اهداء لكل اللي بيذاكر ,,,!!

[ندعوك للتسجيل في المنتدى أو التعريف بنفسك لمعاينة هذا الرابط]

بما اننا داخلين على امتحانات والمفروض اننا بنذاكر
قلت افكركم بالمذاكره واهو اخد فيكم ثواب يمكن افتكر انا كمان واذاكر

كلنا سمعنا بابا وماما بيقولوا
"ذاكر عشان تنجح"
"لو ماذاكرتش ابقى قابلنى لو نفعت"
عادى يعنى كلام مكررررررر ومابيجيبش نتيجه
مش عارفه ليه مصممين يقولوه برضه
المهم بقى بعد الفحص والتفكير والنعكشه فى معانى الكلام توصلنا لايه؟؟؟؟؟؟
هما بيقوله : هتذاكر هتنجح
مش هتذاكر هتسقط

وبما ان هتنجح = مش هتسقط

اذن

هتذاكر= مش هتسقط ------------ (1)
مش هتذاكر= هتسقط ------------ (2)

بجمع (1) و(2)

هتذاكر+ مش هتذاكر = هتسقط+مش هتسقط

ناخدعامل مشترك

هتذاكر(1+مش ) = هتسقط(1 + مش)

بالقسمه على (1+مش)

النتيجه النهائيه : هتذاكر = هتسقط
ههههههههههههههههههههههه
عرفتوا بقى احنا مش بنذاكر ليه
عشان مصلحتنا طبعا

اللى مش عارف المعادلاات دى جت ازاى؟ يبقى فعلا محتاج يذاكر ويستاهل كل اللى يجراله
المعادلات دى منقوله... عشان انا كنت ادبى

وطبعا فى المقوله الشهيره الصائبه فى معظم الاحيان
والتى قالها العالم المشهور المغمور اللى مافيش بعده صاحب الرأى الرشيد والكلام السديد اللى هو اختى

العلم نور
والنور كهرباء
والكرباء خطر
فاحترس من العلم

[ندعوك للتسجيل في المنتدى أو التعريف بنفسك لمعاينة هذا الرابط]
بعد الكلام الجميل اللى فوق ده بقى اللى جاى على مزاجنا ويريح كتير
نيجى بقى للكلام اللى بيوجع
زمان قالو:

شكوت الى وكيع سوء حفظى .. فارشدنى الى ترك المعاصىوقال ان العلم نور.............. ونور الله لا يهدى لعاصى

حد فكر قبل كده فى معنى الكلام ده
وان سبب اننا بنتعب فى المذاكره هو ممكن يكون حاجه غلط عملناها
الغلط ده ممكن يكون كبير زى عقوق الوالدين او النظره الحرام و...
او يكون صغير زى الكلام الخارج والاغانى الهابطه و...
والرسول عليه الصلاة والسلام قال:"اياكم ومحقرات الذنوب"
يعنى انك تعمل ذنب وتقول ده صغير .. مش مشكله

اكيد كلنا عارفين المقوله دى وعارفين معناها او على الاقل عارفين العكس,
عارفين اننا لما بنيجى نذاكر وعايزين ربنا يكرمنا بنعمل خير ونصلى فى الجامع
والجامع شاهد علينا فى امتحانات الثانويه العامه
:)
ربنا يتقبل منا جميعا ويعينا على عمل الخير
ونفكر قبل مانعمل اى حاجه غلط ان ده هيضرنا بشكل مباشر
يعنى ايه مباشر
يعنى هتلاقى نتيجه عملك امامك وبسرعه
لاننا كتير بنفكر ان لسه بدرى على الموت والحساب

يارب اكون عرفت اوصل وجهة نظرى
عشان انا قرات البوست وحاسه انه ملخبط خالص
المهم
نفتكر
شككوت الى وكيع سوء حفظى فارشدنى الى ترك المعاصى
وقال ان العلم نـــــــــــــــــــور ونور الله لا يهدى لعاصى

و ليه يا عم بس تقليب المواجع ده

بس كلامك مظبوط جداااااااااااااا جدااااااااااا

و شكرا على التنبيه يا باشا

ربنا يهدينا عموما ويهدينا علي المذاكرة خصوصا
المشكلة ان الواحد بقي شوية نفسه يقطع الكتب مذاكرة
وكتيييير مش طايق يشوف شكل الكتاب اساسا
وربنا يستر من الحالة التانية دي في الوقت ده بالذات

شكرا كتير وجزاك الله كل خير علي الموضوع اللي جاي في وقته
ً

شكرا ليك على الموضوع اللى فعلا جاى فى وقته ده
ربنا يهدينا ويصلح حالنا ويغفرلنا ذنوبنا ويكرمنا بفضله واحسانه وبكرمه علينا وميعقبناش بذنوبنا لان لو ربنا عاقبنا بذنوبنا مش عارفه الواحد هيروح فين لكن دايما نطلب ان ربنا يكرمنا بكرمه لانه هو الكريم
وفى حاجه تانى برضو يا ريت نكثر من الاستغفار لان الاستغفار فوايده كتيييييييييييير جدااااااا
استغفر الله العظيم الذى لا اله الا هو واتوب اليه
جزاك الله كل خير عنا

» اللي بيحب بجد...ياريت يدخل هنا....واعرف قيمه اللي بيحبك..
» ليه البني ادم بيذاكر؟
» اهداء الى شعب مصر
» اهداء خاص لكل الغالين
» اهداء الى كل ذكر وانثى