عمرو اديب بوظ الدنيا و فتح النار علي المنتخب

عاشت بعثة منتخب مصر في جنوب إفريقيا حالة من الحزن الممزوج بالغضب بسبب الهجوم الذي تعرضت له بواسطة الإعلامي عمرو أديب وتأكيده على واقعة قضاء خمسة من لاعبي المنتخب سهرة حمراء عبر برنامجه في شبكة أوربت.

وهاجم أديب لاعبي المنتخب ووصفهم بألفاظ غير لائقة مؤكدا واقعة السهرة الحمراء مبررا كونها السبب في سوء الحظ الذي لازم الفريق وعدم قدرتهم على رفع أقدامهم من على الأرض.

وتلقى أديب اتصالات من حسن شحاتة المدير الفني لمنتخب مصر وعدد من لاعبي المنتخب من بينهم محمد أبو تريكة ومحمد زيدان وآخرين واتسمت المحادثات بالحدة والهجوم المتبادل.

وقال شحاتة لأديب "انت هتركب الموجة ولا ايه، وجايب فنانين يهاجموا لاعبي المنتخب اللي فرحوا مصر".

وكان أديب قد أجرى اتصالا هاتفيا مع الفنان هاني شاكر المعروف بعشقه لكرة القدم عبر خلالها عن اسيائه في حال صحة الواقعة وهو ما عاد الفنان نفسه للتراجع عنه في قناة الحياة مؤكدا إنه قال "إذا صح هذا الكلام".

وانشغل لاعبو منتخب مصر بالرد على أديب عبر الفضائيات ومن بينها برنامج "البيت بيتك" الذي دافع من خلاله أحمد حسن عن منتخب مصر.

"اتقوا الله"

وقال أحمد فتحي في تصريحات لقناة "الحياة" إن المنتخب كان ينتقل من مدينة لأخرى عقب كل مباراة ولم يحصل على وقت لغير النوم وتناول الطعام.

وتابع فتحي قائلا "لا يعقل هذا الكلام الذي نسمعه، اتقوا الله فينا".

ومن جانبه بدا سيد معوض متأثرا بالموضوع وقال "أقسم بالله إننا لا نتحرك من غرفتنا طوال اليوم".

وتساءل وائل جمعة قائلا "كيف سيكون الحال في بيوتنا حاليا؟"، مؤكدا تأثر جميع اللاعبين بما حدث.

بيان رسمي

وقال سمير زاهر رئيس الاتحاد المصري لكرة القدم في تصريحات لقناة "الحياة" إن الاتحاد أصدر بيانا نفى فيه ما ذكرته بعض الصحف الشعبية الجنوب إفريقية وللرد على افتراءات وسائل الإعلام.

وأوضح زاهر أن السفارة المصرية في جنوب إفريقيا تقوم بدورها في الرد على الشائعات التي وقف ورائها بعض عناصر الشرطة في البلد الإفريقي والذين نسبت لهم الصحف معلوماتها.

وأوضح محمود طاهر رئيس بعثة مصر أن الاتحاد عقد اجتماعا عاجلا مع اللاعبين لإخراجهم من حالة الحزن التي يعيشونها ووعدهم بالرد، كما طالبهم بالتركيز في مباراة رواندا المقبلة في تصفيات كأس العالم.

ده انسان مش محترم واعلامى فاشل ايه اللى فهمه فى الكورة

وبعدين لو الواقعة دى حصلت وكان فى بنات كان الاعيبة هيبلغوا عن السرقة طبعا لا عشان يداروا على نفسهم لكن لان مافيش بنات اصلا ولانهم اتسرقوا بجد راحوا بلغوا

وهنروح بعيد ليه ده البرازيل هى كمان اتسرقت يعنى مش احنا بس

وبعدين هو مش عمرو اديب ده اللى كان قاعد تحت رجل هيفاء وهبى

مش ده اللى تبع شركة جودنيوز اللى بتنتج افلام الهلس والمسخرة زى ليلة البيبى دول وبوبوس
مش ده اللى كان بيقولوا عنه انه فطر فى رمضان عشان هيفا

و الله عندك حق يا ميدو

ده راجل زباله بيشتم احمد حسن ويقولوا انت مبتسمعش

ده انسان غير محترم وكمان جايبلي عزت ابو عوف معاه يتنططوا علي اللاعيبه

يعني بجد ده شرف ناس ايلي بيتكلموا فيه

يراعي ان اللاعيبه دي فيه منها ايلي متجوز وعنده اولاد

هل هو فكر ايه ايلي ممكن يحصل لما يسمعوا الكلام ده

والله حسن شحاته كان عنده حق لما ختم المكالمه وقالوا يخرب بيتكوا و قفل السكه ف وشه

يعني هو المتش ايلي نتغلب فيه لازم يكون وراه ستات

انا معاك ان الاداء كان وحش اوووووووووووووي اوووووووووووووووووي

بس ده لاسباب فنيه

مش اسباب نسائيه

اذا كان هو بيقول لاحمد حسن انت ما بتسمعش

فهو راجل ما بيفهمش اصلا

ده راجل عااااااااااااااااااار على الاعلام المصرى

حسبى الله ونعم الوكيل

كلنا مع المنتخب وماحدش صدق الكلام ده طبعا
والفجر النهاردة ناس كتير هيروحوا يستقبلوهم في المطار
يمكن ده يرفع من معنوياتهم شوية

..
بس بعد اذنك يا ميدو .. انا هضطر اشيل الصورة من الموضوع
لأن زي ما انت قولت ما يصحش انها تتحط

PRINCESS كتب:: بس بعد اذنك يا ميدو .. انا هضطر اشيل الصورة من الموضوع
لأن زي ما انت قولت ما يصحش انها تتحط

شكرا لتعديلك يا برنسس وانا بس كنت متغاظ لان انا سمعت كلام الراجل ده وشوفت قلة الادب اللى كانت عليه وكنت عايز افش غليلى بأى طريقة ده لو كان قدامى كنت لسوعتله دماغه دى

انا من امبارح وانا متغاااااااظة اصلا
وبحاول اهدّي في نفسي .. وكل ما بفتكر بدعيلهم بجد ربنا يصبرهم
وعمرو أديب انا اصلا ما كنتش بحب طريقته في التقديم من زمااااان
وعلي رأي تامر أمين في البيت بيتك
ده حتي لو الخبر صح ما كنتش هنشره

بس نقول ايه
حسبي الله ونعم الوكيل

يا أخونا عيب أوووى الكلام الناس دى محترم جدا جدا

حرام طب حال بيوتهم أيه ؟؟
وحال أولادهم أيه ؟؟
ياريت الناس تتخيل نفسها مكلن زوجة أو أبن لاعب كره كان الوضع أيه
والله اللعيب دى صعبانه عليا جدا
وعيب أوووى لما يقول ع اللعيبه نجسه
وبعدين أقسم بالله مبتفرج عليه من وقاحته
كفايه لما كان سكران تحت رجل هيفا (وما أدرك ما هيفا)
وبعدين أقسم بالله أحنا أتغلبنا بخطأ فنى مش لعيبه لعبت وحش ولا حاجه

يا جماعة ارجوكم من غير شتايم .. حتي لو معاكم حق
انا مش هعدل الردود .. بس ياريت الردود كلها في الموضوع هنا تتعدل بيضحك

معلش انا معاكم ان الموضوع كبييييير
ويستحق اكتر من كده .. انا نفسي ياخد عقاااااب وليكن مثلا انه ما يقدمش برامج تاني
مش مجرد اعتذار يعني
- رغم اني اشك ان حاجة زي كده تحصل -
بس والله هتبقي ابسط انواع العقاب .. وعلي الاقل هيبقوا رحمونا من البرنامج بتاعه

بس زي ما قولت ياريت بلاش احنا نخرج عن النص في الردود
عشان لو كل واحد طلع غيظه في الرد
هنقووول كلااااااام كتييييييييييير نار

اعتذار عمرو اديب من كام ساعة
بعد ايـــــــــــــــــــــــــــــــه!!!

» المنتخب القومى يفوز على المنتخب الايفوارى ................
» اول مناظره بين البرادعي واحمد عز ممثل عن الحزب الوطني مع عمرو اديب وكرستين والسي ان ان نسخه DSRip وعلي اكثر من سيرفر
» إنضمام عمرو زكي وشريف عبد الفضيل لقائمة المنتخب للقاء زامبيا
» اقتراح:: مادام معانا الدكتور عمرو...يبقي نروح بعيد ليه...؟؟؟...تعالوا نسال الدكتور عمرو ياجماعه...ده بعد ازن الدكتور عمرو طبعا...ياريت كلنا نقول رأينا..
» فوز المنتخب المصرى على المنتخب السودانى بخماسيه نظيفه