اجعل زوجتك ترقص لنا

يا شباب اسمحوا لى فى البداية أن أسألكم سؤالا مهما

ربما يكون محرجا أو ربما لم يسأله أحد لك من قبل

لكن فى كل الأحوال أرجو بأمانة من كل منكم أن يفكر جيدا
ثم يجيب عليه
كى لا أطيل عليكم لندخل فى الموضوع
تخيل أن أحد أصدقاءك قال لك:-
إنتظرنى سآتيك الليلة أنا و بعض الأصدقاء لنسهر معك لكن بشرط بسيط جدا
و هو......
أن تجعل زوجتك أو أختك تتزين لنا فى أبهى زينتها لتجلس أمامنا لنتفرج عليها.
ماذا أنت فاعل لهذا الصديق؟؟؟
أتخيل من وجهة نظرى أن تفعل أحدا من تلك الخيارات..........
ستسبه و تنتقى له الشتائم
أو
تطرده من أمامك
أو
ستصفعه على وجهه و تقطع علاقتك به
أو
ستضربه بأى شئ أمامك
حتما ستفعل إحدى تلك الخيارات بدافع النخوة أو الغيرة كما نسميها
أى ليس بدافع الوازع الدينى بداخلك
علي الرغم من أن هذا الرجل من الناحية الدينية رجل آثم
رجل يريد استباحة حرمات غيره و يريد أن يطلق بصره فى غير محارمة
إذن فهو رجل عديم الحياء يجاهر الله بالمعاصى
و لكن وقتما يقول لك هذا
فأول ما يثار بداخلك و تغضب له هو ما يسمونه النخوة
فلن يحركك وقتها دافعك الدينى تجاه رجل يجاهر الله بالمعاصى و لكن ستحركك نخوتك و غيرتك كرجل عل حرمة أهل بيته
فالعرب عموما مشهورين بالنخوة و الغيرة!!!
نحن متفقون إذن أنك ستثور بدافع نخوتك لو قال أحدهم لك إئت بزوجتك أو أختك "لنتفرج" عليها !!!
فماذا لو زاد صديقك عديم الحياء هذا الطين بلة و زاد فى وقاحتة و قال لك:....
ائت بزوجتك لتتمايل و تتراقص أمامنا؟؟؟
أظنها ستكون الطامة الكبرى
أظنك فى تلك المرة إذا لم تتمالك أعصابك ستقتله لا محالة!!!!
ربما تكون إجاباتى مبالغ فيها
لكن بأمانه أيها الشباب حاولوا تخيل هذا الحوارالخيالى مع هذا الصديق السخيف
و قارنه بما يسمونه ليلة العمر!!!
بالله عليكم أين وجه الإختلاف ؟؟؟
ما هو الفرق بين ما طلبه منك هذا الصديق السخيف و يوم زفافك؟!
و قبل أن يتعجل أحدكم الإجابة فتمهل قليلا.......
و واجه نفسك بصراحة بتلك الأسئلة.....
ألا تدفع الأموال لتزين عروسك
و تجعلها فى أبهى صورها و أحسن أحوالها
فى فستانها الأبيض الجميل
الذى حتما سيكون مجسما عليها مبرزا لكل مفاتنها
ثم تجلسها بجانبك ليشاهدها كل أصدقاءك و أحباءك و أقاربك و غير أقاربك؟؟؟
ألا تقوم بعد قليل لترقص معها أمام الجميع
و عندما "يسخن" الفرح ستنسى نفسك و تتراقص
و ستجعلها تتراقص و تتمايل أمام الجميع!!!!
بالله عليك أى فرق بين هذا و ما طلبه منك صديقك الذى كدت أن تقصم رقبته؟؟؟
لن أقول أين الوازع الدينى و لكن أين النخوة يا شباب؟؟؟
أين النخوة يا شباب؟؟

عندما تجلس زوجتك فى أول يوم من حياتكم الزوجية و تجعلها عرضة

أو كما نقول "فرجة لكل من هب و دب"
أين النخوة يا شباب؟؟
عندما تسهر بها حتى بزوغ الفجر ليتفرج عليها أصدقاءك و غير أصدقاءك و هى فى أبهى صورها؟
أين النخوة يا شباب؟؟
عندما تجعلها تتراقص على أنغام الموسيقى أمام أعين الغرباء؟؟
أين النخوة يا شباب؟؟
عندما تجعلها تخلع حجابها و تظهر مفاتنها لغير محارمها؟؟
أين النخوة يا شباب؟؟
وفى أفراحنا الشعبية عندما ينصب الفرح فى الشارع....
أين النخوة عندما تجلس زوجتك في الشارع
أمام أعين الناس بدعوى أنك تريد أن تفرح!!!!
أنت شاب ألم تسمع يوما تعليقات الشباب بعد الخروج من الأفراح من أمثال:--
"الله العروسة حلوة قوى"
" يــــــــاه العروسة صارووووووووووخ"
" أوووووه ....العروسة ليس فيها غلطة"
" يـــــــــــــــــاه....العروسة رقاصة رقم واحد "
و كلام كثير أقل حياءا من ذلك نستحى أن نذكره
بالله عليكم يا شباب أتحبون أن يقال ذلك على زوجاتكم؟؟
أين النخوة يا شباب؟؟
هل ضاعت هى الأخرى كما ضاعت كل الثوابت في مجتمعاتنا؟؟
أسمع أحدكم يقول لا أنا عروستى سأجلسها بجانبى محجبة!!!
سنرد عليه..................
هل لو جلست محجبة لن ينظر إليها أحد أم ستحجب عنها أعين الحاضرين؟؟
هل تضمن ألا يطبع الشيطان صورة عروسك فى مخيلة أحدهم فيسهر ليلته يفكر فيها؟؟
ألا تستحى ألا يصف أحدهم جمال زوجتك و بهاءها أمام إخوانه من الشباب؟؟؟
فتكون زوجتك موضوع حديث بين الشباب؟؟؟
أين النخوة يا شباب؟؟؟
ألا تستحى أن يبحلق أصدقاءك فى عروسك الحسناء!!!!
وفى أفراحنا اليوم زادت المكيفات من بانجو و حشيش..... حتى يتكيف الحاضرون طبعا!!!
ألا تستحى أن ينظر السكارى و المخابيل إلى عروسك الحسناء
أين النخوة يا شباب ؟؟ بل أين الغيرة؟؟؟
لقد أرسل الأمام على كرم الله وجه إلى أحد الأمصار قائلا لهم
"سمعت ان نساءكم تزاحم الرجال الأعاجم فى السوق ألا تغيرون""
و أنت أيها الشاب ألا تغار على زوجتك من أن تأكلها الأعين
أم أن الغيرة هى الأخرى ذهبت بغير عودة؟؟؟
كل ذلك و لم نأتى للوازع الدينى و رأى الدين.......
يا شباب هل تعرفون أن مجرد نظر أحدكم إلى إمرأة من غير محارمة تكتب له سيئة
هل تذكرون قول المصطفى
( لا تتبع النظرة النظرة فإن لك الأولى وليست لك الآخرة )
أى إذا وقع بصرك بدون قصد إلى إمرأة غريبة عنك
ثم استغفرت سيغفر الله لك إن شاء الله
أما إذا أعدت النظر قاصدا فعليك إثم و إن كررت تضاعف الإثم
و إن كانت المرأة متبرجة ملفتة لإنتباهك فهى الأخرى آثمة معك
أى أنك أنت و من تنظر إليها إذا لم تلتزم بالزى الإسلامى عليكما إثم
بالله عليك كم من الآثام تسببت أنت و أنت جالس بعروسك الحسناء من أن يقترفها كل من ينظر إليها؟؟
كم من الآثام سطرت فى صحيفة عملك أنت و عروسك في تلك الليلة؟؟
كم من الذنوب جمعتها أنت و عروسك فى أول ليلة من حياتكما معا؟؟
ألم تتزوجها كما يقولون لتكمل نصف دينك؟؟
لماذا إذن فرط فى أحد أركان دينك و تركتها عرضة لغير محارمها؟؟؟
لماذا أقمت بزواجك سنة من سنن المصطفى (صلى الله عليه وسلم)
و أقمت بفرحك بدعة المصطفى منها برئ؟؟
لماذا تزوجتها علي سنة الله و رسوله و أقمت فرحا لم يذكر فيه الله و رسوله؟؟
لماذا تركت الشياطين تصول وتجول فى عرسك و أنت لاه أنت و عروسك فى الغناء و الرقص؟؟

ودمتم خير دوماً

بوص يا باشمهندس...طبعا انا متفق معاك 100%
بس فى بعض العادات للاسف صعب تغييرها
ومنها حكاية الافراح دى.....يعنى لو انت مثلا قلت انا هعمل فرحى فى مسجد
ومنه هروح لشقتى مع زوجتى......شوف مامتك هتقول ايه؟؟؟
شوف ماما العروسة هتقول ايه؟؟؟؟؟
هيقولوا احنا عاوزين نفرح بيكوا هو انت كل يوم هتتجوز
اللى عاوز اقوله ان للاسف فى قيود وعادات
الرسول (ص) قال انتم ادرى بشؤون دنياكم
لكن دة مش معناه ان اخلى العروسة ترقص وتلبس فستان كاب cup زى مابيسموه
والبلاوى دى.....لكن الفرح يتم وكل حاجة بس كل واحد يعرف حدوده فيه
فى النهاية اتمنى ام المسلمين كلهم تبعوا سنة الرسول (ص) بالحرف كما انزل
وانا اولكوا طبعا......لكن كل واحد بيعمل قدر المستطاع

تسلم ايدك على الموضوع

الموضوع طبعا رائع ,,,, وبعد أذن حضرتك تم تنسيق الموضوع

عموما ,,,, طبعا دايما بيبقي فيه اختلال في الموازين

ومش في حكاية الرقص وبس ,,, لأ في حكايات اكتر من كده كمان

والموازين اللي بقصدها هنا هوه ,,, ميزان الفرح

كل واحد مننا بيتمني في ليلة فرحه ان الناس كلها تفرح معاه

رجاله او ستات او مشايخ او حتي جدات و حتي الأطفال

بس المشكله هنا ,,,, أازي انك تفرح صح ,,, وماتخليش الفرح يجرك لحاجه (غلط) من غير ماتحس ,,, وبرضاك او غصب عنك

وفعلا فيه محاولات غير الأفراح الاسلاميه ,,,, محاولات للفصل وعدم الوقوع في الغلط

يعني انه يحصل فصل بين الرجال والنساء في الافراح ,,, بأكثر من طريقه عشان اللي عاوز يعبر عن فرحته باي طريقه مايبقاش فيها حرج لأي حد

بس يبقي السؤال ,,, والتساؤل اللي بيسبب معظم الحرج والضيق لمعظم الناس في الافراح

هوه انك ازاي تفرح صح وازاي اللي حواليك ماينسوش نفسهم عشان محدش يقع في الغلط

وطبعا ,,,,, أكيد كل واحد فينا في ليله فرحه بيبقي عايز الكل فرحان ,,, بيبقي عايز الكل سعيد ,,, بس مش كل واحد فينا هيبقي ماسك ( خرزانه ) في ايديه لو واحده قريبه حد او حتي معرفه طلعت وعملت دور واجب ,,, زي مابيقولو ,,, دي مش بأيد أي حد

ومش عادة الرقص بس ,,,,,, ده كمان فيه اكتر من عاده ,,, يعني زي ان عروستك تتصور معاك انت واصحابك أو انك تحاول تاكل معاها في نفس الشوكه عشان الكاميرا او حتي لأن منسق الحفله عاوز كده ,,,, أو لأن ده الايتيكيت

بصراحه ,,,, معرفش ,,,, بس انا بالنسبالي ,,,, أكيد هنقي من الايتيكيت ,,, فقط ,,,, مايتماشي وعاداتنا وتقاليدنا ,,,, والأكيد أني مش هخلي مراتي ولا اختي ولا أي حد من عيلتي او عيلتها يرقص كده قدام الرجاله

هحاول اني افرح ,,,, وأفرح الناس معايا ,,,, بس من غير ما أغلط ,,, أو غيري يغلط

طبعا اكيد محدش فينا ملاك ,,, ومافيش حاجه كامله ,,, بس أضعف الايمان أني هكون عملت اللي عليا وعلي الاقل ,,, نابني شرف المحاوله

وربنا ستار حليم

شكرا علي الموضوع الرائع

( أقتباس موفق لحضرتك )

اجعل زوجتك ترقص لنا 2696

في الاول : مشكور ياباشمهندس على الموضوع الجريء ده

وانا في رايي اذا مكنش ينفع انك تعمل فرح ديني ده من باب اولى طبعا يبقى تعمل فصل بين الرجال والنساء واللي عاوزة ترقص ترقص محدش هيقول حاجه والفصل ممكن يكون في المكان او ف الوقت بمعنى ان نفس الصالة للرجال هي هي للنساء لكن بتستقبل الرجال الاول مثل من الساعه 8 لحد 9 وبعدها النساء من 9 -10 وومكن يكون هناك بوفيه مفتوح يقضي فيه الرجال الوقت ده مع العريس طبعا ... انا شايف ان ده افضل الحلول

مبدئيا موضوع هادف

لكن قبل ان ابدي رأيي بتعمق ف الموضوع أريد أن أعرف منين البشمهندس أبو زياد بالظبط ؟؟

قصدي من أنهو مدينة ؟؟؟ أظن ده هيفرق بالنسبة للرد بتاعي

شكرا مرة تاني ع الموضوع.....

بصراحة موضوع جميل وشائك وزي ما البشمهندسين قالوا المشكلة تكمن في العادات والتقاليد بس ده ميمنعش انه في حدود لازم الواحد الي عنده نخوة ميتعدهاش سواء اكان من ناحية لبس العروسة او تصرفاتها في هذه الليلة واتمنى لو كان الافراح عندنا زي الافراح في بعض دول الخليج مش معنى كلامي ان الافراح الخليجة خالية من الاخطاء لا طبعا بس على الاقل فيها حاجات احسن اولا انه للستات قاعة او مكان لوحدهم والرجالة مكان لوحدهم منعا للاختلاط ومنعا لانكشاف العروس على الرجال والستات تاخد راحتها مع بعضها والعريس يقعد مع الرجالة لغاية ما يروح ياخد العروس من عند الستات ويروح ففي الحالة دي العروسة بتفرح مع الستات وتاخد راحتها من غير ما تكون عرضة لاعين الرجال وحاجة تانية مهمة جدا في الوقت الحالي حيث انتشرت الموبيلات الي بكاميرا ففي الافراح عندهم يمنع استخدام اي موبايل او كاميرا لتصوير العروسة اما تعالا عندنا شوف في الافراح كل من هب ودب بيصور العروسة وهي قاعدة على الكوشة وهي بترقص وده يبعتها لده ولده والناس واخداها بحسن نية فتخيل لما تلاقي فيديو لمراتك وهي بترقص على الموبيلات

اولا احب اشكرك على الموضوووع الاكثر من رائع
ثانيا: انا رأيي ان الفرح الاسلامي هو الحل المناسب لاكثر من سبب

اتباع السنه
غير مكلف
حشمه للزوجه ولكل البنات من اهل العروسين

ثم سبحان الله هل اللذي سيجعل اصدقائي يحضرون الفرح ويفرحو بنا
هو انهم يشوفوا مراتي واخواتي واهلي وهما بيرقصوا ؟؟؟؟؟؟؟؟؟؟؟؟؟؟؟؟
وشكراااااااا مره اخرى على الموضوووع

موضوع بجد رائع وبيناقش قضية ففي غاية الاهمية

وانا بصراحة مع البشمهندس/

Mr_M

في راية ، وانا عن نفسي بحس نفسي اني هبقى اهبل وانا قاعد في الكوشة والناس بتبص عليا

دة بغض النظر عن اي حاجة تاني

موضوع جميل جدا يابشمهندس جزاك الله خيرا وطبعا الاحسن انى الستات يكونوا فى قاعه والرجال فى قاعه تانى او فى نفس القاعه بس يفصل بنهم ستاره والاهل يفرحوا مع العروسه عادى واناحضرت افراح اسلامى كتير وكانت جميله جدا جدا واتمنى انى فرحى يكون اسلامى بس المشكله انى فى ناس مش عارفه اقول عليهم ايه يقعدوا على السلم بتاع النادى او القاعه يتفرجوا على الداخل والخارج بدون اى حياء او كسوف ويسيبوا القاعه ومكان الرجاله ويقفوا بره طيب واقفين بره ليييييييييييييييييييييييييه مش عارفه؟؟؟

السلام عليكم ورحمة الله وبركاته
أخى أبو زياد جزاك الله كل خير
قرأت فعلا كلمات الموضوع ولم أجد إلا أصابعى تريد أن تسطر ردا وكما سيطرح عقلى الكلمات فستتكتبها اصابعى
فى البداية من واقع كلماتك ما يفعله الرجل عادة ويناقضه فيما يفعله بالأفراح وإن كان فقط بدافع النخوة فيحتاج فقط إلى بعض من العق فلو فكر هذا الرجل بعقله فيما سيفعله فى فرحه لعارض هذا نخوته تماما وامتنع عن ذلك وشخصيا لا أرى ما يحدث فى الأفراح حاليا إلا نوع من الإسفاف يعود بنا إلا قمة التخلف
لا أدى ما الميزة فى مثل هذه الطقوس الحمنقاء الغريبة هل هو فقط مجرد ضوضاء وفرصة لاهتتزاز أوساط الرجال والنساء وأإى رجل هذا الذى يتباهى بهز وسطه الله أعلم وإن فرحنا بهز أوساطنا ثم بعرض أوساط النساء
طبعا افعال لا أقول غلا ربنا يهدى
ولا ادرى ما المشكلة فى الفرح الإسلامى وكحقيقة وتصحيح واجب أيها الإخوة الفرح الإسلامى ليس شىء غريب وبشع وليس بديلا فالطبيعى ان يكون الفرح إسلامى إنما غير الإسلامى هو الشىء الغريب فليس إقامة فرح إسلامى هو الشىء الذى يجب أن يكون مستغربا لإاتمنى أن نرقى عقولنا لنعى الكلمات أنا مسلم وعاداتى وتقاليدى اسلامية فليس غريبا أو مستحدثا أن يكون فرحى إسلامى ولكن كونى مسلم وأقيم فرح غير اسلامى هذا هو الشىء الغريب فالطبيعى حين أن أقول كلمة فرح مبهمة هكذا ودون أى إضافة أن يفهم أنه فرح اسلامى وحين نود إقامة غيره نقول سنقيم فرح غير إسلامى وانظر الى الفارق فى مجرد التسمية
والحقيقة أنى شخصيا أرى أن الأفراح الإسلامية شىء جميل وممتع فعلا بل وراقى وخالى من المشاكل والذنوب
لا أدرى لماذا أصبحنا حين نقول على شىء أنه إسلامى تتعلق بالأذهان التجهم والجمود ليس الأمر كذلك بل العكس هو المفترض بالإعتقاد فيه وهو المرونة والبساطة والمرح وراحة العقل والروح
وهذا الأمر يندرج تحت بند تصحيح المفاهيم وهى أحد المفاهيم الغبية التى أصبحنا نتعايش معها وأتمنى أن نترفع عنها ونعود إلى الأصفى والأجمل

وشكرا على الموضوع الرائع

موضوع جميل جدا ... تسلم ايدك

هههههههههههههههههه

هو والله الموضوع ده غريب جدا بس الله ينور عليك

موضوعك جميل جدا وشيق و صحيح 100%

ولكن هل نستطيع ان نطبقه في هذا العصر
(عصر التكنولوجيا عفوا اقصد عصر المفاسدالثلاثة)

أعطني حلا واعطيك عمري

مشكور

لا حول ولا قوة الا بالله
انا شخصيا ناوي اعمل فرحي في قاعتين
قاعة للرجال
و قاعة للنساء

بجد الموضوع قمه في الروعه وموضوع جدا
انا من الرايي الرك علي العريس مش العروسه هو اللي في ايديه يضبط كل الامور دي ويمسك زمام الامور والمفروض يتفق مع بعض علي تصرفاتهم حتكون ازاي ولو حد اعترضهم من ناسهم يفهم انه ده الصح و الاصول و علي مااظن ما حدش حيزعل في الصح و الاصول

بصراحة يابشمهندس كلامك رائع وياريت كل إنسان محترم يفكر فى الموضوع دة كويس

السلام عليكم ورحمة الله و بركاته:مشور يا سيد ابو زياد على هذه اللفتة المهمة والتي في الواقع يستهين بها الكثيرولكن لا يمكنني التعليق سوى كيف انك تستنهض همم ونخوة اولائك الاشخاص الذين تخلوا عن دينهم وتريدهم ان يتمسكوا بعادات من اجل النخوة !!!!!!!!!!!!!!!!من وجهة نظري ان الانسان الذي سيعمل فقط من باب العادات والتقليد تملي عليه فعل الشيء الصحيح ما يتعب نفسه.لانه سيكون عمله مشوه وناقص بقدرة الله ,والله يااخي استعجب من الناس الذين لا يخافون الله.واخيرا شكرا لمن سيسمعني والله يتوب علينا ويهدي الجميع ويتقبل منا

» ماتت وهي ترقص ودفنت وهي ترقص
» طاعة زوجتك لك...مفتاحها بيدك انت
» لا ترقص علي جراح الاخرين
» اجعل 100سبب هما هدفك
» اجعل لحياتـــــك معنـــــي