Eng Assad
عضو بدرجة مهندس إستشارى
عدد المساهمات : 2859
تاريخ التسجيل : 21/06/2009
العمر : 34
الموقع : في البيييييييييييييييت
الأوسمه : 
Upload Photos : 
 |  موضوع: لف قنا وانتا قاعد مكانك....قصيده حصريا عالمنتدي...واي خدمه ياقناويه...  الإثنين 27 يوليو - 11:43 | |
| تذكير بمساهمة فاتح الموضوع :
سمعت عنها كتير وحكولي
حكاوي عنها وياما قالولي
قنا دي الساحرة يابويا
وفيها عاشت امي وابويا
نزلت وعالمحطه ناداني
صاحب التاكسي وقاللي اتفضل
شال لي الشنطه وقام وراني
جدعنه القناويه الناس الكمل
بص وقاللي علي فين يابيه؟
قلتله عاوز اشوف قنا
من الكلام عجبتني بنت الايه
واحنا هنبدأ من هنا
قاللي ناخدها من فوق ياباشا
وطلعنا فوق لغايه الجامعه
ومقام السيد عدي علينا
قلتله لازم ناخدله رجعه
ورجعنا وعالشئون عدينا
والشيخ محسن والتجنيد
وعالزبيدي نزلنا مشينا
والاستاد ده صرح شديد
وقرينا الفاتحه لسيدي عبد الرحيم
قلتله اطلع بينا عالمعنا
قاللي المرور وفي سين وجيم
قلتله خلاص ابعدها عنا
قاللي نطلع بينا عالرياح
مكان جميل وراح ترتاح
قلتله لا اطلع علي الساعه
نشرب حاجه ونرتاح ساعه
وعلي شارع الجميل اتمشينا
صرفنا فلوس ياما واتهرينا
ورحنا شربنا فسلسبيل
تمر هندي ساقع وتقيل
وبنزايون الله الله
وميدان الساعه يامحلاه
وياعيني علي مدينه العمال
وبسمه الجنوب عال العال
وحوض عشره واللي فيها
اشد حته ترتاح فيها
اقولك احسن اطلع بينا
نصلي العشاء وجب علينا
ورحنا صلينا فجامع ناصر
واتعشينا في ابو السرور
شويه اكل اخر حاجه
لا تقولي الخيام ولا كوك دور
وبيللا شو وبيللا مود
اتشيك والبسa la mode
وفسيندريللا قعدنا شويه
قاعده رايقه وميه ميه
وبعد شويه دخلنا السيما
افلام حلوة بس قديمه
وعالمديريه والخزان
وطلعنا شويه عالشبان
لقينا المعبر والهندسه
واسامه سكول المدرسه
قلتله بينا علي عمر افندي
قاللي ده كان زمان يا افندي
طب وأوليمبك وعزبه سعيد
وجامع سيدي عمر والشهيد
والمنشيه ونجع سعيد
فيها اصحابي واغلي ما عندي
وداني السواق ولف بيا
وفي كل حته قعدنا شويه
اما قنا دي ما بلد هنيه
واللي ما شافها عمرة ماشاف
بس اتبهدلت بعد شويه
علشان من السواق انا اخاف
بيطلب مني 50 جنيه
فين الفيفا وفين الكاف؟؟!!
بس والله ما خساره فيها
لو طلبت ميه.. ميتين اديها..
اصل قنا دي بلد جميله
واللي ما شافها عمره ما شاف...............
********************
عدل سابقا من قبل New Assad في الأربعاء 26 أغسطس - 16:16 عدل 1 مرات | |
|
