النداهـــــــــــــــــة >>!!!

ساعة نداها
الشمس خافت تبتسم
لمت خيوطها فى عِبَّها / وخدت معاها
ألوان براءة السما ساعة الغروب
كل القلوب
قفلت شبابيك الحياة / خوف منها
وانا الوحيد اللى مخوفتش وإتسحر
يمكن عشان محتاجلها
يمكن قدر
يمكن كمان كُتر الذنوب
حَلَّى فى عينى عشقها
خلتنى أرفض إنى أتوب
خلتنى أعشق كدبها
وأعشق حاجات مالهاش وجود
ندهوا عليا قالولى .. ( عــود )
سِكتَّها دي مالهاش رجوع
كام شاب زين زيَّك كده
كترت ورا منه الدموع
بصيت لقيت ذكرى الآلم
متبعترة جوه الوشوش
متبرجلتشِ خطوتى
متاهتش منى سكتى
الحب نبته كان شيطانى فى دنيتى
والعشق مجهول النسب
والحلم مفقود الهوية
بدون سبب
أمَّا أنا / ...
النيَّة خالصة
أهجر صلاتى فى ربعَّها
وأهزم مخاوفى كلها
وأسلك طريق غير عشقها
ياللى غويتى قبل منى ناس كتير
عارف أنا / ...
مش هبقى وياكى الأخير
لكن أنا / ...
مش هبقى عمرى زيهم
ولا عمرى هسلك دربهم
وهسيب عليكى لعنتى
لو بعد كام مليون سنة
.
.
.
مهما تدومى / ..
يا دنيا فانية لامحــــــال
نداهـــــة / آه
لكن ماليكى إلا الزوال
لكن ماليكى إلا الزوال

الله عليك يا بشمهندس

بجد كلمات جميله جدا
لاتحرمنا من المزيد