لمعلاوماتك المدنية(1).........اتمنى دخول كل مهندسى مدنى لابداء الرأى

السلام عليكم يا شباب.....
انا ناوى فى الموضوع دة اوضح بشكل مبسط شوية يعنى ايه قوى الزلازل
واعذرونى لو كلامى كان بالعامية علشان بس الناس كلها تفهمنى

لازم الاول نعرف ان الزلزال بينتقل للمنشأت فى صورة موجات ليها سرعة وتسارع وفترة زمنية
الموجة دى بتنتقل من قاع المبنى وتنتقل عبر الادوار لحد ماتوصل لاعلى المبنى
الموجة دى بتيجى على المبنى فى اتجاه X او فى اتجاه Y ومينفعشى تيجى فى الاتجاهين مع بعض
ودة شكل بسيط للموجات



طب فى سؤال بقى بيدور فى الاذهان.....هو شكل المبنى بيبقى عامل ازاى لما الزلزال دة بيضرب المبنى؟؟؟
طبعا علشان نشوف شكل المبنى وهيتحرك ازاى بنحل المنشأ بتاعنا على برنامج تحليل انشائى وليكن sap2000 كمثال وليس للحصر....ودى صورلمنشأ انا كنت عاملته على الساب والواضح هى صور التشوهات فى المبنى بسبب الزلزال

فى اول 1.41736 ثانية هيبقى شكل المبنى كدة ...وهكذا لباقى الصور



السؤال التالى بقى ....ايه الاحتياطات اللى لازم اراعيها فى المبنى بتاعى علشان احافظ عليه من الانهيار بسبب الزلازل.....بس قبل مانعرف الاجابة عاوزين نعيش فى جو واقعى شوية...كأننا فى مبنى وفاجأة المبنى دة اتعرض لززال......تفتكروا ايه اللى هيحصل؟؟؟؟؟
شوف الكليب دة من الاول للاخر بس بتمعن جداااااا

https://www.youtube.com/watch?v=O2XMfOXVOvo
ولو عاوز تحمل الكليب
http://www.4shared.com/file/108811254/e060d2be/simulation_sismique.html

هاه شوفت الكليب؟؟؟......ايه رأيك؟
اولا كدة ...الزلزال دة مش حقيقى !!!!!
دى يا جماعة تجربة على مبنى حقيقى..واسم الاختبار هو SHAKING TABLE TEST
يعنى اختبار الطرابيزة الهزازة
بيتم وضع المبنى على plate او مقعد ونحرك الplate دى بحيث انها تحرك المبنى كله كأن بالظبط فى زلزال ضرب المبنى وبقوة معينة نقدر نحددها من خلال الجهاز.


السؤال الاهم ...انت لما شوفت الكليب دة ....ماسألتش نفسك هو المبنى ليه اتدمر فى بعض الاجزاء بينما البعض الاخر لم يحدث شيئا؟؟؟ طب ايه السبب؟؟طب هو الزلزال بيضرب انهى مناطق فى المبنى؟؟ واسئلة كتيييييير اووى

طبعا كلنا ملاحظين ان معظم اماكن الانهيار كانت فى منتصف الاعمدة صح؟؟
السبب فى كدة وجود مايسمى ب short column
يعنى كما توضح الصور ان العامود طويل عادى يعنى مش قصير ولا حاجة!!!! اومال فين الغلط بقى؟؟
الخطأ الكبير جداا هو انهم وضعوا فى منتصف الاعمدة جدران وبكدة حولت العامود لعمود قصير



علشان كدة بقى شوفنا الانهيار بالشكل دة ....عند المنطقة اللى ماسكة العامود مع الحائط



يبقى الان سؤال وحييييييييييييد.......وهو.....ماعيب العامود القصير؟؟
ولماذا سبب لنا كل هذة المشاكل؟؟
الاجابة..
لان المهندس اللى صمم اعتبره عامود طويل عادى وحدد مساحة التسليح
اللازمة للعامود عادى خالص
لكن فى التنفيذ....تحول هذا العامود لعامود قصير وطبعا عارفين ان العامود القصير فى حالة
الاحمال الجانبية مثل احمال الزلازل..بشيل عزوم اكتر...دة معناه ان مساحة التسليح اللى فى العامود
غير كافية للاسف.............



NOTE: طبعا بخصوص المعادلة...كل لما (h) تقل العزم (M) هيزيد


وفى النهاية .....اتمنى التوفيق ليكم
وفى موضوع جديد ان شاء الله