أشرف يمنح ميشيل فوزه الأول على حساب الاتحاد !

ميشيل: أداء الزمالك لم يكن جميلا .. لكنه سيتحسن سريعا

وعد هنري ميشيل المدير الفني للزمالك الجمهور الأبيض بتحسن مستوى الفريق، عقب الفوز على الاتحاد السكندري 1-0 في المرحلة الرابعة من الدوري الممتاز.

ونجح المدرب الفرنسي في استهلال مشواره مع الزمالك بفوز، بعدما احتل مقعد بدلاء الفريق الأبيض خلفا للسويسري ميشيل ديكاستل.

واعترف ميشيل عقب المباراة إن الزمالك لم يقدم كرة جميلة، مفسرا "كل ما شغلني هو الفوز، النتيجة اليوم كانت أهم من الأداء".

وجاء فوز الزمالك بهدف لشريف أشرف من ركلة حرة مباشرة أسكنها شباك الهاني سليمان حارس الاتحاد السكندري.

وتابع المدرب في المؤتمر الصحفي الأول له مع الزمالك "الأداء سيتحسن مع الوقت، وخاصة حينما أستبدل طريقة اللعب".

مبروووووووووووك


بس 4-4-2 الزمالك مش قدها

ليه؟؟

هانى سعيد فشل ف 4-4-2 لما كان ف أيطاليا

أحمد مجدى و عمرو عادل و محمود فنح الله لا يجيدو التمركز

الوحيد اللى بنفع هوا الصفتى وبيتهيألى دا أخر موسم ليه ف الفريق

أما عن الاجناب ف صبرى رحيل ومحمد عبد الشافى وحازم أمام وأحمد غانم مبيعرفوش يدافعو ف 3-5-2 حيعرفو ف 4-4-2.

مبرووووك للزمالك _

برغم اللعب الضعيف

وحكم الإنذارات

ومبروك علينا إبراهيم إيوااا _ نجم مستقبلى جوكر الملعب كله

Leave Me Alone كتب:

مبروووووووووووك


بس 4-4-2 الزمالك مش قدها

ليه؟؟

هانى سعيد فشل ف 4-4-2 لما كان ف أيطاليا

أحمد مجدى و عمرو عادل و محمود فنح الله لا يجيدو التمركز

الوحيد اللى بنفع هوا الصفتى وبيتهيألى دا أخر موسم ليه ف الفريق

أما عن الاجناب ف صبرى رحيل ومحمد عبد الشافى وحازم أمام وأحمد غانم مبيعرفوش يدافعو ف 3-5-2 حيعرفو ف 4-4-2.

بختلف معاك فينقطة يا بشمهندس
طريقة لعب 4-4-2 لا تعتمد أساسا على " المساكين " أو قلب الدفاع
المساكين بتوع 3-5-2 نفس مساكين 4-4-2
يعني مش هتفق كتير
الي بيختلف بقى
الأجناب أو " الباكات "
هم أساس نجاح خطة 4-4-2 أو فشلة
أهم دور لظهير الجنب في طريقة 4-4-2 هو التغطية العكسية على المساكين في حالة فقد الكرة
يعني لو الهجمة من الشمال
الباك اليمين يرجع ليبرو خلف المساكين ويغطي عليهم
والعكس لو الهجمة من اليمين
والي يركز مع فريق حرس الحدود
هيلاقي أن احد اهم اسباب نجاح الفريق في تطبيق 4-4-2 هو الظهير " العصري " إسلام الشاطر
لاعيب جوكر بكل معنى الكلمة
يجيد التمركز السليم
والتغطية خلف المدافعين " ليبرو " في حالة فقد الكورة طبعا
الي هيحدد اذا كان الزمالك هيقدر يلعب 4-4-2 او لا هم ظهيري الجنب
وأعتقد ان احمد غانم سلطان ممكن يقوم بالدور ده في 4-4-2
بس لازم تحط حازم أمام قدامة طبعا كجناح
لأن سلطان " فاشل " هجوميا بكل معنى الكلمة

وشكرا لمرورك يا بشمهندس

في أمان الله

الحبار كتب:

مبروك يا عم الفوز وبقيتوا سبع نقط بحالهم والمركز التالت مره واحده ألحقولكم مركز قبل

الحكاية ما تزحم وتخشوا فى الغويييط !!!

شكرا على الخبر يا بشمهندس

والله الموفق

ماشي يا عم هاني
الله يبارك فيك
بس صدقني
الدوري للزمالك , وبكرا افكرك ^_^




في أمان الله

اقتباس :

بالرغم من ان كان مستوي اداء الزمالك ضعيفا
الا اني متفائل بأن الزمالك يمكنه اتقان واللعب بطريقة 4-4-2 أو4-3-3
خاصة ان هناك اكثر من توقف للدوري المصري بسبب كأس العالم للشباب بجانب تصفيات المنتخب

شكرا طبعا علي الموضوع يا باشمهندس

فعا الأداء لم يرتقي للمستوى المطلوب
ولكن في بعض الأحيان الــ3 نقاط أهم
وكانت مطلوبة امبارح بشدة

وشكرا للمرور يا بشمهندس

اقتباس :

مبرووووك للزمالك _

برغم اللعب الضعيف

وحكم الإنذارات

ومبروك علينا إبراهيم إيوااا _ نجم مستقبلى جوكر الملعب كله

فعلا الأداء ضعيف
بس زي موضحت ال 3 نقاط أهم
بالنسبة للحكم
على ما أعتقد ان جميع الإذارات مستحقة
ما عدا تقريبا إنذار ميدو
انا شايف انه ملهوش لازمة قوي
وممكن يكون في توصيات من الكبير " حسام الدين " بالتعامل مع ميدو علشان موضوع متش المقاولين والتدخل العنيف مع الحارس

رحيم أيوا لاعب عالي جدا
لعب 10 دقايق ولكن اثبت فيهم انه اول صفقة افريقية ناجحة للزمالك
من أيام ايمانويل أمونيكي
وأعتقد انه المتش الجاي اساسي
وقريبا الولد ده في أوروبا

وشكرا لمرورك يا بشمهندس


في أمان الله