ممكن مساعده

عاوزه اعرف شرح مختصر او لو في اي كتاب يشرح عن lte وهيا احسن من ofdm ولا لأ ولو احسن هيبقي في ايه
ولو عندي مشروع ofdm وعاوزه انقل data من الtransmitter إلي ال recevier بس في الهواء اعملها ازاي؟؟
وشكرا لأي حد يساعدني

السلام عليكم ورحمة الله وبركاته
يمكن دي تكون أول مشاركة ليا في المنتدى من زمااااااااااااااااااااان وأنا أرجو إن شاء الله إني أوفق في الفترة اللي جاية في اني أكون عضو فعال إن شاء الله
وبإذن الله أناهعمل موضوع قريب جدا جدا بخصوص قسم إتصالات وهيكون موضوع كبير شوية بس لم أفضى شوية هيكون عن توضيح حاجات كتير عن القسم ومواده وايه الفرق بينا وبين الكليات التانية وحاجات كتير خالص اتعلمتها في شهرين الأجازة
بس دلوقتي أجاوبك على سؤالك يابشمهندسة
أولا السؤال نفسه ملهوش معنى لأن مفيش وجه مقارنة بين ال lte و ال ofdm دي حاجة ودي حاجة تانية خالص
وبجد وبجد ودي كلمة في نفسي عاوز أقولها العيب مش عليكي ولا عليا ومش عاوزك تحسي بالإهانة لأني بجد مش قاصد أهينك لأني سألت السؤال ده قبلك بس مسألتوش على منتدى زيك كدة
لا أنا سألته لمهندسين كبار في القاهرة باخد عندهم كورسات وسألتهم قدام الناس وطبعا الناس كانت بتضحك عليا ناس كلهم قدي طالعين رابعة اتصالات بس من جامعات مختلفة مش من أسوان العيب على الكلية بتاعتنا اللي طلعت مهندسين اتصالات مش فاهمين الفرق بين حاجتين زي اللي بتسألي عليهم دول وعلى فكرة والله احمدي ربنا أساسا انك سمعتي عن حاجة اسمها lte في ناس غيرك ميعرفوش هو ايه أساسا
على أي أنا هجاوبك على سؤالك بإختصار كدة بشكل عام لحد أما أعرف تفاصيله وهبقى أفيدك فيها
بصي يابشمهندسة ال lte ده عبارة عن نظام , نظامكدة زي ال gsm عبارة عن شوية بروتوكولات بقدر أنقل بيها الداتا أو الصوت من مكان لمكان وهو النظام الجديد اللي نازل واللي لسة مطبقش في مصر ولا في أي حتة في العالم ولعلك تفهمي أكتر شوية لو قولتلك الإسم التجاري بتاعه وهو الجيل الرابع أو ال 4g
والنظام كله يعتمد أساسا على نقل كل حاجة سواء داتا أو فويس على ال ip أو بمعنى آخر بينقل كل حاجة over ip والنظام غير معمول بيه لسبب لأنه لسة محدش عمله implementation كهاردوير لسة متعملش واقعيا لكن النظام اتعمله simulation يعني لو عاوزة تشتغلي أي مشروع على ال lte هتشتغليه smulation وده طبعا لايفضل في مشاريع التخرج لأنها يفضل انها تبقى حاجة بتطلع منتج جديد وعلى أي مش وحش لو عملتي حاجة على ال lte
أما بقى عن ال ofdm فهو مش نظام ده عبارة عن technique بستخدمه جوة النظام نفسه علشان انقل بيه الداتا وهو اختصار ل orthogonal frequency division multiplixing وطبعا أنا عارف فيه تفاصيل كتير بس أصلي مش من النوع اللي بحب أو عندي القدرة إني أكتب حاجات وشرح كتير على المنتديات بس يعني في نظام قبل ال lte النظام ده اسمه ال umts وهو الجيل التالت للموبايل أو ال 3g ال ofdm بقى كان هو ال technique المستخدم في نقل البيانات في النظام ده
أنا زي ماقولت أنا لسة معرفش حاجات كتير عن ال lte بس أعرف حاجات أكتر شوية عن الofdm لو عاوزة تسألي عن حاجة معينة اتفضلي وأنا تحت أمرك