صعب أوي !!!

[ندعوك للتسجيل في المنتدى أو التعريف بنفسك لمعاينة هذا الرابط]

صعب عليا اوي وانا كاتبه الكلام ده...صعب عليا اكتر وانا بحـــكيه..ساعات كتير بتحـصل حاجات غريبه.....

مابنبقاش عارفين حصلت ازاي وليه ومابنصدقشي..ساعات صعبه علينا أوي لما أقرب الناس لينا ومن لحمنا

ودمنا بيبقوا سبــب في تعاســتنا..بيبقوا هما اللي طفوا نور جمــــيل كان على وشـــــــك انه ينور حياتنا....

نور فعلا استنيناه وياما اتمنيناه..الأغرب اننا عمرنا ماكان يجي في بالنا ان ده بالذات ممكن يحصل منهم....

وتمر الايام وتعدي الســـــنين واعرف ده بعد سنتين؟؟؟؟

.أعرف الحقيقه اللي فضـــــلوا مخبينها بعد سنتين.....أنا مش عارفه اذا كنت زعلانه منهم ولا لأ.بس اللي انا عارفاه دلوقتي ان أنا مضايقه أوي...جايز أكون مضايقه منهم..جايز اكون مضايقه من الحصل..جايز اكون مضايقه من كتر اللي بيحصل...الموضوع بالظبط فات عليه سنتين,انا فيهم في الاول حاولت كتير انسى وفعلا عدى وقت كتير نسيت فيه خالص او كنت بتجاهل التفكير فيه......

انا فضلت سنتين بحالهم وانا فاهمه غلط.لان ماحدش قالي حاجه وكنت ايامها بزعل كتير اوي وافضل محتاره كتير ومش لاقيه تفسير لحاجات كتير كانت بتحصل قدامي.وده لان كانت حلقه مفقوده بيها كانت كل حاجه هتتفسر...

كل اللي عرفت اعمله اني مش هصدقه ولا هصدق اللي بيحصل معايا.

.جايز هو غلطان عشان ماقالشي الكلام ده ليا بس برضو هو ماقالشي لحد غريب.هو قال لأقرب الناس ليا بعد ماما وبابا...اللي مستغرباله انهم ماجابوش ليا سيره خالص...........والاغرب كمان قالوا ليه كلام كتير على لساني انا ماقلتهوش..زعل اكيد مني وقتها ماهو اكيد كان معاه حق....صحيح هما قرايبي بس اكيد مش من حقهم يقولوا كلام على لساني مش صحيح بحجه المصلحه واحنا خايفين عليكي والحوارات دي.............

انا بجد النهارده انا لقيت اجابات كتير لأسئله ياما سألتها لنفسي من سنتين.....هو صعبان عليا أوي عشان انا كنت ظلماه

في وقت هو عمل فيه كل اللي يقدر عليه عشان يوصللي كلامه وبرضو ماوصلشي.....مرور سنتين مش حاجه سهله خالص,,,,,

كل حد فينا حاجات كتير اوي اتغيرت في حياته.راحت حاجات وحصلت حاجات وبمرور الوقت فالموضوع ده منتهي بالإجبار؟؟؟

أنا مابقيتشي عارفه أنا مفروض افكر إزاي..مابقيتشي عارفه اصدق مين ولا أكدب مين؟؟؟؟

اصدق قلبي اللي كان بيقوللي دايما انه بجد ولا اللي كنت شايفاه قدام عنياوطلع كله غلط..زي مانا فهمت الموضوع كله غلط فهو كمان فاهم الموضوع زيي غلط واكيد برضو مازال ظالمني....

عايزه اعمل حاجات كتير بس مش قادره. وماينفعشي....ساعات بقول ياريتني ماعرفت الحقيقه وكان الموضوع بالنسبه لي صفحه واتقلبت..

دلوقتي بقى الايام بتدور دايما في صفحاتي القديمه وتعدل فيها وتغير وتشيل حاجات وتزيد حاجات..وتسيب برضو الصفحه زي ماهي راحت ولا جت فهي صفحه قديمه...والمطلوب مني اني أقلب الصفحه القديمه ورا الصفحات اللي زيها.....

صعب عليا أوي وأنا بقلب الصفحه المره دي,,,,,,,,,,

صعب عليا أوي وانا عارفه اللي مكتوب فيها,,,,,,,,,,

صعب عليا أوي وأنا بعمل نفسي ولا فارقه معايا,,,,,,,,,,,

صعب عليا أوي وأنا عارفه انه مش عارف الحقيقه زي مانا عرفتها,,,,,,,

صعب عليا أوي وأنا بكتب الكلام ده,,,,,,,,,,,,,,,,,

صعب عليا أكتر وأنا هاشوف الكلام ده دايما مكتوب,,,,,,,,,,,,,,

(اعذروني المره دي لو حد قرأ الكلام ومافهمشي حاجه لأن دي الكميه من الكلام اللي سمحت لنفسي اكتبها)

*** تعليقي الشخصي ***

طبعا وانا كمان بعتذر لومحدش فهم حاجه من الكلام ده ,,انا بس نقلته لأنه لمس فيا مشكله ومشاعر كنت عايش فيها

ياتري ,,, تفتكر أنك لو أكتشفت أنك كنت ظالم حد عزيز عليك أوي ,,, وده كانت بسبب ما

أي سبب ,,, غالبا بيبقي سوء فهم

تفتكر هل هتلاقي في نفسك الشجاعه انك تعترف بغلطك قدامه

هل عندك الجرأه أنك تحط نفسك في موقف ( ضعف ) بالنسباله ؟؟

ولا هتقول كرامتك أعلي ,,, وهتقسي وعادي

اللي ظلم مره يقدر يظلم التانيه

طب ولو العكس حصل معاك ,,, اتفهمت غلط وحاولت بكل الطرق انك تقول وتعبر عن اللي جواك

بس ,,, ماوصلش

لأي سبب ,,, وأتظلمت من أقرب واحد علي قلبك

ياتري ,,, هتعمل ايه ,,, وهل برضوا هتحكم كرامتك في الموضوع

وأهم سؤال في ده كله ,,,, ليه ؟؟

أعتذر علي الاطاله ,,, وفقكم الله

بس الاعتراف بالحق فضيله وماهو بعيب ولا حرام يابشمهندس ان الانسان الواضح الصريح انه يعترف بخطأة ال بنى ادم مننا ماهو بملاك معصوم من الاخطاء مو هيك؟وبعدين الاعتراف بالخطأ ماراح يقلل شأن الواحد مننا بالعكس راح يزيد شأنه اما اذا كان راح يعرف انه غلطان ومابيعترف ب هيك اكيد عنده نقص ( والساكت عن الحق شيطان اخرس) ولا انت شو رئيك

شكرا يا بشمهندس علي الموضوع وبالفعل يحدث كثيرا مثل هذا الموضوع

وصدقني لو كانت المشاعر صادقة وحقيقية ستجعلهم يتقبلون أخطائهم ويسامحون

والإعتراف بالخطأ أهون بكثير من الإصرار عليه

فعلا الموضوع ده بيحصل كنير اوى انك تتفهم غلط او ان حد يفهمك غلط وبتبقى مش عراف تعمل ايه عشان تصح الغلط ده
بس انا فى راى انك لواتفهمت غلط حاول التصحيح مره واتنين وتلاته و ............. لحد لما الحقيقه تبان خاصة لو كان الانسان اللى فاهمك غلط ده عزيز عليك
اما لو ظلمت حد وفهمته غلط فلازم تلتمسله العذر وتسامحه عشان انت كان ممكن تكون فى مكانه فتتعامل باللى انت عايز اللى قدامك يتعامل معاك بيه
اما بقى بالنسبه لاجابة السؤال " ليه؟؟" فالسؤال ده ان تقريبا بساله لنفسى فى اليوم الف مره وعلى حاجات كتير ودايما بتكون الاجابه "................." مفيش اجابه
انا اتعودت انى طول ما وصلت للسؤال ليه ده يبقى انا وصلت للنهايه ولطريق مسدود فى الموضوع ده وبيفضل دايما السؤال"ليييييييييييييه؟؟؟؟؟؟؟؟؟؟؟؟
شكرا ليك على الموضوع الجميل ده يا بشمهندس