فاكر اول موضوع نزلته فالمنتدي؟؟؟؟؟؟؟؟؟ ياااااااااااه زكريات حلوه...

السلام عليكم ورحمه الله وبركاته....
عمرك وانتا قاعد كده وبسم الله ماشاء الله حاسس نفسك معدي ومنزل مواضيع بالهبل وردود كتيره و...و...و...
عمرك بقي قعدت كده وقومت فاتح مواضيعك...ودورت علي اول موضوع نزلته..؟؟
وشوفته وقولت ياااااااه....ده كان اول موضوع نزلته فالمنتدي........فيييييييييين الايام دي...؟؟؟
عموما احنا هنفكرك بالموضوع ده وبالزكريات دي........
الفكرة ببساطه ان كل واحد هيدخل هيقول ايه اول موضوع نزله فالمنتدي....وايه كانت السلبيات اللي فيه..؟؟
وايه الفرق بين الاسلوب بتاع اول موضوع نزله...والاسلوب بتاعك دلوقتي...
ممكن كمان ينزل لينك للموضوع ده عشان الاعضاء يشوفوه...
متشكر جدا ليكو......

فكرة جامدة جدا يا بشمهندس إبراهيم فكرتنى بحاجات جميلة والله
بالنسبة ليا كان أول موضوع نزلته كان فى قسم الرياضة العربية و المصرية الموضوع ده أنا كاتباه مش ناقلاه يعنى كان اسمه :
مستقبل الكرة المصرية إلى أين ؟
كنت بقى أيام ثانوية عامة بالذات مجنونة كرة ماكانش فى ماتش فى الدورى بفوته حتى لو ماكانش الأهلى هو الى بيلعب تلاقينى بقلب فى قنوات الدش لقيت أى ماتش حتى لو مش فرق مصرية أقعد و اتفرج عليه ومتابعة بقى الصفقات بتاعة الأندية و مين راح فين و خد كام و الحاجات دى بس ماما طبعا ما كنتش بتخلينى أتهنا بالفرجة هى عارفة انى بذاكر بمزاجى و مهما عملت أنا لو مش عاوزة أذاكر مش هذاكر فتلعب بقى على موضوع الضمير تقعد توبخ فيا تخلى ضميرى يشتغل بقى و ينقح عليا عشان سايبة المذاكرة بس برضوه الموضوع تتطور معايا ده حتى الدرجة التانية ماكنتش عاتقاه حبيت أتابع بقى الكرة العالمية لقيت الحكاية معايا خرجت عن السيطرة حتى يوم ما ماما تتطفى التليفزيون كنت أسمع الماتشات على الراديو
بس الحمدلله لما روحت الكلية خفت الحكاية دى معايا يعنى مش بتابع غير الحاجات المهمة على الراديو أنا عارفة انى رغيت كتير بس الموضوع الى نزلته كنت عاملة فيه بقى ناقد رياضى و بتفذلك بمعنى أصح و الحمدلله ما حدش رد عليه عشان كده قلت بلاش أنزل مواضيع فى القسم ده و خدت فترة كبيرة ما بنزلش مواضيع فيه بس دلوقتى عادى أى حاجة عاوزة أنزلها بنزلها
بيضحك

طب كويس ياشيمز نزلي بقي لينك للموضوع عشان نشوفه...

يااااااااه اول موضوع ليا في المنتدي كان تقريبا من سنتين
او تلات سنين مش فاكرة بصراحة وكان عن شنطة رمضان يعني جاي في نفس المناسبة دلوقتي
وده لنك الموضوع
[ندعوك للتسجيل في المنتدى أو التعريف بنفسك لمعاينة هذا الرابط]

وبعد كده نزلت الموضوع ده
[ندعوك للتسجيل في المنتدى أو التعريف بنفسك لمعاينة هذا الرابط]

وده بجد اغلي موضوع عليا في المنتدي هنا لغاية دلوقتي
ونفسي اكمل كتابة فيه وكان فكرته اننا نحاول نشجع بعض علي بعض السنن اللي ناسيينها
ونتعود علي اننا نعملها ونفكر بعض بيها

ومنتظرين اول مواضيعك كمان
ومنتظرين لنك موضوعك يا شيمز عشان انا برده مش قريته

نفس الياااااه بتاعة أميرة برضو لأنها من المعاصرين طبعا الأوائل للمنتدى ده والمنتديات القديمة

كمان ، وأنا كذلك الأمر مشترك من زمان بس كون إنى الواحد يفتكر الذى مضى وبصم والكلام

ده صعب شوية لأنى كنت بنزل مواضيع كتيرة يعنى عشان المنتدى يتملى والناس تحبة من

أول نظرة وتنجذب إليه بس مش متذكر أنهى موضوع الأول ولكن الإحتمال الأكبر والوارد

جدا إن أول موضوع نزلته كان الموضوع ده

[ندعوك للتسجيل في المنتدى أو التعريف بنفسك لمعاينة هذا الرابط]

طبعا وفضلت أحضرلة وأكتبة ورغم إنى لغتى العربية فيه كانت ركيكة شوية أو شبه معاقة

ولكن الموضوع ده بالذات له قدر وغلاوة عندى أكثر من أى موضوع تانى لأنه زى ما بيقولوا

ضربة البداية والبداية اللى الحمد لله كانت صحيحة جدا وبسم الله ما شاء الله وصلنا إلى

ما نحن فيه إلى الآن عبر هذه البداية وهذا المنتدى.

شكرا جزيلا عن موضوعك يا بشمهندس

والله الموفق

انا بقي في اول ماكنت بتدخل..
نزلت تلات مواضيع دفعه واحده وكانوا بيتكلموا عن شيء واحد..

عن ابو الريش..
سلبياتها وايجابياتها.

وكان اول موضوع بعنوان.

[ندعوك للتسجيل في المنتدى أو التعريف بنفسك لمعاينة هذا الرابط]

وده كان بيتكلم عن معامله الطلاب السيئه من بعض السكان هناك..

وتاني موضوع كان بعنوان.

[ندعوك للتسجيل في المنتدى أو التعريف بنفسك لمعاينة هذا الرابط]

وده كان بيتكلم عن تعرض بعض البشمهندسات لبعض المضايقات من قبل بعض..( العيال) في ابو الريش..

وتالت موضوع بقي كان بعنوان..

[ندعوك للتسجيل في المنتدى أو التعريف بنفسك لمعاينة هذا الرابط]

وده كان بيتكلم عن شكر مننا الي كل اللي شاركوا في اراحتنا..ومنهم المغربي جروب..
وللاسف الموضوع اتقفل بسبب انه في ناس دخلت وحطت ردود سخيفه..

ومواضيع البرنسيس والحبار بجد هايله ولا تنم عن اول مشاركه..
وعوزين لينك موضوعك ياشيمز

» انا فاكر ان ده حصل بس ............ امتي وفين؟؟؟؟؟؟؟؟؟؟
» سنة 1900 حاجة و 80 .. ياااااااااااه
» ألبـوم مشاري راشد العفاسي - ( زكريات 2008 )
» °ˆ~¤ موضوع متميز ®§(§ الموضوع الأضخم على الإطلاق عن قسم كهرباء §)§® موضوع متميز ¤~ˆ°
» دعوه إلى عمل أحزاب ومذاهب سياسيه