بحبك ياريس (تحية تقدير واجلال للرئيس محمد حسنى مبارك)

في الاونه الاخيره ظهرت جماعات كثيره تسب وتلعن في هذا الرجل وانا وفي هذا الموضوع لا ادافع عنه لكن اقدم لكم صوره حيه عن حياته وانتم عليكم الحكم وهل ما قدمه هذا الرجل في الماضي كفيل ان يشفع له الان ام ماذا؟

الاسم...
محمد محمود ابراهيم حسني عبد السلام مبارك.
تاريخ الميلاد.
الرابع من مايو عام الف تسعمائه وثمانيه وعشرين(4\\5\\1928)
مكان الميلاد.
كفر مصلحه\\مركز شبين الكوم\\ محافظه المنوفيه.
تلقي تعليمه الاول في كتاب الشيخ (محمد سليمان)وبعدها في مدرسه كفر مصلحه الابتدائيه المشتركه.
وبعد ان اتم تعليمه الاعدادي والثانوي التحق بالكليه الحربيه عام(1944).وتخرج منها عام(1948).حاصلا علي بكالريوس في العلوم العسكريه.
وفي عام (1950) حصل علي بكالريوس العلوم الحربيه الجويه.
ورشحته الدوله هو واربعه من رفاقه للذهاب لبعثه الي الاتحاد السوفيتي ليحصل منها علي شهاده اكادميه (فرونز) للطيران الحربي عام (1954).
وهذه الشهاده لم يحصل عليها سوي عشره اشخاص في العالم حتي الان.
وعاد بعدها للعمل في الاكادميه المصريه للدفاع الجوي عام(1952 الي عام1959)برغم العروض الامريكيه والفرنسيه للعمل بها كمدرس للطيران.
وفي عام (1964)عين من قبل السيد الرئيس الراحل جمال عبد الناصر كقائد لقاعده غرب القاهره للدفاع الجوي.
وعام(1968)عمل كمدير لاكادميه القوي الجويه المصريه .
وتم تعيينه عام(1969)رئيسا عاما لاركان حرب القوات لجويه المصريه بعد حصوله علي شهاده الدكتوراه من جامعه المنيا للدفاع الجوي.
وفي عام (1972) عمل كقائد عام للقوات الجويه المصريه ونائبا لوزير الدفاع المصري.
وشارك في وضع خطه الهجوم الجوي لحري اكتوبر عام
(1973) وبرع في اختياز الدفاعات الجويه الاسرائليه.
وله عمله المئثور عندما انتهت الطائرات الحربيه المجهزه للحرب وبدات حصون الدفاع المصري في الانكشاف قام بيده بتركيب صواريح الطائرات الحربيه في اجسام طائرات التدريب الغير مجهزه وادخلها في الحرب.
وكان هو اول قائد لهذه الاسراب بنفسه.
وبعد انتهاء الحرب ولبراعه الحربيه المنقطعه النظير قام الراحل محمد انور السادات في تعيينه كحامل لواء مصر عام (1974).
وبعدها وفي عام (1975) بتعيينه نائبا له في رئاسه الدوله.
وفي عام (1979) وبعد تغيير اسم الاتحاد الاشتراكي للحزب الوطني قام الرئيس انور السادات بتعيينه نائبا عاما للحزب الوطني.
ملحوظه...
محمد حسني مبارك كان من اول المعارضين لاتفاقيه السلام ورفض الذهاب مع الوفد المصري الذي كان يرئسه الزعيم الراحل.
وحتي الان لم تطا قدمي الرئيس مبارك ارض اسرائيل.
وتولي سيادته الحكم خلفا للرئيس الراحل محمد انور السادات.
ومنذ ذلك الحين وهو يعمل.
رئيس جمهوريه مصر العربيه....
رئيس الحزب الوطني الديمقراطي...
القائد الاعلي للقوات المسلحه المصريه...
وعضو من اعضاء المكتب السياسي للحزب الوطني....
وعلي الصعيد العربي والافريقي.
عام(1989الي عام1990) رئيسا للوحده الافريقيه.
عام(1996) رئيسا للقمه العربيه في القاهره..
عام(1998) رئيس منظمه الخمس عشر الافريقيه حتي الان..
__________________________________________________ ___________
هذا هو مبارك الرجل والانسان فهل من مبارز...
وهل كل ما عمله لا يغفر له ما يحدث الان.
ده ابوك لو طول عمره بيضربك لما يكبر وتحث انه عاجز بتحاول تتحمله وتقف جانبه برغم انك من الممكن انك تكون مبتحبوش....
اسف جدا علي الاطاله....
انا المصري الي بيحب مبارك بس ممكن اكون متضايق من اعمال الحكومه وده مش ممكن يدي اي حد الحق في اهانه هذا التاريخ العظيم.
تعليق اخير.
لما قام التلفزيون السعودي باذاعه حلقات الملك فاروق تحول الكره الذي كان يجتاح المصريين الي حب وتعاطف مع هذا الرجل مع انه لم يقدم ما قدمه حسني مبارك للشعب المصري.
ملحوظه اخيره...
مبارك كان من الضباط الاحرار.....
لك مني التحيه والرجاء بقلب الاحوال جناب الرئيس...

لسلام عليكم ورحمة الله وبركاته

اهداء الى العمده
وكل محبى الريس الباقى مبــارك

لما بشوف الاوبريت ده بحن كده لمبارك

الاغنيه واقعيه اوى

بحس فعلا انه طيب

يا على الاعلام ياه

احنا ظلمنا مبارك يا جماعه

يلا ربنا يسمحنا

و الله يا ابنى احييك على الموضوع المتميز ده

لانه فعلا الراجل ده عمل كثير جدا كويس لمصر

و مفيش حد مبيغلطش و كل رؤساء و ملوك العالم بيغلطوا

بس مشكلة الشعب المصرى انه مبيعجبوش حد

و حتى لو الشعب نفسه اختار حد هيجى بعد شوية يقولك ده فيه و فيه

و ربنا يهدى يا رب

و أنا بحب كل الرؤساء اللى حكموا مصر

لأن كل واحد أثبت نفسه فى الفترة اللى كان موجود فيها

و هذا هوه رأيى الشخصى

Terminator كتب:: و الله يا ابنى احييك على الموضوع المتميز ده

لانه فعلا الراجل ده عمل كثير جدا كويس لمصر

و مفيش حد مبيغلطش و كل رؤساء و ملوك العالم بيغلطوا

بس مشكلة الشعب المصرى انه مبيعجبوش حد

و حتى لو الشعب نفسه اختار حد هيجى بعد شوية يقولك ده فيه و فيه

و ربنا يهدى يا رب

و أنا بحب كل الرؤساء اللى حكموا مصر

لأن كل واحد أثبت نفسه فى الفترة اللى كان موجود فيها

و هذا هوه رأيى الشخصى

شكرا يابشمهندس على مرورك الكريم وردك العقلانى

حصريا انجازات مبارك

الأحوال المالية

ديون : إجمالي 614 مليار جنيه

الفقر : 35% من الشعب تحت خط الفقر أقل من1 دولار في اليوم

نقود مهربة : 300 مليار دولار خرجت من البلاد

الجنيه المصري : الدولار= 85 قرش سنة1981م و 6 جنيهات سنة 2005 م

الأحوال الصحية

السرطان : تضاعف 8 مرات .. أعلى نسبة في العالم

الذبحة الصدرية :20 % من الحالات شباب تحت الأربعين

البلهارسيا : أعلى نسبة في العالم

السكر : ‏7‏ ملايين .. ‏10 %‏ تقريبا من عدد السكان

إلتهاب كبدي : 13 مليون .. 20 % من الشعب

فشل كلوي : أعلى نسبة في العالم

شلل الأطفال : موجود في 6 دول في العالم فقط منهم مصر

الإكتئاب : ‏20‏ مليون مواطن

أمراض نفسية ( أخرى) : ‏6‏ ملايين

التدخين : 80% من البالغين مدخنين

التلوث : أعلى نسبة في العالم ... تلوث للهواء ومياه الشرب

والتدهور في التربة والمناطق الساحلية .. خسائر 30 مليار جنيه

الانفاق الحكومي : 10 دولار للفرد سنوياً
الأحوال الاجتماعية

القضايا : 20 مليون قضية بالمحاكم .. أقدمها من 38 عام حتى الاّن

البطالة : 29% من القادرين على العمل .. حوالي 5 مليون شاب

الانتحار : 3 اّلاف محاولة سنوياً

حوادث الطرق : 6 آلاف قتيل سنويا و 23 الف مصاب

الطلاق : 28%

العنوسة : 7 مليون عانس .. 4 مليون فوق 35 عام

الهجرة : 4 ملايين مهاجر : 820 ألفاً من الكفاءات و 2500 عالم في تخصصات شديدة الأهمية .. 6 ملايين طلب هجرة للولايات المتحدة وحدها سنة 2005

الأُمية ( الحالية) : 26% من الشعب المصري

الأُمية ( المستقبلية) : 7% من الأطفال لا يدخلون المدارس بسبب الفقر .. غير الهاربين بعد الدخول

التعليم : دروس خصوصية ، كتب خارجية ، جامعات خاصة للربح فقط

عمالة الأطفال : نصف مليون طفل

أطفال الشوارع : تقرير الأمم المتحدة : 100 ألف طفل

عشوائيات : 45% من الشعب يسكن العشوائيات.. 35 منطقةعشوائية بالقاهرة فقط

موظف الحكومة : تحت خط الفقر ويؤخذ منه ضرائب( ستة جنيهات متوسط دخل الموظف يومياً )

المخدرات : 6 مليار دولار سنوياً في تجارة المخدرات
مشاكل أخلاقية

رشوة، محسوبية، بلطجة، توريث المهن، عُري زواج عرفي , قتل الأزواج ، امتهان وتحرش بالنساء ، ألفاظ بذيئة ، صحافة جنسية غش جماعي وجريمة و تسول
الأحوال السياسية

سيطرة وفساد النخبة الحاكمة ، مراكز قوى ، الإعداد لتوريث الحكم ، تزوير انتخابات ، قمع المعارضة ، اعتقالات ، تعذيب حتى الموت ، انتهاك لحقوق الإنسان ، إلغاء دور النقابات والجمعيات الأهلية
مشاريع قومية متوقفة او خاسرة

القضاء على الأمية قبل عام 2000 ، زراعة الصحراء الغربية بالقمح (مشروع اليابان)

وادي السليكون، محطة الطاقة النووية، جامعة د/ أحمد زويل (التكنولوجيا)

فوسفات أبو طرطور ,وادي توشكى

أكثر من 2,3 مليار جنيه خسائر بشركات القطن

و 8 مليارات جنيه خسائر شركات الغزل والنسيج

و 12 مليار جنيه العجز الإجمالي لسكك حديد مصر

خسائر 10 مليارات جنيه بقطاع الإذاعة والتلفزيون

الأزمــــــــــــــات

فساد ,تعليم، إسكان، زواج، بطالة، صحة، أخلاق، ضمير، مرور , مياه نظيفة، صرف صحي، البناء على الأرض الزراعية، تصحر، زحام ,غلاء, انخفاض احتياطي النقد

الأرض الزراعية

تم تجريف مليون و200 ألف فدان أرض خضراء من 5000 سنة من أصل 6 مليون فدان

الأمن والشرطة

قانون الطوارىء : 25 سنة طواريء .. في خدمة الشعب

لـكِ الله يامـصـــر

ربع قرن علي حكم الرئيس
مبارك لمصر.. رحلة بدأها وسط أصوات المدافع والرشاشات والفوضي ورائحة الدماء
والقتلي حتي وصل بمصر علي مدار 25 عاما إلي الاستقرار والسلام الاجتماعي.. ولأن
إنجازاته لبلده تتحدث عن نفسها في كل مجال وكل موقع حيث لم يترك مبارك يوما يمر
دون أن يضيف إلي سجله الحافل إنجازا جديدا يصل خيره إلي كل بيت مصري..

ومع كل ولاية جديدة للرئيس مبارك دائما ننتظر الجديد ونحلم بالمزيد
من الانجازات وفي هذه المرة للانتظار مذاق مختلف حيث تولي مبارك السلطة كأول رئيس
مصري منتخب.. لذا فنحن علي وشك أن نشهد نقلة واسعة في حياتنا السياسية والحزبية من
خلال التعديلات الدستورية المرتقبة ثم الجهود العديدة التي تبذل من أجل إحداث
إصلاحات اقتصادية واسعة خاصة ونحن علي أبواب دخول عصر الطاقة النووية.. نعم فنحن
علي وشك دخول مرحلة فاصلة لتحديد مصير سنوات جديدة ومضيئة قادمة.
إن حصاد السنوات ال 25 الماضية تمثل قصة كفاح الانسان
المصري فحصاد سنوات حكم مبارك مضيئة وعديدة سوف يسطرها تاريخ مصر الحديث في صدر
صفحاته.

القطاع الخاص

منذ أن تولي الرئيس مبارك السلطة عام 1981 دعا إلي مؤتمر
اقتصادي شارك فيه الخبراء ورجال المال والاقتصاد والصناعة لوضع برنامج للاصلاح
الاقتصادي واتخذ كافة الاجراءات التي تضمن سير البرنامج بخطوات هادئة متدرجة
ومحسوبة لذلك نجحت مصر فيما فشلت فيه دول كثيرة تراعي الوضع الاجتماعي.. لذا شهدت فترة
حكم مبارك تطورا كبيرا في كافة النواحي الاقتصادية.. واضطلاع القطاع الخاص بدور
أكبر في الحياة الاقتصادية كذلك شهدت السنوات ال 25 الماضية العديد من التشريعات
الاقتصادية المنظمة لذلك علي الرغم من النمو الكبير لعدد السكان منذ 1981 وحتي
الآن إلا أن الاقتصاد المصري استطاع الحفاظ علي قوته وتوازنه.. وندلل علي ذلك ببعض
الأرقام فنقول: إن اجمالي الاستثمارات المنفذة لقطاع الصناعة نحو 8،139 مليار جنيه
حيث ارتفع الناتج المحلي الصناعي من 9،8 مليار جنيه إلي 234 مليار جنيه عام 2006
وكذلك زاد عدد المناطق الصناعية من 20 منطقة إلي 84 منطقة. هذا بالاضافة إلي
الاصلاح النقدي والمالي والنقدي والهيكلي كما تم تحرير سعر الصرف.
مليون فدان
شهد الريف المصري طفرة في الخدمات إذ وصلت المياه
والكهرباء والصرف الصحي إلي أكثر من 97 % من القري وتقرر في مؤتمر الحزب السنوي
الأخير رصد 20 مليار جنيه لتغطية تكاليف الصرف الصحي للقري حيث إن مصر بصدد تنفيذ
أكبر مشروع صرف مغطي في العالم حيث يغطي مساحة 5،5 مليون فدان.. بالاضافة إلي مشروع
تغطية الترع والمصارف الذي تصل تكلفته إلي 1،2 مليار جنيه.. وفي عهد الرئيس مبارك
تم استكمال البنية الأساسية لمشروع توشكي وترعة السلام بالاضافة إلي إنشاء مفيض
توشكي والذي يعد مشروعا أساسيا لحماية السد العالي.
كما تم إعداد برنامج بدأ في إنشاء 400 قرية جديدة في
الظهير الصحراوي.. أيضا يتم الآن استصلاح مليون فدان وتخصيص 70 % منها للشباب..
وكان من أبرز إنجازات عصر مبارك زيادة الرقعة الزراعية بعد استصلاح 5،2 مليون فدان
من أراضي الدلتا وسيناء وجنوب الوادي.. والآن يخطط لاستصلاح حوالي 5،8 مليون فدان..
وكان من نتيجة السياسة الزراعية في عهد مبارك زيادة الانتاج الزراعي فانتاج الحبوب
كان 8 ملايين طن عام 1982 وصل إلي 20 مليون طن الآن.. وكان هناك حوالي 25 % من
الاكتفاء الذاتي من القمح أصبح الآن 55
% .. إلي جانب الطفرة الكبيرة في حجم الصادرات المصرية.

حب العالم

إن السياسة الخارجية التي اتبعها الرئيس مبارك منذ تولي
الحكم خلال 25 عاما كانت متوازنة وحكيمة نتيجة لشخصيته الهادئة المتزنة حيث تولي
مبارك المسئولية وعملية السلام لم تكتمل وأراضي سيناء لم يتم تسليمها بالكامل وكانت
العلاقات مقطوعة مع الدول العربية بعد توقيع كامب ديفيد.. ولكن بالحكمة نجح مبارك
في إقامة علاقات جيدة ومتوازنة فقد اتسمت العلاقات بالتوازن مع الغرب والشرق..
وأقام علاقات متميزة مع العرب.. كما استعاد الجامعة العربية وأعادها إلي مقرها
بالقاهرة كل هذا مع الحفاظ علي الثوابت السياسية العربية والقضايا الرئيسية وفي
مقدمتها القضية الفلسطينية.. لذلك أصبحت مواقف مصر ثابتة ومعروفة إقليميا ودوليا..
كذلك نجح مبارك خلال 25 عاما في إقامة علاقات متميزة مع كل دول العالم في أفريقيا
ودول آسيا والصين وروسيا خاصة في الأزمات فعندما اجتاح صدام حسين الكويت أخذ مبارك
موقفا مميزا من هذا الغزو وإن كان صدام أصر وصمم علي الاعتداء.
ومن أهم إنجازات الرئيس مبارك حفاظه علي استقرار
واستقلال البلاد وعدم احتلالها والحفاظ علي حدودها طوال فترة حكمه خاصة ونحن دول
مستهدفة عاصرنا حروبا قبل عهد مبارك أهلكتنا.. جعل قراره السياسي في يده.. غير
متأثر بالمعسكر الشرقي أو الغربي.. كما عمق ودعم الديمقراطية وحرية الصحافة وأنشأ
المجلس القومي لحقوق الانسان.

جودة التعليم

تسلم الرئيس مبارك الحكم 1981 وعدد الفصول بالتعليم قبل
الجامعي حوالي 199 ألف فصل.. بينما كان عدد الكليات 157 كلية في جامعات مصر..
والآن وبعد مرور 25 عاما علي حكم مبارك بلغ عدد المدارس وليس الفصول 26600 مدرسة
عام 2006 فيما وصل عدد الجامعات الحكومية إلي 12 جامعة و8 فروع تضم 278 كلية ومعهدا
بالاضافة إلي الجامعات الخاصة واستحداث نظام التعليم المفتوح..

ففي عهد مبارك يلقي التعليم اهتماما كبيرا حيث اعتبر
التعليم استثمارا متميزا في البشر لذلك في السنوات العشر الأخيرة ظهر بوضوح وجود
جامعات خاصة تقدم نوعيات مختلفة من التعليم العالي وتم فتح العديد من الكليات المتخصصة
والبرامج النوعية المتطورة.. وفي عهد مبارك كان هناك إنجاز له خصوصية هو مشروع
مبارك كول للتعليم الفني الذي يعد امتزاجا بين المدرسة والمصنع.. وهذا أتاح
لطلبة المعاهد الفنية الحصول علي عمل بعد التخرج بعد أن أصبح التعليم الفني في
بؤرة الاهتمام

إصلاحات صحية

وواكب النهضة التعليمية طفرة صحية لرعاية المواطن
والأسرة المصرية فقد كان عدد المستشفيات في مصر عام 1981 لايزيد علي 728 مستشفي
ارتفع إلي مايزيد علي 3193 بزيادة أكثر من أربعة أضعاف خلال 25 عاما.. وكان هنك
طبيب لكل 839 فردا عام 1981 أصبح الآن طبيب لكل 328 فردا وأصبحت نسبة الاكتفاء الذاتي
من الدواء 93 % وكانت الطفرة الكبري في الاحتياجات الأساسية للمواطن حيث تحسنت
الطاقة المتاحة لمياه الشرب النقية من 6 ملايين متر مكعب إلي 5،25 مليون متر مكعب
يوميا بزيادة أكثر من أربعة أضعاف علي ما كان الوضع عليه من 25 عاما.
كما سينفذ مع ميزانية 2006/2007 برنامج إصلاح السياسات
الصحية باستثمارات قدرها 210 ملايين جنيه وتطوير المستشفيات القروية بمبلع 120
مليون جنيه ومشروع صحة الأم والطفل بمبلغ 110 ملايين جنيه والتأمين الصحي علي طلبة
المدارس بتكلفة 225 مليون جنيه ومشروع الامداد بالتجهيزات الفنية المتقدمة بمبلغ
70 مليون جنيه ومستشفيات الجذام والحميات بمبلغ 70 مليون جنيه ومشروع الصحة
الريفية بمبلغ 210 ملايين جنيه.

المدن الجديدة

ومن البصمات التاريخية لعصر مبارك إنشاء المدن والتجمعات
العمرانية التي استوعبت 3273 مصنعا يعمل فيها 411 ألف عامل ينتجون بحوالي 6،33
مليار جنيه.. وبينما كانت المصانع تدور بالمدن الجديدة تم بناء 6،3 مليون وحدة سكنية
بزيادة سنوية قدرها 190 وحدة سنويا.. وفي عصر مبارك دخلت الكهرباء بعد أن زادت
الطاقة المتاحة من 18 مليار كيلو وات عام 1981 في الساعة إلي 150 مليارا من
شبكات طولها 7،37 ألف كيلو متر ولهذا تمت إنارة 6،45 ألف قرية ونجع وتابع وتضاعف
عدد المشتركين عدة أضعاف بينما في عام 1981 كان متوسط استهلاك الفرد من الكهرباء
492 كيلووات ساعة فقط.
هذا بالاضافة لمشروع إسكان مبارك الذي وفر المسكن
لمحدودي الدخل من الشباب بأسعار زهيدة وعلي أقساط تمتد إلي 40 عاما وبدعم من
الدولة ولقد استفاد من هذا المشروع آلاف من الشباب في كافة محافظات مصر.

طفرة بترولية

ولقد شهد إنتاج البترول في عصر مبارك طفرة كبيرة حيث ارتفعت قيمة
الناتج المحلي من البترول من 7،1 مليار عام 1981 إلي 36 مليار عام 2005 وقيمة الانتاج
من 7،2 مليار جنيه إلي 5،43 مليار جنيه.
وفي قطاع الطرق حرص الرئيس مبارك خلال سنوات حكمه علي توفير طاقة نقل
متطورة لخدمة المشروعات الاستثمارية.. وهذا يبدوا واضحا بالأرقام فعندما تولي
الرئيس مبارك الحكم 1981 كانت أطول الطرق المرصوفة 27،16 ألف كم. وكانت طاقة النقل البحري
للأسطول الوطني 520 ألف طن.. كما كان عدد أسطول النقل البري 126 ألف مركبة.. وكانت
طاقة الموانيء 25 مليون طن.. وعلي مدار ال 25 عاما الماضية امتلكت مصر طاقة نقل
متطورة لتلبية احتياجات التنمية والاستثمار.. وخلال عهد مبارك كان المصريون يقيمون
كل يوم 8،10 طرق جديدة.. وأصبح هناك 91،16 كوبري ونفق بعد أن كانت 3،11 عام 1981
أي بزيادة 3،8 كوبري ونفق جديد كل عام..
هذا بخلاف مترو الأنفاق بمراحله الأربعة التي أوجدت عاصمة جديدة تحت الأرض كما
فعلت الكباري بعاصمة أخري فوق الأرض.

مع احترامى لكلامك يا جوست بلاد العالم كلها فيها مشاكل واحنا دولة نامية مش زى امريكا ولا انجلترا ولا دول اوروبا كلهم اللى متقدمين عننا
لو بصينا لكل العيوب اللى عندنا من امراض وفقر وجوع وبطالة هنلاقى اننا احنا اللى السبب فيها وحالنا ما بيتغيرش لاننا احنا اللى مش عايزين نتغير ونايمين فى الخط
يعنى مثلا الامراض انتشرت ليه عشان عدم الوقاية اللى احنا بنعملها يعنى تلاقى الواحد بيموت والسيجارة فى ايده ويقولك الاعمار بيد الله وهو بيرمى نفسه فى التهلكة
هنقول الفقر احنا الحمد لله عايشين كويس وعندنا فلوس ملاهاش اول من اخر واكبر دليل على كده فرح هيفاء اللى بتمنه ممكن نطور اسوان دى كلها بأسرها كلها بس للاسف اللى معاه ما بيرضاش يدى اللى مش معاه
بالنسبة لقانون الطوارئ اكيد له عيوبه بس برده ليه مميزات انه على الاقل كاتم نفس كل اللى عايزين يعملوا انقلابات وانفجارات تحت شعار الدين بس للاسف فى ناس غلابة بروحوا فى الرجلين عارف ليه عشان بيمشوا ورا الناس الغلط ويسلمولهم دقنهم زى ما فى ناس بتتيع الاخوان ومحسسنا ان القائد بتاعهم مثلا من السلف الصالح وما حدش يكسرله كلمه مع انه عايز حد يكسرله دماغه
اما بالنسبة لتجريف الارض الزراعية فده عشان سعادتك وسعادتى والشباب يلاقوا حته يسكنوا فيها
على فكره كل العالم فيه مشاكل وبلاوى مش مصر بس وابسط مشكلة الازمة المالية اللى العالم كله فيها واللى مش لاقينلها حل واللى مخليه ناس فى امريكا فى الشارع مش لاقيين شغل زى مصر بالظبط
الدنيا مش ضلمة اوى زى ما اناس متخيله كده وكفايه انك بتقول رأيك اللى معادى للحكم وانت قاعد فى بيتك وماحدش بيكلمك وبتلاقى على التليفزيون اللى بيشتموا الريس والحكومة وما حدش بيقربلهم
ولو رجعنا لزمان هنلاقى ان جمال عبد الناصر اللى كان زعيم الامة كان الديون فيه كتييييييييير اوى وكانت العيشة صعبة والاعتقالات على ودنه وعلى الرغم من كده الناس كانت بتحبه رغم انه خسرنا الحرب عشان الجيش كان مهلهل وبرده الناس بتحبه وده مش معناه انى بكره عبد الناصر اطلاقا
ولما السادات جابلك حقك وهزملك اسرائيل اللى كانت ملبشة العالم بقى مش عاجبكم ولما عمل احزاب بقى وحش وقال اتفاقية كامب ديفيد مش عاجبة الناس ليه يعنى بص لنفسك وشوف انت عايش ازاى وبص للطفل الفلسطينى عايش ازاى وعلى فكرة مشكلة فلسطين مش هتتحل الا فى اخر الزمان لانها لو كانت تتحل كان حلها اقوى زعماء العالم فى ال60 سنة اللى فاتوا
اإِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ
لو كل واحد غير الوحش اللى جواه من غير ما يبص لغيره حالنا كلنا هيتغير

ربنا يخليك لينا يا مبارك يا افضل سياسى فى العالم كله

عندما ينفق المصريون 9.5 مليار جنيه على الكلام فى المحمول
سنويا طبقا لدراسة لاحد أساتذة كلية التجارة باحدى الجامعات المصرية
وعندما يستخدم 74% منهم هواتفهم فى الثرثرة
و11% فى برامج المسابقات وفقا لنفس الدراسة
وعندما ينفق المصريون 186 مليون جنيه سنويا على نغمات ورسائل المحمول
الفاضحة طبقا لدراسة قام بها المركز
القومى للاتصالات
وعندما نرى انتشار أجهزة المحمول بين أفراد
الأسر متوسطة الدخل بل والأقل من المتوسطة وما يستلزم ذلك مصر وفات شحن الرصيد شهريا على الاقل
وعندما ينفق المصريون 4 مليارات جنيه سنويا
على التدخين طبقا لتقرير لمجلس الوزراء
فاذن نحن شعب مرفه وما ندعيه من ارتفاع
الأسعار وقلة الدخل ما هو الا افتراءات على حكومتنا الموقرة
فحقا لحالنا نحن المصريين العجب رغم الغلاء
الجنونى الذى نعانى منه والذى طال جميع السلع والخدمات ورغم ثبات أجورنا تقريبا
إلا أن الأسواق بجميع أنواعها لا تزال مزدحمة بمرتاديها من جميع الفئات تقريبا
بل لا يكتفى
معظمنا بتوفير احتياجاته الضرورية فقط من
مأكل وملبس وتعليم وعلاج بل يسعى كذلك لامتلاك بعض مظاهر الرفاهية من محمول ودش
وجهاز كمبيوتر ولا مانع من اشتراك لتوفير
خدمة الانترنت يدفع مقابل الحصول عليها شهريا ما يوازى ثمن (كيلو لحمة تقريبا )
فعجبا لنا

احمد سيد كتب:: ربع قرن علي حكم الرئيس
ومع كل ولاية جديدة للرئيس مبارك دائما ننتظر الجديد ونحلم بالمزيد
من الانجازات وفي هذه المرة للانتظار مذاق مختلف حيث تولي مبارك السلطة كأول رئيس
مصري منتخب..

لأ ,,, معلش يا أبوحميد مع أحترامي

بس دي وسعت شويه ,,, مش ملاحظها

منتخب مره واحده ,,, طب ياحج هوه معاليك مابتتفرجش علي تلفزيون ولا بتقرا أخبار

ايه ياحج ,, ما أحنا كلنا عارفين اللي فيها

وخصوصا أحب أفكر معاليك بأخر تعديل للدستور ,,, ولا نسيته

التعديل اللي بيخللي الأنتخابات خارج السلطه القاضيه ,, ويسلمها لناس الداخليه

الناس بتوع ,,, نعم نعم يامبارك

يبقي أنتخاب أيه ياحج ,,, عموما لو حضرتك مقتنع كده

أسمحلي هرد علي حضرتك برضوا ظووو وبما يعينني الله عليه من تفاصيل

لأن الراجل زي ماعمل ,,,للناس

زي ما سوي فييييهم ,,,,, وأنت سيد العارفين

أسأل الناس المعتقلين في سجون الوادي الجديد وبدون سبب تحت مسمي قانون الطوارئ

اقتباس :: يوم الاثنين كان فيه استفتاء على تعديل 34 مادة في الدستور المصري

دستور بلدنا اللي بيقول البلد تمشي إزاي وبيحدد حق وواجب كل واحد فينا,

التعديلات دي الحزب الوطني عملها بمعرفته .. تعديلات تفصيل على مقاس جمال بيه ,

عشان محدش يتكلم أو يعترض أو يطالب بحقه أو يرفع راسه ,

مش كدة وبس كلنا هنكون مهددين في الشارع وفي شغلنا وبيوتنا وأكل عيشنا .

تعديل المادة 179 بيدي الحق لأي أمين شرطة

إنه يدخل بيتك ويفتشك ويراقبك ويراقب تيلفونك ويسجلك صوت وصورة ويحبسك وكل ده بمزاجه من غير إذن نيابة ولا دياولو

وبعدين يوديك محكمة عسكرية لأنك إرهابي ؛

يعني مفيش حصانة لمحامي ولا صحفي ولا قاضي ؛

يعني مفيش عدل ولا صحافة ولا قانون , وكله بالدستور يا بيه !

أما بقى تعديل المادة 88 فده بيلغي الإشراف القضائي على الانتخابات ويسيبها للداخلية وبتوع " نعم نعم يا مبارك "

يطلعوا النتيجة اللي هما عايزينها . التعديلات كمان هتمنع أي مستقل يترشح للرئاسة

يعني انكتب علينا وعلى ولادنا رئيس من الحزب إياه لحد ما نموت ,

ورئيس الجمهورية بقى من حقه يحل مجلس الشعب من غيرحتى ما يستفتي الناس

والبقيه تأتي ,,,, أستني ياريس

وثائقى قناة الجزيرة اللى حاول النظام يمنع اذاعته ولفق للمعدة والمخرجة هويدا طه قضية .
اتفرجت على الحلقتين اللى اتذاعه..مفيش كلام يتقال ..اصلى هاقول ايه ..
كرهت الكلام؟.. ولا كرهت السكوت؟
كرهت نفسى ؟.. ولا كرهتهم؟
صعبوا على؟.. ولا صعبت على نفسى؟.. ولا صعبت على البلد؟
اصل اللى بيشكى وبيتكلم دة مش بيحكى عن نفسه ..لا دة بيحكى عن اللى حصله واللى هايحصلى بكرة واللى هايحصل لينا كلنا .. كلنا ضحايا محتملة.. الحكاية حكاية وقت بس مش اكتر .

شششششششششش مامنوش فايدة الكلام

أتفرجوا أحسن

الفيديو الأول

الفيديو الثاني

عايز أكمل ,,, بس ماليش نفس

مش دي وزارة الداخليه يابشمهندس اللي أستلمت زمام الأنتخابات

مش دي وزارة الداخليه يابشمهندس اللي وظيفتها الأساسيه حماية النظام وكلاب السرايا مش المواطنين

تفتكر أنه لسه في أمل في البلد يابشمهندس وأن لسه وجهة نظرك المشرقه في البلد زي ماهي

يابشمهندس ,,, مصر أصبحت دولة بوليسيه ,,, أصبحنا في عداد المفقوديييين

خلاص بعد تعديل الدستور الأخير زي ماوضحت ,, وزي ما الكليبات ماوضحت

ماأعتقدش أن في أمل لبكره

أحنا خلاص ,,, رجعنا زمن السرايا وكلاب السرايا

بس مع فرق أننا كنا أيامها ,,, في عزة أكتر من دلوقتي

وربنا وحده اللي يعلم أيه اللي هيحصل بعد كده

وأعتذر طبعا أن مسار الحوار مش بالطريقه دي

بس مع أحترامي ,,, مش نبقي عمي ونقول أن الحياه بمبي

بمبي منين ,, أذا كنا مابنشوفش النور يابشمهندس

أتمني تكون وجهة نظري وصلت حضرتك ,, ولو حضرتك عايزني أحذف ردودي أنا معنديش مانع

أعتذر مره أخري ,,, والله المستعان

اولا انا متفق مع كلام ميدو جدا
و احنا مقلناش ان مبارك راجل كامل
ولا قلنا ان النظام اللى احنا عايشين فيه مفيش احسن منه
بس احنا احسن من غيرنا بمراحل
انت بتقول اللى دخلوا المعتقلات بسبب قانون الطوارىء
طيب ده اذا كان كده و حادث انفجارات الازهر و شرم الشيخ حصل
طيب فى انسان عاقل فى الدنيا حتى لو معترض على حاجة يروح يفجر مكان فى اهل بلدك
و تتسبب فى قفل محلات فاتحة بيوت ناس من اهل بلدك
و اخوك او اختك يتعور او يموت عشان حضرتك مش عاجبك نظام الحكم
و بعدين انت بتقول الاقتصاد ضارب
أنا عاوزك بس تنزل كارفور او سيتى ستارز
و شوف الاسعار عاملة ازاى و شوف كمية الناس اللى بتشترى
و أمشى فى صلاح سالم و شوف كمية العربيات الموجودة و ماركاتها
وانزل فى العيد كده و روح القرية وهتشوف ان كل بيت فى دش و فيديو و نت
و روح قبل العيد فى رمضان ادخل اى خيمة رمضانية و روح شوف طربيزة قاعد عليها مجموعة بنات
و قبل ما تمشى اسأل الجرسون هيه كل واحده دفعت كام
هيقولك 300 جنيه شيشة و حاجة ساقعة بس من غير صحور كمان وده حصل قدامى انا شخصيا
شوف بقى الشهر كله ده غير المصاريف العادية يبقى دى بتصرف كام فى الشهر
الناس هيه اللى مش محترمة
يعنى لو الانسة دى و اللى زيها ده غير الشباب بتوع النواصى طبعا
لو كل واحد دفع 100 جنيه مش هقولك فى اليوم فى الشهر تبرعات
هينصلح حال الفقراء و اللى تحت خط الفقر
امال ليه ايام الرسول عليه الصلاة و السلام مكنش فى فقر مدقع
عشان كان فى بيت مال و كان كل واحد عنده فائض فى فلوسه بيحطه فى بيت المال للفقراء و وقت الازمات
لكن انت دلوقتى معظم البيوت تلاقى كل فرد عنده عربيته الخاصة
و انت بتقول اننا كده كده هنعتقل و هيحصل فينا كذا و كذا
طيب ما لو كل واحد قعد بقى بدل ما يشوف هيعمل ايه فى مستقبله يقعد يقول هيعتقلونى امتى و هتهزأ من امين الشرطة امتى
يبقى عمرنا ما هنوصل لحاجة و هنفضل فى اللى احنا فيه
هتقولى ما هوه مفيش مستقبل و البطالة بين كل الشباب
هقولك طيب انت اتعلمت ليه و دخلت كلية ليه و بتحضر دراسات عليا دلوقتى ليه
مش عشان تشتغل و تثبت نفسك و تفيد بلدك
هتقولى هشتغل بره و هسيب البلد
هقولك اى حتة هتروحها هيتقال عليك مصرى
هتقولى ما احنا مفضوحين بره
هقولك احنا اللى مهزأين نفسنا
يعنى لما يبقى المصريين بيعملوا فى بعض مقالب بره و هما فى الغربة
يبقى انت لو مكان الغريب هتحترمهم ؟؟؟
أنا عارف انى طولت عليكوا
بس الموضوع محتاج كلام اكثر من كده بكتير

و عشتى يا مصر

اقتباس :: طيب ما لو كل واحد قعد بقى بدل ما يشوف هيعمل ايه فى مستقبله يقعد يقول هيعتقلونى امتى و هتهزأ من امين الشرطة امتى
يبقى عمرنا ما هنوصل لحاجة و هنفضل فى اللى احنا فيه

ما هو ده اللي بتكلم فيه

تفتكر أنك لو أتكسرت عينك في وسط أهلك هل هتقدر ترفع راسك في وش الغريب

تفتكر أيه هيا وظيفة الداخليه دلوقتي ,, وليه حملة التعذيب دي شغاله وايه الهدف منها

يابشمهندس ,,, أنا متأكد أنك لو سألت أي أنسان في مصر هيطلع ليه واحد قريبه في المعتقل

وتفتكر ليه ,,, ايه السبب ناس كل ذنبها أنها مطوله لحيتها ولا مقصره في هدومها وماشيه علي سنه الرسول

هل ده سبب ,,, ولا لأنهم حافظين مش فاهمين

لأنهم لازم يشيلو الشيله لحد ,,, حتي لو مالوش ذنب عشان كله يبقي تمام يافندم

جرب تعملها كده ,,, طول لحيتك والبس جلباب مقصر ,,, وشوف اللي هيحصل أو أنت أساسا عارف أنا قصدي ايه

أنا يمكن لو نزلتلك باقي الكليبات هتفهم قصدي وهتعرف انا قصدي ايه

وهتعرف ليه معظم التحليلات السياسيه بتؤكد أن حاكم مصر القادم هيكون عسكري من الدرجه الأولي

لأن دلوقتي النظام بقي مش نظام ديموقراطي ,,, لأ للأسف الواقع والحقيقه بيقولو غير كده

بيقوا ان النظام مابقاش قايم علي حب الناس ,, مابقاش نظام عادل

لأ ,,, بقي نظام ,,, مصالح

نظام ليه جهاز خاص هدفه الحفاظ عليه وعلي كيانه وكيان اعوانه

بص علي البلد ومواردها ,,, بص علي الكلاب والحراميه اللي ناهشين في البلد وسبحان الله كلهم هتلاقيهم ليهم نفس الكارنيه

بص علي حال الناس ,, بص في وشوش الناس البسيطه حواليك

كفايه أنك تجيب لواحد سيرة أمن الدوله ,,, وشوف هيحصله ايه حتي لو مالوش في السياسه

تفتكر من اللي ليه المصلحه في كده ,,, ان الشعب يبقي شعب مطيع ومسالم ومالوش في السياسه ولا ليه في كلمة ليه؟؟

تفتكر مصر دلوقتي نتيجة لده هل فيها حزب ,,, كويس

اللي هتلاقيه اشتراكي واللي هتلاقيه علماني واللي هتلاقيه مش عارف ليه مله

كلهم شعارات وكلهم ولاد تييييت ,,, وكلهم محطوطين أو متسابين ,,, منظر ,,, كسد خانه

عشان التعديل الدستوري بيقول ان الريس المنتخب لازم يكون ليه حزب ,,, طب حزب منين

اذا كنت أنت بترهب شعب ,, وبتعمل مؤمرات ,,, وتدخل ناس المعتقل ,, وناس تانيه تلبسها قضايا ,, والله أعلم بما خفي

وناس بترهبها عشان بتقول لأ ,, حرام

وأكيد أنت فاهم قصدي

عموما ,,,, الموضوع كبير ,,, زي ماقات

وما أعتقدش أني مهما أتكلمت هقدر أقول اللي جوايا

يالا ربنا يصلح الحال

موضوع اكثر من رائع يابشمهندس احمد وحقيقى مبارك سوى اشياء كثيرة لمصلحة مصر وكافى انه معيشها بامان ع الرغم ان الشعب جعان والشباب عواطليه بس لا نحمل الغلط عليه وال احنا فيه بها الوقت عيب من ال حوالين الريس ال عم ينسخوا صورة خاطئة عن احوال الشعب مهما كان الحمدلله ع كل حال غيرنا ماهو طايل ها العيشة

فكرتني بموقف كان حصل معايا ,,, هحكيهولك

كنت انا وواحد صاحبي واقفين في الكليه وكنا مستنين يفتحوا الباب عشان ندخل ونمتحن

وكنت مستني مع صاحبي وقلق من الامتحان ,,, وحصلت حاجه قلبت كياني ,, أكيد هتلاحظها انت كمان لما تمتحن السنه دي

لاحظنا انا وهوه شاب ,,, في نفس عمرنا ,,, ربنا يحفظه ويقويه

الشاب ده مطول الليحيه و لابس جلبيه مقصره ,,, بس تفتكر ان المنظر كده تمام

لأ ,,, كان ماشي وفي ايديه سلاسل وفي رجليه كمان سلاسل ,,,من الاخر كده معتقل

وماشي معاه اتنين عساكر ووراه ظابط كمان وخلاص قال خايفين عليه

تصور كده ,,,, واحد في نفس سنك معتقل ,,, تفتكر ده عمل ايه

هل قتلله كام الف واحد في عباره ولا سمم كام مليون بمبيدات مسرطنه ,,, ولا الأخ هيكون خطر علي الامن العام لأنه مطول اللحيه ومقصر الجلبيه

وعارف ايه اللي قلب كياني في اللحظه دي ,,, انه هوه ومعدي ,,, رمي علينا السلام

انا وصاحبي

وساعتها ,,,, ردينا عليه السلام

بس لما ردينا عليه ,,, ردينا احنا وكياننا كان بيغللي

ونسيت اي قلق كان ملازمني ,,, وبقي مسيطر عليا حساس زي اي واحد مصري بيشوف اخوه مظلوم ومضطهد قدام عينيه

وخصوصا لما يكون اخوه ده من خيرة الشباب ,,, ويشوف الناس ولاد الـ.... متسابين يبرطعوا في البلد

اللي منهم بيسرق و اللي منهم يسمم واللي منهم بيهتك اعراض االناس وبناتهم

هقول ايه ولا ايه ,,, بس معلش ,,, لما تشوف المنظر ده في الكليه

ابقي ساعتها لو حاسس اننا في بلد ديموقراطي ,,, اعمل زيه ,, وشوف

أو حتي ابقي قرب منه وأسأله هوه ايه جريمته ,,, أو حتي ابقي ارمي عليه السلام لو عندك الجرأه وكمان سلم عليه

يالا ,,, عشان الواحد ماسك نفسه بالعافيه ,,, ومالوش نفس يتكلم

لأن الكلام مالوش فايده ,,, ولأن في ناس من كتر القهر والظلم بقت .....

وربنا يصلح الحال

اهداء الكاشف كتب:: موضوع اكثر من رائع يابشمهندس احمد وحقيقى مبارك سوى اشياء كثيرة لمصلحة مصر وكافى انه معيشها بامان ع الرغم ان الشعب جعان والشباب عواطليه بس لا نحمل الغلط عليه وال احنا فيه بها الوقت عيب من ال حوالين الريس ال عم ينسخوا صورة خاطئة عن احوال الشعب مهما كان الحمدلله ع كل حال غيرنا ماهو طايل ها العيشة

فعلا يافندم ,, أنا متفق مع حضرتك أحنا شعب أبن تيييييييييييت ,,, ومنستاهلش غير ضرب الجزم لأننا مش حاسيين بالنعمه اللي فيها فعلا والله ,, لأ بجد أشكر حضرتك نيابة عن كل الشعب المصري
وأنا عن نفسي هبقي أحط صور علي موبايلي لأي كليب لأبن بلدي وهوه بيتعذب في المعتقلات ,, عشان دايما أفتكر كلام حضرتك بأننا مش مقدرين النعمه اللي أحنا فيها
وأننا فعلا ,, عايشين في نعمه
غيرنا بيعتقل وبيموت في سبيل تحرير أرض ,, وأحنا بنعتقل وبنموت بس لأننا مش مقدرين النعمه اللي احنا فيها

أشكرك بشده

أشكرك بشده

أشكرك بشده

تحياااااااااااااااااااااااا مصر

يابشمهندس انت وانا وكلنا طلبه وشعب واطفال عم نتمرد ع الوضع الحالى اوك انا معك بس هون فيه نقطة انا وانت والشعب واش سويينا ممكن تقولى اعدين نكتب ونتمرد ع حالنا بدون اى افعال وينا واش سويينا عشان نحسن الوضع ع الاقل الفلسطنيين عم بيسووا انتفاضة اما نحن اعدين نتفرج ونتكلم وبس مو هيك وهذا اهو الشعب

أنا متفق معاك فى النقطة دى يا اسماعيل
ان فى ناس كتير مظلومة و داخلة المعتقلات غلط
بس انت بتقول ايه السبب فى كده ؟
ما اللى عمل انفجارات الازهر و من قبله الجماعات الاسلامية ايام اغتيال السادات الله يرحمه
هما اللى خللوا صورة اللى بيربى دقنه و يلبس قصير مش كويسة
و ان اى واحد شكله كده يوضع مجال للشك
و يخلى الغرب يقولوا ده الاسلام دين ارهاب
ما انت متبصش للموضوع من زاوية واحدة
ما هو مستحيل يكون فى حاجة من غير سبب
انا معاك ان فى ظلم
بس برضه فى ناس غلطانة
و لازم تتعاقب
و مش عاوزك تقول ابدا مفيش فايدة من الكلام و زهقت من الكلام
اديك بتقول انك كنت بتغلى لما شفت شاب فى سنك معتقل
يبقى من باب اولى انك تتكلم و تدافع عن الرأى الصح
و انا بقول الرأى الصح
مش الواحد بقى يمسك البلد دى فيها و فيها و فيها
لازم الانسان يبص للجانب المشرق
و مستحيل ميبقاش فى جانب مشرق
يعنى انت بتقول اللى تتكسر عينه وسط اهله هيبقى فى نفس يكمل
لو هوه عنده عزيمة و اصرار انه يثبت نفسه هيكمل
ده بالعكس دى حاجة تقويه و تخليه يصر على انه يثبت للظالمين انه كويس
شوف كده ايام مارتن لوثر كينج
كان ذوات البشرة سوده مستعبدين و ياما حصل فيهم
و كانوا دايما متضهدين من الامريكان
و أكثر من اللى بيحصل فى مصر مليون الف مرة
هل بقى قعد و قال انا عينى اتكسرت بين ابناء جنسى و مش هكمل
و بعدين يا اسماعيل احنا هنا بنتناقش
و مفيش داعى ابدا للنرفزة اللى انت فيها دى
احنا فاتحين الموضوع عشان يكون النقاش بناء و نستعرض أراء الجميع

و ربنا يحمى البلد من كل ظالم و حرامى

اهداء الكاشف كتب:: يابشمهندس انت وانا وكلنا طلبه وشعب واطفال عم نتمرد ع الوضع الحالى اوك انا معك بس هون فيه نقطة انا وانت والشعب واش سويينا ممكن تقولى اعدين نكتب ونتمرد ع حالنا بدون اى افعال وينا واش سويينا عشان نحسن الوضع ع الاقل الفلسطنيين عم بيسووا انتفاضة اما نحن اعدين نتفرج ونتكلم وبس مو هيك وهذا اهو الشعب

ماهو ده يافندم ,, أحنا مبقاش في أدينا حاجه

حتي حقوقنا الدستوريه أتعدلت ,,, وبقي دية أتخن ظابط يعذب أي مواطن

لفت نظر ,,, يقولوله لأ عيب كده كخ ,, وأحنا هنعاقبك وهبعتك الصعيد ,, تقعد هناك تتربي وبعد كده ترجعلنا تاني

واللي عمله هناك هيعمله في أي مكان ,, ماهو خلاص

تصوري حضرتك طاغيه بيحميها قانون ,,,, ايه النتيجه الحتميه لكده

أتمني تكون وجهة نظري وصلت حضرتك

وأتمني تكون الكارثه اللي بيعيشها الشعب المصري حضرتك أستوعبتيها

شعب مقسم لثلاث أجزاء

جزء في المعتقلات و أقسام البوليس يعذب حتي يكون عبره لغيره وحتي لايفكر أي مصري أخر مجرد التفكير في اللي ( مايخصهوش ) وعيييب

والجزء التاني ,, عايش بيمص في دم الغلابه ,, وعايش واكل في البلد ودووول ماشاء الله ,,, كلهم بأختلاف أجناسهم أتلمو تحت كارنيه واحد وتحت قبه المفروض أنها من أطهر وأشرف القباب في مصر

قبه عرفت بأنها للشعب ومن الشعب

وأما الجزء الثالث ,,, فده هم الناس اللي عايشين مابيبصوش غير تحت رجليهم

كل يوم يعدي عليهم ,,, حامدين ربنا وشاكرين فضله

ماشيين جنب الحيط ولو يطولو أنهم يمشوا جوا الحيط هيعملوها

يالا ,,,,

أنا كل يوم أسمع ........ فلان عذبوه
أسرح في بغداد و الجزاير وأتوه
ما أعجبش م اللي يطيق بجسمه العذاب
و أعجب من اللي يطيق يعذب أخوه
وعجبى !!!

بحبك ياريس (تحية تقدير واجلال للرئيس محمد حسنى مبارك) %D8%A7%D9%84%D8%AA%D8%B9%D8%B0%D9%8A%D8%A8

بحبك ياريس (تحية تقدير واجلال للرئيس محمد حسنى مبارك) %D8%A7%D9%84%D8%AA%D8%B9%D8%B0%D9%8A%D8%A8

إيدى النور يا بهية
كل العسكر حرامية

قالولى بتحب مصر أخدنى صمت طويل
وجت في بالى ابتسامة وانتهت بعويل
بحبك ياريس (تحية تقدير واجلال للرئيس محمد حسنى مبارك) Egypt

بحبك ياريس (تحية تقدير واجلال للرئيس محمد حسنى مبارك) Egypt

حقيقى مابعرف واش اقولك وال الصورة هاد انا مرت على كتيير وماعساى غير انى اصمت واقول مصير الحق هيظهر والباطل بيوم راح يزهق
بسم الله الرحمن الرحيم(وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ 42)صدق العزيز الكريم
سورة ص
وحسبى الله ونعم الوكيل
حسبى الله ونعم الوكيل

Terminator كتب:: أنا متفق معاك فى النقطة دى يا اسماعيل
ان فى ناس كتير مظلومة و داخلة المعتقلات غلط
بس انت بتقول ايه السبب فى كده ؟
ما اللى عمل انفجارات الازهر و من قبله الجماعات الاسلامية ايام اغتيال السادات الله يرحمه
هما اللى خللوا صورة اللى بيربى دقنه و يلبس قصير مش كويسة
و ان اى واحد شكله كده يوضع مجال للشك
و يخلى الغرب يقولوا ده الاسلام دين ارهاب
ما انت متبصش للموضوع من زاوية واحدة
ما هو مستحيل يكون فى حاجة من غير سبب
انا معاك ان فى ظلم
بس برضه فى ناس غلطانة
و لازم تتعاقب
و مش عاوزك تقول ابدا مفيش فايدة من الكلام و زهقت من الكلام
اديك بتقول انك كنت بتغلى لما شفت شاب فى سنك معتقل
يبقى من باب اولى انك تتكلم و تدافع عن الرأى الصح
و انا بقول الرأى الصح
مش الواحد بقى يمسك البلد دى فيها و فيها و فيها
لازم الانسان يبص للجانب المشرق
و مستحيل ميبقاش فى جانب مشرق
يعنى انت بتقول اللى تتكسر عينه وسط اهله هيبقى فى نفس يكمل
لو هوه عنده عزيمة و اصرار انه يثبت نفسه هيكمل
ده بالعكس دى حاجة تقويه و تخليه يصر على انه يثبت للظالمين انه كويس
شوف كده ايام مارتن لوثر كينج
كان ذوات البشرة سوده مستعبدين و ياما حصل فيهم
و كانوا دايما متضهدين من الامريكان
و أكثر من اللى بيحصل فى مصر مليون الف مرة
هل بقى قعد و قال انا عينى اتكسرت بين ابناء جنسى و مش هكمل
و بعدين يا اسماعيل احنا هنا بنتناقش
و مفيش داعى ابدا للنرفزة اللى انت فيها دى
احنا فاتحين الموضوع عشان يكون النقاش بناء و نستعرض أراء الجميع

و ربنا يحمى البلد من كل ظالم و حرامى

بص هقوللك علي حاجه ,,, فاكر يالاشين

فاكر

حادثه بني مزار ,,, فاكر ازاي اتقفلت

دور يالاشين ,,, دور علي هتلاقي كتييييير أوي

حوادث اتقفلت ولقت اللي يشيلها عشان القضيه تنتهي وزي ماحصلت في الكنيسه حصل في الحسين

وكله تمام يافندم

تفتكر أن فعلا حد مصري عمل كده ,, وتفتكر لو مصري ايه اللي يخليه دلوقتي يفتكر يفجر نفسه

وتفتكر هل فعلا اننا مفروض نصدق اي كلام نقراه ,, ولا ندور لغاية مانعرف الحقيقه فين

اللي انا اقولهولك ,, أن في ناس من كتر الظلم والقهر اللي في مصر بقت ارهابيه

الأرهابي في مصر ,,, الأرهابي بقى ارهابي علشان ابوه مات في عبارة السلام وامه ماتت بالسرطان وعمه عنده تليف في الكبد واخوه غرق في البحر وهو مهاجر لأيطاليا هربا من بؤس وشقاء الوطن

طبعا ,,, عمر ماده كان عذر أنك تقتل أرواح بريئه معاك ,,, وناس ملهاش ذنب

أنما لو أنت يئست ,,, ولقيت الأيد اللي تساعدك علي أنك تأذي غيرك ,, في لحظة يأسك هتعملها

وعمر ماكان الحل أني أحبس الناس وأعذبهم ,,, لأني بكده لو الكلام ده صح ,, هيبقي الشعب المصري كله أرهابي

أنما لو قضيت علي الفساد ودورت علي الايد الخفيه اللي هيا ورا السبب ده ومااديتهاش حجه للي هيا بتعمله,,, وعملت ,,,( اللي يرضي الله ) ودي مش كلمه سهله

صدقني ,,,, مش هتلاقي ولا أرهابي عندنا في مصر

وبالنسبه للناس اللي هيا بتطول اللحيه وبتقصر ,, ماهو المصري بيبقي هنا كاجوال أو مابيطلع بره ,,, بيبقي براحته ويقصر ويطول براحته

رغم انه بره بيبقي غريب ,,, ورغم انه بكده بيبقي عرضه انه يبقي ارهابي اكتر

انما سبحان الله ,,,, انا اعرف ناس بره بتبقي مقصره ومطلقه لحيتها عشان يعرفوا يدخلو مصر لازم يبقي كاجوال

والا يعتقل لأسباب أمنيه ,,,, وده ليه

هل عشان بس الانفجارات اللي انت بتقول عليها ياحج

ما هي البلد كانت هاديه قبل كده ,,, اشمعني
ولا هل عشان صورة المسلمين دلوقتي بقوا كلهم ارهابييين ,,, ولو علي كده
يبقي اعتقل الشعب كله ياحج واتوكل علي الله
العمليه مش مجرد احتياطات امن يالاشين

احتياطات الامن عمرها ما تديك الحق انك تعذب ناس عشان تخليهم هم وغيرهم يعتبر
اعتبارات الامن عمرها ماكانت شماعه عشان الداخليه تعمل اللي هيا عاوزاه في الناس

وتسيب باقي الكلاب تنهش في لحم الناس وكمان تحميهم

وكأن القانون اتعمل عشان يحمي أصحاب النفوذ والمال فقط

ولو كانت شماعه ,,, يبقي خلاص الشماعه دي مابقاش ليها لازمه
لأن الداخليه بقت كل حاجه في البلد ,, بقت هيا الانتخابات وهي بابا وماما وانور وجدي كمان

ومش كده وبس ,,, لأ ,,, حضرتك كمواطن مالكش حتي أي حق دستوري

لقد ولدنا أحرارا ,,, ولسنا عبيدا ,,, انما دلوقتي كله أو( اللي ماعندوش ضهر ) اتساوي بالعبيد

أتمني تكون وجهة نظري وصلتك ,,,, وربنا يصلح الحال

اسمح لي يا بشمهندس أنا سوف اترك كل الكلام الذي قيل قبل ذلك وسوف أتكلم في الموضوع من وجهة نظر أخري وهي الدين لان الدنيا بجميع أحوالها ومشاكلها لا تساوي جناح بعوضة عند مقارنتها بالدين وللأسف اننا نشهد في هذا العصر ضياع للدين بأيدي الذين من المفروض أنهم هم حماة الدين فأصبحنا نري الكثير من الفتاوى التي تبيح حراماً أو تحرم حلالاً

وان من اشد المشاهد ألما علي نفسي ويكاد يعتصر قلبي من الألم عند رؤيتي للأقفال موضوعة علي بيوت الله ففي أي شرعة وأي ملة تقفل بيوت الله في وجه العباد والمصليين في نفس ذات الوقت الذي تفتح فيه المواخير والحانات والديسكوتات طوال اليوم مع الدعاية لها في وسائل الإعلام ومع وضع الإغراءات من شاكلة زورونا تجدوا ما يسركم

وفي أي شرعة وأي ملة يمنع دخول الأوراق التي تحتوي علي الأذكار والأحاديث النبوية الشريفة إلي الحرم الجامعي في نفس ذات الوقت الذي يسمح فية بسماع الأغاني والاختلاط السافر

من مصلحة من أن يعمل علي جعل الشباب مغيباً دينياً ويحاول أن يدفع بة إلي طريق الهاوية

أنا اعتقد أنة لو لم يكن للرئيس ذنب غير ذلك لكفاه

والله المستعان

بسم الله
اولا فيه حاجة عاوز اتاكد منها الناس اللى بتحب مبارك واللى حوليه دول عايشين وسطنا ولا دول جايين من كوكب اخر مع احترامى لجميع وجهات نظر احنا مش هنروح بعيد ولا هنحكى عن حاجة من زماااااااااان احنا حنضرب مثال عن حاجة حصلت قريب اكيد كلنا عرفنا احذا خان الخليلي واللى اعقبها اعتقلات من جانب جنود فرعون عفوا اقصد ظباط امن الدوله والتى يعتبرها كل مصري جبان انها من الذات الالهية ولا يجوز الغلط فيها خوفا من بطشها ارجو من كاتب الموضوع ان يعيد النظر فيما قال حوله حيه للرئيس مبارك بعد ان يتذكر ماحدث من اهانة لزملائنا من الطلبة المغتربين البعيدين عن اهلهم والاسلوب المهين اللذين تعاملوا به من قبل اولئك الشرذمة من المرتزقه التى هى في الاساس موجوده لخدمة الشعب والرعية وحفظ الامن ولكنها في الحقيقة تعمل لحماية النظام والكرسي لعائلة مبارك واعوانه من المنافقين والمرتشين واصحاب الضمير الميت الى محبي مبارك عليكم بزيارة معاهد الاورام لتعدوا ان استطعتم عد الناس الذين اصيبوا في عهد سيادته وبلاش نعد الفلوس والاهدار في المال العام ومص دم الغلابه والبلد اللى اتباعت للمستثمرين الاجانب ............ياعم هقولك ايه ولا ايه افتكرلك ايه يابصله وانتى كل قطمة بدمعه ياعم مش ممكن احكيلك عن 30 سنة في صفحة التاريخ والحق هيقول كلمته ان اسوء فترة مرت بيها مصر هى فترة حكم مبارك واللى يضحك ان مرة في التلفزيون قال اللى حصل في مصر محصلش من ايام محمد على وهو عنده حق الانحطاط في المستوى اللى وصلته مصر محصلش من ايام محمد على ثم مين هو جمب محمد على اللي اهتم بمصر وعملها كيان لدرجة ان اسطولها يوصل لحد المكسيك وان تانى بلد يمشي فيها السكة الحديد كان مصر

يااااااااخونا انا اتولدت لاقيت الراجل ده حاكم البلد انا لا اخترته ولا ابويا اختاره ولا جدي اختاره وبعد ماكبرت وادركت الحياه انا لا اوافق على تولى محمد حسني مبارك حكم مصر بل يكفي ما هم بالبلد من خراااااااااااااااااب حسنى مبارك ليس فلتة عصره واوانه هناك في مصر من هم افضل منه بكثييييييير ان كان يحب مصر فعلا فليتركها في سلام وحسبنا الله ونعم الوكيل

» قصيدة يا شعبى 00شعر محمد حسنى مبارك
» السيره الذاتيه للقائد الاعلى و الرئيس محمد حسنى مبارك
» الفرق بين ضابط طيار حسنى مبارك & ورجل الاعمال المليونير جمال مبارك
» تحية تقدير للمنتدى
» هل مات حسنى مبارك موتا سريريا ؟ وإلى متى يتم اخفاء النبأ ؟