حد قال عليك قبل كده...........؟؟

تذكير بمساهمة فاتح الموضوع :

فى أول الموضوع أحب أعتذر عن الغياب على المنتدى وعلى قسم "البيت بيتك" ......

ويمكن أنا حبيت أكتب على موضوع حقا عجيب ونناقض به انفسنا دائما ولاندرى ما معنى أن نظلم انسان الغريبة اننا منعرفهوش ونقول عليه ده انسان مغـــــــــــرور!!!!!

ماذا يعنى الغرور فى نظرنا؟ بالنسبة للولد أو البنت ، هل يعنى الولد المحترم اللى عايش حياته وسنه ومستمتع بالدنيا ولكن بطاعة الله ورسوله ورضاهم فى انه لاينظر لزملائه البنات كأنهم للنظر والمشاهدة والمصاحبة واللعب ومايتبع من اللى بنشوفه كتير وكتير أنه انسان شايف نفسه ومغرور وان كل اللى قدامه دول ولا حاجة سواء ولد أو بنت وتلاقى ناس كتير متعرفهاش وعمرك ما سمعت عنهم بيقولوا عليك شايف نفسك ومغروررررررر"سبحان الله "..........

والأعجب بالنسبة للبنات يعنى البنت مصاحبة ده وده تبقى مش مغرورة ودمها خفيف ومرحة ومش شايفة نفسها ولا حاجة والدليل إيــــــــــه؟!!!! انها بتتكلم مع أى حد فى أى حاجة!!!!!!!!!

أما بقى البنت اللى بتمشى مش بتبص على حد لاده ولاده ومش بتهزر إلا مع أصحابها وزمايلها البنات بس أو انها مش بتتكلم مع أولاد أو مصاحبة ده أو ده بتبقى مغرورة وشايفة نفسها أحسن واحدة وأجمل واحدة وأن الدنيا بعدها متسواش وده علشان هيا كده أو شكلها كده وثقافتها كده أو انها جميلة أو .............أو.......... "يبقى ده كلام برضه أى حد فينا يرضاه على نفسه؟؟؟؟؟؟؟"

يبقى هل من الممكن أننا نحكم على بعض من خلال مظهرنا ه؟!

هل ممكن نقول على ده أو دى مغرورة لمجرد انها بتتعامل بتربيتها وثقافتها اللى اتربت عليها مش أكثر؟!!!

هل ممكن نظلم بعض من خلال مظهرنا ونحكم على بعض وعلى شخصيات بعض بالرغم من أن ده مش من حق أى حد تجاه أى انسان؟!!!

هل من المفروض اننا نحكم على بعض بمجرد اننا عرفنا ان ده مغرور أو دى شايفة نفسها أنهم كده فعلا ؟؟؟؟؟

وسؤالى لأى انسان ممكن يظلم أخوه ويقول عليه مغرور ..." هو أى حد فينا من الممكن أن عقله المريض يظن ليه ولو مرة أن أى حد فينا ليه شئ زيادة عن أخوه ممكن يتغر عليه أو بيه؟!!!!!!"

فعلا لو فكرنا هنلاقى أن الغرور مش صفة ممكن نفرح بيها أو لما أى حد يقول عليك "مغرور وشايف نفسك" أن ده شئ كويس أو ممكن يفرحك تبقى ساعتها أنسان مريض لو شكيت أنك أحسن من اللى حواليك أو أفضل منهم فى شئ بتبقى فعلا انسان ضعيف جدا وغبى جدا جدا، يعنى فى بنت ربنا بيعطيها الجمال وغيرها بيعطيها الرزق وغيرها بيعطيها السعادة فى الحياة وغيرها بيعطيها الذكاء والتفوق ولكن فى النهاية وأخر الحسبة دى كلها بنلاقى ان كلنا متساويين وأن الله "سبحانه وتعالى" العدل ......

يبقى بكده أنا مش أحسن منك ولا أنت أحسن منى...................

ياريت أقدر أسمع رأيكم فى الاسئلة دى ولو اتقال ان زميلك أو زميلتك مغرورة ايه ردكم أو رد فعلكم ولو بقى اتقال انك مغرور وشايف نفسك ممكن تعمل ايه؟؟؟؟؟؟؟؟؟؟؟

حمد الله ع السلامه يا دودى انا قلتهالك قبل كده وبقولهالك تانى لانى افتقدتك ع المنتدى وما بحسش بروحه الحلوة غير واحنا كلنا فيه انا وانت ودعاء ومنى,وطبعا الموضوع جامد كالعاده و رأيى هو مثل قديم بيقول"تعرف فلان؟اه....عاشرته؟لا.....يبقى ما تعرفوش" والمظاهر خادعة

حد قال عليك قبل كده...........؟؟ - صفحة 2 2696

أجمل تحية لأجمل وأجدع أصدقاء"توتى ومنمن ودودو" ووحشتونى أوى فى كل مكان سواء على المنتدى أو فى أى مكان بالرغم اننا اتقابلنا أول مارجعت من السفر لكن برضه بتوحشونى , يارب يخليكم ليا ومنتحرمش من بعض ابدا
وأنا عارفة يابتهال انك أكيد بتدخلى على المنتدى لكن مش بتردى علشان أنا طبعا مش موجودة وأنتى اكيد مفتقدانى أووووووووى "حبة غرور بقى بمناسبة الموضوع"

shimz
Nile`s daughter
لمروركم بالموضوع ورأيكم اللى اسعدنى جدا جدا ونور الموضوع..........
وربنا يخليكم لبعض ويديم صداقتكم للأبد.............
شكرا2

ايه ده يا دعاء؟....ما كنتش فاكرة انك بتصدقى كلام المجاملات اوى كده ....
ده كلام منتديات مش اكتر!!!!...خدى عندك......( بيحب

)
ههههههههههههههههههههههه بيطلع لسانه2

للدرجة دى موضوعى مهم أوى عندك ياتوتى لدرجة انك متابعاه أوى كده وردتى كمان مرتين ياااااااااااااااااااااااااااااااه
هههههههههههه
ميرسى أوى ياتوتى "لما أشوفـــــــك......"

صديقتك"دوووووووودى"

مفيش حاجة ممكن اقولها اكتر من الي اتقال غير انك ملكش الحق تقول اي حاجة على حد انت متعرفهوش و متتبعش عورات الاخرين علشان محدش يتتبع عوراتك لانك كما تدين تدان وسيب الناس في حالها حتى لو هوا كان صحيح مغرور انت مالك بيه خليك في حالك او انصحه بس متقولش عليه مغرور
وشكرا ليكي ياباشمهندسه على الموضوع

عندك كل الحق فعلا يابشمهندس فى كلامك وياريت كل الناس يكون تفكيرها كده.....
لمرورك ورأيك اللى أكيد أضاف وأضاء للموضوع.......

موضوعك أكثر أكثر من رائع ودايما ناس كتير بتحكم على ناس بمجرد المظهر ولكن كلامك يابشمهندسة فعلا كسر القاعدة ويمكن أنا قلت رأيى فى الموضوع ده قبل كده ولكنه موضوع حساس ورائع.

DODY EL

فعلا ان حد يتكلم يقول عليك حاجة زي دي مش حلوة

السلام عليكم ورحمة الله وبركاته

تم حذف المساهمات الأخيره لأنها شوهت جمال الموضوع وهتثير الضغائن والمشاكل وإحنا

خلاص بعد أقل من ساعة هنبتدى الصيام والشهر الكريم بإذن الله لذلك كل شخص فى اللى

رد أو أى حد عموما يحاول يستغفر ربنا ويبدأ من جديد وإن شاء الله ربنا يعفو عننا جميعا

وأيضا يجب أن نتذكر دائما أننا هنا أخوه ونتعامل مع بعض برفق ولين ومحبة وأى شىء

غير ذلك لا مجال له بيننا ولنعلم جيدا أن المنتدى مكفولة به الحرية ولكن دون الإساءة إلى

أحد أو التطرق لشخصة لذلك لو تكرر الأمر هذا من أى شخص سيتم حذف مشاركته وما

إلى ذلك من القوانين حتى لا يكون المنتدى مساحة خصبة للمشاكل وإثارة النزاعات فيما بيننا

وأرجو من مشرفة القسم تنفيذ ذلك سواء بموضوعها أو قسمها لأنها مسؤلة عنه وعن جماله

واشكرها جزيلا على مساهماتها بالمنتدى وبإذن الله لا نرى مشاكل أخرى لأنها كثرت جدا

هذه الأيام والظاهر والله أعلم الإستايل اتحسد وقلب علينا الدنيا لذلك كل واحد يصلى على

النبى كده ويستهدى بالله علشان ربنا يكرمنا جميعا وينعم علينا بنعمة التفاهم.

والله الموفق

ربنــــا ميجبش مشاكل تانيه إن شاء الله و الأمور تسير علي ما يرام

و كل سنه وانتوا طيبين يا بشمهندسين

الفففففففف شكررررررررر على الموضوع لاكثر من رائع لاني خلاني افكر في الموضوع كتير

واحب اعلق على موضوع الغرور ، بان الغرور مش نتيجة للمظهر الحسن ذي ماحضرتك ذكرتي لان الرسول عليةافضل الصلاة والسلام ذكر ذلك في حديثة
وليس الغرور نتيجة لان الواحد مبيكلمش بنات اومابيبصش عليهم بالعكس فانة على خلق ودين ونفس الشئ بالنسبة للبنات المحترمات والي بيقول عليهم انهم مغررورين دة اصلن مش محترم
ومش بيراعي ربنا علشان كدة المفروض الواحد ميلتفتش لهم ويكون واثق بنفسو وانة بيعامل ربنا في الاول والاخر
وانما من وجهة نظريالمتواضعةان الانسان المغرور بيبان من تعاملة مع الناس وتصرفاتة
والي بيحكم على الناس انهم مغرورين من مظهرهم دة مسكين عندة عقدة نقص
وفي انتظار المزيد من الموضوعات الرائعة

أولا أحب أتوجه بالشكر للبشمهندس الحبار مدير عام المنتدى والبشمهندس حسام اللى ساعدوا على تهدئة الموقف واللى أنا اتفاجأت بهذه الحدية فى النقاش بين أعضاء المنتدى الكرام وكمشرفة للقسم تم حذف كل هذه المساهمات تقديرا لشعور اى عضو وتهدئة للجدال الذى سلك مسلك به تجريح للبشمهندس وده شئ لانرضاه فى هذا المنتدى مهما كان سلوك هذا الشخص ومهما كان يستحق ذلك أم لا........

ومتشكرة يابشمهندس "سنين" لكلام حضرتك وأرجو ان ميكنش فى أى خلافات أخرى لأننا وزى ماقال البشمهندس مش فى غابة ولا بنتخانق ولا ايه؟!!

ورمضان كريم عليكم جميعا.......

للبشمهندس/aly4ever على رأيك ومرورك بالموضوع وياريت دايما نعرف رأيك بكل المواضيع....... تعظيم سلام

عشان انا مشفتش بقيت الردود يا بشمهندس الحبار وانى اتحذف ردي حتي من غير تنبية يعنى الي حصل دا انا هرد رد وأقول

الف شكر يا بشمهندسه علي الموضوع الهايل ده وفعلا كلام رائع جدا وبجد متميزه وتوقيعك فعلا كله صح في صح علي اساس انة آية قرآنية لازم نسلم ليها ونقتدي بيها وانا بكلامي ده والله ما قاصد بية شد خناق حد ولا تجريح حد بس الي دايقنى ان يترد عليا بكلام مش بيس والباشمهندس حسام ميحذفهوش زي ما حذف ردي

عموما يا جماعه عشان محدش يزعل تانى منى او يحذف ردي انا غلطان ان قولت رأيى الي دايق سعادتكم وبسحبه وياريت اي حد قال كلام عليا انا مقريتهوش يقوله تانى او حتي يلمح بس عشان نبقا فاهمين

شكر للمشرف العام حسام ولمشرفه القسم وللغالي الحبار

وشكرا للموضوع

حصل خير يا بشمهندس يحيى والموضوع ده قديم وإنتهى من زمان ومفيش أى حد أساء إليك

بحاجه وأتمنى إن الكلام يتاخد بأخوية وخلاص الموضوع خلص والزعل مرفووووووع.

والله الموفق

you r right
we must live with person to know him realy good
thanks fo this great topic

اوك يا حبار يا كبير حصل خير يا باشا وكلو تمام

تسلم يا حبار يا برنس

تسلمي يا بشمهندسه دعاء علي الموضوع

والي الامام

اولا الموضوع هايل ماقلناش حاجه بس انا رديت لان بصراحه فى حاجه غايظانى حد قال عليك قبل كده...........؟؟ - صفحة 2 Icon_wink

هو احنا ليه اصلا بقينا مركزين قوى مع بعض كده
يعنى.........مثلا..

ماللى يقول عليا مغروره يقول هو حد ليه عندى حاجه ولا الناس اصلا وراها حاجه غير الكلام

تانيا .. ليه بقى كل واحد مننا منصب نفسه قاضى يصنف الناس على هواه دى شايفه نفسها والتانيه تنكه حبتين والتالته لا تصدق طلعت لذيذه والجديده بقى ودى عرفتها مالمنتدى ان فى بنات بتحب تتعاكس وده تصنيف جديد بصراحه اول مره اسمع بيه وليكم السبق فكده طبعا ............. ده بالنسبه للولاد
اما احنا بقى مش سايبنهم فى حالهم برده ده مغرور والتانى مش محترم و التالت ده دماغه عاليه حد قال عليك قبل كده...........؟؟ - صفحة 2 Icon_rr

وكده يعنى

ليه وعلشان ايه ماللى هيتغر ده على نفسه ان شالله حتى يمشى على دماغه انا مالى طالما فى حالوا وما بياذنيش
ثم ان ايه اللى يخلى حد يتغر اصلا يكونشى عنده تلات خرم فى منخيره واحنا مقضينها خرمتين
حاجه كده بالمنطق ....... ربنا خلقنا سواسيه

فكرتينى بواحده طول مانا ماشيه معاها تبقى حاسه ان البنات بيتكلموا عليها ولا لو عدينا على شويه صبيان تقولى الولا ده كان بيبصلى بطريقه مش كويسه...........................ليه يعنى؟!!!!!!!!!

ما انا ماشيه فطريقى ليه اتلفت حوليا واشوف ده بيبصلى ازاى ولا دى بتتكلم عليا بايه
وبرده فى حياتنا عاما يعنى مش لازم نركز قوى فكلام الناس
مش برده بيقولوا كلام الناس لا بيقدم ولا ياخر
بس ده مايمنعش ان من المفروض اننا نحسن صورتنا قدام الغير او عالاقل نسيب انطباع كويس عندهم

حد قال عليك قبل كده...........؟؟ - صفحة 2 911909

على مرورك بالموضوع ياسمسم وردك عليه وكلامك جاب المختصر المفيد وأما صاحبتك اللى المفروض انتى تنصيحيها انها طول ماطريقها ومعاملتها محترمة وصح المفروض ماتخفش بقى من ده ولا دى لأنها المفروض يكون عندها ثقة فى نفسها وفى الله أولا وأخيرا وأنها تبقى ماشية خايفة بالطريقة دى يبقى الصراحة ده شئ مش طبيعى ولازم يتصلح ..... ربنا يهدى الجميع ان شاء الله ويهدينا ودايما ادعى "اللهم انى أسألك حبك وحب من يحبك وحب عمل يقربنى إلى حبك"
حد قال عليك قبل كده...........؟؟ - صفحة 2 971169

حد قال عليك قبل كده...........؟؟ - صفحة 2 971169

.

» هون عليك
» حصريا لمهندسين عماره برنامج تقسيم المنزل وترتيبه كيفما تشاء Room Arranger 5.04.0.122 Multilanguage Portable | 5.65 Mb
» لن تغرقيني في هواك بشبر ماء ..
» عزيزتي...أذا نكد عليك زوجك ......أفـــــــرحي؟؟؟؟
» هااااام،،،هل ستشرب من الكأس لو عرض عليك