللي يخلي الراجل يزهق ويتخنق من مراته؟؟؟
   

انها تكون عنيده ومتسمعش الكلام
اسلوبها يكون بايخ في الحوار
انها ما تحسيسهوش انه متجوز
وغيرها من الحاجات الي هي ممكن ما تحسش بيها بس بتفرق
كفايه باين كده عليكي؟؟
الحمد لله الذي لا يحمد علي مكروه سواه
احتمال اعمل فلاش باك ليكي مره تانيه
ممكن بكره مع الضحيه التاليه عشان انا احتمال اموت علي ايدكم النهارده
يالا سلام دلوقتي
وعليكم السلام ورحمه الله وبركاته

بكره إن شاء الله هنعلن الضحية الجديدة بالليل وممكن تطلع أى حد يعنى هنختار بالقوة الجبرية

شغل إفترا بقى ومفيش إعتراض والزعل مرفوع ومنصوب ومجرور.

ويا ريت تتواصلوا مع البشمهندسة زهرة وتسألوها أكتر من كده ولا تأخذكم شفقة ولا هوادة عشان

نعرفها اكتر واكتر وكمان عشان بتقول كلام موزون مش عارف كام كيلو بس موزون يعنى .

والله الموفق

انت بتسخنهم عليا يا بشمهندس ولا ايه؟
خليهم كافين خيرهم شرهم احسن
وكلامي مش بالكيلو بوحد جديده لقياس الاحساس والمشاعر اسمها السنس هههههه