ذكريات طالب مغمور

السلام عليكم و رحمة الله و بركاته

كيف حال الجميع؟ كل عام و انتم بخير بمناسبة شهر رمضان الكريم و لونها جايه متأخرة شوية.
إنني عضو جديد بالمنتدى و قديم بالكلية حيث أننا عايشنا الكلية أيام كانت ضلمة و كان الناس كلها عارفة بعض عام 1996/1997 و ايام المدينة المنسية فى مجاهل صحارى و القطار المنكوب قطار السد العالي ياااااااااااااااااااااااااااااااه كانت ايام لا تنسى و الله اكيد كل الناس اللى لسا متخرجوش بيقولوا امتى نخلص و نتخرج و لو يقدر و يعرف يجيب المصباح السحرى و يفركه بإيده يطلع المارد و يقول له شبيك لبيك أمرك مطاع يا تطلب ايه؟ طبعا أى طالب فى الكليه هيقول له انا عايز أخلص الكلية و اخد الشهادة بتاعتى و خلاص و ده مش هو الصح و هنقول ليه .
في بعض الاحيان تجينى خواطر كتير و افتكر ايام زمان بحلوها و مرها اقول يااااااااااااااااااااااااااااااااااااااااه ياريت الايام ترجع تانى و الناس ترجع تانى الناس الحلوة و الناس الرخمة و كفاية كده لاننى تعبت من التفكير فى ايام زمان.

المهم انا اشتركت فى المنتدى ليييييييييييييييييييييه ؟؟؟؟؟؟؟؟؟؟؟؟
لاسباب عديدة منها :
1-الحنين الى ايام الكلية و الامتحانات و تذكرها معكم.
2-محاولة مساعدة إخوانى و أخواتى من الطلبة و الطالبات ببعض النصائح و الوسائل التى اكتسبتها من خلال 8 سنوات عمل.
3-النصح لكل الطلبة و الطالبات و محاولة تذكيرهم بالنعمة التى هم فيها الان فى الكلية لانهم ما شافوش الكلية زمااااااااااااان
فى النهاية سررت بكم و أرجو الا اكون قد اطلت عليكم و الى مشاركات اخرى مفيدة بإذن الله

السلام عليكم و رحمة الله و بركاته

أهلاً وسهلاً بك بشمهندس محمد في منتدانا
ويارب يكون المنتدي نال إعجاب حضرتك

حضرتك بكلامك فكرتني بأكثر حاجة أنا كل ما أفتكرها بتضايق وبقلق جدااً
وهي أني بحب الكلية جداً ومتعلقة بيها ومش عارفة بكرة لما أتخرج ان شاء الله حعمل أيه
لان بجد الكلية حتوحشني وكل زملائي لانهم عشرة خمس سنين ومن الصعب عليا نسيانهم
ولان كمان ليا في الكلية ذكريات جميلة زي ما برضه في ذكريات وحشـة
بس حتي الذكريات الوحشة بتتلاشي مع الأيام ولما بنفتكرها بنضحك

علشان كدة الحمد لله علي نعمة النسيان

وأحنا منتظرين منك يا بشمهندس تقولنا خبراتك وتجاربك في سوق العمل والحياة الخارجية

السلام عليكم و رحمة الله و بركاته

إنني أعتذر عن التأخر فى الرد و لكن كلكم تعرفونالعشر الاواخر من رمضان و ربنا يبلغنا ليلة القدر و كل عام و أنتم بخير.
و لقد أخجلتمونى بأدبكم الجم و اننى فى غاية السرور لتواصلكم معى و لنا حوار طوووووووووووووويل جدا بعد العيد ان شاء الله و كل عام و أنتم بخير.
أخوكم الاكبر
أبو عبدالله