هى:
حياءَك مانعنى
أقولك تاخدنى
لدنية عنيك
و حاسه ان أملى
أقولك يا عمرى
و اسلم عليك
الاقى الأمان
ف بحر الأمانى
تطبطب عليه
و اطبطب عليك
و نسكن جزيرة
و ابقى الأميره
و لا أمر عليك
تعدى النسايم
بتحمل غنايم
فرحة و سعادة
تلامس ايديك
فتلمس جبينى
تنور سنينى
و اسرح و اسرح
فاحلم بيك
الاقى اللى مانع مابينى وبينك
حياءنا اللى ساكن فيه و فيك
هو:
وخجلِك مانعنى
أجولِك حبيبتى
و أطوّل و أعيد
و حاسس بحبى
بيسكن جوانبى
و ماشى فى جسمى
كانه وريد
و مهما تجرب ما بيننا المسافة
تمللى بحس انك انت بعيد
أخاف لو أجرب
و احاول و اجرب
تضيعى ويخلص
حلمى السعيد
عشان كده بصبر
و اخطط و ادبر
و عمرى ما هوصل
و ده شىء أكيد
هبص ف عينييكى
ثوان و أبعد
عشان طبعى ريفى
و جاى م الصعيد...
موضوع: حوارهما المستحيل 
الإثنين 8 يونيو - 13:12
