عدد المساهمات : 2859 تاريخ التسجيل : 21/06/2009 العمر : 34 الموقع : في البيييييييييييييييت الأوسمه : Upload Photos :
موضوع: تتجوزيني؟؟؟؟!!!!!!!!!!!!!!!! الثلاثاء 7 يوليو - 21:08
تتجوزيني ؟ ـ أفندم ؟ ـ بقولك تتجوزيني ؟ ـ !!!!!
.......وبعديييييييين....... ـ تتجوزيني ؟ ـ لا ! ـ ليه ؟ ـ بصراحة كدة شكلك مش عاجبني .. ـ إزاي يعني ؟ ـ يعني .. أصل أنا ليا مواصفات معينة لفارس أحلامي . ـ مواصفات معينة ؟ .. هو انتي هتتجوزي عربية ؟ ـ لا ! .. بصراحة كدة .. إنت مش فارس أحلامي اللي باتمناه ! .........وبعديييييييين............
ـ تتجوزيني ؟ ـ إيه ده ؟ شكلك اتغير ! ـ إيه رأيك ؟ ـ واو .. شعرك بقة ناعم ! .. دي باروكة ؟ ـ أيوة ـ ودي عدسات خضراء ؟ ـ أيوة ! ـ واو ! .. بس بجد .. بقيت وسيم ! .. واو ! ده انت بقيت شبه نيكولاس كيج ! ـ مين عباس كيج ده ؟ ـ عباس ؟!! ياي ! .. إيه عباس دي ؟ اسمه نيكولاس .. ـ مين نيكولاس ده ؟ ـ بقة مالكشي في السيما وجاي تكلمني ؟ .. ياي !
..........وبعد كده................ ـ تتجوزيني ؟ ـ انت لسة ليك عين تكلمني ؟ ـ أيوة .. أنا عرفت مين بنكرياس كيج ده ! ـ أولاً : اسمه نيكولاس كيج .. ـ أيوة أيوة .. كنت هاقول اسمه صح .. بس اختصرته .. ده ممثل ! ـ ممثل إيه ؟ ـ ممثل أمريكاوي ! ـ أمريكاوي ؟! .. إخّييي ! .. اسمه أميريكان يا بابا ! .. ما تبقاش دونكي ! ـ دونكي دي تبقى شتيمة ؟ ـ أف كورس !
ـ تتجوزيني ؟ ـ عندك عربية موديل كام ؟ ـ موديل دي تبقى شتيمة ؟
ـ تتجوزيني ؟ ـ قوللي الأول .. حاطط أنهي نغمة في الموبايل بتاعك ؟ ـ نغمة دي تبقى شتيمة ؟
ـ تتجوزيني ؟ ـ ما قلتليش .. إنت بتشتغل إيه ؟ ـ أنا -بلا فخر- عاطل ! ـ عاطل ؟ .. ياي ! .. ـ مش أحسن من اللي ما بيشتغلش ؟ ـ لا ! ـ يعني مش هتتجوزيني ؟ ـ لا ! ـ كدة أنا أزعل ! ـ ما تزعلش يا بابا ! .. خليك فريش ! ـ ماشي .. ماشي .. بس قوليلي .. ـ إيه ؟ ـ فريش دي تبقى شتيمة ؟
ـ تتجوزيني ؟ ـ لقيت شغل ؟ ـ أيوة طبعًا .. سنتين وأنا بادور .. أخيرًا لقيت .. ـ وإيه هو ؟ ـ سواق تاكسي . ـ ياي ! .. مش مكسوف وانت بتقولها ؟ ـ فيها إيه ؟ العمل شرف .. وكلها كام سنة وأجمع مبلغ كويس .. ـ شرف ؟ جتك القرف !
ـ تتجوزيني ؟ ـ جمعت مبلغ كويس ؟ ـ طبعًا .. مبلغ كبير جدًا .. ـ قد إيه يعني ؟ ـ ألف جنيه ! ـ نعم ؟!!! .. ألف جنيه دول تروح تسرح بيهم ببطاطا .. ـ يعني موافقة ؟! ـ روح اتنيل .
ـ تتجوزيني ؟ ـ عندك شقة ؟ ـ طبعًا ! .. أودة على السطوح .. ـ نعم ؟!! .. ـ إيه المشكلة ؟! .. أحسن ما ننام في الشارع ! ـ في الشارع ؟! .. إيه الألفاظ السوقية دي ؟! ياي ! .. لازم يا بابا تجيب شقة . ـ طيب .. كلها كام سنة وأجيبلك أحسن شقة في الدنيا . ـ وهتجيبها في جاردن سيتي ولا في الزمالك ؟ ـ لا .. في الأهلي .. هيهع هيهع هيهع !
(وبعد سنوات): تتجوزيني ؟ ـ جبت الشقة ؟ ـ أيوة ! .. الحكومة بتبني شقق للشباب وأنا خدت شقة .. صحيح إنها اتأخرت لسبع سنوات .. لكن المهم إنها جات .. ! ـ ـ فانتاستيك ! ـ بس الشقة ناقصة حاجة . ـ إيه هي ؟ ـ مفيهاش حمام ! ـ امشي من قدامي ! .. مش طايقاك !
ـ تتجوزيني ؟ ـ إنت تاني ؟ ـ جبتلك حمّام إنما إيه ! ـ خليه ينفعك ! ـ ليه بس ؟ .. ده ينفع لينا احنا الاتنين ! ـ وأنا مالي ؟ ـ مش عاجبك .. مش مشكلة .. أكتبه باسمك !
(بعد سنين) .. ـ هتتجوزيني ولا أولع فيكي ؟ ـ ومالك محروق كدة ؟ ـ حكايتنا طولت قوي .. طولت أكتر من اللازم ! ـ أوكي .. بس ممكن أعرف حاجة ؟ ـ إيه ؟ ـ إنت ليه متمسك بيا أوي كدة ؟ ـ أصل .. أصل .. ـ أصل إيه ؟ ـ أصل أنا بحُبك (بضم الحاء) ! ـ بحُبك ؟!! .. إيه بحُبك دي ؟! .. إسمها بحِبك (بكسر الحاء) ! .. بعدين خليك روش وقول I love you ! ـ ماشي .. بس قوليلي .. ـ نعم ؟ ـ روش دي تبقى شتيمة ؟
ـ تتجوزيني ؟ ـ بصراحة .. في حاجة كنت عاوزة أقولهالك من زمااااااان . ـ إيه ؟ ـ أنا بصراحة .. مش شايفة إن في حد في العالم يستاهلني ! ـ يا سلام ! .. ليه ؟ ـ عشان أنا جميلة .. خفيفة الدم .. رشيقة .. رقيقة .. ـ رقيقة ؟! .. ده انت بدأتي تقشفي ! ـ فشر ! ـ فوقي لنفسك .. العمر بيجري .. ـ أنا مصرة على رأيي ! ـ يعني إيه ؟ ـ يعني اقطع معايا ! ـ بعد كل السنين دي ؟! .. بعد كل الحب ده ؟!! ـ بلاش تراجيديا من فضلك ! ـ ماشي .. بس قبل ما أمشي عاوز أسألك سؤال واحد بس .. ـ إيه هو ؟ ـ تراجيديا دي تبقى شتيمة ؟
( بعد سنين) .. ـ تتجوشيني ؟ ـ إيه ؟ ـ تتجوشييينييييييي ؟ ـ إنت مين ؟ ـ أنا حبيبك يا هبلة .. البشي النضارة عشان تشوفيني ! ـ طيب شاعدني عشان ألاقي النضارة ! ـ آهي على الترابيزة قدامك ! ـ فين ؟!! ـ لا دي نظارتي أنا ! ـ أيوة لقيتها .. ـ البشيها بقة ! ـ ططييبب ! ـ عينيكي فوق شوية .. ده بقك .. ـ طيب لبشهالي إنت ! ـ عقبال ما البشك الدبلة ! ـ ما تكشفنيش ! .. كنت بتقول إيه بقى ؟ ـ كنت بقول تتجوشششيييينيييييي ؟ ـ أكوشك ؟ .. إزاي ؟ ـ يا ولية مش تكوشيني .. تـ .. تـ .. جـ .. و.. شـ .. يـ .. نـ .. ي ؟ ـ دي شتيمة ؟ ـ لاااااء .. بقولك تتجوشيني ؟!! ـ آه !! .. أجوشك ! ـ بالضااااابط ! .. هاه ؟ ـ شيبني أفكر ! ـ أشيبك تفكري ؟! .. ده انت هتموتي خلاش ! ـ لا .. شيبني أفكر بش ! ـ ربنا يوفقك ! ـ إيه ؟ ـ ربنا يوفقك ! ـ بتقول إيه ؟ ـ ربنا ياخدك !
(على فراش الموت) : ـ تـ … كوح .. كوح .. تتـ .. كوح كاح كيح .. تتكو .. كوح .. كوح .. تتكوشـ .. كوح كوح .. يني ؟!! ـ مش شامعة ! ـ بـ .. قوللـ .. كوح .. كوح .. بقولك .. تـ .. تـ .. كوح .. كوح .. تتجوشيـ .. ؟ كوح .. كوح ……. ـ أجوش مين ؟!!! ـ هـ .. و.. ه .. كووح كوح كاح .. هوه إنتي .. كوح كوح .. معرفتيـ .. ش .. كوح كوح كيح .. ميـ .. كوح .. مين ؟!! ـ إيه ؟ .. ـ لا .. كوح .. أبدًا .. كوح .. كنت … كح كح .. بأكح !! ـ كنت بتكح ؟!!!! .. شلامتك !! .. ما قلتليش ليه ؟! ـ هو .. كوح .. إنتي .. لشة .. عارفـ .. ـة .. كوح كوح ! ـ بتقول إيه ؟!! ـ يا .. ولية .. كوح كوح .. ردي .. كوح كوح .. عليا .. !! .. تـ .. تـ .. جو.. شيـ .. كوح كوح كوح كوح .. نـي ؟!! ـ أجوشك ؟!! .. طب بش خد الدوا الأول ! ـ يا وليـ .. ـة .. كوح .. كوح .. أنا .. كوح .. كوح .. هتتجوشيـ .. كوح كوح كوح .. ـني ؟!! ـ أيوة يا حاج .. موافقة !! .. موافقة إنك تتكوشني .. ـ أخيـ….كوح كوح ..راااااً !! .. كوح كوح !! .. كدة أموت .. كوح .. كوح .. وأنا .. كوح .. مطمئن ومرتاح !! .. الودااا .. كوح ..ع ع ع ع ! ـ يا حاج .. يا حاج .. لاااااااااااااااااااااااا ااااا !!
marawan elkhateb عضو بدرجة مهندس إستشارى
عدد المساهمات : 1658 تاريخ التسجيل : 24/03/2008 العمر : 34 الموقع : اسيوط رقم العضوية : 935 Upload Photos :
موضوع: رد: تتجوزيني؟؟؟؟!!!!!!!!!!!!!!!! الأربعاء 8 يوليو - 12:06
ربنا يرحمه كان راجل رزل هيا رزل دى شتيمه
zayed عضو مرشح للإشراف عن قسم أكاديمى قسم مدنى
عدد المساهمات : 860 تاريخ التسجيل : 30/07/2007 العمر : 35 الموقع : QENA رقم العضوية : 44 Upload Photos :
موضوع: رد: تتجوزيني؟؟؟؟!!!!!!!!!!!!!!!! الأربعاء 8 يوليو - 13:46
موضوع زى عسل تسلم
free_matrex2010 عضو بدرجة مهندس إستشارى
عدد المساهمات : 877 تاريخ التسجيل : 05/12/2008 العمر : 33 رقم العضوية : 1890 Upload Photos :
موضوع: رد: تتجوزيني؟؟؟؟!!!!!!!!!!!!!!!! الأربعاء 8 يوليو - 14:28
مشكله الشباب الان
Eng Assad عضو بدرجة مهندس إستشارى
عدد المساهمات : 2859 تاريخ التسجيل : 21/06/2009 العمر : 34 الموقع : في البيييييييييييييييت الأوسمه : Upload Photos :
موضوع: رد: تتجوزيني؟؟؟؟!!!!!!!!!!!!!!!! الجمعة 10 يوليو - 0:42
متشكر لكل اللي ردوا بس لو الشباب زي كدة؟؟!!!!!!! ربنا يكون فعونكم يابنات ههههههههههههه
لارا مهندس بيشارك كويس
عدد المساهمات : 124 تاريخ التسجيل : 05/07/2009 العمر : 39 الموقع : عالم حيرانه ومتغربه فيه Upload Photos :
موضوع: رد: تتجوزيني؟؟؟؟!!!!!!!!!!!!!!!! الجمعة 24 يوليو - 23:11
هت كحكح كوح جو كحكحكح ز كح كح كح قبل ما احصلهم هههههههههههههههههههههه
Eng Assad عضو بدرجة مهندس إستشارى
عدد المساهمات : 2859 تاريخ التسجيل : 21/06/2009 العمر : 34 الموقع : في البيييييييييييييييت الأوسمه : Upload Photos :
موضوع: رد: تتجوزيني؟؟؟؟!!!!!!!!!!!!!!!! الجمعة 24 يوليو - 23:19
انا والله كحكحكح مت مت متشكر عالكحكح مرور والرررررررررررر.....كحكح الرد هههههههههههه
love to life كبير مهندسين
عدد المساهمات : 483 تاريخ التسجيل : 21/12/2007 العمر : 37 رقم العضوية : 418 الأوسمه : Upload Photos :
موضوع: رد: تتجوزيني؟؟؟؟!!!!!!!!!!!!!!!! الجمعة 24 يوليو - 23:41
ههههههههههههههههههههه ده باله طوييييييييييييييييييييييييييييل اوىىىىىىىىىىىىىى واحد غيره كان جاله الشلل من زمااااااااااااااااان وهى كمان مستفزه اوى ربنا يرحمه كان راجل طيب والله يا ريت البنات تاخد بالها بجد من الموضوع بتاع التحكمات ده احسن البنات دلوقتى بقت غريبه وكلامها ارغب بصراحه ربنا يهدى الشباب والبنات على بعض
life for rent مشرف عام منتدى الهندسة المدنية
عدد المساهمات : 1418 تاريخ التسجيل : 12/05/2009 العمر : 36 الموقع : Cairo رقم العضوية : 3530 Upload Photos :
موضوع: رد: تتجوزيني؟؟؟؟!!!!!!!!!!!!!!!! السبت 25 يوليو - 0:04
تسلم ايدك يا باشمهندس (على فكرة دى مش شتيمة)
Eng Assad عضو بدرجة مهندس إستشارى
عدد المساهمات : 2859 تاريخ التسجيل : 21/06/2009 العمر : 34 الموقع : في البيييييييييييييييت الأوسمه : Upload Photos :
موضوع: رد: تتجوزيني؟؟؟؟!!!!!!!!!!!!!!!! السبت 25 يوليو - 0:22
love to life كتب:
ههههههههههههههههههههه ده باله طوييييييييييييييييييييييييييييل اوىىىىىىىىىىىىىى واحد غيره كان جاله الشلل من زمااااااااااااااااان وهى كمان مستفزه اوى ربنا يرحمه كان راجل طيب والله يا ريت البنات تاخد بالها بجد من الموضوع بتاع التحكمات ده احسن البنات دلوقتى بقت غريبه وكلامها ارغب بصراحه ربنا يهدى الشباب والبنات على بعض
متشكر ياباشا عالمرور والرد وعندك حق
Eng Assad عضو بدرجة مهندس إستشارى
عدد المساهمات : 2859 تاريخ التسجيل : 21/06/2009 العمر : 34 الموقع : في البيييييييييييييييت الأوسمه : Upload Photos :
موضوع: رد: تتجوزيني؟؟؟؟!!!!!!!!!!!!!!!! السبت 25 يوليو - 0:24
موضوع: تتجوزيني؟؟؟؟!!!!!!!!!!!!!!!! 
الثلاثاء 7 يوليو - 21:08
