مشكلة ضمير ,,!!

جزاكم الله كل خير
انا فى مشكله عندى بس مقدرش اسميها مشكلتى انا بس هى مشكله ضمير ميت جوه جسم عايش وبيتنفس
انا طلعت رحله تبع الجامعه ومضيت على اقرار اننا طلعين بقطر وقبل السفر بكام يوم قالوا لينا انه باتوبيس الجامعه مع العلم السفر لغايه الاسكندريه وتم سفر بعض الطلبات على نفقتهم بقطر ومع نهايه الرحله قام المعسكر باخراج كشف باسمائنا ومشرفين الرحله قالو للطلبه امضوا هنا وده كان كشف للمصاريف تناقلاتنا دال المدينه ومصاريف وصولنا بقطار وتم ضياع الكشف وامتنعنا عن الامضاء مرة اخرى عن كشف اخر حتى تستلم فلوسنا امام الصراف وفى الاخر قالوا لينا جامعه اسوان ملهاش فلوس بس كل الجامعات استلمت فلوسها والسؤال ليه طلعوا لينا كشف فى الاول
اعتقد كل الى شاف الى مكتوب عرف ايه المشكله ؟
واتمنى ان اى حد يحصل معاه اى حاجه ميسكوتش وميخفش
لان الساكت عن الحق شيطان اخرس

lola dark كتب:: جزاكم الله كل خير
انا فى مشكله عندى بس مقدرش اسميها مشكلتى انا بس هى مشكله ضمير ميت جوه جسم عايش وبيتنفس
انا طلعت رحله تبع الجامعه ومضيت على اقرار اننا طلعين بقطر وقبل السفر بكام يوم قالوا لينا انه باتوبيس الجامعه مع العلم السفر لغايه الاسكندريه وتم سفر بعض الطلبات على نفقتهم بقطر ومع نهايه الرحله قام المعسكر باخراج كشف باسمائنا ومشرفين الرحله قالو للطلبه امضوا هنا وده كان كشف للمصاريف تناقلاتنا دال المدينه ومصاريف وصولنا بقطار وتم ضياع الكشف وامتنعنا عن الامضاء مرة اخرى عن كشف اخر حتى تستلم فلوسنا امام الصراف وفى الاخر قالوا لينا جامعه اسوان ملهاش فلوس بس كل الجامعات استلمت فلوسها والسؤال ليه طلعوا لينا كشف فى الاول
اعتقد كل الى شاف الى مكتوب عرف ايه المشكله ؟
واتمنى ان اى حد يحصل معاه اى حاجه ميسكوتش وميخفش
لان الساكت عن الحق شيطان اخرس

مبدأيا انا بحييكي على روح الشجاعة الي عندك و الموضوع ده كان عايز يكون موضوع مستقل لانه موضوع مهم
بس انا احب ارد على كلامك يابشمهندسه
انتي قلتي في الاخر ميسكتش وميخفش
على فكرة المواضيع دي بتحصل كتير بس اغلب الناس الي بتسكت مس ساكته خوف يعني مثلا الفلوس الي بتديها الكلية للمتفوقين كام هل هيا دي المفروض الطالب ياخدها اشك لاني سمعت انها اكتر من كده وغير كتير بس هتروحي لمين وتشتكي مين ؟؟؟المشكلة في النهاية يعني هتللفي ودوري وتروحي وتيجي والاخر ايه محدش هيجيب الغلط عليه كله هقلك روحي لفلان احنا ملناش علاقة وفي الاخر تي تي زي مروحتي جيتي لانهم هيطلعوا صح ويبرروا الموقف وتطلعي انتي الغلطانة وده مش خوف ده الامر الواقع الي بيحصل مدام الامر متعلق بالدواية الحكومية

عارفة لو الامرة ده مع شخص بعينه ماشي تقدري تاخدي حقك بس عند الحكومة هقولك على راي المثل (موت ياحمار) فالناس بتريح نفسها وتسكت مع ان انا معاكي ان ده مش الصح بس هنعمل ايه بس لو في طريقه ياريت نقولها لعل وعسى
وشكرا ليكي

تم فصل الرد عن موضوع النتيجه ,,, لعله يأخذ حقه في المناقشه ,,, وننتظر معكم الردود

وشكرا علي الموضوع يابشمهندسه ,,,,,,,,,, وهي بجد مشكله ,,, أزليه ,,, عقيمه ,,,, في الكليه وفي جامعتنا عموما

وخير دليل علي كده ,,,,,, راجعي موضوع اخي سيف الاسلام الخاص بمأسي أسبوع شباب جامعة المنصوره ,,, واللي اشتركت فيه كليتنا

ساعات بحس اننا بنتكسف ( وده رأيي الشخصي ) ,,,, ان كليتنا لما بتيجي نتكلم في موضوع الماديات

وايه الدعم المادي المفروض للطالب ( وده حقه ,, لأن الجامعه دي حكوميه ,,, يعني هوه ليه فلوسه زيه زي غيره من الطلبه اللي في باقي الكليات ),,,, ومين الناس المسؤله عن انها تجيبلي الحق ده !!

اتكلمنا كتير أوي ,,, وقولنا أتحاد الطلبه ,, بحكم أنه ممثل عن الطلبه

قال الأتحاد مالوش دعوه ,,, ميزانيه الطالب عندنا ,, أقل بكتييير أوي من ميزانيه الطالب في أي كليه تانيه

طيب ده ليه ,,, منعرفش

طيب ,,, نعمل ايه ,,, برضو مانعرفش

نسأل الموظف الحكومي ,,, يقولك علي قد لحافك ,,, مد رجليك

وأنا موظف لو ليك عندي ( شلن ) هديهولك ,,, بس ده لو ليك !!

طيب مش عيب موظف عندنا في الكليه ,,, ولا هو عيب أتحاد طلبه ,,, مابنسمعلوش أي حس ,, ولا حتي في الانتخابات ( أصلها بتتعمل عندنا سايلنت) ,, ولا هو عيب موظف شئون أداريه ,, مالوش دعوه غير بالورق اللي قدامه

طيب ,,, الدعم الضعيف جدا للطالب عندنا في الكليه ,,, ده مسؤليه مين

وحق الطلبه اللي بيضيع ,,,, ده مسؤليه مين !!

طيب لو كل دووول مالهمش دعوه ,,, يبقي مين اللي ليه !!

الموضوع موضوع أزمة ضمير بجد ,,,

ساعات كتير أوي بحس انه عندنا حته استحياء في الجامعه من أن المسؤلين يطالبو بحقوقنا

وفي الجامعه ليه ,,, ده في الكليه كمان

أه ,,,, مهازل حصلت في أسبوع شباب الجامعات الماضي ,,, شكلها هتحصل تاني !!

مهازل بتحصل وبتركتب بأسم هندسة أسوان ,,, وعمرنا ماسمعنا عن حد أتحاسب ولا حد أتعمل معاه تحقيق

كل اللي بيحصل ,, انه معلش ,,, وحصل خير ,,, واصله مافيش دعم ,,, وهو مافيش أساسا مسؤل أعرفه يجيبلي حقي ,, ولا حتي مسؤل أعرفه حتي عشان أحاسبه

كلنا دايرين في دايره مفرغه ,,, كلنا موظفين ,,, كلنا بناخد مرتبات ,, ومدام المرتب شغال ,,, يبقي ايه المشكله ,,, ويبقي ليه وجع القلب !!

وده رأيي المتواضع ( الشخصي ) ,,, واللي ممكن يحتمل الصواب وممكن الخطأ

وأنتظر معكم الردود ,,, والله الموفق

كلامك صحيح يابشمهندس eng_ghost وهوا ده الي انا قصدته

السلام عليكم

الأخت المهندسة

اللى حضرتك ذكرتية ممكن يكون بيتكرر بأكثر من شكل مع أسوان عموما كفرع بس فى هذه

الحالة كان لازم تاخدوا إجراء بمعنى إن كل اللى من أسوان معاكى راحوا فى الرحلة تعملوا

شكوى وتكتبوا أساميكم عليها كلكم وفاكس وإيميلات على رئيس الجامعة وبإذن الله هتجد صدى

لأنكم أكيد لم تستلموا شىء كما ذكرتم وإن شاء الله يتم ردع الناس اللى معندهاش ضمير دى

لأنهم بصراحة كتروا فى البلد وبقوا حاجه مقرفة ومش ضرورى الفلوس قدر إنهم يتحاسبوا

لذلك أرجو التقدم بشكوى رسمية لرئيس الجامعة وإلم يتم الرد تبعتى شكوى على عميد الكلية

بتاعتنا وإن شاء الله تجدى رد.

وشكرا لشجاعتك وكتابتك للموضوع ده

والله الموفق

رئيس الجامعة وعميد الكلية !!!!!!!!!!!!!!!

ههههههههههههههههههههههههههههههه

الحمد لله على نعمة التخرج

» صباح الخير يا ضمير
» حجم مشكلة التدخين فى مصر
» ما هى مشكلة كتر المواضيع ؟
» حصريا على منتدانا فقط لمهندسين مدنى وعماره أوتوكاد 2010 قبل الجميع Autodesk AutoCAD 2010 Gator x86 x64 Beta 4
» مشكلة في سقف مبنى