للبنــات فقط !! ....

قــد يستغرب الكثير منكم من هذا العنوان
وما دخل هذا العنوان بالقسم الموجود فيه

الحكاية وبكل بســاطة ,,,
في نهاية العـام الدراسي السابق اقترحت عليا بعض الزميلات بأن نؤسس أسـرة للبنات فقط

الفكـرة جميلة جداً وجديــدة واستحوذت علي إعجـاب بنات كتييير
خصـوصاً ان في بنات في الكلية مش بتحب تختلط بالأولاد
وبترفض انها تشارك في أي نشــاط خوفاً من الأختلاط

أنا الفكرة عجبتني جداً ونفسي تتنفذ علي أرض الواقع
علشان كـدة عايزة أعرف رأي كل بنات المنتدي في الفكرة
وهل ممكن يشتركوا معانا في هذه الأسـرة أم لأ

وأتمني أن يشاركنا شباب المنتدي بوجهة نظرهم وإن كان لديهم أي تعليق علي
تلك الفكرة أو أي أضــافة

وأنا في انتظــار معرفة رأيكم

تقبلوا تحياتي ,,,,,,

flower2

بصراحة الفكرة جميلة يا رانيا
وتستحق التجربة اذا كانت ممكنة .. عشان ممكن تلاقي معارضة من شئون الطلبة
لكن لو كانت ممكن تتنفذ ومفيش قوانين تمنعها
فهي فكرة هتلاقي ترحيب كبير من البنات وانا اعرف بنات كتير عندهم نفس المشكلة
ونفسهم يشتغلوا ويبدعوا لكن من غير اختلاط
عموما السنة الجاية انا مش ناوية اشترك في اي اسرة
لكن لو سألنا علي الفكرة دي وكانت ممكنة
فإن شاء الله نساعد بعض انها تكون اسرة قوية ونقدر نعمل فيها حاجة
حتي من غير ما اشترك فيها
وربنا يوفقك لكل خير

فكرة جميلة جدااااااااااااااااااااا وياريت تتنفذ وإن شاء الله تكون اسرة قوية

الفكرة جميلة في معناها وأهدافها ولكن.....

قوانين الجامعة ترفضها

فأي أسرة تريد أن تمارس نشاطا داخل الجامعة يجب ألا تكون مقصورة علي فئة معينة

يعني مينفعش أسرة كلها أولاد أ أسرة كلها بنات أو أسرة كلها مسلمين أو أسرة كلها أقباط

يعني مينفعش أسرة تتكون علي أساس النوع

ولكن لا مانع من المحاولة لعل وعسي..

وأتمني أن تري هذه الفكرة النور لعلها تنهي حالة عزوف البنات عن المشاركة في الأنشطة

هذه معلوماتي والله أعلم

اقتراح جمييييييييييييييييل يارانيا وياريت تنفذ وان شاء الله اشارك فيها للبنــات فقط !! .... 632320

والله بجد فكره حلو اوى وكانت فى دماغى من اول ما دخلت الكليه لانى مش بحب الاختلاط وفعلا سألت على الموضوع وقالوا مينفعش بس اتمنى انك تحاولى تعمليها وانا اول واحده معاكى طبعا بس بدون اى ولاد وحتلقينى معاكى بقوه كمان اهو الحق اعمل حاجه فى اخر سنه ليا

طب ماحنا ياجماعه في اسرة بداية عاملين نظام احسن من كده
احنا
في الاسرة عاملين اسرتين في اسرة واحده ياعنى احنا جوه الاسرة مقسمين
نفسنا فريقين فريق من الولاد وده بيمثلهم واحد وغالبا بيبقي المقرر وفريق
من البنات ودى بتمثلهم واحده من البنات واحنا متفقين من الاول ان مفيش اى
اتصال مابين الولاد والبنات غير من الممثلين للفريقين ومحدش من الولاد
ياخد الاسرةة حجه ويكلم بيها المهندسات وبنتفق كلنا على الشغل وبيتوزع
علينا وبنقسم الشغل على بعض حاجات بتاخدها البنات وحاجات بيعملوا الولاد
ومفيش اى اختلاط في الشغل ولو فيه حاجه مع البنات بيقولوا للبنت اللى
بتمثل البنات للمقرر والموضوع بيتحل لاننا لازم نعرف انه فيه حاجات الولاد
يقدروا يعملوها والبنات مايقدروش والعكس صحيح يبقي احنا في الاسرة بنكمل
بعضنا وفي نفس الوقت مافيش اختلاط لان كل فريق شغال على حدا

السلام عليكم ....

بصراحة يا رانيا الفكرة أكتر من رائعة .... لأن فعلا فيه بنات كتيييير بيبقوا عاوزين يدخلوا الأسر بس خيفين من موضوع الاختلاط ده .... بس أنا للاسف اللي اعرفه إن مينفعش الأسرة تبقى من فئة واحدة بس ... لكن طبعا الفكرة جميلة قوي و يااا ريت تتنفذ ...

عشان لو اتنفذت اوعدك إنك حتلاقي كل البنات اللي في الكلية فيها وحتبقى جميلة و حنعمل شغل جبار ....

وكل سنة وانت طيبة يا miss r

السلام عليكم

والله يارانيا الفكره مش محتاجه اي اراء لانها متوافق عليها واعتقد اجماعا ويارب تتنفذ واكيد هتحقق نجاح هايل لان فعلا في ناس كتير وانا منهم بصراحه نفسي اشترك في اسره بس موضوع الاختلاط ده كان عقبه بالنسبالي

ربنا يوفقك يارب وتقدري تنفذي اكبر قدر من الافكار اللي بتفيدنا وتفيد كليتنا جداااااا

شكرا يا بشمهندسه علي الموضوع الرائع
وجزاكي الله كل خير
الف شكررررررررررر

انا ما اعتقدش ان الكليه هتوافق علي الموضوع ده بس لو حصل انا معاكم في الفكره الهايله دي

أولاً شكراً لكل اللي ردوا علي الموضوع وأبدوا رأيهم فيه

بالطبع انا عارفـة ان الموضوع صعب جداً واننا ممكن نواجه عقبات كتيرة
بس هي تجربة ومش حنخسر حاجة لو خضناها

بس أنا ححاول بقدر ما أستطيع
واللي فيه الخير ربنا يقدمـه

بس انا ملاحظ ان محدش عقب على النظام اللى قولته في اسرة بداية
هو الناس مش مقتنعه غير برايها بس

قالوا نطالب بحقوق المرأه
قلنا نعم إذا كانت مسلوبة الحقوق
قالو نطالب بمسواه المرأه
تعصب البعض والبعض قال
حقا محقوق
قالوا هيا نؤسس اتحاد للمرأة
وقفا جميعا كشجر البرقوق
اعلنتم راية التنافس وبعدها
تراجعتم كالبودر المسحوق
اليوم تداعيتم الاختلاط فكيف
في النشاط يتكون عاشق ومعشوق؟!
استمري يا حواء في طريقك ولكن اعلمي
أن ادم يجرد نفسه من الفسوق
وإن تمادي يوما في غبائه فلا تنسي
إنه يحب رأسه دائما مدقوق
فلا تعلني الحرب رجاءاً
وإلا ستجدي دماً مدلوق
فأسرة بداية حلت النزاع
فلا داعي أن تستثيري مخلوق

طبعا يا جماعة انا بهزر بس بجد فكرة ممتازة ممتازة ممتازة بس انتوا كده هتكتسحوا الاسر كلها وممكن يبقي انقلاب والاجمل فكرة اسرة بداية لأننا كده بنعمل عمل جماعي وفي نفس الوقت مفيش اختلاط ...

محدش ينسي اني كونت بهزر.

iو كان فيه عندي ملحوظة عاوز اقولها ان ملاحظ ان فكرة الناس عن الاختلاط اننا نعيش الولاد في كوكب والبنات في كوكب تاني ومحدش ليه دعوه بالتاني بالعكس انا شايف ان لازم يبقي فيه تعامل بس في حدود ياعنى يكون فيه غض للبصر وعدم الخلوة والتحدث في المهم فقط وغيرها من الضوابط اللى حطها لنا الاسلام ولو كلامكم مظبوط ان البنات يعيشوا قي ركن والولاد في ركن على ماعتقد ايام الصحابة بقي ماتجيش السيده عائشة وتبلغ العلم اللى عندها للمسلمين وكانوا خلوا النساء في البيوت مايطلعوش في الحروب عشان الجرحى وكانوا بدلوهم برجالة الغلط بقي في الاختلاط ان الانسان يسلك طرق مش كويسه ياعنى ناس تقعد مع بعض بالخمسين ساعه تحت مظلة العربيات وهو لا اخوها ولا جوزها ولا نيله هو اختلاط غير مبرر وخلاص ولا الواحدة تقعد تحكي على اي كلام وخلاص ولا الواد اللى يعمل نفسه بتاع ويقعد يكلمي خمسين بت عاملي فيها دنجوان هو ده اللى غلط ارجو ان الناس ماتفهمش كلامي غلط وتفهمه صح واللي يرد يرد معقول مش لمجرد انه عاوز يهاجمني ويقعد يطلعلي الغلطه عشان يبان هو البطل وان انا الفاسق الفاجر صاحب الفكر المضل

والله ياباشمهندسة دى حاجة ترجع لكوا انتوا.....تعملوا اسرة ليكوا...او تندمجوا معانا فى حدود الشرع زى مقال الباشمهندس مصطفى......انتوا اللى شايفين مصلحتكوا فين...وانتم ادرى الناس بيها.......قال الرسول (ص): انتم ادرى بشؤون دنياكم
كملتوا معانا اهلا وسهلا ..مكملتوش برضه اهلا وسهلا

A.ELDOWY كتب:: قالوا نطالب بحقوق المرأه
قلنا نعم إذا كانت مسلوبة الحقوق
قالو نطالب بمسواه المرأه
تعصب البعض والبعض قال
حقا محقوق
قالوا هيا نؤسس اتحاد للمرأة
وقفا جميعا كشجر البرقوق
اعلنتم راية التنافس وبعدها
تراجعتم كالبودر المسحوق
اليوم تداعيتم الاختلاط فكيف
في النشاط يتكون عاشق ومعشوق؟!
استمري يا حواء في طريقك ولكن اعلمي
أن ادم يجرد نفسه من الفسوق
وإن تمادي يوما في غبائه فلا تنسي
إنه يحب رأسه دائما مدقوق
فلا تعلني الحرب رجاءاً
وإلا ستجدي دماً مدلوق
فأسرة بداية حلت النزاع
فلا داعي أن تستثيري مخلوق

طبعا يا جماعة انا بهزر بس بجد فكرة ممتازة ممتازة ممتازة بس انتوا كده هتكتسحوا الاسر كلها وممكن يبقي انقلاب والاجمل فكرة اسرة بداية لأننا كده بنعمل عمل جماعي وفي نفس الوقت مفيش اختلاط ...
محدش ينسي اني كونت بهزر.

قصيدة جميلة جداً بشمهندس الضــوي
مع العلم اننا مش بنطالب بحقوق المرأة ولا عمرنا حنطالب بيها
لان ربنا و الحمد لله أعطانا حقوقنا وزيـادة

واشكرك جداً علي مساهمتك معانا
وفعلاً فكرة أسرة بـداية فكرة جميلة

ENG_GODZELA كتب:: iو كان فيه عندي ملحوظة عاوز اقولها ان ملاحظ ان فكرة الناس عن الاختلاط اننا نعيش الولاد في كوكب والبنات في كوكب تاني ومحدش ليه دعوه بالتاني بالعكس انا شايف ان لازم يبقي فيه تعامل بس في حدود ياعنى يكون فيه غض للبصر وعدم الخلوة والتحدث في المهم فقط وغيرها من الضوابط اللى حطها لنا الاسلام ولو كلامكم مظبوط ان البنات يعيشوا قي ركن والولاد في ركن على ماعتقد ايام الصحابة بقي ماتجيش السيده عائشة وتبلغ العلم اللى عندها للمسلمين وكانوا خلوا النساء في البيوت مايطلعوش في الحروب عشان الجرحى وكانوا بدلوهم برجالة الغلط بقي في الاختلاط ان الانسان يسلك طرق مش كويسه ياعنى ناس تقعد مع بعض بالخمسين ساعه تحت مظلة العربيات وهو لا اخوها ولا جوزها ولا نيله هو اختلاط غير مبرر وخلاص ولا الواحدة تقعد تحكي على اي كلام وخلاص ولا الواد اللى يعمل نفسه بتاع ويقعد يكلمي خمسين بت عاملي فيها دنجوان هو ده اللى غلط ارجو ان الناس ماتفهمش كلامي غلط وتفهمه صح واللي يرد يرد معقول مش لمجرد انه عاوز يهاجمني ويقعد يطلعلي الغلطه عشان يبان هو البطل وان انا الفاسق الفاجر صاحب الفكر المضل

أولاً يا بشمهندس مصطفي احنا هنا مش بنهاجم بعض
انا فاتحة الموضوع علشان أعرض عليكم فكرة ونتبادل الأراء فيها
مش أكثر من كدة ولا علشان نقول ده بطل ولا ده فاسق

وأنا أتفق مع حضرتك انه لازم يكون في تعامل بين الأولاد والبنـات طالما في حدود المسموح
وأنا عمري ما أعترضت علي كدة لاني أنا كمان بتعامل مع زملائي طالما في حدود الأدب والأحترام

وأنا في موضوعي انا مقولتش ان البنات تعيش في ركن والولاد يعيشوا في ركن
انا قلت ان في بنات مش بتحب الأختلاط حتي لوكان في حدود الادب والاحترام
ولا بتحبه برضـه لانها بتتكسف من زملائها الأولاد
وأنا معتقدش ان ده عيب ولا غلط
لان كل انسان مننا متربي في بيئة معينة ومتعود علي حاجات معينة وعنده أفكار معينة
وفي بنات متعرفش تتكلم مع ابناء عمها وقرايبها مش مع زملائها
ودي عادة وطبع فيها منقدرش نغيره

ودائماً السنة اللي فاتت كان الكل بيشتكي من قلة مشاركـة البنات في الأنشطـة
فأنا ما صـدقت ان البنات هما بنفسهم اللي أقترحوا عليا الفكرة دي
وعرضتهــا عليكم علشان أعرف رأيكم فيها

وحضرتك لو شفت ردود البنات حتعرف انهم هم اللي عايزين كدة
لانهم نفسهم يشتغلوا بس خايفين من التعامل مع زملائهم الأولاد
وده راجع لشخصيتهم ومش عيب ولا غلط

وبالنسبة لموضوع أسرة بـداية ونظام الأسرة فأنا كنت حكلمهم فيه
بس مش دلوقتي مع بـداية الدراسة كنت حجتمع بيهم وأعرف رأيهم وأقنعهم
لان مش كلهم للأسف مشتركين في المنتدي

وأنا عارفة ان الأسرة دي لو اتعملت حيكون نشاطها محصور في حاجات معينة
لان في حاجات ينفع تعملها البنات وحاجات مينفعش تعملها البنات لازمها أولاد
وكمان البنات برضـه بيكون عندها الأفكار لكن وقت التنفيذ بتحتاج الأولاد هما اللي يقوموا بالتنفيذ
بس زي ما بيقولوا نص العمي ولا العمي كله

وبصراحـة انا حاسة ان حضرتك كبرت الموضوع زيادة عن اللزوم
ومكنتش يستدعي ده كله

وياريت لو حضرتك عندك أي تعليق علي كلامي
ياريت تتفضل تقولــه

life for rent كتب:: والله ياباشمهندسة دى حاجة ترجع لكوا انتوا.....تعملوا اسرة ليكوا...او تندمجوا معانا فى حدود الشرع زى مقال الباشمهندس مصطفى......انتوا اللى شايفين مصلحتكوا فين...وانتم ادرى الناس بيها.......قال الرسول (ص): انتم ادرى بشؤون دنياكم
كملتوا معانا اهلا وسهلا ..مكملتوش برضه اهلا وسهلا

فعلاً حضرتك عندك حق
دي حــاجة ترجع لينا أحنا وأحنا اللي عارفين مصلحتنا فين كويس

وشكراً لرد حضرتك

السلام عليكم ورحمة الله وبركاته
بداية أعتذر عن دخول موضوع للبنات فقط ولكن كما تعلمون نحن الإدارة وليس عندنا للبنات فقط أو للأولاد فقط فسلطاتنا طبعا تتعدى كل هذا
الأخت MISS_R شخصيا أؤيد فكرتك تماما تماما وأتمنى فعلا لو تم تحقيق أمر كهذا وبالنسبة لمسألة أن دور الأسرة سيقتصر على أعمال معينة فلا أظن أنه هناك مانع فى هذا فهكذا دور المرأة ودور الرجل فى الحياة لا يفترض بأى جنس من الجنسين ان يؤدى كل الأعمال بل المهم ان يؤدى الأدوار المطلوبة منه بكل إتقان وفى الحقيقة أن هذه التفرقة هى تفرقة مباحة ولا يجب أبدا تشبيهها بالتفرقة بين المسلمين والنصارى او بالتفرقة بين البيض والسود هناك فارق شاسع جدا بين هذه الحالة وما يقابلها من حالات
المقصود أن تقتصر أسرة بالبنات فقط تؤدى الأدوار التى يمكن ان تؤديها البنات فقط ومن الممكن أن تؤديها بكل إتقان ولا داعى لوجود الأولاد بها وهى أمورة كثيرة جدا
كما أن هذا سيؤدى إلى وجود منافسة شديدة جدا وهذا أمر مستحسن
ولا ادرى ما المشكلة أن تكون هناك اسرة مقتصرة بالأولاد واسرة مقتصرة على البنات
الحقيقة
فلتؤدى كل أسرة المهام التى يمكنها تاديتها وفى النهاية سنجد أن المحصلة هى عمل المجمل أى عمل ما يستطيع اداؤه الأولاد وما يستطيع اداؤه البنات
وايضا هى فكرة لمناهضة الإختلاط
وفى النهاية الفكرة طبعا رائعة وأتفق معها وأتمنى لو تم تحقيقها

هو الموضوع ابعد من مشاركة طالبات في نشاطات وما الى ذلك بعد كده معظم البشمهندسات هيتخرجوا ان شاء الله وهيتعاملوا مع رجالة فلو مثلا مهندسة مش عارفة تتعامل مع العامل واو الفني او تاخد وتدي مع المقاول لانها مش بتعرف تتعامل معاه يبقي كل عام وانتم بخير على البلد

اقتباس :: هو الموضوع ابعد من مشاركة طالبات في نشاطات وما الى ذلك بعد كده معظم البشمهندسات هيتخرجوا ان شاء الله وهيتعاملوا مع رجالة فلو مثلا مهندسة مش عارفة تتعامل مع العامل واو الفني او تاخد وتدي مع المقاول لانها مش بتعرف تتعامل معاه يبقي كل عام وانتم بخير على البلد

والله انا مع البشمهندس مصطفي في كل كلمه قالها ..وكلامه كله صح
يعني لما البنات عايزين تفرقه بينهم وبين الولاد طب ازاي هيبقي التعامل بتاعهم لما يبقو مهندسين
..وزي ما قال البشمهندس مصطفي كل عام وانتم بخير علي البلد
اولا يمكن انا مش فاهم حاجه من الموضوع ..؟؟؟بس انا فاهم كلام البشمهندس جودزيلا كويس
علشان كده انا رديت علي الموضوع
وجزاكم الله عنا كل خير

السلام عليكم ورحمه الله وبركاته
اولا بخصوص موضوع اسره للبنات فقط ده شئ جميل ورائع لانى فى ناس بتتكسف تتعامل مع ولاد او مش بنحب تتعامل مع ولاد اصلا وده طبعا حسب تربيه وبيئه كل واحد بس افتكر انى فى انشطه كتير ممكن تعملها البنات فى الكليه ونقدر نستفيد من افكار ومجهود بنات كتير

وبخصوص موضوع الشغل وانى ممكن المهندسه تحتك بعامل او مهندس مفتكرش انى اى واحده رافضه مبدأ الاختلاط فى الجامعه حتسمح لنفسه تعمل كدا بعد الجامعه اظن انها حتفكر انها تقعد فى البيت حفاظا وامان لها من اى اختلاط او انها تتعرض لموقف مش كويس انا مش معنى كلامى انى البنت تقعد ملهاش لزمه فى البيت لكن معناه انها تعمل وظيفتها اليه خلقها الله تعالى ليها انها تكون زوجه وام فاضله والشغل ده للراجل بس وانى البنت لازم طبعا تتعلم وتكون على تعليم عالى جدا عشان تقدر تربى اطفالها صح وتعلمهم امور دينهم وديناهم صح وحضرتك يا بشمهندس جودزيلا اخدت الموضوع على اعصابك وحسستنا اننا عوزين نعمل تفرقه عنصريه فى الكليه والموضوع راح لفكره الاختلاط وحرمته وبعد عن فكره الموضوع الرئيسيه

mira rora كتب:: السلام عليكم ورحمه الله وبركاته
اولا بخصوص موضوع اسره للبنات فقط ده شئ جميل ورائع لانى فى ناس بتتكسف تتعامل مع ولاد او مش بنحب تتعامل مع ولاد اصلا وده طبعا حسب تربيه وبيئه كل واحد بس افتكر انى فى انشطه كتير ممكن تعملها البنات فى الكليه ونقدر نستفيد من افكار ومجهود بنات كتير

وبخصوص موضوع الشغل وانى ممكن المهندسه تحتك بعامل او مهندس مفتكرش انى اى واحده رافضه مبدأ الاختلاط فى الجامعه حتسمح لنفسه تعمل كدا بعد الجامعه اظن انها حتفكر انها تقعد فى البيت حفاظا وامان لها من اى اختلاط او انها تتعرض لموقف مش كويس انا مش معنى كلامى انى البنت تقعد ملهاش لزمه فى البيت لكن معناه انها تعمل وظيفتها اليه خلقها الله تعالى ليها انها تكون زوجه وام فاضله والشغل ده للراجل بس وانى البنت لازم طبعا تتعلم وتكون على تعليم عالى جدا عشان تقدر تربى اطفالها صح وتعلمهم امور دينهم وديناهم صح وحضرتك يا بشمهندس جودزيلا اخدت الموضوع على اعصابك وحسستنا اننا عوزين نعمل تفرقه عنصريه فى الكليه والموضوع راح لفكره الاختلاط وحرمته وبعد عن فكره الموضوع الرئيسيه

اشكرك جدا يابشمهندسه علي رايك الي اكثر من رائع
وبجد ده شئ جمييييييييييل جدا لما يبقوا البنات لوحدهم وبكده علشان يعرفوا ياخدو راحتهم اكتر
بس انا مش معاكي يابشمهندسه في النقطه ان البنت متشتغلش لما هي مش هتشتغل طب ايه الي يجبرها علي انها تكمل تعليمها يعني مثلا ايه الي دخلها هندسه ..وفي الاخر ايه تقعد في البيت طب ما كان كفايه عليها التعليم الاساسي ولاهي تعب وخلاص .وطبعا دي حرية كل بنت طبعا مع احترامي لجميع و..طبعا معا احترامي لاراي حضرتك يابشمهندسه ...وانا مقيد رايك تماما في اول سطرين واما الباقي ففيه شويه استعجاب ..!!!!!!!!!!!!!!!!!!!