البت الشقرا دي جمهورية باين عليها، بتدافع عن التعذيب والراجل ده بيهاجم التعذيب وبيحكي على موضوع الووتر بوردينج اللي هو انهم يغطوا وش المسجون وينزلوا عليه مية بحيث يحس انه بيغرق، او يغطسوه في مية: بق بق بق عشان يعترف
بيقول ان مقاتلين من الجيش الامريكاني في فييتنام اتعرضوا للووتر بوردينج وان ده تعذيب وبعدين بيتكلموا عن نانسي بولوسي بتاعة الكونجرس وفي ادارة اوباما اللي ارتبكت في اقوالها بخصوص معرفتها بامر التعذيب، في الاول قالت هم ما قالوش وبعدين قالت هم قالوا بس ما فسروش، هبلت يعني، فهو بيقول لها لو من الاول ما عذبناش الناس ما كانش المأزق ده كله اتعمل، التعذيب تعذيب، لو ح نتكلم بوصفنا دولة فيها قانون التعذيب مش قانوني، راحت البت الشقرا قالت له بس دي اساليب معترف بيها وخالد الشيخ محمد ما اعترفش غير لما اتعذب! فهو قال لها لا، خالد الشيخ محمد كل اللي قاله كان قبل التعذيب، وبعدين قال لها: لو الووتر بوردينج حاجة كويسة، ليه مش الشرطة مش بتستخدمه مع المشتبه فيهم عشان تستخرج منهم المعلومات، لو الووتر بوردينج حاجة كويسة ليه ما استخدمناهوش مع مفجري اوكلاهوما عشان نعرف اذا كان لهم شركا وللا لا؟ فالست اللي جنبه قالت له: اه صحيح ليه؟ قال لها: انت بتسأليني، الظاهر اننا مش بنعذب غير المسلمين. راحوا مغلوشين عليه زي ما ح تشوفوا في الفيديو، وفي الاخر بيقول لها اديني ديك تشيني اعذبه ساعة وانا اخليه يعترف بانه قتل شارون تيت (ممثلة امريكية اتقلت في السبعينات) ده تلخيص مش كل اللي في الفيديو
PRINCESS مشرف عام على الأقسام ومشرفة قسم إسلاميــات وكورسات هندسيه
عدد المساهمات : 2385 تاريخ التسجيل : 28/06/2007 العمر : 36 الموقع : جامعة أسوان رقم العضوية : 19 Upload Photos :
موضوع: رد: We only seem to waterboard Muslims الإثنين 25 مايو - 8:27
انـــا لو هددوني بس انهم هيعذبوني بالغرق هقول اني اللي فجرت البرجين واني عارفة كل بتوع القاعدة واعرف اماكنهم كمان
واعتقد ان هو ده اللي بيقصده وهو ده السبب اللي بيمنع اي دولة انها تستخدم التعذيب كوسيلة للاعتراف مش عشان الرحمة وانهم طيبين ... لأن العقل والمنطق اي حاجة هيقولها اللي بيتعذب هتبقي مش بالضرورة صح
وبالمناسبة فيه طريقة تانية اثبتت فشلها برده ودي شوفتها في برنامج وثائقي وهي جهاز كشف الكذب .. وعن طريق تجربة عملوها اثبتوا ان النتائج اللي بتطلع عن طريق الجهاز ده مش بتكون ثقة والتجربة هي انهم جابوا مجموعة من امهر الطلاب في الكتابة علي جهاز الكمبيوتر وقالوا لكل واحد لوحده عايزينك تكتب المقال ده بأسرع وقت .. لكن اهم حاجة ماتدوسش علي زرار الكنترول ولو دوست عليه هيمسح بيانات مهمة جدا علي الجهاز في الكيبورد .. وفعلا الطلبة كانوا بيكتبوا بسرعة جدا وفي وسط الكتابة .. يحصل صوت انذار او حاجة زي كده ويقوله انت دوست علي زرار الكنترول صح في أول مرة الطالب بيقول لأ طبعا لكن بيقوله ده الجهاز متوصل بغرفة تانية ومتابعين الزراير اللي انت دوست عليها وانت فعلا دوست عليه .. وهكذا لغاية ما الطالب بيصدق فعلا انه داس علي الزرار وطلعت النتيجة ان من اصل 10 طلاب منهم 8 اعترفوا انهم داسوا علي الزرار فعلا والخلاصة من الكلام ده كله ان ممكن تكون نتايج جهاز كشف الكذب غلط لنفس السبب من كتر ما الواحد خايف من نتايج الجهاز .. بتطلع نتيجته انه كداب فعلا
وبكده نطلع بنتيجتين التعذيب وسيلة فاشلة وجهاز كشف الكذب وسيلة فاشلة برده
موضوع: We only seem to waterboard Muslims 
الأحد 24 مايو - 13:37
