جاوب قبل ماتسأل...موضوع لزييييييز ياريت يتثبت.....

الموضوع ده شفته في منتدي تاني وعجبتني فكرته خالص واتمني انه مايكونش مكرر
المهم الموضوع ده عباره انه الاعضاء هيدخلوا ويشاركوا
كل عضو هيشارك هيجاوب علي سؤال يكون منزلة العضو اللي دخل قبله ولازم يجاوب والا مايشاركش
وبرضة يحط سؤال للي يدخل بعضه عشان يجاوب عليه
وكده
بس ياريت بلاش اسئله خاصة ومحرجه اوكيه؟
وانا عندي البداية ان شاء الله:
السؤال للي هيدخل بعدي:
ايه رأيك فالمنتدي؟

محدش سأل
اسأل انا:
في رأيك مين افضل عضو فالمنتدي؟

افضل عضو في المنتدي هو :
Eng. GODZILLA

سؤالي :
ايه اكتر حاجة مش عجباك في كليتنا " كلية الهندسة باسوان " ؟

الفصول بصراحه عاوزه اهتمام اكبر من كده
سؤالي:
ايه اكتر موضوع قريته وعجبك فالمنتدي؟؟؟

زبد البحر انا حتى الان مش قادر انساه

ايه رأيك فالمنتدي؟
علي فكرة ياخوانا انا نزلت السؤال دي من بدري

المهم رد عليا واحد بس مش فاكره باجابه:
نفاااق
والمساهمه اتحزفت
انا اعتقد ان ده رأي ولازم نحترمه
حتي لو ماعجبناش
ولا ايه
يا أدارة:
مش لازم يقولو يعني ده منتدي لزيز ومش قادر اعيش من غيره وبحبه و..و..و.. عشان نخليه
ولا ايه رأيكم ياجماعه؟
وهو ده شؤالي للي بعدي
ياريت يوقع مع حد من الادارة
متشكر

و ده التعديل
و لو انى مش من الأداره بس ممكن أشارك؟؟؟

أنا شخصيا شيفه انو لازم يكون فى حرية رأى
بس ده ميمنعش ان يكوون فى أحترام متبادل ما بينا
و صحيح احنا ساعة كتيير بنقوول كلام كبيير
و ممكن نكون مش بنعمله كله بس المهم ان احنا بقول الصح والغلط اللى احنا بنحاول نوصله
و ده ردى على نفاااق بالنسبة لى كعضو فى المنتدى
أما سؤالى ...ما هو سبب تسجيلك فى المنتدى ؟

السلام عليكم

يا ريت أى حد متضرر من شىء أو شايف إن فيه حاجة غلط أو مظلوم يفتح موضوع فى قسم

الشكاوى باللى حصل معاه وإن شاء الله ياخد حقه إنما غير كده يبقى لا داعى لذكر أى شىء

ربما لم يحدث من الأصل.

والله الموفق

اقتباس :: يعنى اللى قال:"هبااال"
كان ممكن يوضح وجهة نظره بطريقة محترمة أكتر
الا باة إذا كان صحبك و أنت متقبل منه الكلام ده على سبيل الهزار

اولا يابشمهندسة لو قريتي الموضوع كويس هتلاقي انه كاتب ( نفاق ) مش ( هبااال) زي مانتي فاكرة

ثانيا اللي قال كده مش صاحبي ولا اعرفه عشان اتقبل منه كده بس مش معني كده انه يتحزف رأيه
متشكر جدا يابشمهندسة عالمرور والرد وبالنسبه لسؤالك:

اقتباس :: أما سؤالى ...ما هو سبب تسجيلك فى المنتدى ؟

سبب تسيجلي فالمنتدي عشان اشارك واكون مع اصحابي فالكليه اللي اكيد افتقدتهم فالاجازة

وسؤالي للي بعدي:
تعمل ايه لو كنت راكب ميكروباص والتباع قاللك الاجرة ياباشا وحطيت ايدك في جيبك وهببببببببب
مالقتش فلوس
هتعمل اييييييييييييييييه؟؟؟؟؟؟؟؟؟؟؟؟؟؟؟

و الله يا بشمهندس أنا عدلت الموضوع قبل ما انشره بس معرفش حصلت مشكل والنت فصل عندى

و أخدت بالى انها مش "هباله "
و انها "نفاااق"
و شيلت الكلام ده خااالص موضوع صحبك وكدة
على العموم أنا اسفه
اعتبرها غلطة مطبعية و انا مش هجاوب على السؤال عشان مشاركتى انتهت

ولا يهمك يابشمهندسة حصل خير وانا مش زعلان ولا حاجه

ومتشكر موت عالمتابعه والرد

يا نهار أيض مش عارفة ممكن أعمل فى الموقف ده بس الشعب المصرى بطبيعته متسامح و أكيد التاباع لو قولتلوه "الصراحة أنا مش معايا فلوس فى الوقت الحاضر المرة الجاية باذن الله سوف أعطيك أجرة مضاعفة ده لو شوفت وشك أصلا " مش هيعملى أى حاجة

و أكيد انتو عارفين ايه الى هيحصلى بعد كده

سؤالى للى بعدى :

ما رأيك فى فكرة انشاء مجلة للمنتدى كل شهر و التى هى قيد التنفيذ باذن الله؟

New Assad كتب:: ايه رأيك فالمنتدي؟
علي فكرة ياخوانا انا نزلت السؤال دي من بدري

المهم رد عليا واحد بس مش فاكره باجابه:
نفاااق
والمساهمه اتحزفت
انا اعتقد ان ده رأي ولازم نحترمه
حتي لو ماعجبناش
ولا ايه
يا أدارة:
مش لازم يقولو يعني ده منتدي لزيز ومش قادر اعيش من غيره وبحبه و..و..و.. عشان نخليه
ولا ايه رأيكم ياجماعه؟
وهو ده شؤالي للي بعدي
ياريت يوقع مع حد من الادارة
متشكر

مع احترامي للبشمهندسه والحبار اللي ردوا قبلي ,,, ومع احترامي لحضرتك

انما ,,,,,,,,, الناس ارائهم كتيييير اوي ,,,, وكل واحد فيهم قاعد رجل علي رجل

وشغال بيأمر فينا ,,,,,,, أعمل كذا ومتعملش كذا

لأ ,,,, غيروا المنتدي .... لأ الردود بقت بتتحذف ,,, لأ ,,,,, اللون ده وحش ,,, لأ ,,, المشرف يرد ولا يعمل عجين الفلاحه ,,, وغيره وغيره !!

مع احترامي ,,,,,,,, طب مانطلبلكم قهوه أحسن !!!

اقتباس :: ده لو شوفت وشك أصلا "

هههههههههههههههههههههههههههههههههههههههههههه

حلوة دي يابشمهندسة شيماء جامده
وانا هسيب الناس الباقيه تشارك وتجاوب عالسؤال وتسأل اللي بعديها

اقتباس :: انما ,,,,,,,,, الناس ارائهم كتيييير اوي ,,,, وكل واحد فيهم قاعد رجل علي رجل

وشغال بيأمر فينا ,,,,,,, أعمل كذا ومتعملش كذا

لأ ,,,, غيروا المنتدي .... لأ الردود بقت بتتحذف ,,, لأ ,,,,, اللون ده وحش ,,, لأ ,,, المشرف يرد ولا يعمل عجين الفلاحه ,,, وغيره وغيره !!

مع احترامي ,,,,,,,, طب مانطلبلكم قهوه أحسن !!!
_________________

احنا مش بنأمر حد ولا حاجه انا كل اللي طلبته اننا نحترم اراء الناس حتي ولو كانت بتضايقنا

وانا ولا بقول غير المنتدي ولا اللون وحش ولا المشرف والكلام اللي بتقوله ده يابشمهندس اسماعيل
كل اللي عوزه:
نحترم الارااااااااااااااء
بس مش اكتر
وياريت اللي بعدي يجاوب علي سؤال البشمهندسة شيماء
لأن الموضوع للتسالي مش للردود والكلام ده
ومتشكر يابشمهندس اسماعيل للمرور والمشاركه

ايه ياعم المشاكل دى خليكو حلوين مع بعض عايزين نظهر باحسن صوره وياريت يستمر اللعبه دى وسيبكو من المشاكل

ان شاء الله مفيش مشاكل والموضوع هيكمل

هجاوب علي سؤال شيماء

اقتباس :: سؤالى للى بعدى :

ما رأيك فى فكرة انشاء مجلة للمنتدى كل شهر و التى هى قيد التنفيذ باذن الله؟

فكرة راااااااااااااااائعه وان شاء الله تشوف الطريق للنور
والسؤال:

كان بتحلم تعمل ايه فحياتك بس حاسس نفسك مش هتقدر تحقق الحلم ده؟؟؟؟؟؟؟؟؟؟؟؟؟

كنت بحلم اني اجيب تقدير لما ادخل الكليه زي الثانوي يعني

بس والحمد لله بعد مادخلت الكليه عرفت انه مستحيل وخاصه لما دخلت كهربا
سؤالي للي بعدي ؟
مكان بتحلم تروحه ومع مين؟؟؟؟؟؟؟؟؟؟؟

احب اروح المانيا مع زوجتى (حبيبه العمر)

سواااااااااااااااااااالى
الم تكن مصريا لو وددت ان تكون ...............
(الاجابه يا ريت تكون غير مصرى)

بصراحه سعوديا

كفايه اني ابقي في بلد الحرم

سؤالي للي بعدي بقي:

ايه اكتر حاجه عجباك فااسوان بصراحه؟؟؟؟؟؟؟؟؟

الصحبه الطيبه وانت منهم طبعا يا اسد
وده والله مش نفاق وانت عارف

سؤالى للى بعدى

ايه رأيك فى العضو اللى اسمه (مروان الخطيب) بصراحه؟

راااااااااااائع
بصراحه والله ومش عشان احنا صحاب ولا حاجه
دي فرصة راائعه ياميرو عشان اشكرك
مروان انسان طيب جدا
ومحترم جدا
بس الدنيا قلبت معاه شويه اول سنه عشان طبعا ماكنش في خبره وغربه اول سنه وكده
مروان من الاخر:
انسان اتمني الا يتركنا العام القادم
وياريت تستني معانا
صديقك هيما

المهم سؤالي للي بعدي:
تعمل ايه لو كنت رايح مشوار مهم جدا ومأنتك نفسك علي سنجه عشرة
وركبت الميكروباص
وبعدين وانتا نازل
هببببببب
التيشرت شبك فمسمار فالعربيه
واتقطع؟؟؟؟!!!!!!!!!!!!!!!!
هتعمل ايييييييييييييييييييه؟؟؟؟؟؟؟؟!!!!!!!!!!

» جاوب واسال الى بعدك سوال!!
» جاوب بكلمة واحدة بس..... (هتقدر؟؟)
» رسالة الى المسلمين في اعقاب احداث الدنمارك
» لو ذكي جاوب علي الاسئله
» 100 فزوره جاوب عليهم(ارجو عدم اصطحاب الاغبياء)