كافيتريه دوت كوم

بسم الله الرحمن الرحيم

كل واحد فينا حاسس ان هو الى اذكى من التانى ومن ضمن الحاجات الى سمعتها وضحكتنى وانا مش ناقص ضحك
واحد او واحده من الناس الى فاكره نفسها ياما هنا وياما هناك بيقول:
الواحد حاسس انه فى محاضره المهم ومن اول السطر:
بيقول او بتقول ان الطلبه ثلاث اقسام 1- طلبه دحيحه وملهاش غير فى المذاكره وبس ومش بتهتم بمنظرها قدام الناس .
2- طلبه مش فاضيه غير للحب والتظابيط على الكافيتريه .
3- طلبه لامحصله حب ولا مذاكره ولا حتى تظابيط .
برده دا كلام والى قال كده يا ترا من انهى نوع اكيد هو من النوع الرابع الى احنا طبعا مش عارفينه
وانا بقوله او بقولها الى فاكر نفسه ذكى مطلعش ذكى وعلى راى المثل انا همسك العصايه من النص
المشكله ان كل الكلام دا من ناس لسه صغيره دفعه اعدادى او اولى يعنى لسه مش عارفين الحياه كويس
على فكره انا مش بخاف ولو حد رد على الموضوع وعاوز يعرف اسمى هقوله i have no problem

هوه انت بتناقش موضوع كويس

و نوعية من الناس ابتدت تنتشر جدا

و اللى هوه الواحد بيحسسك انه فاهم كل حاجة فى الدنيا

بس انا مش عارف انت ليه داخل شمال اوى كده فى النقاش

و انا مش بخاف

ده نقاش مش خناقة و يا سيدى محدش فى منتدانا بيخوف حد

و ربنا يقدم اللى فيه الخير

ياعم صلى على النبى كده بس وواحده واحده
اولا اهلا بيك معانا لان واضح ان دى اول مشاركه ليك بس انت ابتديت حامى اوى
ثانيا بالنسبه للموضوع اللى انت كاتبه انا قريته قبلك واكيد مصدر المعرفه بالموضوع واحد ولو المصدر واحد يبقى احنا عرفنا الشخص اللى كتب كده لانه كاتب اسمه
انا عن نفسى معجبنيش الكلام لما قريته بس انا اعتبرتها وجهة نظره الخاصه اى نعم هو بيعلنها وبيدايقنا بيها واصلا اسلوب كلامه حسسنى ان مفيش زيه وان سالت بردو مين ده؟؟؟؟؟؟؟؟؟؟؟؟
عموما هى لفتة نظر جميله منك على موضوع اثار انتباه جزء كبير من الطلبه لما قروه بس يا ريت تكون طريقة الكلام بالراحه شويه عشان دى مش خناقه والله ولو عايز تحل مشكله او عندك اعتراض على حاجه مستحيل تكون دى الطريقه اللى هتجيبلك الحاجه اللى انت عايزها
وغير كده محدش بيخاف من حد ولا فى حد فى المنتدى بيخوف اصلا عشان تقول انا مبخافش وان كان على اسمك فاحنا معرفتنا بيه تزيدنا شرف بس مش عشان حاجه تانى زى اللى انت قلتها
مره تانيه اهلا بيك معانا وهدى نفسك وكل حاجه هتتحل

يا بشمهندس دى ناس فاضيه و بتتسلى مش بتتذاكه

الاول شكر كبير على الردود
وانا يمكن شديت شويه فى الكلام ودى غلطه منى بس انا قلت كده علشان الموضوع دايقنى
وعلى رايكم دى ناس بتتذاكا مش اكتر
وزى ما احنا عارفين فى المهم وفى الاهم والاهم دلوقتى الامتحانات
وربنا يوفقنا كلنا.............. اميييييييييييييييييييييييييييييييييييييييييين