مقدمة في حصر الكميات للأعمال الإنشائية !!

مشكووووور ع الموضوع
بس اخوي ممكن تعلمني كيف احسب الكميات لو عندك دروس وكتب اتعلم فيها الحساب بالتفصيل

فردوس كتب:

ارجو تزويدى بتحليل أسعار لأعمال الخرسانة المسلحة

أولا ,,, أحب أرحب بحضرتك معانا في المنتدي ,, وان شاء الله نقدر نساعد حضرتك



ثانيا ,,, بالنسبه لسؤال حضرتك انا بالظبط مش فاهم طلب حضرتك بالظبط



تحليل الأسعار ,, بمعني ان الحاجه غليت ليه ورخصت ليه وهتغلي امتي والكلام ده ,,, لو حضرتك قصدك كده



فده علم كبييير جدا ,,,, وليه كلام أخر وأنا مش هقدر أفتي حضرتك بحاجه انا ماليش علم بيها



كل اللي اعرفه اثناء دردشه مع قريب لي حول الموضوع انه فيه مجله خاصه بتطلع كل سنه من امريكا وخاصه بتحليل الأسعار للسنه الفائته والقادمه ومرفق معها سي دي كمان



وأيضا بالبحث في الأنترنت لم يوجد لها أي مصادر غير موقعها الرسمي ناهيك عن أنها اساسا للمواد الأنشائيه الأمريكيه وباللغه الأنجليزيه بالطبع




وهي عباره عن مقالات تحليل اسعار ,,, وليس تعليم حتي لكيفية عملها




اما لو حضرتك قصدك علي تحليل ( البنود نفسها ) يعني بند الخرسانات بيتكتب فيه ايه وكده




فأنا أقدر أرفق لحضرتك البنود اللي عندي في الشغل واللي انا شغال بيها ,,, بس دي بتختلف وبتعتمد علي نوع الموقع والأعمال المطلوب تنفيذها





يعني هل انا مثلا مقاول من الباطن ,,, والمقاول اللي انا شغال عنده هيوفرلي مواد البناء وانا اوفرله العماله والخشب وكده ,,, ساعتها الحساب هيكون بالمتر




ولا انا المقاول الرئيسي ,,, وساعتها هعمل حصر هندسي ( أكعب القواعد والأساسات والكمرات والأسقف ,,,, مجرد حساب أحجام ) ,,, وأحطهم في بند الخرسانه المسلحه ,,,,, علي أساس ان المقاول هيحاسب المالك بسعر خرسانه مسلح ثابت





ولا انا مقاول بس شارط علي المالك انه في حاله ان نسبة التسليح زادت عن المتعارف عليه ( 100 كيلو في المتر المكعب ) اني اخد زياده علي كل كيلو زياده



لأن ممكن الأنشائي يتشطر ويحط نسب تسليح عاليه ,, خايف علي نفسه أو عامل نظام انشائي مش سهل ,,,, وبالتالي كلما زادت نسبه التسليح زاد معها اجرة الحداد ,, لأنها بدل مايحط مثلا 5 اسياخ لأ هيحط 7 وده شغل زياده هوه هيحاسب عليه المقاول ,,, طب والمقاول يعمل ايه ؟؟ ,,, هيدفعهم من جيبه الخاص يعني ,,, وتصوري حضرتك لما بنتكلم في مثلا 1000 متر خرسانه مكعب ,, بتعمل معايا بلاوي فلوس ,, فعشان كده فيه بعض المقاولين بيتنصحو وبيحطو الشرط انه لو نسبة التسليح زادت المالك يشيل الفرق ,,,, وساعتها هيتم برضو عمل حصر لكن هندسي وبالسم


بتحسبي طول السيخ بالتكريبه بتاعتها وبتجيبي عدده في المتر وبتحسبي عندك كمية الحديد كام ,, وهكذا !!





عموما ,,,, وحتي لا أطيل علي حضرتك



لو استفسار حضرتك بخصوص تحليل البنود نفسها وليس اسعارها ,, أنا هحاول أساعد حضرتك علي قد ما أقدر




أنما لو الأستفسار بخصوص تحليل ( أسعار ) البنود ,,,,,,,,, فمن قال الله أعلم فقد أفتي




والله الموفق