ليه تذاكر كتير ؟؟؟

ليه تذاكر كتير ؟؟؟

حدثنى فى التليفون.. مواطن مصرى من المنصورة.. ابنه فى الثانوية العامة.. لا أعرفه وعرفنى بنفسه وسألنى: حضرتك شوفتى إعلان استرجل «بتاع البريل»؟

قلت: طبعًا.. وأتوقع أن يكتبوا على إعلان «البيرة» نفسها (خلى عندك دم واشرب بيرة يا عيل).. لأننا نعانى من مفاهيم جديدة للرجولة والشرف والاجتهاد والنزاهة والتعليم والثقافة وهى مفاهيم تتناسب مع «الشيستم» العام تمامًا..

ثم سألنى الرجل وهو منفعل وحائر: طيب شوفتى إعلان «ليه تذاكر كتير؟».. قلت لأ.. ده بقى جديد نوفى وقال الرجل شاكيًا: إنه كتاب جديد يدعى «الخلاصة» وبه الأسئلة المتوقعة فى اللغة العربية وإجاباتها النموذجية..

ولترغيب الطلبة الغلابة المجهدين كتب عليه «ليه تذاكر كتير طالما تقدر تذاكر أقل وتتفوق».. ثم أكمل منفعلاً هل تصدقين أن زوجتى لم تترك شارعًا فى المنصورة لم تبحث فيه عن هذا الكتاب لأن الولد تعلق بهذا الأمل رغم أنه مجتهد ومذاكر .. ماذا أقول له؟

هل أقول إن هذا كتاب غير محترم؟ قلت على الفور محذرة: لا تقول له هذا الكلام لأن ابنك سوف يجيبك على الفور بأن التعليم كله أصبح غير محترم وبحثت عن الإعلان.. الكتاب صادر عن مكتبة «الوعى العربى»..

اسم المكتبة لايق جدًا على الكتاب.. وموجود لدى باعة الصحف.. «الخلاصة» (حتى لو فاضل على الامتحان ساعة واحدة هاتقدر تذاكر الخلاصة) (٨٠ ورقة فقط بينك وبين ورقة الامتحان وحلول عملية لكل مشاكل الأدب والنحو والبلاغة والتعبير المتوقع)..

والله أول مرة أعرف إن الأدب والنحو والبلاغة عاملين مشاكل للدرجة دى وكمان معلومة التعبير المتوقع دى حلوة لأنى كنت فاكرة إن التعبير هدفه أن يتعلم الطلبة أن يعبروا عن رأيهم، لكن فى التعليم الحديث الطلبة يحفظون تعبير الأستاذ المؤلف لأنه هو المضمون والنموذجى والخلاصة..

ومبدأ الخلاصة متبع فى الجامعات واحتمال فى الدراسات العليا كمان وفى العلاقات الإنسانية الحديثة حيث يقول الشباب: «لخص» «بلاش حوارات».. ولماذا الدهشة ومستوى الخريجين فى الجامعات محزن خاصة فى اللغة العربية..

لقد رأيت طلبة لا يفرقون بين «الذال» و«الزاى» أو «الزين» ولا بين «القاف» و«الكاف» ولا بين «السين» و«الصاد».. والتعليم بكل مراحله يعانى من مهزلة عظمى وطالما تكلمنا وصرخنا، والمسؤولون فى واد بعيد خال من الصحف ووجع الدماغ..

لكن المهم أن «الشيستم» العام متجانس والتعليم المهترئ يناسب الإعلام السطحى والثقافة السمعية ومفاهيم الفهلوة والشطارة والنصب والنفاق والرشوة والمحسوبية والقمح أبوسوس، حتى المستوى اللغوى لنواب المجلس الموقر دخل موسوعة «الشيستم» وخلاص اتعلموا اللغة واستعملوا مفردات لغوية «بيئة» تحت القبة وأكيد أخذوا الثانوية العامة بواسطة كتاب «الخلاصة» و«ليه تتكلم بأدب مادام ممكن تقل أدبك»

السؤال الآن: لماذا تعانى الكتب والروايات الأدبية والأفلام من تعنت رقابى متزمت ومتخلف، وتصادر الكتب بحجة الخروج على الأخلاق وتوقف الأفلام بحجة الدعوة إلى الفجور بينما الإعلانات معفاة من أى رقابة، وكل معلن قادر على إغراء الزبون بطريقته..

وها هى دعوة صريحة للاستسهال وعرض لا يمكن رفضه للنصب باسم العلم والامتحانات فى توقيت حرج جداً للطلبة المحملين بأعباء نفسية ثقيلة وتوتر وخوف وقلق وتقديم وسيلة تنافى أى قيم أو أخلاق أو مبادئ وتلغى قيم الاجتهاد والعمل والمثابرة وتدعو إلى استعمال الخلاصة قبل الامتحان بساعة واحدة للحصول

على الدرجات والنجاح وأيضاً «التفوق» على فكرة.. اللى جاى «أنيل»..

و«أنيل» يعنى أكثر زرقة غامقة، وبمناسبة اللغة العربية «النيلة» هى اللفظ العامى للصبغة الزرقاء الداكنة «النَّيلج» ودى مش موجودة فى كتاب الخلاصة.

بقلم : د / لميس جــابر
نقلا عن صحيفة "المصري اليوم" المصرية

موضوع اكثر من رائع
وبصراحة الراجل معاة حق يتعصب وهو قال«ليه تتكلم بأدب مادام ممكن تقل أدبك»
وتصدقى انا معرفش اية الفرق بين «الذال» و«الزاى» أو «الزين»
مشكووورة يابشمهندسة على موضوعاتك المتميزة

ده شئ طبيعى واستمرار لمسلسل التدهور فى التعليم على كافة المستويات
لان حياة الدارسين كلها اصبحت حفظ اصم و وملء للوعاء اللى فى راسه علشان يفضيه فى الامتحان .
وفى الاخر تكون محصلة الطالب الجامعى بعد التخرج صفر كما قال وزير التعليم العالى .
يعنى احنا بنتعلم فى الابتدائى والاعدادى والثانوى والكلية ده كله تمهيد للصفر الكبير
بخصوص" الخلاصة " ... العيب مش فى الكتاب ولا المؤلف .. العيب فى النظام اللى خلى الطلاب يلجؤا لكتب دى اللى بتسهل ليه الحفظ وتقولهم يحفظوا ايه مالاخر ...وبالمناسبة كان فى ملخص فرنساوى اسمه مالاخر ....
شكرا بشمهندسة رانيا على الاضافة المتميزة

shoot em up كتب:: موضوع اكثر من رائع
وبصراحة الراجل معاة حق يتعصب وهو قال«ليه تتكلم بأدب مادام ممكن تقل أدبك»
وتصدقى انا معرفش اية الفرق بين «الذال» و«الزاى» أو «الزين»
مشكووورة يابشمهندسة على موضوعاتك المتميزة

شكرااً لك يا بشمهندس علي المرور الكريم
وفعلاً في ناس كتيييير مش بتعرف تفرق بين الذال والزين

zayed كتب:: ده شئ طبيعى واستمرار لمسلسل التدهور فى التعليم على كافة المستويات
لان حياة الدارسين كلها اصبحت حفظ اصم و وملء للوعاء اللى فى راسه علشان يفضيه فى الامتحان .
وفى الاخر تكون محصلة الطالب الجامعى بعد التخرج صفر كما قال وزير التعليم العالى .
يعنى احنا بنتعلم فى الابتدائى والاعدادى والثانوى والكلية ده كله تمهيد للصفر الكبير
بخصوص" الخلاصة " ... العيب مش فى الكتاب ولا المؤلف .. العيب فى النظام اللى خلى الطلاب يلجؤا لكتب دى اللى بتسهل ليه الحفظ وتقولهم يحفظوا ايه مالاخر ...وبالمناسبة كان فى ملخص فرنساوى اسمه مالاخر ....
شكرا بشمهندسة رانيا على الاضافة المتميزة

شكرااً لك بشمهندس زايــد علي المرور العطر والكريم
وللاسف التعليم كله أصبح حفظ حتي الرياضة في الكلية عندنا أتعودنا أننا نحفظها علشان ننجح ولو حاولنا اننا نفهمنا يبقي عمرنا ما حننجح وده عن تجربة
ونتيجة طبعاً اننا بنحفظ كل حاجة اننا بنطلع من اللجنة مش فاكرين اي حاجة في المنهج
فعندك حق فعلاً العيب عيب نظام وعلشان نغير النظام ده محتاجين عشرات السنين

» محاضرات الخرسانة من جامعـة عين شمس ,,, مفيدة جدااا
» Civil Engineering Hydraulics : Theory with Worked Examples
» وزير النقل‏: زيادة في أسعار تذاكر قطارات النوم والمكيفة فقط .. ولا مساس بالضواحي
» للى بياكلوا اناناس كتير
» بتحب تنام كتير؟؟؟؟؟؟