المشاكل اللى ممكن تقابلك فى التعامل مع المنتدى.

فى الموضوع ده هنعرض كل المشاكل اللى ممكن تقابلك فى التعامل مع المنتدى بخصوص التقنيات بمعنى ازاى تكتب موضوع وباقى الامكانيات اللى متاحه ليك كعضو.

أولا:أزاى تلاقى المنتدى بتاعنا بسهوله؟؟؟؟؟؟؟

المنتدى دلوقتى نزل اسمه على جوجل ولله الحمد فممكن تكتب فى خانه البحث بتاعه جوجل " المنتدى الرسمى لطلبه كليه هندسه اسوان" بنفس اللفظ كده وهتلاقيه يا اما فى فورم وانت تختار المنتدى وتخش عليه او هتلقاه فى الاول
باسمه اللى انت لازم متنساش شكله علشان تعرف تستدل عليه كويس http://asv-univ.editboard.com/index.htm

ثانيا: أزاى تكتب موضوع؟؟؟؟؟؟؟

بعد متحدد القسم اللى انت هتكتب فيه الموضوع ولازم يبقى الموضوع مناسب للقسم اللى هيتكتب فيه يعنى لو كان كوميدى يبقى فى قسم الضحك ولو كان موضوع شبابى يبقى فى حوار الشباب..........إلخ.
تخش على القسم بعد كده هتلقى على ايدك اليمين من فوق كلمه موضوع جديد
هتدخل عليها وتحدد لموضوعك أيقونه مناسبه من اللى هتلقاهم تحت عنوان الموضوع وبعد متخلص كتابه الموضوع
وتكتب العنوان المناسب ليه تدوس على كلمه استعراض اللى هيا اسفل المربع اللى بتكتب فيه الموضوع علشان تتأكد ان شكله هيبقى صح وتمام وعلشان الأخطاء اللغويه وبعدين تعمل ابعث وكده خلاص نزل الموضوع.

ثالثا: ازاى تكبر الخط وتلون الخط؟؟؟؟؟؟؟؟؟؟؟

بعد متخلص كتابه تظلل كل اللى كتبته بctrl A وتكبر الخط أولا وأنا بقول اولا وبعدين تظلل تانى وتختار اللون
اللى انت عاوزه وتلون بيه وبس كده تعمل ابعث ومش هيبقى فيه لخبطه.

رابعا: الأيقونات الضاحكه أزاى تتعامل معاها؟؟؟؟؟

الايقونه اللى انت عايز تنزلها فى الموضوع أو الرد تدوس عليها كليك شمال وتشدها لغايه متبقى فى المنطقه أو المكان اللى أنت عاوزها تبقى فيه فى أى مكان من الموضوع وبس كده هتشتغل لوحدها.

خامسا: ازاى تعمل توقيع؟؟؟؟؟؟؟؟؟؟؟؟؟

تخش طبعا على البروفيل بتاعك وتجيب كلمه التوقيع ودوس عليها وتيجى عند الصوره تحت فى الاسفل بتاعه التوقيع
تكتب الكود ده
[img/]الرابط بتاع الصوره تحطه هنا[img]
ولو عاوز تكتب كلام يبقى من فوق الصوره او تحتها زى ما تحب وإن شاء الله هجيبلكم شويه توقيعات تختاره اللى يعجبكم منهم.

سادسا: ازاى أسجل؟؟؟؟؟؟؟؟؟؟؟؟؟؟

ممكن تسجل فى البوابه من التسجيل السريع ده لو مشتغلش معاك التسجيل بالطريقه الطبيعه وعلشان ميقلكش تاريخ الازدياد .

سابعا: ازاى تعمل رابط مخفى ؟؟؟؟؟؟؟؟؟؟؟؟؟

ممكن تعمل رابط مخفى عن طريق الرمز ده
[hide][url=?????]*****[/url][/hide]
بحيث مكان النجوم تكتب الكلمه اللى عاوزها تظهر زى كلمه

ومكان علامات الاستفهام هتحط اللنك بتاعك اللى مش عاوزه يظهر .

ثامنا: أزاى تعمل لصق لموضوع أنت ناقله من حته تانيه؟؟؟؟؟؟؟؟؟؟؟؟؟

بص بقى بعد متعمل نسخ للموضوع بتاعك وتعمله لصق فى المربع بتاع الموضوع تعمل استعراض للموضوع
فلو الكتابه طلعت متلخبطه وكل كلمه فى حته يبقى تدوس على اللى هتلقاها على أيدك الشمال من فوق وتعيد لصق الموضوع بتاعك وتخلى بالك لو حطيت صوره على الوضع ده مش هتظهر إلا لما تدوس مره تانيه على

فالمعنى هنا أن وظيفه أنها لما بتحط حاجه مباشره بتوريهالك علطول غير لما تديها أمر وتشوف النتيجه بعد إرسال الموضوع بتاعك لذلك تراعى أنك تدوس عليها فى الوقت الصح .

أى مشاكل ممكن تقابلكم تبعتلى بيها رساله خاصه

وهتلاقى إجابتها هنا بإذن الله.