أما صحيح عالم شبابيك ,,,,,!!!

xoxoxox أما صحيح عالم شبابيك xoxoxox

*
*
*

شبابيك شبابيك
والناس طوابير
شايلين مواويل ..
ف همومها تبات
م النجمة تقوم .. تحكى حواديت !

شبابيك شبابيك
ووراها كتير
من أصغر نملة لأكبر فيل
حاملين أختام واحبار واقلام
حاكمين بروتين من عهد إيزيس !

شبابيك شبايك
قاعدة بتتأمر ف الكواليس !
:- صورلى ورق ...
إملالى بيانات ..
فين الطلبات ؟؟؟؟
هات الدمغات
وف ثانية تلاقى الكون كوابيس !
تمشى يا مسكين نفسك تصحى "ا"
دايخ
تايهه
عايز بَصَلة !
فين البُصلة ؟
قبل ما تتبعطر ف الطرقة !
عايز حبة لمنع الغم
وشربة صبر فحرقة دم
ويا سلام لو ماكنة تصوير
أصل الهم دا نسخه كتير !
وأسانسير ..
يرحم لفك م المشاوير
وبعد دا كله
ترجع تاااانى للطوابير
تلقى "ا" الناس وافقين زنهار!
وكأنه اتعاد زمن التحنيط !
ويعدى نهار
فجأة يِفُطْ صاحبنا الخُطْ
ومعاه مُزمار ..
بيغنى ف حلمك من حواليك !
:- عايز تِخْلَصْ ؟
حُطْ الفيشة !
ناولنى ولَخَصْ
تحلى "ا" العِيشَة
! أما غريبة
يعنى أنا داير م الصبحية ..
زى البغل ف قلب الغيط !؟
لوانى عرفت ..
ما كنت لا رُحْتْ هناك ولا جيت !
:-يلا يا باشا
إبرز تنجز !
تلقى الشبابيك ملك إيديك
بتقول ليك شبيك لبيك

!
xoxoxox أما صحيح عالم شبابيك xoxoxox

» هل صحيح أن الحب يُقذف في القلب من أول نظرة؟
» بلد بتاعت امتحانات صحيح....!!
» صحيح: مصر دمها خفيف!
» صحيح الحب بيضيع بعد الجواز؟
» بين كرامتك وقلبك ماذا تختار ؟؟؟؟؟؟؟؟؟ ( مدمـــــــــــج )