عصفور الزينة !!

وِشوفته
فـِ السما طاير وبيرفرف
ووسط الغيمه بيعافر وبيكابر
وكان فارد جناحاته..وكان فرحان أوي بذاته
وبيداري الدموع فـ عنيه
وكان نِفسي أقولهُ ارجع
مكانك فـِ القفص آمن مفيش بَعْدِيه
وكان نِفسي أهيم وياه
أهو نرَّيح من السجن اللى كنا فيه
جميل نحلم وفـِ الأحلام نكون أبطال
وتبقى الدنيا..فـِ إدينا..وحوالينا..جبال الهم زي خيال
جميل نحلم / بكل جراحنا تتكسَّر
وزي التلج نلقاها تدوب فـِ الحال
جميل أحلم كما العصفور أكون رحّال
أعيش مره فـ قفص مسجون
وأطير مره كما المجنون
ومهما نغزل الأحلام ونبنيها..لا يمكن يوم حقيقة تهون
ساعات السجن فيه راحة وجدرانه..أمان فـِ أمان
ولو نهرب..
نلاقي الدنيا غدّارة..وفيها ألف ميِت سجّان
وكله يقول أنا سِيدهم
وسايدهم
ورمز القوة والحرمان
ياريت تسمعني ياعصفور
وخليك جوه القفص مستور
لا عمر الصقر هيطولك..فَتِهلَك لما يغدر بيك..وتفضل فـِ السما مكسور
ولا تحوم وسط سرب نسور
عشان منقارك النونو..لا عمره فـِ يوم هيتْحَوّل
ولا عمرك هتبقى جَسور

فعلا كلام راااااااااااائع وشعر متميز
اختيار موفق ومتميز
عصفور الزينة !! 2696

كلمات جميلة جدا
سلمت الأيادى يا بشمهندس
واختيار موفق منك كالعادة

يصفق

اقتباس :: ومهما نغزل الأحلام ونبنيها..لا يمكن يوم حقيقة تهون
ساعات السجن فيه راحة وجدرانه..أمان فـِ أمان
ولو نهرب..
نلاقي الدنيا غدّارة..وفيها ألف ميِت سجّان
وكله يقول أنا سِيدهم
وسايدهم
ورمز القوة والحرمان
ياريت تسمعني ياعصفور
وخليك جوه القفص مستور

كلمات جميله جداً
سلمت يداك بشمهندس اسماعيل