قصيده طالب غلبان...وداعا اولي كهربا....ههههههه

بسم الله الرحمن الرحيم

دي قصيده كده كتبتها من كتر ماشوفت قي اولي كهربا ياعيني

وجماعه اعدادي اللي عاوز يدخل كهربا انا بهزر والله وادخلوا وشدوا حيلكم

ودي القصيده
ملحوظه: اسماء الدكاتره والمعيدين مع حفظ الالقاب طبعا..
********
ياااااااااااه خلصت السنه

والحمد لله نجحت وشوفت الهنا

بس عمري ما هنسي والله

اللي شوفته في اولي كهربا انا

اتبهدلت ياعيني بين ده وده

اصل انا بصراحه انا مش قد كده

راجل علي قدي وصحيح

لا عمري كنت موس ولا يوم بقيت دحيح

اصحي من النجمه علي صوت صحبي

قوم يابني انتا وهوا وقوم ياصحبي

ده عبد الجواد مستنينا

ومنه اصتبحنا وبكتابه اتمسينا

ومعاه عادل امين العسل

بس برضه والله من الالكترونيك اتهرينا

وماتريال لؤي بسيطه شويه

بس اربع ساعات محاضرة كتيييير عليا

بتعب وانام وهوا يزعق

ويقول انتبه يابني منك ليه ليا

ويجيلك العطار فالسكشن

يقول كلمتينه الراجل مشكور

وعلي مااوصل البيت طبعا اتنسوا

دماغ عايزالها خبطه بساطور

وطبعا عند الحاسب حاسب

c++ & fortran كمان

ركز شغل مخك وجاوب

وحل برامج هشام يامان

وفالسكشن ياسلام نحكي حكاوي

وكل واحد عنده حكايه

وفجأة يتقلب المعمل قهوه

واقعد وحكي فالسهرايه

ورياضه مدثر ورشاد

والواحد ولا فاهم حاجه

ونجوي بتشرح وتجاهد

واحنا مش عايشين فالدنيا

ياربي دي رياضه ولا فيزيا

لأ دي اكيد كيميا

والوحيده اللي فهمتها

الدواير مع عبد المجيد وريهام

والحمد لله حفظتها

والحمد لله عديت بسلام

واوعي وشك وادخل عشك

اصلي الماده الجايه مش عاديه

ولا هكدب عليك ولا هغشك

دي field الماده اللي هيا

يعني نقول محروس وأدبه

ومعاه صلاح الميه ميه

وابقي قابلني لو فهمت حاجه

وحتي لو فهمت الامتحانات جايه

وجاوب لو انتا راجل

ياحبيبي عالاسئله ديا

لازم تحفظ وتدح وتحفظ

وتدح وتحفظ كمان شويه

ولكل مجتهد نصيب يابويا

ولكل مجتهده اجمل هديه

بس انتوا زاكروا وهتتسهل

وان شاء الله سيبوها علي الله وعليا

وبجد اللغه اجمل ماده

من السما ربنا بعتهالنا هديه

والدكتور كمان راجل عسل

اصل بيديهالنا د| هديه

وادي اللي بناخده من مدني يابويا

structure واساسيات مباني

بس الحمد لله مفهومه شويه

والماده شويه عاجباني

والدكتور مصطفي ومعاه ابو طلعت

محاضرات وسكاشن وأااااااااااه ياني

ولا كمان عندك التيست

3 ساعات ولا بستحمل

وصل-ركب-فك وعدل

لأ خلاص مش قادر أكمل

صاحبي يقولي خلاص هانت

كلها ساعه وهنمشي

تفوت الساعه وخلاص بانت

طب وياتري بعد ما أمشي

أروح البيت تعبان ومهلوك

والناس تنام وانا مابنمشي

طب واسيب المزاكرة لمين

ولازم احط جيم قبل سين

ياااااخرابي اعمل ايه

افتكر كلام ابويا قاللي عليه

يابني شد حيلك عشان خاطري

وامك واخواتك امال ايه

ولكل متهد نصيب يابني

وتاكل علي ضرسك تنفع نفسك

علشان تكبر ثصلح تبني

وتنفع غيرك مش بس نفسك

اقول لأ ده انا اشد حيلي

عشان ربنا فالاخر يديلي

واهو الحمد لله ربنا كرمني

والنجاح ان شاء الله دايما هيجيلي

وزاكر بس انتا واجتهد

وربنا مش بيسيب حد

ومتخافش هتاخد حقك

والله انا بتكلم جد
********

الامضاء:
طالب غلبان
ابراهيم الاسد

يا سلام يا بشمهندس ابراهيم
قصيدة من الآخر
سلمت الأيادى يا بشمهندس
و شكرا على المعلومات الجامدة دى عن مواد سنة اولى كهربا و الدكاترة و المعيدين
و ربنا يطمنك

جميل جدا يا ابراهيم وعقبال ماتتخرج وتبقي مهندس قد الدنيا

shimz كتب:: يا سلام يا بشمهندس ابراهيم
قصيدة من الآخر
سلمت الأيادى يا بشمهندس
و شكرا على المعلومات الجامدة دى عن مواد سنة اولى كهربا و الدكاترة و المعيدين
و ربنا يطمنك

ايه ده انتي داخله اولي كهربا
انا اسف يابشمهندسة شيماء لو خوفتك شويه من اولي كهربا
الكلام ده بالنسبه ليا انا
اصل انا غلباااااااااااااااااااااااااااان

بيبكى

ELGALES2010 كتب:: جميل جدا يا ابراهيم وعقبال ماتتخرج وتبقي مهندس قد الدنيا

متشكر جدا ياجالس الله يخليك ياحبيبي وعقبالك انتا كمان

الحمد لله يابشمهندس ان ده كله راح فى حاله وأهم حاجة ان حضرتك عديت بالسلامة من السنه دى وأنا عارفة وحاسة بمأساة كهربا طبعا من اصحابى بس ربنا يكرمكم وتنجحوا ان شاء الله كل سنة بتقدير كمان وطبعا مفيش أى حاجة سهلة فى كليتنا دى علشان محدش يقول مدنى سهلة أو يقر علينا......

انت جامد اوى وعبرت عن كل مشاعر طلاب اولى كهرباء عشان كدة انت......
قصيده طالب غلبان...وداعا اولي كهربا....ههههههه Bg

dody el
متشكر جدا
وهيا مدني زي كهربا الاتنين انيل من بعض

all star
والله انتا اللي .......... قصيده طالب غلبان...وداعا اولي كهربا....ههههههه Bg

متشكر ياباشا للرد وعقبالك

ايه يا برنس الروعه دى.....ايه يا عم الحلاوه دى...والنعمه خطير يابرندين... كهربا على الى عيزنها

[size=29]قصيده روعة يا ابراهيم وحضرلنا واحدة لسنة تانية ان شاء الله[/size]

Grand Rose كتب:: ايه يا برنس الروعه دى.....ايه يا عم الحلاوه دى...والنعمه خطير يابرندين... كهربا على الى عيزنها

ياعم محدش حاسس باللي احنا فيه والله داحنا في عزااااااااااااب والمشكله ان الجاييييييييي اصعب
يالهوييي
بس استني....
برندين دي بتاعه ابو جمال
هوا انتا.......؟؟؟!!
اهلا يابرنس....

اقتباس :: ياعم محدش حاسس باللي احنا فيه والله داحنا في عزااااااااااااب والمشكله ان الجاييييييييي اصعب
يالهوييي

ماتقلقوش , اللي جاي احسن , بكره احلي من النهاردة , وقسم كهربا هيبقي اجمد من النهاردة
بكره هتقولوا ياريتنا كل يوم ندخل قسم كهربا

AHMED MAMDOH كتب:: [size=29]قصيده روعة يا ابراهيم وحضرلنا واحدة لسنة تانية ان شاء الله[/size]

ماشي يادوحه
بس الكلام ده ان شاء الله السنه الجايه ياباشا
اصل انا بطلع الكلام ده تحت تاثير الكبت والغيظ
ههههههههه

[quote="MASA_2010]

ماتقلقوش , اللي جاي احسن , بكره احلي من النهاردة , وقسم كهربا هيبقي اجمد من النهاردة
بكره هتقولوا ياريتنا كل يوم ندخل قسم كهربا

[/quote]

يسمع من بقك ربنا ياشيخ

ياااااااااااااااااااا فعلا ده كلام بيحصل طبعا بالظبط cry

ودي ماساه ابديه لكهربا بس ده اختيارنا من الاول بيبكى 2

بس الحمد لله يااااارب اني عدينا منها بسلااام امنين
بس ربنا يستر علشان كل الناس بتقول اني تانيه اصعب واصعب بيشخص

قصيده طالب غلبان...وداعا اولي كهربا....ههههههه 632320

flower كتب:: ياااااااااااااااااااا فعلا ده كلام بيحصل طبعا بالظبط

ودي ماساه ابديه لكهربا بس ده اختيارنا من الاول
بس الحمد لله يااااارب اني عدينا منها بسلااام امنين
بس ربنا يستر علشان كل الناس بتقول اني تانيه اصعب واصعب

ياباشا عيب عليكي... طبعا بيحصل
اصل بصراحه ولله الحمد انا تفننت في اولي كهربا دي
وحفظتها..
هههههههههههههه
وان شاء الله السنه الجايه استنوا واحده زي لتانيه كهربا
بس دي هتكون اشد
واحتمال تستني شويه كام سنه قدااااااااام
ههههههههههههههههههههه
ربنا يكرمنا ان شاء الله ومبروك ليكي النجاح وعقبال البكالريوس ان شاء الله

ههههههههههههههههههه

و الله جميله يا هيما

Eng_HOSSAM كتب:: ههههههههههههههههههه

و الله جميله يا هيما

نورت الموضوع ياحس
ومبرووووووووك عالنجاح المميز ده
وياااااااااااااارب السنه الجايه تكون فوق شويه كده فالقمه ان شاء الله

هههههههههههههههههههههههههههه
شعر جامد ده انهى نوع من الشعر يا جامد
مشكور على مجهودك الرائع

free_matrex2010 كتب:: هههههههههههههههههههههههههههه
شعر جامد ده انهى نوع من الشعر يا جامد
مشكور على مجهودك الرائع

ده ياباشا نوع من الشعر اللي هوا ايه زي ماتقول كده لما انتا ايه يعني وكده يعني وفالاخر كله تمام والحمد لله
يووووووووووووووووووووووه مش عارف بصراحه
هههههههههه
مشكور عالرد ياباشا

السلام عليكم

ايه ده يا اسد
يخرب بيتك ياد
كان فين ده كله
ياجماعه الراجل ده معايا من 14 سنه تقريبا...ومش بعيد يعمل اي حاجه متميزه
برافو يا اسد والله
اخوك وحبيبك سليم
السلام عليكم

انت دايما معودنا على شعرك ده
بس والله جميييييييل جدااا برافوووووووووو اسد

قوللي هو انت رايح تانيه كهرباء يعني كنت معايا في اعدادي
اسمك ايه بالكامل يااسد
مستني ردك يامان يادفعتي

سليم فوزي كتب:: السلام عليكم

ايه ده يا اسد
يخرب بيتك ياد
كان فين ده كله
ياجماعه الراجل ده معايا من 14 سنه تقريبا...ومش بعيد يعمل اي حاجه متميزه
برافو يا اسد والله
اخوك وحبيبك سليم
السلام عليكم

حبيب قلبي سليم...اعز اصدقائي...متشكر جدا ياصحبي نردهالك..والف مبروك علي النجاح بتفوق...نورت المنتدي ياجرفي باشا

Mr_M كتب:: انت دايما معودنا على شعرك ده
بس والله جميييييييل جدااا برافوووووووووو اسد

قوللي هو انت رايح تانيه كهرباء يعني كنت معايا في اعدادي
اسمك ايه بالكامل يااسد
مستني ردك يامان يادفعتي

اولا انا جاي من اسيوط
ثانيا انا نزلت سنه لظروف خاصه...
عموما ان متشكر جدا ياباشا وانا برضه حابب اتعرف عليك..
عموما برضه..انا ابراهيم صلاح الدين احمد الاسد...
وانا شاكك برضه اني اعرفك ابعتلي بقي ها..؟؟

» هاااااااااااااااام جدا جدا ارجو من اولي كهربا الدخووووووووووووووول
» امثال اخر حاجة ههههههه
» انا والنجوم.....وقفاك..ههههههه
» ادخل بس مش هتقدر تبطل ضحك ههههههه
» صور جورج بوش اتفرج واضحك ههههههه