يارب البنات تبقى كلها كدة !!!!!!!!!!!!!!

[size=21]السلااااااااااااام عليكم ورحمة الله وبركاته
أنا قريت الكلمات دي وعجبتني وعايز رأيكم فيها
يارب بجد البنات ربنا يهديها وتبقي كدة
نتفق ع حاجة الاول
ياريت تقروا القصيدة لغاية اخرها وتركزوا فى معانيها واسلوبها
هيا طويلة شوية بس بجد روعة

يلا نبـــــــــــــــــدأ

حبيتك لإلتزامك . . . . . . ....... . . . . حبيتك لاحترامك
حبيت فيكي التواضع . . . . . . . . . . والعزة اللي ف كلامك
مبسوط منك لأنك . . . . . .......... . . . إسلامك كل همك
أنا أصلي قابلت بابا . . . . . . ...... . . . . واداني فكرة عنك
******

وسألته عن طباعك . . . . . . .... . . . . . إن كانت يعني هادية
فحكالي عن سماعك . . . . . . .... . . . . . لكلامه وانت راضية
وازاي بتسلي نفسك . . . . . . .... . . . . . بذكرك وانت فاضية
وحلاوة صوت تلاوتك . . . . . . . . . . . . وازاي بتكوني شادية

* * *
وسألته إن كنتي فاهمة . . . . . . . . . . . . معنى كلمة زوجين
قالي هتكونوا ورقة . . . . . . ..... . . . . . مطبوعة نسختين
غني كنت أو فقير . . . . . . ...... . . . . . ليك عند بنتي دين
سرك هيكون في بير . . . . . ... . . . . . . معرفش مكانه فين
تفضل دايماً كبير . . . . . . . ....... .. . . . في نظرها حبتين
لو جيت بفلوس كتير . . . . . ...... . . . . . تطمن جت منين

* * *
هتكون دايماً معاها . . . . . . . . . . . . سيرتك هتكون هواها
والشوق اللي ف خيالك . . . . . . .. . . . . . تلقاه لحظة لقاها
لو جيت زعلان ف مرة . . . . . . . . . . إرمي همومك وراها
ومهما شوفت بره . . . . . . . . . . . . مش هتشوف مستواها
واطمن يابني خالص . . . . . . . . . . عقلها مافيهوش تفاهة
وزي ما هي بنتي . . . . ..... . . . . . . . بنت حماتها وحماها

* * *
وسألته عن ولادي . . . . . . . . . . . . منك هيكونوا إيه؟
قاللي هيكونوا عادي . . . . . .. . . . . . فسألته يعني إيه؟!
قاللي العادي إللي كان . . . . . . . . . عند الناس من زمان
العادي بتاع سراقة . . . . . . . . . . . . وحذيفة بن اليمان
العادي بتاع أسامة . . . . . . . . . . . . وابن الحكيم لقمان
ده العادي بتاعنا إحنا . . . . .. . . . . . بنربي عليه عشان
لو جينا ولا رحنا . . . . . . ...... . . . . . هنقابل الرحمن
عمرك ما تخاف عليهم . . . . . . . . . . . ولادك في الأمان
أنا بنتي هتربيهم . . . . . . . .... . . . . ع السنة والقرآن
هتشوف ابنك بيصحى . . . . . . . . . . . مادام سمع الأذان
ينزل في الفجر يقرا . . . . . .. . . . . . بالسجدة والانسان
هتشوف في حجاب بناتك . . . . . . . . . . العفة والإحسان
هتشوف إزاي مراتك . . . . . . . . . . . هتعينك إنت كمان

* * *
وسألته عن حياتك . . . . . . . . . . . . من قبل الالتزام
قال أتذكر في ليلة . . . . . . . . . . مش فاكر أنهي عام
أذان الفجر أذن . . . . . . . . . . . . وقالتلي سيبني أنام
فدخلت الأوضه جوه . . . . .. . . . . . أجيب منها الحزام
وعبال ما رجعت تاني . . . .. . . . كات رجعت ف الكلام
الله يجازي الشيطان . . . . . . . . . . . خلاها تقول أنام
بس اطمن خلاص . . . . . . . . . . . دلوقتي بقت تمام!

* * *
قدملي مكة كولا . . . . . . . . . . . قاللي اتفضل وسمي
أحسن من سكة كولا . . . . .. . . . صدقني وخدها مني
قلتله طيب ياعمي . . . . . . . . . . . . يسعدني أقولك إني
بطلب بنتك ونفسي . . . . . .. . . . تناسبني وترضى عني
راح شادد فجأه لبسي . . . . .. . . . . . وقلب وشه وسألني

* * *
حافظ كم جزء يابني . . . . . . . . . . . . وقاري كم كتاب
احكيلي كده عن مؤت . . . . . . . . . . . أوغزوة الأحزاب
وسمع كم حديث . . . . . . ... . . . . . في الأخذ بالأسباب
وكمان سمعلي آيه . . . . . . . . . . . . ذكرت فيها الدواب
ولو شايفها صعبة . . . . . . . . . . . . قللي بتاعة الذباب
واحكيلي حلم يوسف . . . . . . . . . . . . وبراءة الذئاب
واخواته لما جولوه . . . . . . . . . . دخلوا من أنهي باب
واديني فكرة برضه . . . . . . . . . . . . بتقبض كم ثواب
وناوي ازاي تحسن.................... أنا شايفك لسه شاب

* * *
وسأل نفسه وسألني . . . . . . . . . . . . هيعوز إيه يعني مني؟
لو عندي كل حاجه . . . . . . . . . . . . وديني مش شاغلني
أحسن لك تنسى بنتي . . . . . . . . . . . . ومهرك مش لازمني
قلتله صبرك ياعمي . . . . . . . . . . . . وبراحتك امتحني
يبقى اما أسأل تجاوب . . . . . . . . . . . . خليك دايماً فاهمني
سألتك وانت ساكت . . . . . . . . . . . . خليتني أظن ظني
وفضل يسأل واجاوب . . . . . . . . . . . . وعشان خاطرك عصرني
وظهرت النتيجة . . . . . . . . . . . . وبفضل الله قبلني

* * *
قاللي مقبول في نظري . . . . . . . . . . . . مبروك عليك ياسيدي
لكن في نظرها هي . . . . . . . . . . . . نجاحك مش بإيدي
وهي زمانها راجعة . . . . . . . . . . . . من تمرين السويدي
خليك قاعد شوية . . . . . . . . . . . . استنا لما تيجي
هعملك من إيديا . . . . . . . . . . . . كباية شاي صعيدي

* * *
سابني وقعدت أفكر . . . . . . . . . . . . هل ممكن ترفضيني
طاب قولي حتى أفكر . . . . . . . . . . . . مش يمكن تفهميني
وفضل مخي يلاعبني . . . . . . . . . . . . يجيبني ويوديني
وخايف م المقابلة . . . . . . . . . . . . مرعوب بينك وبيني
ودق الباب في ثانية . . . . . . . . . . . . وشوفتك مرة تانية
مش قادر أنسى يومها . . . . . . . . . . . . وفاكر كل ثانية

* * *
ونده والدك عليكي . . . . . . . . . . . . عشان أول لقاء
دخلتي وشوفت وشك . . . . . . . . . . . . عليه نور الحياء
نور والله فعلاً . . . . . . . . . . . . مش نور بودرة وزواء
كان أول مرة أخاف . . . . . . . . . . . . من فتنة النساء
أخلاقك مش عادية . . . . . . . . . . . . وجمالك كان شفاء

* * *
قعدتي جنب والدك . . . . . . . . . . . . وسألتيني وجاوبتك
وفكل مرة أجاوب . . . . . . . . . . . . كنت باشوف ابتسامتك
ف أقول من جوه نفسي . . . . . . . . . . . . يارب أكون عجبتك
وبعد شوية قمتي . . . . . . . . . . . . ندهت عليكي مامتك
ورحتي دخلتي جوه . . . . . . . . . . . . وراح وراكي والدك
وانا قلت مش مروح . . . . . . . . . . . . غير لما أكون خطبتك

* * *
وابوكي جاني تاني . . . . . . . . . . . . وقرب من وداني
لابس كرفته سوده . . . . . . . . . . . . وبدله لون فراني
المنظر يعني كله . . . . . . . . . . . . ميدلش ع التهاني
قلتله مالك ياعمي . . . . . . . . . . . . من فضلك قول عشاني
عرقي غرقلي كمي . . . . . . . . . . . . سايبني ليه أعاني
قاللي مستني إيه . . . . . . . . . . . . فين إيدك إديهاني
البنت مش موافقة . . . . . . . . . . . . تتجوز حد تاني

* * *
كان أول مرة أعرف . . . . . . . . . . . . إزاي الناس بتفرح
سعادتي كات غريبة . . . . . . . . . . . . مش ممكن هقدر أشرح
من كتر حبي ليكي . . . . . . . . . . . . نويت أضحي وادبح
رحت اشتريت خروف . . . . . . . . . . . . وكان خروف بينطح
ده أخيراً هبقى جوزك . . . . . . . . . . . . وشجرة صبري تطرح

* * *
خطوبتنا كات بسيطة . . . . . . . . . . . . مكانش فيها زيطة
وفرحنا كان في جامع . . . . . . . . . . . . يعني مش خلطبيطة
ومامتك جت في يومها . . . . . . . . . . . . ورقعت كام سويطة
هاتولي بنتي منه . . . . . . . . . . . . دي مش فاهمة العبيطة
إنه هيخطفها مني . . . . . . . . . . . . وهتوحشني الغتيتة

* * *
صعبت عليا مامتك . . . . . . . . . . . . الموقف كان شديد
لكن فعلاً خطفتك . . . . . . . . . . . . ورحنا مكان بعيد
فاكرة ولا انتي ناسية . . . . . . . . . . . . أكيد فاكرة أكيد
من يوم ما بقيتي زوجتي . . . . . . . . . . . . وانا متهني وسعيد
معايا ف كل يوم . . . . . . . . . . . . ويوم لؤاكي عيد
عمرك ما دقتي نوم . . . . . . . . . . . . وانا تعبان أو مريض
فلوسي كات بتكتر . . . . . . . . . . . . والخير عندك يزيد
وعامله ليه دفتر . . . . . . . . . . . . ومرتبه المواعيد
وبفضل الله قدرتي . . . . . . . . . . . . وجبتيلي الوليد
وبعديها بشوية . . . . . . . . . . . . جبتيلنا عليه يزيد
وبعديه جت سمية . . . . . . . . . . . . وآخرهم كان حميد
بدعيلك كل يوم . . . . . . . . . . . . وأفضل أعيد وازيد
ربيتي عيالي دول . . . . . . . . . . . . ع القرآن المجيد
طول عمرك وانتي صافية . . . . . . . . . . . . قلبك لون الجليد
أخلاقهم مش عادية . . . . . . . . . . . . طلعنلك مش بعيد
وليد دلوقتي ضابط . . . . . . . . . . . . ومعاه رتبة عقيد
ودعوة قلبي صابت . . . . . . . . . . . . ويزيد أهو مات شهيد
وبنتك صيدلية . . . . . . . . . . . . وحميد أصبح معيد
الله برحم أبوكي . . . . . . . . . . . . راجل من نوع فريد
كل اللي قاله فيكي . . . . . . . . . . . . أنا عشته بالتحديد

* * *
عشت معاكي ف حكاية . . . . . . . . . . . . أحلى وأجمل رواية
حكايتي كات معاك . . . . . . . . . . . . وحكايتك كات معايا
اديتك كل عمري . . . . . . . . . . . . وهمك كان رضايا
وعمرك خدته منك . . . . . . . . . . . . وقربك كان دوايا
وخلاص العمر راح . . . . . . . . . . . . راحت أيام صبايا
ومسافر رحله صعبة . . . . . . . . . . . . وزادي مش كفايه
مش عاوز أشوف دموعك . . . . . . . . . . . . بالذات ف يوم عزايا
أنا عارف إنتي عارفة . . . . . . . . . . . . إن الموت مش نهاية
دي لسة الرحلة طالعة . . . . . . . . . . . . والموت خط البداية
إدعيلي يمكن أوصل . . . . . . . . . . . . وأشوف هناك حمايا
أنا عارف إنه فيها . . . . . . . . . . . . محجوزله هناك سرير
****
وسلامي في النهاية . . . . . . . . . . . . أنا خلصت الحكاية
لو يوم فكرتي فيه . . . . . . . . . . . . إقري شعري وغنايا
وأمانه ف كل مرة . . . . . . . . . . . . تدعي لي بالهداية
عسى ربي بدعائك . . . . . . . . . . . . يغفر ليا الخطايا
[/size]
منقول

جميل جدااااااااااا يا بشمهندس
وفعلا ياريت البنات تبقي كلها كده

بجد أكتر من رائع يابشمهندس وياريتها كانت أطول من كده
ربنا يهدى كل البنات الى ما يحب ويرضى
وفقكم الله

رغم إن فيه أفلاطونية ومثالية زيادة عن اللزوم فى البنت المذكورة دى ومش ممكن تلاقيها إلا فى شطحة مثلا زى فريدة كده حالة

شاذة إنما الكلام روعة جدا وأتمنى إن البنات كلهم يبقوا كده رغم إن الواقع يخالف ذلك بالمرة.

شكرا جزيلا على الكلام الرائع ده يا بشمهندس وهذا ليس بمستغرب عليك

والله الموفق

جميل جدا يا بشمهندس
مكنتش عايزها تخلص
وياريت الناس كلها تبقى كدة
موضوع اكثر من رااااااااااائع

flower2

يارب البنات تبقى كلها كدة !!!!!!!!!!!!!! 2696

بنت مصر كتب:: جميل جدااااااااااا يا بشمهندس
وفعلا ياريت البنات تبقي كلها كده

شكرا لمرورك العطر بنت مصر
وربنا يسمع منك والبنات كلها تبقي كده!!!!!

قصيدة جميلة جدااااً أكثر من رااائعة
وكلماتها في قمة الروعة

وربنا يهدي جميع فتيات المسلمين

أحييك بشمهندس الفرعون العاشق علي حسن اختيارك وذوقك الجميل

edbs كتب:: بجد أكتر من رائع يابشمهندس وياريتها كانت أطول من كده
ربنا يهدى كل البنات الى ما يحب ويرضى

الرائع هو مرورك الكريم يا بشمهندسة وردك الجميل
ويارب تكون كل البنات كده

الحبار كتب:: رغم إن فيه أفلاطونية ومثالية زيادة عن اللزوم فى البنت المذكورة دى ومش ممكن تلاقيها إلا فى شطحة مثلا زى فريدة كده حالة

شاذة إنما الكلام روعة جدا وأتمنى إن البنات كلهم يبقوا كده رغم إن الواقع يخالف ذلك بالمرة.

شكرا جزيلا على الكلام الرائع ده يا بشمهندس وهذا ليس بمستغرب عليك

والله الموفق

شكرا لمرورك يا بشمهندس واطرائك
انا متفق معاك يا بشمهندس الحبار في مثالية الكلمات الزائدة ولكن
لعل وعسي يأتي اليوم الذي نجد فيه بنات علي هذه الشاكلة

تسلم ,,, بجد الموضوع حلو أويييييييييييييييييييييييييي

lol!

و,,,,,,,,,,,,

يا رب

النبات ,,, تبقي فعلا كلهااااااااااااااااااااااااااااا ,,,,, كده

يارب البنات تبقى كلها كدة !!!!!!!!!!!!!! 2696

lقصيدة رائعة جدا جدا جدا يابشمهندس
وفعلا اختيارك اكثر من رائع وكلها حلوة
وياريت ابوها يسالنى زيو كده
وياريت توافق عليا زيو فى الاخر كدة
مشكوووووور ياباشا

zayed كتب:: جميل جدا يا بشمهندس
مكنتش عايزها تخلص
وياريت الناس كلها تبقى كدة
موضوع اكثر من رااااااااااائع

الأجمل هو مرورك وردك الجميل يابشمهندس

وفعلا ياريت الناس كلها تبقي كده

MISS_R كتب:: قصيدة جميلة جدااااً أكثر من رااائعة
وكلماتها في قمة الروعة

وربنا يهدي جميع فتيات المسلمين

أحييك بشمهندس الفرعون العاشق علي حسن اختيارك وذوقك الجميل

شكرا علي مرورك العطر يا بشمهندسة الذي أضاء الموضوع وشكرا لإطرائك

وربنا يهدي جميع الفتيات لما يحبه ويرضاه

قصيده جميله جدا

غايه في الروعه
تسلم ايدك يا بشمهندس

تسلم ايدك يا باشمهندس

قصيده في قمه الجمال

يصفق

قصيده جميله جدااااااااااااا يابشمهندس وفوق الوصف من البدايه حتى النهايه ويارب كل بنات المسلمين يكونوا كده فعلا لان المنزل الصحيح لازم يكون اساسه الدين اولا وبعد كده كل الحاجات المذكوره في القصيده

eng_ghost كتب:: تسلم ,,, بجد الموضوع حلو أويييييييييييييييييييييييييي

و,,,,,,,,,,,,

النبات ,,, تبقي فعلا كلهااااااااااااااااااااااااااااا ,,,,, كده

شكرا لمرورك العطر الذي أسعدني جدا يا بشمهندس

يارب فعلا البنات كلها تبقي كده!!!!!!!!!

كلمات فى منتهى الروعة و التأثير
ربنا يصلح حال جميع بنات المسلمين
شكرا ليك يا بشمهندس على هذه
القصيدة الجميلة
و دايما اختيارات موفقة منك يا بشمهندس

موضوع رائع
وقصيده اكثر من رائعه
جزاك الله كل خير

shoot em up كتب:: lقصيدة رائعة جدا جدا جدا يابشمهندس
وفعلا اختيارك اكثر من رائع وكلها حلوة
وياريت ابوها يسالنى زيو كده
وياريت توافق عليا زيو فى الاخر كدة
مشكوووووور ياباشا

شكرا يا بشمهندس علي مرورك العطر وردك الجميل وبنا يكرمك بواحدة......

السنيوره الكنزيه كتب:: قصيده جميله جدا

غايه في الروعه
تسلم ايدك يا بشمهندس

شكرا علي مرورك العطر يا بشمهندسة

» ليه بس تبقى كئيب لما ممكن.............
» ابتسم..بكره تبقى مهندس
» عشان تبقى سعيد طول اليوم
» عايز حبيبتك تبقى مراتك....
» تحب تبقى رئيس أمريكا ولا محافظ بورسعيد ؟؟؟