برائة أكتشاف مرض نفسى جديد

برائة أكتشاف مرض نفسى جديد

برائة أكتشاف مرض نفسى جديد Mban489l

الشهر اللى فات كلة ، عانيت من أنقطاع وصلة أل DSL ... قمة العذاب أنك تكون عايش و متعود أن جهاز الكومبيوتر شغال 22 ساعة يوميا و أحيانا يقعد شغال باليومين و التلاتة ، و يروح النت يفصل مرة واحدة بدون أى مقدمات .... طول الشهر اللى فات كنت تعبان جدا و مش طايق نفسى و ما أستريحتش ألا لما رجع النت تانى ، و ساعتها عرفت أنى أكتشفت مرض نفسى جديد أسمة : أنقطاع ال DSL

برائة أكتشاف مرض نفسى جديد 152852

و أعراض المرض كتيرة جدا ، أهمها :
- كنت عصبى جدا و بتضايق من أقل حاجة و مش طايق حد يكلمنى
- مش دريان أية اللى بيحصل حواليا فى الدنيا ، لأنى كنت بعرف الأخبار كلها من النت
- أتقطعت علاقاتى بكل أصحابى اللى أعرفهم على النت
المدونة قعدت الشهر كلة مقدرتش أجدد فيها أى حاجة ، و بالتالى عدد الزوار قل جدا
- الرسايل فى الجروب أتعطلت و الأعضاء ناموا
- أضطريت أحضر التليفزيون الحكومى ( و دة أكتر الأعراض خطورة ، لأنى ببقى معرض للتضليل و مسح المخ و الضحك على الدقون )
- و للأسف الشديد ، أبتديت أذاكر .... تفتكروا فية أمل أخف ؟
- كمان بقى عندى وقت كتير أقرا فية كتب ... ما هو أنا من ساعة ما جبت الوصلة و أنا مش لاقى وقت أقرا فية
- من الملل أبتديت ألعب Games ... مش بقولكم مرض خطير
- أتخرب بيتى من الفلوس اللى بدفعها فى مراكز النت و قربت أشهر أفلاسى

و فوق دة كلة أكتشفت أن النت لية أعراض أنسحاب ، زى المخدرات بالظبط ... أول ما ينقطع النت أتحول لأنسان مش طبيعى ، و مراحل التحول دى بتبقى على نوبات زى نوبات الأنسحاب بتاعة المخدرات ... بعد فترة بقدر أتكيف على الوضع ، لكن بيفضل برضة فية حنين للأنترنت زى حنين اللى بطل شم للهباب اللى كان بيشمة

والله عندك حق
برائة أكتشاف مرض نفسى جديد 2696

أه تصدق صح

دا مرض جااااااامد

» مهرجان الكورسات المجانية الاونلاين ؟؟؟ لاول مرة فى مصر لكل العالم العربى
» اختبار نفسى
» تعرفى يا امى انا نفسى ف ايه؟؟؟
» نفسى فى صنف حشيش
» نفسى أقولك