المصري اجمل انسان في الدنيا!

المواطن المصري هو دائمـا صاحب السبق في كل العادات والتقاليد منذ قديم الأذل، حيث إنه صـاحب بصمة في كل المجـالات، ودائمـا الإنسان المصري هو صاحب ضربة البداية والكل يقوم بتقليده بعد ذلك.

ولك الآتي : المصري هو اللّي

- بيفهم في الطب ويشخص المرض ويوصفلك الدوا وبيفهم في النقاشة والكهربا وتصليح العربيات والطبيخ والسياسة والكورة وهو أبيض ياورد.

- بيحط الريموت كونترول في كيس بلاستيك كعادة فرعونية قديمة.

- بيفتكر إن أي حد بيشتغل في الخليج بيغرف فلوس من غير حساب.

- يقف يتكلم على الباب نص ساعة بعد إنتهاء الزيارة والسلام.

- لمّا تفتح نملية المطبخ هتلاقي عنده عشرين برطمان بتاع مربى فاضيين بقالهم سنين ومازال مُصِر على جمع المزيد.

- ييجي بعد معاده بساعتين ويفتكر إن ده عادي ،،
لا بالعكس ساعات كمان يقول للتاني انت ايه اللي جابك بدري.

- لسه عنده إصرار إنه يتكلم بصوت عالي في التليفون لما تكون المكالمة دولية عشان التاني يسمعه ،،

على اساس ان المسافة بينهم كبيرة يعني.

- بيعتبر نفسه أفضل واحد في الشرا والفصال وبعد كده يكتشف إن الحاجة في المحل اللي جنبه أرخص من غير فصال.

- بيحتفظ بأكياس محلات اللبس والأحذية وورق الهدايا تحت مرتبة السرير لسنوات ومابيستخدمهاش وعنده مبدأ عجيب
( مفيش حاجة بتترمي ).

- عنده صينية مكسرات متقسمة لتلات او أربع أقسام لزوم المزاج وعمره ما إستخدمهاش.

- ممكن يعدي التلاتين ولسه عايش مع أمه وأبوه وماعندهومش مشكلة

- بيشتري قبل رمضان مواد إستهلاكية أصلا موجوده عنده في البيت
ولسه ما استخدمهاش ( خلي العيال تاكل ).

- بيكون عنده شواية لزوم الرحلات أقصى استخدام لها كان مرة واحدة في العيد.

- بيشيل طابع البريد من على الظرف لو الختم ماكانش عليه.

- بيكون مشغول بقيمة التيبس أو البقشيش طول العشا ياترى ربع جنيه ولا نص جنيه ولو ربع يبقى فضة ولا ربع ورق.

- برده بيتخانق ساعة دفع الحساب بحرارة شديدة على إنه هو اللي لازم يدفع.

- بيفرش ملاية سرير على طقم الأنتريه عشان يفضل نضيف لما ييجي ضيوف وما بيشيلهاش لما ييجوا ويقدم الانتريه وهو مشلش الملاية

ومع كل ده هيفضل المصـــــــــــــري
أجمــــل انســـــــــــان في الدنيا كلها.

جميل
بس للأسف الشديد مكــرر

» ما أجمل أن يــكـون لديك فى الدنيا انسان
» انسان بلا دموع ليس انسان
» برامج هامه.
» انسان حزين
» متحف علي شكل جسم انسان